وماذا لو امتنعت المرأة عن الزواج

[crossfield]

أعتقد ان عنوان الموضوع بيتكلم عن النتائج المترتبة على عدم زواج البنت و ليس الأسباب

للأسف مجتمعنا مبيسيبش حد فى حاله حتى المتزوجين و المستقرين فى حياتهم فأكيد اللى ما اتجوزتش لسبب أو لأخر هتبقى هدف أسهل ؛كلام كتير عن أسباب عدام زواجها :أصلها طالعة فيها ؛أصلها مبيعجبهاش العجب؛أصلها معقدة؛أصلها صعبة حبتين ؛أصلها متسلطة؛أصلها.....الخ

و يوم ما تتجوز الكل يتحشر فى حياتها؛ها هتخلفى امته؟

و يوم ما تخلف ؛ها هتجيبيله أخ امته ؟

و يوم ما تجيب أخ تانى ؛ها ؟ مش هتجيبى بنت بقى ؟

و لما تخلف أورطة عيال كفاية بقى هتصرفوا عليهم من اين؟

و هكذا....

اللى عايزة أقوله ان اللى هيقعد يفكر فى كلام الناس مش هيخلص و لا فى الاخر هيعجبهم

يعنى اتجوزت البنت هيتكلموا

ما اتجوزتش برضو هيتكلموا

يبقى منحطش رأى حد فى اعتبارنا أصلاً

و محلاها عيشة الفلاحة :lol: :) :)

[se_ Elsyed]

و محلاها عيشة الفلاحة

أولاً يا كروسايه هي أسمها محلاه عيشة الفلاح ( أنظر الكتاب موضوع أغاني كنا بنسمعها غلط :roll: )

يعنى اتجوزت البنت هيتكلموا 

ما اتجوزتش برضو هيتكلموا

يبقى منحطش رأى حد فى اعتبارنا أصلاً

إزاي يا ستي هو احنا عايشين فى جزيرة منعزلة .. ده انتي لو سنكرتي عليكي بابك بالضة والمفتاح هاتلاقي الناس داخلين لك من تحت عقب الباب ... ( تنقل عادة الحشرية إلى عادات الشعب المصري السيئة :shock: )

بس انا فى رأيي الشخصي أن إضراب البنت أو الولد عن الزواج بدون أسباب محددة ( وبالذات الصحية ) يخالف الطبيعة البشرية مما يؤدي إلى مشاكل نفسية تنعكس على سلوكه فى المجتمع ومش عايز أقول امثلة فى وزراء عندنا فى مصر ( مالناش دعوه بالناس .... :lol: ) بلغوا من العمر أرذلة ولسه ماتجوزوش ( بيكونوا نفسهم )

وسلم لي على خالتي بمبه ( ملكة الحشريين )

[Mohammad Abouzied]

انا بنتي عندها اثنين وعشرين سنة ومش عاوزه تتجوز ابدا ومطلعه عيني

وجالسه بتدرس في اوكرانيا لوحدها هناك ولا عاوزه تعيش في السعودية ولا عاوزه تعيش في مصر مع عمها ولا عاوزه تتجوز وكل همها تخلص تعليمها علشان تشتغل في المانيا تاني وتعيش هناك وانا واثق انها ليس مرتبطة بأحد وكل ما اسئلة ليه انتي مش عاوزه تتجوزي تقولي انا مش مقتنعه اتجوز وعاوزه اعيش كدا ايه المشكله

المشكلة ان سيدة مشغوله بيها قوي رغم انها مش بنتها وعماله تدرس حالتها النفسية واسباب عزوفها عن الجواز

[Elham]

بالفطره البنت و الولد يرغبون فى الزواج , و دينا حثنا على الزواج عند القدره, يبقى ليه بقى البنت تضرب عن الزواج لو ما فيش اسباب صحيه او اقتصاديه تمنعها من الجواز يبقى اضرابها ما لهوش اى معنى و طبعى ان الناس هاتتكلم عليها لانها حاله غير طبيعيه :? :? :?

