استخراج البطاقة الأنتخابية

[yasser6666]

قرأت هذه المداخلة علي موضوع ترشيح مبارك علي موقع البي بي سي العربية

وتعجبت أن كانت هذه المعلومة حقيقة أم لا ؟؟

وأليكم المداخلة :

هل تصدقون أننا لا نستطيع استخراج بطاقة انتخابية حتى الآن؟ وذلك لأن مبارك جعل وقت استخراج البطاقات الانتخابية من شهر أكتوبر أى بعد انتخابات الرئاسة، وبذلك لن يستطيع أغلب الشعب المصرى أن يشارك فى الانتخابات الرئاسية، وسيتم اختيار الرئيس بواسطة شلة المنافقين القدامى، والمعروف أن الشعب المصرى لا يشارك فى الانتخابات لأسباب كثيرة، ولكن عندما تتاح لنا فرصة المشاركة الحقيقية نجد أننا محرومون من استخراج البطاقات الانتخابية. فهنيئا لمبارك بفترة رئاسية خامسة وسادسة وعاشرة، وحسبي الله ونعم الوكيل.

نور - مصر

اذا كانت هذه المعلومة حقيقة فلا أعرف ليه بيعملوا أنتخابات اصلا من البداية واكثر من 80% من الشعب المصري عمره ماشاف البطاقة الأنتخابية شكلها أيه ؟؟؟

ولو فيه فعلا لسه ناس غيرت رأيها وقررت تشارك المرة اليتيمة دي في أي انتخابات وتخرج من حالة الصمت الرهيب والسلبية القاتلة اللي احنا فيها وفكرت تعمل بطاقة انتخابية علشان يكونوا ايجابيين المرة دي ويتمتعوا بأزهي عصور الديمقراطية وكل واحد هز طوله ومشي لأقرب قسم شرطة أو المكان اللي بيعمل البطاقات دي فتكون الصدمة الكبري لهم وهي انهم غير قادرين علي استخراج هذه البطاقة لأن ميعاد استخراج البطاقات في أكتوبر بينما الأنتخابات نفسها قبلها بشهر في سبتمبر !!!!

####

لاأعرف ان كانت المعلومة دي صحيحة أم لا؟؟

ياريت حد من الأخوة المتابعين في مصر يبلغنا

[احمد سعد]

الموضوع ده مع احترامي لرأيك

في مثل هده الحالات يتم إبداء الرأي باي إثبات شخصية

بشرط أن يكون الادلاء بالصوت في المقر الانتخابي الدي يقيم فيه الناخب

وه>ا للعلم

تحياتي

[kotoz9]

الموضوع ده مع احترامي لرأيك

في مثل هده الحالات يتم إبداء الرأي باي إثبات شخصية

بشرط أن يكون الادلاء بالصوت في المقر الانتخابي الدي يقيم فيه الناخب

وه>ا للعلم

تحياتي

اظن ان هذا الكلام غير صحيح فلكى تدلى برأيك يجب ان تكون مقيد بالجدول الانتخابى وده لا يتحقق الا اذا استخرجت البطاقة الانتخابية ومدام انك ما أستخرجتش البطاقة الانتخابية تبقى غير مقيد ولا يجوز لك المشاركة.

تم تعديل 12 أغسطس 2005 بواسطة kotoz9

[khaled_elghad]

الى كل من يريد المشاركة فى الأنتخابات القادمة

1) هناك من يحمل بطاقة أنتخاب فعلا وهو بهذا يستطيع المشاركة.

2

) كل مواليد عام 1981/1987 تم قيدهم أتوماتيكيا فى جداول الأنتخاب ويستطيعوا أن يتوجهوا للقسم التابع لهم لاستخراج البطاقة فى أى وقت.

3

) ماقبل ذلك ومن سقط من الجداول الأنتخابية ومن يريد تغيير دائرته الأنتخابية فقط مسموه

له فى الفترة مابين شهر أكتوبر الى يناير فى تعديل البطاقة أو أضافة أسمه للكشوف

الأنتخابية.

