نانسي عجرم مش وطنية وبس .. دى وطنية ونص

[emadiab]

--------------------------------------------------------------------------------

فوجئنا جميعا بخبر غناء نانسي عجرم لأغنية عن مصر بمناسبة ثورة 23 يوليو و فرك البعض عينيه غير مصدقا ظنا منه اننا ما زلنا فى شهر ابريل او ان السنة كلها اصبحت ابريل لكنها الحقيقة شئت ام أبيت و قد يتساءل بعض الحشريين او الغلسين و المتشككين ايضا ما علاقة نانسي عجرم بالأغانى الوطنية و السياسية و هنا فقط اتكلم انا و اوضح له حقيقة يتعامى عن ادراكها

الواقع ان العلاقة بين نانسى عجرم والسياسة والوطنية هى علاقة قديمة فقد ظهرت مواقفها الوطنية القوية الواضحة فى اول البوماتها بعد عمليات التجميل حيث غنت اخاصمك آه اسيبك لاااه و كانت هذه الأغنية مهداة للرئيس بوش و فى البومها الأخير آه ونص كانت تهدى الأغنية لآرييل شارون رئيس الوزراء الإسرائيلى و على غير المصدق ان يراجع كلمات الأغنيتين و يرى مدى مطابقتهما للواقع على الساحة السياسية

و يذكر ان نانسي اعلنت بعد انفجارات شرن الشيخ المؤسفة رغبتها فى زيارة شرم الشيخ والإقامة بها لتؤكد للعالم كله ان مصر ما زالت بلد الأمن والأمان و انها لن تتأثر بحقد الحقادين و تفجيرات المفجرين و مؤمرات المتآمرين و تكأكؤ المتكأكئين

و نحن نحيي نانسي على موقفها الفدائى الشجاع الذى يستحق ان يكون مضرب الأمثال لفنانينا العرب و نقول لها احنا فى انتظارك يا ست

يذكر ايضا ان مصر فى حاجة ماسة لهذه الزيارة من الست نانسي لما يترتب عليها من انعاش للسياحة وحل ازمة مصر الإقتصادية و ربما ساهمت فى حل مشاكل الشباب ايضا

[An Interview with The Vampire]

و ماله

على فكرة نانسي عجرم من أحسن و اجمل و ارق مغنيات الجيل الجديد

و مش بتعمل حاجه الا اذا كانت مدروسة بدقة .

و فعلا افتراضاتك ممكن تكون صحيحة بنسبة كبيرة .

القائمون عليها ناس تقيلة

و حكومتنا حكومة تقيلة

[shawshank]

الكلام فكرني بعوف ... مش عارف ليه :P

[Sherief AbdelWahab]

أحيي ذكاء الآنسة عجرم لأنها فهمت متطلبات المرحلة جيداً : التحول الديمقراطي من "آه" إلى ..آه ونص!

خلص الكلام

[emadiab]

ردودكم اسعدتنى جدا و سواء وافقتونى على رأيي او اختلفتم معايا مش مشكلة و سواء معبين بعجرم او بتكرهوها فى معظم الأحوال زى حالاتى لكن اللى عملته بصراحة عشرة على عشرة و بيفكرنى بوفاء عامر لما اعلنت انها حاصلة على ماجستير وتحولت لمصلحة اجتماعية وبدأت تناقش قضايا المجتمع المصرى والحاجات دى و برده دكتور ايهاب توفيق اللى انا مش عارف خد الدكتوراة بتاعته دى ازاى ما علينا كل دى حاجات تافهة و متستحقش مننا نتوقف قصادها لأن فى مصايب اهم من كده بكتير

تحياتى للأستاذ شريف عبد الواحد على رده الظريف والذكى جدا و اللى معرفش ازاى غاب عن بالى و موقف نانسي بيفكرنى بموقف محمد منير لما اعلنها مدوية فى اغنية نعناع الجنينة و قال

جلت ( قلت يعنى ) نعمين 3 اربع 5 نعماااااااااااااااااااااااااااااااااااات

بس اموت واعرف مين عوف ده يا حاج شاوشانك

تم تعديل 10 أغسطس 2005 بواسطة emadiab

[emadiab]

انا نفسي اعرف ازاى تيجى الجرأة للست نانسي انها تغنى اغانى وطنية و هى شفايفها ملوثة بقطرات الكوكاكولا