[Mohammad Abouzied]

بالفطره البنت و الولد يرغبون فى الزواج , و دينا حثنا على الزواج عند القدره, يبقى ليه بقى البنت تضرب عن الزواج لو ما فيش اسباب صحيه او اقتصاديه تمنعها من الجواز يبقى اضرابها ما لهوش اى معنى و طبعى ان الناس هاتتكلم عليها لانها حاله غير طبيعيه :?  :?  :?

اذا كانت مولده في الخارج وعايشه في اوربا طول حياتها بتعتبر عدم الجواز حق لها والمجتمع نفسه بيعتبرها مسئلة شخصية هناك

المشكلة لما ترجع مصر ها نعمل معاها ايه وازاي نقنعها بالزواج ؟؟؟؟

[farasha79]

اعتقد هي لسه مشغوله في الدراسه و شاغل تفكيرها

انا لما كان عندي 19 لغايه 22 سنه تقريبا كنت اقول انا لا يمكن ارتبط و اتجوز انا كده في بيت ابويه احلى

بس ولله يا اخ محمد انا داخله على 24 سنه دلوقتي و نظرتي اتغيرت تماما 360 درجه للامور لما فضيت و مش ورايه حاجه دلوقتي غير شغلي

فأكيد هي لما تفضى و تخلص دراستها و تشتغل و تحتك بالناس في العمل اكتر هتغير فكرتها دي

و بالتوفيق :)

[goold]

اعتقد هي لسه مشغوله في الدراسه و شاغل تفكيرها  

انا لما كان عندي 19 لغايه 22 سنه تقريبا كنت اقول انا لا يمكن ارتبط و اتجوز انا كده في بيت ابويه احلى

بس ولله يا اخ محمد انا داخله على 24 سنه دلوقتي و نظرتي اتغيرت تماما 360 درجه للامور لما فضيت و مش ورايه حاجه  دلوقتي غير شغلي  

فأكيد هي لما تفضى و تخلص دراستها و تشتغل و تحتك بالناس في العمل  اكتر هتغير فكرتها دي

و بالتوفيق  :)

ازيكم

هو ده العقل يافراشة...... البنت ملهاش غير ما خلقت له برافوووووووو :)

ده كمان لما تكبرى زى وتدخلى كده فى الاربعيين هيتغير رايك اكثر انا عايزة مااخروجش من بيتى ولا شغل ولا يحزنون اشوف ولادى واصلى واطبخ كافى بقه مدنية

[Mohammad Abouzied]

اعتقد هي لسه مشغوله في الدراسه و شاغل تفكيرها 

انا لما كان عندي 19 لغايه 22 سنه تقريبا كنت اقول انا لا يمكن ارتبط و اتجوز انا كده في بيت ابويه احلى

بس ولله يا اخ محمد انا داخله على 24 سنه دلوقتي و نظرتي اتغيرت تماما 360 درجه للامور لما فضيت و مش ورايه حاجه  دلوقتي غير شغلي 

فأكيد هي لما تفضى و تخلص دراستها و تشتغل و تحتك بالناس في العمل  اكتر هتغير فكرتها دي

و بالتوفيق  :)

دا انتي يبقالك الحلاوة من بقك لباب السما قولي امين

[farasha79]

اااااااااااااااااااااااااامين يارب . مافيش قلق انشالله و البنت هتتجوز بس ابقى اعزمني على الفرح

و كيلو كوفرتينا ( حلاوتي) :D :D :D :lol: :lol: :D

[بنت شعنونة]

استاذ محمد ابو زيد

انا اسفة جدااااااا جدااااا على التطفل مقدما

لكن والله اعلم

الرد على حيرة حضرتك في السطرين دول..