4) كل الأحزاب المشاركة فى أنتخابات الرئاسة سوف تحصل على الكشوف الأنتخابية على مستوى الجمهورية على سى ديهات بحسب القانون ونحن فى حزب الغد يمكن لأى ناخب التوجه لمقر الحزب القريب منه ليطلع على بيانته وأذا كانت مدرجة فى الكشوف أم لا وماهى دائرته الأنتخابية وسوف يتم ذلك فى خلال أسبوع من بدأ الحملة الأنتخابية.

[شاعرالرومانسية]

والله انا حدود معرفتى عن انتخابات مجلس الشعب - اللى اعتقد انها لن تختلف عن انتخابات الرياسة - ان الانتخاب يكةن كما يلى

- لمن له بطاقة انتخابية ... ينتخب فى اى دائرة حتى وان كان غير تابع لها

- لمن لا يملك بطاقة انتخابية ... يمكنة الانتخاب بالبطاقة الشخصية ولكن فى دائرته فقط

والله أعلم،،،

[amohsen]

السلام عليكم يا جماعة دي أول مشاركة ليه

أنا مواليد 83 ورحت لاستخراج البطاقة الانتخابية والموظف طلّع عينى وفضل يحوّر علىّ ويقوللى روح القسم اللى تبع مكان ولادتك (مكان المستشفى :blink: ) وفى الآخر قاللى مش قبل شهر 11 هطلعهالك وأنت واقف ودى الأوامر !!!!

:angry: :angry:

يا ريت لو حد عنده معلومات يفيدنا

[yasser6666]

المشكلة الأن ياجماعة ليست البطاقة الأنتخابية وده لأن الروتين عندنا قاتل كما هو واضح وعقبال ما حد ينوي يستخرج بطاقة انتخابية ويستلمها تكون الانتخابات عدت والنتيجة وفرقوا الشربات...

#

المفروض دلوقتي نفكر ممكن أزاي ننتخب بما هو متوفر لدينا بالفعل وهي البطاقة الشخصية أو البطاقة العائلية حتي لو لابد ان نروح للقسم التابع لنا ودي مش مشكلة طبعا

##

بس سؤال صغير للاخ خالد الغد:

رقم واحد واتنين مفهومين انما رقم تلاتة اللي سقطوا من كشوف الانتخابات وهم الغالبية العظمي (تقريبا كل المصريين ماعدا مواليد من 81 الي 87) ....دول يعملوا ايه وينتخبوا ازاي الشهر الجاي؟؟؟؟

###

سؤال تاني برضه محيرني كتير

نسمع أن الدولة تأتي بالاتوبيسات لنقل كل موظفي القطاع العام والمؤسسات الحكومية لأرغامهم علي الأنتخاب ...كلام جميل...هل ممكن أن الموظف من دول يكون له حرية الأختيار داخل لجنة الأنتخاب والا حيكون فيه اتنين مخبرين باصين من فوق كتافه هو حيكتب ايه ؟؟؟؟؟

####...

الحزب الوطني يخاف ان تكون نسبة التصويت اقل من خمسين في المئة والا ستعاد الانتخابات مرة تانية بين اقرب المرشحين وطبعا مبارك حيبقي شكله وحش قوي لو ده حصل فلابد انه يظبط المسائل من دلوقتي ويخلي نسبة المشاركة لاتقل عن ستين في المية طبعا وتقريبا سيركز علي الصعيد والأرياف ان اراد اللعب بالكشوف لان المدن الكبري مراقبة من كل المنظمات الاهلية والصحافة وخلافة ....

