تكونشى صدفة بعضشى

[أبو محمد]

"بعضشى" كلمة عامية إختصارا لـ "بعض شئ"
تكونشى بقى عملية امبارح فى شمال سينا هى مجرد "صدفة" بنت المعلم "بعضشى" ؟

العمليات اللى زى دى بتكون جاهزة ، واللى حيقوم بيها بيبقى متدرب عليها ومنتظر الأمر بالتنفيذ

يكونش الأمر وصل إليه بعد يوم واحد من طرد قطر وتركيا من أثيوبيا ؟

[Scorpion]

ايوااااان ... بامارة البث المباشر للجزيرة للانفجار و تكبير المراسلين ...

ان بعض الظن اثم يا ابو محمد

[tarek hassan]

سمعت في أحد البرامج أنه قد تم تغيير شعار الإخوان

من

سلميتنا أقوى من الرصاص

إلى

سلميتنا أقوى بــالرصاص

أنا فقط عايز أقول للسيسي

أظن كفاية كده على تركيا وعلى قطر

أظن كفاية كده على مؤسسات الدولة المكتظة بأعداء الوطن

أظن كفاية كده ياقضاء كفاية تأجيلات وتنحيات وحركات

أظن كفاية كده على بتوع التويتات

أظن كفاية كده على الإعلاميين الخونة وخاصة محمود سعد ويوسف الحسيني وغيرهما

أظن كفاية كفاية كفاية حاجات كتير

تم تعديل 30 يناير 2015 بواسطة tarek hassan

[herohero]

الافاضل الاعزاء مال تركيا وقطر بالمشكلة اي حد عاقل عارف ان المشكلة ف سيناء سياسية قبل ماتكون امنية

كلنا عارفين ان اهل سيناء الدولة بتاعملهم بنظرة ريبة وكلنا عارفين ده وشوفنا من قبل 2011 انهم تعرضوا لاعتقالات وتجاوزات كثير وحاليا نفس القصه بيتاخد عاطل ف باطل

والله ماهتتحل بالعنف لازم ناس تشتغل شغل مخابراتي صح

والعجيب ان الرئيس السيسي وقتها لما كان وزير دفاع رفض الحل الامني وقال ان العنف هيكره اهل سيناء فينا

ياسادة سيبكم من تركيا وقطر اي حد عاقل عارف ان الارهاب مش هيتقاوم بالعنف والحل الامني ولكم ف حبيب العادلي قدوة

والله سيناء اهلها للاسف الشديد بقوا ضد الدولة من زمان والكره بيزيد

[tarek hassan]

الجريمة أشترك فيها عناصر كثيرة

- من أول الكلاب اللي عمالة تنبح علينا في الجزيرة بقطر

- والكلاب التي كانت تنبح وتحرض على القتل في القنوات التي تبث من تركيا

- ولأول مرة يطلع علينا خالد صلاح بإعلان مجاني لتلك القنوات بدعوى أنه يهاجمها

- وطبعا إخوان الشيطان الإرهابية كانت تشغل الشرطة والجيش داخليا

- مخابرات دول أجنبية حددت الأهداف وزودت الإرهابيين بها

- الجزيرة كانت تعد كاميراتها للتصوير

- المتسللين من عناصر حماس والمشتركين

- حالة التساهل في تطبيق حظر التجوال

- تأخر الردع وتأخر أحكام القضاء شجع الإرهاب على التمادي

هذه وجهة نظري

[عادل أبوزيد]

في إسرائيل الرد سريع و رادع و لا يصدرون بيانات شجب و إستنكار هذا في إسرائيل

للأسف يبدو أننا حتى الآن لم نأخذ المسألة بالجدية الكافية

ما سبق كان إستهلالا لابد منه

لا مانع من الشجب و الإستنكار و العويل هنا و هناك لكن يجب ألا ننسى ضرورة الرد الرادع و السريع حتى لو كان هناك مظاليم.

يجب ألا ننسى أيضا إنهيار بيزنس الأنفاق الذي توحش و إستمر ما يزيد على 30 سنة و السيد حسني مبارك و السيد عمر سليمان عاملين نفسهم مش شايفين بيزنس كان يستنزف مقدرات الوطن من خلال شبكة من الأنفاق تصل الى عدة آلاف هنا البيزنس سيأتي يوم ربما نعرف مزيد من التفاصيل عن بيزنس الأنفاق.

للأسف ليت أجهزتنا الأمنية في الداخل و الخارج تغار من أجهزة الأمن الإسرائيلية.

