ما تعرفش واحد كويس ينفع محافظ ؟

[أبو محمد]

حركة المحافظين جاهزة .. وحيحلفوا اليمين يوم السبت

كنت أتمنى أن تـُطرح معايير اختيار المحافظين قبل الحركة

أعتقد أن السبب فى غياب هذا الطرح هو أن المعيار الحالى هو نفسه السابق

"ما تعرفش واحد كويس ينفع محافظ؟"

أنا أعلم أن المعيار الأثقل وزنا فى اختيار محافظى المحافظات الحدودية

هو أن يكون رجلا عسكريا .. وحبذا لو كان من سلاح الحدود أو المخابرات العسكرية

ولا مانع عندى فى ذلك خصوصا فى الظروف التى تمر بها البلاد

ولكنى لا أفهم مثلا لماذا يُعيَّن قاضى أو مستشار فى منصب المحافظ

إن مهنة القضاء هى أبعد المهن التى يمكن أن تنجح فى منصب كهذا

فالقاضى - طول عمره - رئيس نفسه فقط

ليس له أى خبرة إدارية تجعله يدير كيانا بهذه الصعوبة والتعقيد

أقول هذا وقد سمعت أن المرشح لمنصب محافظ الإسكندرية أستاذ اقتصاد

وأعلم أنه وثيق الصلة بوزير التموين الناجح د. خالد حنفى

لذلك أعتقد أن عادل لبيب أو محلب سألوا ال\كتور خالد :

"ما تعرفش واحد كويس ينفع محافظ اسكندرية ؟"

أنا أعتقد أن محافظة الإسكندرية والمحافظات الكبرى تحتاج إلى مهندس

وحبذا لو كان تخصصه تخطيط مدن .. وليته لا يكون أكاديميا

فأساتذة الجامعة ينطبق عليهم - بدرجة ما - ما ينطبق على القضاة من عدم الدراية الإدارية

مشاكل هذه المحافظات - فى هذه المرحلة - هى مشاكل هندسية متراكمة بالدرجة الأولى

وهناك فساد "هندسى" فى المحليات يغطيه رؤساء أحياء لا علاقة لهم بالهندسة

يعنى بالبلدى "المهندس لو كان فاسد" ممكن يأكل رئيس الحى "البالوظة"

وتكون الداهية لما يكون المحافظ أيضا ما بيفهمش فى الهندسة

المشكلة الأخرى

هى أن اختيار محافظين فى ظل الصلاحيات الحالية ومنظومة الحكم المحلى الحالية

والقوانين الحالية .. والإمكانيات المادية والبشرية الحالية هو عبث وحرث فى الماء

المهم

"ما تعرفش واحد كويس ينفع محافظ ؟"

[Grandma]

أعرف واحدة ( محافظة ) كويسة

البلد دي لو مسكها ستات كان اتعدل حالها و بقت قد الدنيا

هيييه ...دنيا

لسه بدري عليكي يا مصر

[باهى الطائر الحزين]

أعرف واحدة ( محافظة ) كويسة

البلد دي لو مسكها ستات كان اتعدل حالها و بقت قد الدنيا

هيييه ...دنيا

لسه بدري عليكي يا مصر

اممممم

حضرتك انا كنت مؤمن بده لحد وقت قريب

قلته هنا في موضوع اظن هل تقبل ان تكون

المرأه رئيس

وللأسف اللي هاجمني وبشده الستات !

المهم لحد ماتولت وزيرة القوي العامله

ابتديت استغفر الله العظيم افكر ...

[أبو محمد]

أعرف واحدة ( محافظة ) كويسة

البلد دي لو مسكها ستات كان اتعدل حالها و بقت قد الدنيا

هيييه ...دنيا

لسه بدري عليكي يا مصر

شاوريلى عليها وانا أعينها على طول

[أبو محمد]

المرشح ليكون محافظا للإسكندرية

شاب - يبدو أنه تحت الأربعين - أمريكى الهوى

اسكندرية "مصر" تستحق أن تكون أفضل من إسكندرية "أمريكا"

فهى أم إسكندريات العالم

فهل ينجح هذا الشاب فى تحقيق الحلم .. أو بمعنى أصح فى عودة الحلم ؟

عندما ترقص الحملان مع الذئاب .. أتحسس عقلى

البوابة نيوز الأخبار

السيرة الذاتية للدكتور هاني المسيري المرشح لمنصب محافظ الإسكندرية

الجمعة 06-02-2015| 02:45م

المسيرى
أمجد عامر

حصلت " البوابة نيوز " على السيرة الذاتية للدكتور هانى يوسف محمد المسيرى المرشح لمنصب محافظ الإسكندرية في حركة المحافظين الجديدة التي ستعلن رسميا غدا ويعقبها أداء اليمن أمام الرئيس السيسي في قصر رئاسة الجمهورية.
شغل الدكتور هانى يوسف محمد المسيرى منصب الرئيس التنفيذى لشركة أفيكو مصر أحد أكبر الشركات في شمال أفريقيا للزيوت والدهون والرئيس التنفيذى لشركة اكويتى فنتشرز ومسئول الخدمات المصرفية المميزة لبنك أوف اميركا ونائب الرئيس ثم المدير العام لشركة جولدن ستايت فودز مصر.
تخرج من جامعة كاليفورنيا في لوس أنجلوس بأمريكا بعد أن حصل على بكالوريوس في إدارة الأعمال من جامعة الإسكندرية وأكمل برنامج كلية كيلوج في إدارة الإعمال في جامعة شيكاجو الأمريكية وله خبرة كبيرة في التجارة والصناعة وفى الكثير من المجالات محليًا وعالميًا.
شارك في الكثير من نشاطات المجتمع المدنى والحفاظ على البيئة واختير ضمن أفضل 40 مسئولا تنفيذيا شابا تحت سن 40.