[G.G]

ما هو الرد النهائي في هذا الموضوع؟

هل الإنتخاب ممكن بالبطاقة الشخصية لمواليد قبل 81؟

و ما هي الدائرة التي أتبعها,,القسم يعني اللي تبع جهة اصدار البطاقة؟

يا ريت رد موثوق منه يا جماعة <_<

[شاعرالرومانسية]

ما هو الرد النهائي في هذا الموضوع؟

هل الإنتخاب ممكن بالبطاقة الشخصية لمواليد قبل 81؟

و ما هي الدائرة التي أتبعها,,القسم يعني اللي تبع جهة اصدار البطاقة؟

يا ريت رد موثوق منه يا جماعة <_<

<{POST_SNAPBACK}>

ظهرت الرؤيا يا رجالة ...

نشر اليوم بجريدة الاهرام..

" ان من يستطع الادلاء بصوتة يجب ان يكون احد الفئتين

* يمتلك بطاقة انتخابية ذات اللون الوردى ... ودة ممكن يدلى بصوته امام اى لجنة مش شرط اللى هو تابع ليها

* كل من هم من بعد مواليد 1984 فقد تم اضافتهم توماتيكى للكشوف الانتخابية ، وبالتالى غير مطالبين باستخراج بطاقة انتخابية ويمكنهم الادلاء بصوتهم ولكن فى الدوائر التابعين ليها فقط

( يعنى تبع القسم بتعهم)

وعلية فان كل مواليد ماقبل عام1984 والذين لايملكون بطاقة انتخابية ( وغير مصرح لهم باستخراجها الا فى الفترة من شهر أكتوبر وحتى شهر يناير ... يعنى بعد الانتخابات ) دول بقى يشوفلهم بلد تانية يصوتوا فيها

[se_ Elsyed]

سؤال تاني برضه محيرني كتير

نسمع أن الدولة تأتي بالاتوبيسات لنقل كل موظفي القطاع العام والمؤسسات الحكومية  لأرغامهم علي الأنتخاب ...كلام جميل...هل ممكن أن الموظف من دول يكون له حرية الأختيار داخل لجنة الأنتخاب والا حيكون فيه اتنين مخبرين باصين من فوق كتافه هو حيكتب ايه ؟؟؟؟؟

سيد مشعل وزير الإنتاج الحربي والسيد / نقيب العمال ماسكين في شعر بعض دلوقت عشان الوزير عايز يطبق القرار الذي أصدرته الدولة بمنع إستخمات التأوبيسات العامة وأتوبيسات الشركات في نقل الموظفين لمقار اللجان الإنتخابية ... والحاج النقيب عايز ياخد عمال المصانع الحربية هيلا بيلا بالأتوبيسات ويمررهم على اللجان الإنتخابية .. وهدد إنه هايطعن في القرار .

ومعروف طبعاً إن الحكومة أجبن من إنها تخلي المواطنين ينتخبوا بالبطاقة الشخصية زي العالم كله ما بيعمل ..ليه بقى ؟

لإن كده الأمور هاتخرج من إيدها ومش هاتعرف مين معاها ومين ضدها .. أما التصويت بنظام البطاقات الإنتخابية فكله منافع .. لإن مقرات الحزب الوطني في جميع المحافظات مجمعين فيها كل تلك البطاقات للأشخاص التابعين لهم والذين يدينون لهم بالولاء ..

ونيجي على إجاية السؤال التالي :

نسمع أن الدولة تأتي بالاتوبيسات لنقل كل موظفي القطاع العام والمؤسسات الحكومية لأرغامهم علي الأنتخاب ...كلام جميل...هل ممكن أن الموظف من دول يكون له حرية الأختيار داخل لجنة الأنتخاب والا حيكون فيه اتنين مخبرين باصين من فوق كتافه هو حيكتب ايه ؟؟؟؟؟

يا ياسر يا حبيب قلبي في أساليب كثيرة بتتبعها الحكومة ومنها :

1- التهديد والوعيد .. فأنت عارف إن معظم الموظفين بيبقوا غلابة وكلمة تجيبه وكلمة توديه وبالتالي فبيخلوه يحس إنه حتى لو كان بيدلي بصوته وراء ستارة فهما شايفينه شايفينه وأي حركة نقص هايلاقي نفسه ورا الشمس وعياله هايتيتموا..