أجهزة الأمن في الغرب لا تترك شئ للصدفة - قدر الإمكان - و جوقة حقوق الإنسان لا تجرؤ على الإعتراض

[Scorpion]

مطلوب وزارة حرب فورآ

[أبو محمد]

ايوااااان ... بامارة البث المباشر للجزيرة للانفجار و تكبير المراسلين ...

ان بعض الظن اثم يا ابو محمد

دى برضه صدفة بعضشى يا سكوب

اللى مش فاهم احنا بنتكلم على إيه .. يتفضل معانا ما يعملش تكليف

[egyptawy]

الجريمة أشترك فيها عناصر كثيرة

- من أول الكلاب اللي عمالة تنبح علينا في الجزيرة بقطر

- والكلاب التي كانت تنبح وتحرض على القتل في القنوات التي تبث من تركيا

- ولأول مرة يطلع علينا خالد صلاح بإعلان مجاني لتلك القنوات بدعوى أنه يهاجمها

- وطبعا إخوان الشيطان الإرهابية كانت تشغل الشرطة والجيش داخليا

- مخابرات دول أجنبية حددت الأهداف وزودت الإرهابيين بها

- الجزيرة كانت تعد كاميراتها للتصوير

- المتسللين من عناصر حماس والمشتركين

- حالة التساهل في تطبيق حظر التجوال

- تأخر الردع وتأخر أحكام القضاء شجع الإرهاب على التمادي

هذه وجهة نظري

صح السيسى هو المسئول امامى

بلاش نضحك على نفسنا الى الى الان لم نرى قوة السيسى الى انتخبناه بسببها الدولة المصرية هشة تديرها ادارة بايدى مرتعشة

لو مش عارفين يحكموها العادلى ومبارك لسة عايشين يروحوا يسالوهم كانوا بيعملوا ايه عشان يمنعوا الفيران ده تخرج من جحورها

[باهى الطائر الحزين]

مداخلتك ..

تدل علي علمك وشخصيتك

********************

مقصدش حد معين ع فكره

:dirol:

تم تعديل 31 يناير 2015 بواسطة أبو محمد

[herohero]

ياسادة والله ماهتتحل أمنيا انا اللي مستغرب منه الرئيس السيسي كان رئيس المخابرات الحربية

يعني المفروض عارف كل صغيرة وكبيرة ياسادة ف حاجه غريبة

يعني الناس ده تروح لمناطق المفروض متامنة كويس جدا مش عارف ف علامات استفهام غريبة

وبعدين مفيش اي محاسبة لاي مسئول سبحان الله نفس الاسلوب المتبع كل مرة وبرده مفيش حساب لاي حد

يعني مش شايفين ان فيه اي تقصير !!!

لازم يبقى ف تغير ف اسلوب التعامل ياسادة الحلول الامنية اثبتت فشلها

سيناء هناك اطراف كثيرة متضررة ولها مصالح هناك ، الاخوان ولا يعرفوا يسيطروا ع الناس اللي هناك كل اللي فيها انهم بيتمسحوا فيهم كشماته ف النظام المصري انما الناس اللي هناك الاخوان مالهومش كلمه

ياساده اهالي سيناء كثير منهم متضامن مع الجماعات الارهابية لان كثير منهم غاضب وله ثأر بايت مع النظام ماتنسوش انهم من 2010 واتعرضوا لمشاكل كثيرة وانتهاكات

ياساده المواطن السيناوي بيعامل انه مشكوك فيه ومنزوع الوكنية شوفوا كلام مسعد ابو الفجر وده كان ف لجنه كتابة الدستور

ياساده والله ماهنوصل لحل

واللي بيقول تحريض قنوات الاخوان بصراحه الطرفين ع مستوى الاعلام غلط قنوات تبع الاخوان بتحرض وعندك احمد موسى وعوكشة بيحرضوا

والنتيجه ف فتنة والمصريين بيميوتوا بعض ياساده ف بيوت اتحرقت لناس المفروض انهم اخوان والنتيجه اكيد هيبقى فيه رد فعل

[herohero]

عندما ترفض اراقة الدماء لاى مدنى تنهال عليك التعليقات بالشتائم من مؤيدى الشرطة والجيش
وعندما ترفض اراقة الدماء لاى عسكرى او ظابط تنهال عليك التعليقات بالشتائم من مؤيدى الاخوان
عندما تترحم على سندس وشيماء تجد من يقول لك لم نراك تترحم على العساكر اللى ماتو فى سيناء
وعندما تترحم على العساكر والظباط اللى ماتو فى سيناء تجد من يقول لك ولماذا لا تترحم على من قتلهم العسكريين فى سيناء
نحن نرفض الدم نرفض اراقة دم اى مصرى سواء مدنى او عسكرى
رحمة الله على كل شهدائنا
كل هذا حدث بسبب صراع على كرسى ليس له اى اهمية
هناك شخص قال الشرعية تمنها الدم وسالت الدماء فى كل مكان
وهناك شخص قال محاربة الارهاب فسالت الدماء فى كل مكان
ربنا يرحمنا جميعا ويسترها على بلدنا

