استخراج البطاقة الأنتخابية

[se_ Elsyed]

مش عارف ليه عندي أحساس غريب اليومين دول بإن الحزب الوطني ممثلاً في الحكومة هايقوم بإستخرج ملايين البطاقات الإنتخابية لألاضيشه وصيع الإنتخابات عشان يزيد عددهم وتبقى الكفه مايله لصالحه ..

وطبعاً الداخلية بتاعتهم وفاتحه 24 ساعة  والبطاقات المختومة على بياض موجوده ..

بالله عليكوا لو عملوا كده .. حد ممكن ياخد باله ؟

<{POST_SNAPBACK}>

المعجزة حصلت ... وزي ما يكون الشيخ س س بقى مكشوف عنه الحجاب

فقد أكد عمرو أديب إمبارح في برنامج القاهرة اليوم بإنه تلقى تأكيدات من بعض المواطنين بإن بطاقات ترشيح جديدة ( لأول مره يعني ) وصلت لبعض المواطنين على البيت في البريد - طبعاً دول اللي تبع العصابة - وقال إن منهم ناس هاييجوا بأنفسهم يوروا له البطاقات دي ..

وعلى فكرة الإنتخابات بعد بكره ولسه الأحزاب الأخرى لم تتسلم قوائم بأسماء الناخبين ... وكل إنتخابات وإنتم طيبين ...

إمبارح في برنامج " من مصر " على قناة المحور الذي يقدمه واحد أول مره أشوفه إسمه ( صابر أبو طالب ) قال فتوى غير شرعية وهي إن وزارة الداخلية فاتحه أبوابها من الصباح حتى العشرة مسءاً ويمكن لأي مواطن أن يستخرج بطاقة ترشيح لأول مره .. وكان مستضيف وكيل حزب الغد الأستاذ رجب حميده اللي فوقه وقال له إن الأقسام فاتحة لإستخراج بدل تالف أو فاقد يا حاج .. فالحكومة أجبن من إنها تفتح العملية على البحري لإنهم عارفين نفسهم وكره الشعب لهم .

[amohsen]

فقد أكد عمرو أديب إمبارح في برنامج القاهرة اليوم بإنه تلقى تأكيدات من بعض المواطنين بإن بطاقات ترشيح جديدة ( لأول مره يعني ) وصلت لبعض المواطنين  على البيت في البريد - طبعاً دول اللي تبع العصابة - وقال إن منهم ناس هاييجوا بأنفسهم يوروا له البطاقات دي ..

الكلام ده صحيح ولسه مقابل النهارده واحد (من المنوفية) بيقول ان البطاقة الإنتخابية اتبعتتله على البيت ، وسألته هتصوت لحسنى؟ قاللى هو أنا أعرف غيره؟!!!!!!! :)

والله على ما أقول شهيد

[se_ Elsyed]

الكلام ده صحيح ولسه مقابل النهارده واحد (من المنوفية) بيقول ان البطاقة الإنتخابية اتبعتتله على البيت ، وسألته هتصوت لحسنى؟ قاللى هو أنا أعرف غيره؟!!!!!!!  :)

والله على ما أقول شهيد

اللي أفظع من كده إن قناة أوربت كانت مستضيفه على التليفون السيد اللواء مساعد وزير الداخلية المسئول على الإنتخابات والبطاقات والكلام ده ... وعمرو أديب واجهه بإنه شاف بعينه إمبارح اللي هايكلهم الدود .. شاف عضو مجلس شعب مشهور معاه بطاقات فاضية وبيزعها على العائلات اللي بيعرفهم وبعد ما بيملوها بياخدها منهم ويروح القسم ويبجيبها لهم مختومة مره أخرى ....

وسلم لي على النزاهة

الرجل قال له من رابع المستحيلات إن ده يحصل ..

صحيح إذا لم تستحي فأفعل ما شئت ..