2- سبق وأن كتبت من مصادر مؤكده شافت ده بيحصل بعنيها .. إن كشوف الإنتخاب اللي مع الحزب الوطني بيستخدموها في إنهم بيصوتوا نيابة عن أصحابها اللي بيريحوهم وما بيخليهومش يروحوا من أساسه ومنهم اللي كمات أو اللي سافر بره والله ينور ...

والحكومة رفضت مراراً وتكراراً طلب إن الناخب يوقع جنب صوته .. وقالوا لأ هانكتفي بالفسفور اللي الواحد هايضع أصبعه فيه ولا يُزال إلا بعد 24 ساعة لضمان عدم ذهابه إلى لجان أخرى .. كما تعودوا هم أن يفعلوا ويجيبوا موظفين الحكومة ويعدوهم على أكبر قدر من اللجان ..

دول عالم مجرمين ولا يخافون الله ..

[yasser6666]

عمي ابو السيد...احب ابلغك اني معرفش حد في مصر نهائي ناوي يروح ينتخب أو حتي حد يعرف حد تاني ناوي يروح ينتخب...هل تصدق ؟؟؟؟

كنت بتكلم مع مجموعة من الاصدقاء في مصر من كام يوم وسألتهم ناويين تنتخبوا مين ؟؟؟

فكان ردهم بمنتهي السلبية اللي متعودين عليها....يا عم احنا مالنا !!!!

قلت بلاش انتوا طالما طول عمركم كسلانين .طب تعرفوا حد ناوي يروح ينتخب او معاه بطاقة انتخابية زي صديق في العمل .ابوك.اخوك.قريبك.واحد صاحبك بيقعد معاك علي القهوة

فكان الجواب انهم حتي مايعرفوش حد ممكن يروح ينتخب من اصله

###

وبالمثل كان نفس سؤالي عندما تحدثت مع اخويا وأختي في مصر وللاسف كانت نفس الأجابة...ياعم دماغك ماهي النتيجة معروفة ...هو مشوار وخلاص !!!!

###

أحب أبلغك ايضا ان كل الناس دي بلا أستثناء (مؤهلات عليا) كما يطلق عليهم في مصر ...يعني متعلمين ومتنورين ومعدودين علينا من المثقفين !!!

أمال الناس الغلابة اللي بتاكل اليوم بيومه يعملوا أيه...

###

مش عارف الغلط فين بصراحة ؟؟؟ فينا احنا وفي طباعنا وعادتنا والا في الحكومة اللي زرعت فينا حتة ( أبعد عن الشر وغنيله )

###

سمعت ان حركة كفاية سوف تفجر مفاجأة من العيارالتقيل الكام يوم الجايين في قضيتها ضد الحكومة بخصوص ان اللي حضروا الأستفتاء لايزيدوا عن 3% من الشعب وأن النتيجة مزورة وعليه فأن الأنتخابات القادمة ستكون باطلة !!!

وطبعا لن أ تعجب من الرقم ده بعد اللي سمعته

###

أفتكر أن الانتخابات المرة دي مش أكتر من بروفة لأنتخابات المرة الجاية وكانت زي صدمة للناس جميعا والعملية كلها سلق بيض في أيام وشهور قليلة ...تغيير دستور...استفتاء...مبارك يقول حنترشح والا لسه استني شوية طب خلاص حنترشح...عم نعمان جمعة يقاطع الأستفتاء وبعدين يرشح نفسه كنتيجة للأستفتاء...طب كل واحد قدامه تلات اسابيع يعرض برنامجه الأنتخابي وأدي نص مليون لكل راس فيكم (وفيهم واحد أسمه الصباحي عنده 90 سنة..يعني بالذمة ده كلام..ده مبارك جايبه عند فينا بقي..77 ده لسه بيلعب كورة شراب بالبيجامة بقي)

###

الحاجة الوحيدة اللي لها بريق في الانتخابات دي وتعتبر الحسنة اليتيمة في الهيصة دي كلها ...ان الناس بدأت تفوق شوية والصحافة بقت شعلة نشاط وبتخبط في الكل حتي أكبر راس... وناس كتير قالت كلمتها علي مرأي ومسمع الألاف في منتهي الحرية....