[herohero]

ده كلام مواطن سيناوي ( مسعد ابو فجر ) وهو عضو ف لجنة الخمسين

انا كمواطن من سيناء، لما أشوف كل هذا القتل بموت من الخوف والرعب. لأنني اعرف بأنني سأدفع ثمنه في اليوم الثاني من لحمي الحي. وبظل 4 أشهر لا اقترب من الطريق الرئيسي، حتى لا يصدف حظي العاثر مرور قول للجيش فاتنش رصاصة. او يقبضوا عليّ فلا اخرج أبدا. او اخرج بعاهة تعيش معي العمر كله وتدفن معي عندما أموت..
انا كمواطن من سيناء فين في الحفلة دي.. بيتي تم تفجيره.. خصي حرقوه.. سيارتي فجروها.. أهلي قتلوهم.. أقربائي تحت النير في الكتيبة 101 وفي سجن العازولي الرهيب.
تبدأ المعركة.. ان كان ثمة معارك على الإرهاب، بالالتفات لي.. الالتفات لي انا كمواطن من سيناء..
انا كمواطن من سيناء لما أشوف كل هذا الموت لا اجد وقتا لتقديم العزاء. وبيصير كل وقتي مخصصا لإنقاذ رقبتي من مذابح اليوم الثاني..
انا كمواطن من سيناء بشوف ان حقي على الدولة ان تحميني من الإرهاب لا ان تلتفت لي وتدفعني ثمنه كاش من دمي..
انا كمواطن من سيناء بشوف ان الدولة بتدفعني ثمن عدم كفاءتها وفشلها في مواجهة الإرهاب.. كما دفعتني ثمن عدم كفاءتها وفشلها في حرب 67.
انا كمواطن من سيناء صرت اعرف يعني ايه جنجويد.. اعرف بالضبط..
- بدون مزايدة عليّ في الحرب على الإرهاب. اما ان كنت تعتقد ان اللي في سيناء حرب ممكن تجيب رقبة الإرهاب. فأبشر بطول سلامة يا ارهاب.. اللي في سيناء ان أردت لها تعريفا، فهي حرب على الحياة. والحرب اللي في سيناء جابت اخرها في اللحظة التي اتخذت فيها الدولة قرار تفجير بيوت رفح وتهجير ساكنيها. (الحقيقة انها جابت اخرها قبل ان تبدأ.. بس كان فيه أمل في معجزة).. خلاص.. خلصنا.. شوف غيره.. هذا اذا كنت جاد في رغبتك في الحرب على الإرهاب.. قبل ما تدخل في فضيحة مثل فضيحة اللوى عبعاطي..

[tarek hassan]

ده كلام مواطن سيناوي ( مسعد ابو فجر ) وهو عضو ف لجنة الخمسين

انا كمواطن من سيناء، لما أشوف كل هذا القتل بموت من الخوف والرعب. لأنني اعرف بأنني سأدفع ثمنه في اليوم الثاني من لحمي الحي. وبظل 4 أشهر لا اقترب من الطريق الرئيسي، حتى لا يصدف حظي العاثر مرور قول للجيش فاتنش رصاصة. او يقبضوا عليّ فلا اخرج أبدا. او اخرج بعاهة تعيش معي العمر كله وتدفن معي عندما أموت..

انا كمواطن من سيناء فين في الحفلة دي.. بيتي تم تفجيره.. خصي حرقوه.. سيارتي فجروها.. أهلي قتلوهم.. أقربائي تحت النير في الكتيبة 101 وفي سجن العازولي الرهيب.

تبدأ المعركة.. ان كان ثمة معارك على الإرهاب، بالالتفات لي.. الالتفات لي انا كمواطن من سيناء..

انا كمواطن من سيناء لما أشوف كل هذا الموت لا اجد وقتا لتقديم العزاء. وبيصير كل وقتي مخصصا لإنقاذ رقبتي من مذابح اليوم الثاني..

انا كمواطن من سيناء بشوف ان حقي على الدولة ان تحميني من الإرهاب لا ان تلتفت لي وتدفعني ثمنه كاش من دمي..

انا كمواطن من سيناء بشوف ان الدولة بتدفعني ثمن عدم كفاءتها وفشلها في مواجهة الإرهاب.. كما دفعتني ثمن عدم كفاءتها وفشلها في حرب 67.

انا كمواطن من سيناء صرت اعرف يعني ايه جنجويد.. اعرف بالضبط..