[MZohairy]

عايزين نعرف من باب العلم بالشيئ يابو محمد كام محافظ جديد من العسكريين و كام من المدنيين

علشان كانت طلعت اشاعه من فتره صغيره ان كل المحافظين الجداد عسكريين

[أبو محمد]

عايزين نعرف من باب العلم بالشيئ يابو محمد كام محافظ جديد من العسكريين و كام من المدنيين

علشان كانت طلعت اشاعه من فتره صغيره ان كل المحافظين الجداد عسكريين

حسب المنشور هنا يا مايسترو .. مفيش غير اتنين عسكريين نمرة 16 ونمرة 17

وصرح المُتحدث الرسمي باسم رئاسة الجمهورية السفير علاء يوسف، بأن عدد المحافظين الجدد يبلغ 17 محافظاً، حيث تم الإبقاء على 10 محافظين، واختيار 4 نواب من بينهم 3 سيدات في 3 محافظات ” القاهرة والجيزة والإسكندرية .

من ناحية أخرى علق رئيس مجلس الوزراء المهندس إبراهيم محلب، على حركة المحافظين الجدد قائلاً: “لدينا أمل في التغيير، وتم الاتفاق معهم على أن يعمل على الأقل 15 أو 16 ساعة وأن يكون مكتبه مفتوح للمواطنين وأن يبذل كل ما في وسعه لافتاً إلى أن منصب رئيس الوزراء ليس شرفيا بل أنه مقاتل، وأن يكون قلبه مفتوح قبل مكتبه”.

وأشار إلى أنه من الضروري أن يكون المحافظ قادر على تحريك كافة الأجهزة التي طوعت تحت رئاسته، وأن يكون مع كل مواطن في بيته وأن يعمل على تحريك المياه الراكدة، منوها إلى إعمار المحافظين تتراوح ما بين الثلاثينات والخمسينات.

– وتنشر أسماء المحافظون الجدد والمناصب التي شغلوها، وهم:

1- خالد زكريا العادل إمام الأستاذ بكلية التخطيط العمراني محافظا للجيزة.

2- أسامة حمدي عبد الواحد، رئيس جهاز التفتيش الفني على البناء أستاذ المنشآت الخرسانية عين شمس، محافظا لكفر الشيخ.

3- إسماعيل عبد الحميد طه، نائب رئيس الأكاديمية العربية للعلوم والتكنولوجيا للنقل البحرية عميد الدراسات العليا، محافظا لدمياط.

4- رضا عبد السلام إبراهيم علي، وكيل حقوق لشئون تعليم وطلاب المنصورة، محافظا للشرقية.

5- محمد حفني إبراهيم سليم، رئيس نيابة عامة، محافظا لبني سويف.

6- هاني يوسف محمد المسيري، الرئيس التنفيذي لإيفيكو (مصر)، محافظا للإسكندرية.

7- سعيد مصطفى كامل، رئيس شركة مصر للبترول، محافظا للغربية.

8- محمد سيد بدر، مساعد أول أمين عام مجلس الوزراء ومشرف عام مجلس الوزراء، محافظا للأقصر.

9- هشام عبد الباسط عبد الرحمن يونس، رئيس جهاز مدينة السادات، محافظا للمنوفية.

10- يس حسام الدين محمد طاهر، نائب محافظ القاهرة للمنطقة الجنوبية، محافظا للإسماعيلية.

11- أيمن محمد عبد المنعم سيد أحمد، وكيل وزارة الصحة بالإسكندرية، محافظا لسوهاج.

12- ياسر الدسوقي عطية سالم، المدير التجاري والتسويقي بشركة أجرو جريني للاستيراد والتصدير، محافظا لأسيوط.

13 – وائل محمد نبيه، رئيس محكمة ابتدائية، محافظا للفيوم.

14- محمد علي أحمد علي سلطان، رئيس قطاع الصحة والسكان، محافظا للبحيرة.

15- حسام الدين إمام عبد الصمد، عضو مجلس إدارة المقاولون العرب، محافظا للدقهلية.

16- عميد علاء فتحي أبو زيد، قوات مسلحة، ” محافظا لمطروح.

17- لواء مجدي نصر الدين أحمد حسن، رئيس هيئة التنمية الزراعية، محافظا لبورسعيد.