###

مش ده احسن برضه والا كان يمسكها ست سنين تانيين من غير حس ولا خبر زي كل مرة وعلي الأقل العيار اللي مايصيبش يدوش

[se_ Elsyed]

مش عارف الغلط فين بصراحة ؟؟؟ فينا احنا وفي طباعنا وعادتنا والا في الحكومة اللي زرعت فينا حتة ( أبعد عن الشر وغنيله )

<{POST_SNAPBACK}>

الغلط متراكم يا ياسر من أيام ثورة 52 اللي كان أول شيء عملته في مصر هو طمس الحس والوعي السياسي لدى الشعب المصري اللي كان شُعلة نشاط حتى قبل الثورة بأيام قليلة بالرغم من إنه كان يقبع تحت رحمة الإحتلال والقصر .. وعلى مدار السنين إستطاع العسكر ( عبد الناصر ، السادات ، مبارك ) وبجدارة في قتل هذا الوعي تماماً لدى الشعب المصري ..

وبص كده على تلك الفترة اللي ممتدة لأكثر من 50 عام وشاور لي على قيادة سياسية واحدة واعيه .. سواء حزبية أو مُستقلة زي سعد زغلول أو النحاس أو أحمد ماهر ... إلخ وده ليه .. لإن الديكتاتورية من طبع رجال الجيش .. تنفيذ أوامر بدون مناقشة وإلا يكون مصيرك طلقة في دماغك ... والعسكريون هم أبعد ما يكونوا عن السياسة والديمقراطية .. إذاً ماذا نتوقع من هؤلاء ؟

بالإضافة بقى إلى فن التزوير وأبتكاراته من أول 99.9 % بتاعت القائد عبد الناصر إلى المبايعات والأستفتاءات بتاعت مبارك ..

يبقى الناس تروح ليه طالما عارفه إنها هاتطبخ هاتطبخ ؟

وحتى اللي بيروح الإنتخابات بيكون أندر كنترول .. من على الباب من بره وبيلاقي بلطجية الحزب الحاكم يتفحصوه ويشوفوا هو عدو ولا حبيب .. ويا ويله لو كان عدو .. يبقى هايكل ضرب للصبح ....

وحتى لما الناس صحيت وبقى عندها رغبه تعبر عن رأيها .. إصطدموا بالقرارا الخزعبلي اللي بيقول إن البطاقة لا تصدر إلا في الفترة من أكتوبر إلى يناير ..

[amohsen]

واكدت اللجنة انه يمكن للناخب الادلاء بصوته في اللجنة الفرعية المقيد فيها اسمه بدون شرط وجود بطاقة انتخابية معه حيث يكفي اي اثبات شخصية كالبطاقة أو الرقم القومي او الرخصة او الكارنية.. اما الوافد الذي يدلي بصوته خارج لجنته فيجب ان يحمل بطاقة الانتخاب.. واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

الأخبار

تم تعديل 31 أغسطس 2005 بواسطة amohsen

[se_ Elsyed]

واكدت اللجنة انه يمكن للناخب الادلاء بصوته في اللجنة الفرعية المقيد فيها اسمه بدون شرط وجود بطاقة انتخابية معه حيث يكفي اي اثبات شخصية كالبطاقة أو الرقم القومي او الرخصة او الكارنية.. اما الوافد الذي يدلي بصوته خارج لجنته فيجب ان يحمل بطاقة الانتخاب.. واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

الأخبار

<{POST_SNAPBACK}>

شكراً يا أستاذ amohsen على الخبر الجميل ده ..