المشكلة ان سيدة مشغوله بيها قوي رغم انها مش بنتها وعماله تدرس حالتها النفسية واسباب عزوفها عن الجواز

[Mohammad Abouzied]

انشاء الله يا فراشه عشرة كيلو كوفرتينا

والله يا شانا البنت دي وهي صغيرة كنت ها تجنن عليها وامها كانت مغلباني ومكنتشي عارف اتصل عليها ولما كبرت اهو كل يوم على المسنجر بكلمها وفي الاجازات بزورها ولما طلبت منها تنزل مصر علشان تتجوز رفضت النزول لهذا السبب وخافت تنزل وقالت انها عاوزة تخلص دراستها العليا اولا وبعدها تشوف تنزل مصر او ترجع المانيا وسيدة زعلت وقالت سيبها هي حرة ولما تيجي انا ممكن ااثر عليها ولكن السن بيجري وانا كمان كبرت وخايف تتبهدل من بعدي

والله يستر

[الطفشان]

والله يا شانا 

البنت دي وهي صغيرة كنت ها تجنن عليها 

وامها كانت مغلباني 

ومكنتشي عارف اتصل عليها 

ولما كبرت اهو كل يوم على المسنجر بكلمها 

وفي الاجازات بزورها 

ولما طلبت منها تنزل مصر علشان تتجوز رفضت النزول لهذا السبب وخافت تنزل

وقالت انها عاوزة تخلص دراستها العليا اولا وبعدها تشوف تنزل مصر او ترجع المانيا 

وسيدة زعلت وقالت سيبها هي حرة ولما تيجي انا ممكن ااثر عليها

ولكن السن بيجري وانا كمان كبرت وخايف تتبهدل من بعدي

بص يا اخ محمد

اسمح لي اقول رأيي

حضرت اتجوزت واحدة من بلد اوروبي

و خلفت منها ابنة

حصل انفصال

الابنة مع الام

اتربت تربية غربية

ارتباطها بمصر قليل جدا

هي بتشوف التليفزيون

و دة تقريبا مصدرها الوحيد للمعلومات عن مصر و العالم العربي و الاسلامي

اكيد بتشوف حالات الزواج القسري Arranged Marriage

و بالتالي كل ما تقول لها زواج، في دماغها الهند و باكستان

و الزواج من شخص لن تراه الا ليلة الدخلة

اختاره لها اهلها و اجبروها على الزواج

و بالتالي انت ترسخ هذا الموضوع في ذهنها كلما ذكرت الزواج لها

رأيي الاول انك تكسبها

لانها مش عيلة صغيرة

تحببها في مصر شوية شوية

خلي حد من بنات عمامها من سنها يشبك معاها صحوبية بالايميل مثلا

يتبادلوا الصور عن البلد اللي عايشين فيه

الخ

لما تصفى الامور شوية

تاخدها رحلة الاقصر و اسوان و شرم الشيخ

و تاخدها الاهرام و مصر القديمة و خان الخليلي و السيدة

و بلاش سيرة البعبع اللي اسمه الجواز خالص

اكيد حتحب البلد

و بعد كدة يمكن تقرر تستقر في مصر

و حتى بعد ما تستقر

بلاش الزن على الجواز

سيبها براحتها

لان تربيتها غير تربيتنا خالص

معلش اذا كنت اتدخلت فيما لا يعنيني

بس انا شايف ولادي هنا

و هم من اب و ام مصريين

لكن الجيل غير الجيل

و البيئة غير البيئة

و التفكير غير التفكير

[Mohammad Abouzied]

هو تأثير امها عليها كان ضعيف جدا ولكن المشكلة كلها كانت في خالها وكان صديق حميم لي ودائما كان في مصر ايام دراستي في الجامعة وهو الي مأثر عليها قوي انها متعيش في مصر ولما كبرت هو بنفسه الي اتصل عليا واقنعها انها تروح لي وتتصل بي وتعيش في مصر افضل لها ومن يومها وانا يوميا على اتصال بها وربنا يسهل امس اتصلت بي وحجزت على شركة الطيران المصرية على انها تنزل في اغسطس ودا وقت الاجازات هناك وانشاء الله يكون فيه تغيير شوية

[الطفشان]

الف مبروك

بس بلاش الاصرار على الزواج (يعني الزن)

لان دة حيخليها تقلق من البلد

خليها الاول تستقر و تقرر تعيش

و بعدين واحدة واحدة هي حتشتغل

و تتعرف على ناس

و يجيلها نصيبها

[بنت شعنونة]