[أبو محمد]

أعرف واحدة ( محافظة ) كويسة

البلد دي لو مسكها ستات كان اتعدل حالها و بقت قد الدنيا

هيييه ...دنيا

لسه بدري عليكي يا مصر

ولا يهمك يا تيتة

:)

أهم جابولنا نايبة فى اسكندرية

وفى القاهرة والجيزة كمان

[MZohairy]

حسب المنشور هنا يا مايسترو .. مفيش غير اتنين عسكريين نمرة 16 ونمرة 17

هل ده كلام نهائي ولا يمكن لسه اشاعات؟؟؟؟؟؟؟؟

[أبو محمد]

هل ده كلام نهائي ولا يمكن لسه اشاعات؟؟؟؟؟؟؟؟

والله يا مايسترو دى آخر حاجة قريتها

بس اللى مخلى الفار يلعب فى عبى

إن المحافظين "إمبارح" ما كانوش عارفين هم مرشحين لأى محافظة بالظبط

[MZohairy]

اصله لو صدق يبقى فعلا خبر يكيد الاعادي

[أبو محمد]

اصله لو صدق يبقى فعلا خبر يكيد الاعادي

يا خبر النهار ده بفلوس

بكره حيحلفوا اليمين

[Grandma]

اممممم

حضرتك انا كنت مؤمن بده لحد وقت قريب

قلته هنا في موضوع اظن هل تقبل ان تكون

المرأه رئيس

وللأسف اللي هاجمني وبشده الستات !

المهم لحد ماتولت وزيرة القوي العامله

ابتديت استغفر الله العظيم افكر ...

منغير ما ترتكب موبقات و تفكر

وزيرة القوى العاملة مش نوعية الستات اللي عاوزينها

إحنا عاوزين نوعية انجيلا جولي ، كيم كارديشان ... ستات ستات يعني

أما تنزل الصبح تصبح على المواطنين يبقى نهارهم زي الفل

تحط شالية ورد قدام المحل دا و تزرع شجرة فل قدام العمارة دي ،ترشرش شوية عطرعلى صناديق الزبالة

يعني تاخد بالها من جمال و نظافة الشوارع و نفسية المواطنين .. هو فيه أجمل من كدا !!

أعتقد كدا فهمت قصدي

[Grandma]

شاوريلى عليها وانا أعينها على طول

آهي .... الجميلة أم شعر كستنائي مهفهف و قوام غزلان اللي واقفة هناك دي

[Grandma]

ولا يهمك يا تيتة

:)

أهم جابولنا نايبة فى اسكندرية

وفى القاهرة والجيزة كمان

جاتنا نايبة !!! هييييه :110:

[أبو محمد]

يا خسارة ما لحقتش أعين الجميلة أم شعر كستنائي مهفهف و قوام غزلان

:astonished:

مفيش غير اننا نستنى ونشوف النايبة بتاعة محلب

[Grandma]

يا خسارة ما لحقتش أعين الجميلة أم شعر كستنائي مهفهف و قوام غزلان

:astonished:

مفيش غير اننا نستنى ونشوف النايبة بتاعة محلب

انت دايما كدا يفوتك الحاجات الحلوة

و تدبس الاسكندرانية وتضيع عليهم فرصة عمرهم :P

[أبو محمد]

أحيييييييه

دخلت خدت لى بولطة فى النت

لقيت إنه من أول صورة المحافظ الاسكندرانى المحتمل ظهرت

وفيه مظاهرة انترنتية حريمى هههههههيح ... ومييييييح

وياختى شبابه حلو .. ياختى جماله حلو

يا دى النيلة لما يكون هو ده المعيار

شعب عاتشيفى آه .. بس بالتشريقة دى .. أحيييييه

ملحوظة : هذه المداخلة لا تخلو من النفسنة

[Grandma]

أحيييييييه

دخلت خدت لى بولطة فى النت

لقيت إنه من أول صورة المحافظ الاسكندرانى المحتمل ظهرت

وفيه مظاهرة انترنتية حريمى هههههههيح ... ومييييييح

وياختى شبابه حلو .. ياختى جماله حلو

يا دى النيلة لما يكون هو ده المعيار

شعب عاتشيفى آه .. بس بالتشريقة دى .. أحيييييه

ملحوظة : هذه المداخلة لا تخلو من النفسنة

ههههههههههههه حظنا بقى .... بس اسكندرية شكلها هتحلو حلاوة

السيسي عرف ينقي

انت اللي ضيعت الفرصة عليكم

[Alshiekh]

أحيييييييه

دخلت خدت لى بولطة فى النت

لقيت إنه من أول صورة المحافظ الاسكندرانى المحتمل ظهرت

وفيه مظاهرة انترنتية حريمى هههههههيح ... ومييييييح

وياختى شبابه حلو .. ياختى جماله حلو

يا دى النيلة لما يكون هو ده المعيار

شعب عاتشيفى آه .. بس بالتشريقة دى .. أحيييييه

ملحوظة : هذه المداخلة لا تخلو من النفسنة

إحنا قلنا عايزين محافظ بالإنتخاب

بس يكون حق المرأة في إنتخاب المحافظ "معطل" !