- بدون مزايدة عليّ في الحرب على الإرهاب. اما ان كنت تعتقد ان اللي في سيناء حرب ممكن تجيب رقبة الإرهاب. فأبشر بطول سلامة يا ارهاب.. اللي في سيناء ان أردت لها تعريفا، فهي حرب على الحياة. والحرب اللي في سيناء جابت اخرها في اللحظة التي اتخذت فيها الدولة قرار تفجير بيوت رفح وتهجير ساكنيها. (الحقيقة انها جابت اخرها قبل ان تبدأ.. بس كان فيه أمل في معجزة).. خلاص.. خلصنا.. شوف غيره.. هذا اذا كنت جاد في رغبتك في الحرب على الإرهاب.. قبل ما تدخل في فضيحة مثل فضيحة اللوى عبعاطي..

يعني أنت لفيت على كل المواطنين مواطن مواطن في سيناء فلم تجد مواطنين غير هذا المواطن السيناوي .... المشهور بعداءه للجيش والشرطة وللعملية اللي في سيناء .....

. بيتهيألي هو دا المواطن الوحيد اللي بيقول كده غير بقى الجماعة اللي كانوا مستفيدين من الأنفاق وفاتحين في بيوتهم أنفاق

الدولة في حرب حقيقية وترديد مقولة الجيش وأهل سينا والشهداء كل يوم بيسقطوا والكلب الخاين دا مش عاجبه

إن شاء الله ما عجبه

أظن مش هتلاقي دولة في العالم بتشتري أرضها من واضعي اليد عليها بأعلى الأسعار

لو عندك دولة قولي

واللي شاغل الناس في الوقت اللوا عبد العاطي

نفوض الأمر لله

اللهم ارحم الشهداء وانتقم من الكفرة الفجرة وأرنا فيهم أسود قريب

تم تعديل 31 يناير 2015 بواسطة tarek hassan

[أبو محمد]

كلاكيت تانى مرة
==========
* فى الحروب لا توجد معارضة .. يوجد خونة
* من العار اعتبار وجهة النظر خيانة .. ولكن العار الأكبر اعتبار الخيانة وجهة نظر

[أبو محمد]

هى الحروب كده .. لابد لها من جنرالات القهاوى
===========================
هذا الإسم "جنرالات القهاوى" كنا نطلقه على بعض المصريين البسطاء اللى كانوا على القهاوى يوم 8 يونية 67

بيشرحوا للى قاعدين معاهم إننا بننسحب لخط الدفاع التانى عشان نسحب الإسرائيليين

ونسيبهم يدخلوا علينا .. نقوم احنا بقى عاملين عليهم حركة كماشة ونخلـَّص عليهم

وأيام حرب الاستنزاف كان الواحد منهم يقعد على القهوة ويلم اصحابه حواليه

ويقول لهم - بصفته عطشجى فى السكة الحديد - إنه شاف قطر حربى مخصوص

متحمل بطيارات فظيعة لونها أحمر وارد الصين .. هى دى بقى اللى حنهجم بيها على اسرائيل ونحرر سينا

اليوم عندنا جنرالات قهاوى من نوع تانى

على الأقل جنرالات الستينات كانت ثقافتهم متفائلة بكل ما فيها من خيابة

إنما بتوع اليومين واخدين كورسات نكد وإحباط ولطم وصويت

جنرالات زمان ما فتحوش بقهم لما اسرائيل نزلِّت فرقة كوماندوز فى الزعفرانة

فككوا محطة رادار ونقلوها لإسرائيل

ولا فتحوا بقهم لما عبد الناصر أقال رئيس المخابرات الحربية فى ذلك الوقت

إيه رأيكم بقى إنه هو نفس الشخص اللى السادات رجعه الخدمة

وخلاه القائد العام للقوات المسلحة اللى اشتغلت فى اكتوبر 73

المشير احمد اسماعيل على .. الله يرحمه ويجزيه عن مصر خير الجزاء

جنرالات الستينات - على خيابتهم - كانوا عارفين ان الحرب فيها خساير فى الطرفين

وكانوا بيرددوا عبارة يمكن مش عارفين معنى مفرداتها

"الحرب سجال" والمنتصر فيها اللى خساير عدوه بتبقى أكتر من خسايره

ومن يضحك أخيرا يضحك كثيرا

دلوقت حيطلع جنرال يقولك شوفتم القمع ؟ .. شوفتم تكميم الأفواه ؟ .. شوفتم الاستبداد ؟

هذا منتدى الرأى الواحد .. لا تتعجبوا عندما يهجره بعض "الجنرالات"

إلى آخر المكتوب فى ورق "المستر"