طبعا انا ما استوعبتش الموضوع كله

بس واضح ان تربيتها غربية اكتر من مصرية

ف زي ما قال استاذ طفشان

خدها في حضنك وحببها فيك الأول

+ تعرفيها على كام بنت ظراف من سنها مصريات

يقلبولها دماغها راس على عقب

ويخلوها تجري ورا العرسان ان شاء الله :)

حضرتك بس خدها بالهداوة وافهم هيا بتفكر في ايه فعليا

وربنا يكرمها ان شاء الله :)

وتوصل بالسلامة يارب..:)

[kokowawa1979]

الدكتور رجب كتب :

وماذا 

لو امتنعت الفتاة عن الزواج بسبب عدم ميلها لمزاولة الجنس وتكوين اسرة ومزاولة غريزة الأمومة

أولا هذا لايمكن ان يحدث إلا في الحالات النادرة وبالتالي لايمكن أن تناقش كظاهرة لأن ذلك لو حدث يكون ضد طبيعة المرأة التي خلقها الله من أجلها حيث يقول سبحانه وتعالى : (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ) أي أن زواج المرأة هو أمر حتمي وعدم زواجها هو الشاذ عن هذه القاعدة

وأعتقد أن من أسباب العنوسه هو ارتفاع نسبة الفقر في مصر وأزمة الاسكان لأن الإسكان هو العقبة الرئيسية في مشكلة الزواج .

ولاشك أن الإعلام الساقط قد تسبب أيضا في زيادة العنوسة حينما صور زواج الرجل للمرة الثانية كأنه رجس من عمل الشيطان ويجب اجتنابه وجعل الرجل يفكر في اتخاذ عشيقة بدلا من زوجة في الحلال فالزواج الثاني لايجب أن يكون لاشباع رغبة جنسية لأن النساء جميعا يتساوون في هذه النقطة ولكن يجب أن يكون لحل بعض المشكلات مثل الزواج من أرملة الشهيد التي لها عدد كبير من الأبناء ثم الأرامل ثم الأبكار في حالة زيادة أعداد النساء عن الرجال وهذا ينطبق على الشخص القادر على تحمل أعباء الزواج وليس الذي لايجد شقة لكي يتزوج فيها للمرة الأولى

وانني لأتحدى أية فتاة تقول انها تريد أن تعيش عانسا مدى الحياة فهي قد تمر بمرحلة انعدام وزن إلا أنها إذا شعرت أن عربة القطار الأخيرة جاوزت رصيف محطة الزواج فلن يكون لها إلا العض على الأصابع نادمة على مافعلت في نفسها ضد ماخلقها الله من أجله

وأرجو ألا يفهم كلامي على أنه غمز أو لمز لأي شخص

وقديما قالوا : ظل راجل ولاظل حيط

[الطفشان]

لا يجب ان ننظر لمن اختار العزوبية - سواء رجل ام امرأة - على انه شاذ او يحتاج العلاج

و عندما نقول ان الطبيعي كذا او القران يقول كذا، فهذا هو القاعدة و الاغلب و الاعم

و يجب ان نعلم ان هناك استئناءات سواء بسبب امر فيزيقي ام نفسي ام عاطفي ام غيره من الاسباب

يعني واحدة مش عايزة تتجوز

هي حرة

و المهم سيرتها و سمعتها

و ان لا تكون موضع شبها بسبب عملها او علاقاتها او غيره

هذا هو المحدد

و ليس عزوفها عن الزواج في حد ذاته

[kokowawa1979]

الطفشان كتب :

لا يجب ان ننظر لمن اختار العزوبية - سواء رجل ام امرأة - على انه شاذ او يحتاج العلاج

معاك حق ياعم طفشان وبالتالي قمت برفع هذه العبارة

و المهم سيرتها و سمعتها 

و ان لا تكون موضع شبها بسبب عملها او علاقاتها او غيره 

هذا هو المحدد

واؤيدك تماما في هذه الجزئية