حاجة غريبة جداً يبقى الناس على أبواب حدث هام زي إنتخابات الرئاسة أو إنتخابات مجلس الشعب والحكومة سيباهم يتخبطوا وما حدش عارف الإنتخاب هايتم ببطاقة التموين ولا بالبطاقة الشخصية وكإن التعيتم والتتويه ده مقصود !!!!!!!!!

واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

ده الدولة هاتلم لم ... يا نهار أبيضضضضضضضضضضض

[G.G]

واكدت اللجنة انه يمكن للناخب الادلاء بصوته في اللجنة الفرعية المقيد فيها اسمه بدون شرط وجود بطاقة انتخابية معه حيث يكفي اي اثبات شخصية كالبطاقة أو الرقم القومي او الرخصة او الكارنية.. اما الوافد الذي يدلي بصوته خارج لجنته فيجب ان يحمل بطاقة الانتخاب.. واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

بس كده يعني البطاقة الشخصية ليست بديل عن بطاقة الإنتخاب !

لأنه ما زالت عقبة وجود الإسم في الجداول الإنتخابية,,و لو حد عمره ما كان عنده بطاقة انتخابية اسمه بالتالي لن يكون مقيد في أي لجنة ..و مش هيفيده هنا بطاقته الشخصية..

صح و لا أنا فاهمه غلط؟

[شاعرالرومانسية]

واكدت اللجنة انه يمكن للناخب الادلاء بصوته في اللجنة الفرعية المقيد فيها اسمه بدون شرط وجود بطاقة انتخابية معه حيث يكفي اي اثبات شخصية كالبطاقة أو الرقم القومي او الرخصة او الكارنية.. اما الوافد الذي يدلي بصوته خارج لجنته فيجب ان يحمل بطاقة الانتخاب.. واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

الأخبار

<{POST_SNAPBACK}>

شكراً يا أستاذ amohsen على الخبر الجميل ده ..

حاجة غريبة جداً يبقى الناس على أبواب حدث هام زي إنتخابات الرئاسة أو إنتخابات مجلس الشعب والحكومة سيباهم يتخبطوا وما حدش عارف الإنتخاب هايتم ببطاقة التموين ولا بالبطاقة الشخصية وكإن التعيتم والتتويه ده مقصود !!!!!!!!!

واكدت اللجنة ان الناخب الذي سيتخلف عن الادلاء بصوته بدون عذر سيدفع غرامة 100 جنيه

ده الدولة هاتلم لم ... يا نهار أبيضضضضضضضضضضض

<{POST_SNAPBACK}>

على فكر -أخى العزيز- سى السيد

المشكلة هى هى .. لان المسجلين بالجداول مش الشعب المصرى ...

لا يا بابا لا.....

دول المقصود بيهم سيدى الفاضل

اللى معاهم بطاقة انتخابية ......

" اوعى تنرفز نفسك يا بنى لحسن يحصلك حاجة ..

والله انا حاسس بيك لانى عندى نفس الشعور

يعنى من الاخر ..اللى معاه بطاقة انتخابية وبالتالى مسجل بالجداول الانتخابية يروح الجنة التابع ليها وحتى لو مش معاه البطاقة الانتخابية كفاية يثبت شخصيته وهما حجيبوا اسمة من الجداول

اما لو واحد راح لجنة مش بتاعته او مش تابع ليها ...لازم يكون معاة البطاقة الانتخابية ... ودة لان طبعا الجداول اللى موجودة عندهم مفيهاش اسمة،،،،

لأنه - ولامؤاخذة - مش ابن الدايرة

حد فاهم حاجة،،،،

[se_ Elsyed]

فهمت يابني وياريتني كنت ما فهمت

كنت بأكذب نفسي وبأقول مش ممكن الحزب الوطني يعمل الخطوة دي .. لكن طلعوا عند حسن الظن ويُثبتوا كل يوم بإنهم شلة من الآفاقين المنتفعين بجلوسهم على الكراسي لأطول فترة ممكن حتى لو كان على حساب جثث الشعب

وإليكم الخبر الأكيد بالجمهورية اليوم

شبايك يوضح: حاملو البطاقة الانتخابية

لهم الحق في التصويت بأي لجنة

كتبت انتصار النمر:

أعلن اللواء محروس شبايك مساعد وزير الداخلية لشئون الانتخابات أنه يجوز لأي ناخب أن يدلي بصوته في أي دائرة انتخابية بأي محافظة بشرط أن يحمل معه بطاقته الانتخابية حيث يتم ولأول مرة صبغ إصبع الناخب بحبر فوسفوري جديد لا يمكن إزالته قبل 24 ساعة.

أضاف أنه يجوز لأي ناخب أن يدلي بصوته بالبطاقة الشخصية فقط. في الدائرة المقيد بها اسمه دون الحاجة إلي البطاقة الانتخابية.

أوضح أنه لا يحق لأي مواطن خارج البلاد الإدلاء بصوته من الخارج. 

[se_ Elsyed]

مش عارف ليه عندي أحساس غريب اليومين دول بإن الحزب الوطني ممثلاً في الحكومة هايقوم بإستخرج ملايين البطاقات الإنتخابية لألاضيشه وصيع الإنتخابات عشان يزيد عددهم وتبقى الكفه مايله لصالحه ..

وطبعاً الداخلية بتاعتهم وفاتحه 24 ساعة والبطاقات المختومة على بياض موجوده ..

بالله عليكوا لو عملوا كده .. حد ممكن ياخد باله ؟

خصوصاً إن الإنتخابات الأشرس والأعنف ستكون في نوفمبر القادم حيث التنافس على مقاعد مجلس الشعب الي أهتزت تحت أقدام أعضاء الحزب الفاشي ولن يستطيعوا هذه المره في الفوز بكل المقاعد كما هو معتاد

[impossible]

لسة جاية حالاا من قسم الشرطة عشان اطلع البطاقة الانتخابية

كانت اوضة صغيرة بس زحمة مليانة ناس

ناس عاديين شباب و بنات و رجالة كبار

ناس يخرجو و ناس يدخلو

الموظفين مكفيين قدام الكشوفات

الاجراءات ماخددتش 10دقايق(دى محصلتش معايا فى اى مؤسسة حكومية) :blink: :lol: B)

انا رحت القسم اللى تبع محل ميلادى

سالونى عن محل الميلاد

و طلبو البطاقة الشخصية

بعدين لقيت راجل بيناااااااااادى حد هنا مواليد المكان الفلانى

قلت انا و حدفت لة بطاقتى

بيفتح الدفتر اسمى اول اسم فى الكشف

ملا بيناتى فى البطاقة

هب مضيت

هب ختمتها من اللوء

هباا سلام عليكو

مع ان مشوار القسم دة كان تقييل على قلبى بشكل و عمالة ااجل فية

بس خلص هواااااا حتى الناس اللى كانو واقفيين و زاحمين الاوضة كانو كلهم بيساعدو اى حد يسال يلاقى 10 يردو علية

عمي ابو السيد...احب ابلغك اني معرفش حد في مصر نهائي ناوي يروح ينتخب أو حتي حد يعرف حد تاني ناوي يروح ينتخب...هل تصدق ؟؟؟؟

كنت بتكلم مع مجموعة من الاصدقاء في مصر من كام يوم وسألتهم ناويين تنتخبوا مين ؟؟؟

فكان ردهم بمنتهي السلبية اللي متعودين عليها....يا عم احنا مالنا !!!!

بالعكس جدااااااا عائلتى المنتشرة فى جميع محافظات الجمهورية هيجتمعو يوم الانتخابات فى البلد (محل الميلاد عشان ينتخبو)

و يصوتو و يقولو كغااااااااااااااااية

[se_ Elsyed]

دكتوره إيمبوسيبول ..

أحييكي بشده ويا بخت كلية الطب البيطري بيكي :blink:

قوليلي بقى بس مين غير ماحد يسمع ( هاتنتخبي مين غير بابا حسني ؟ )