مافيش بنات صغيرة

[An Interview with The Vampire]

يا ترى ليه منتدى الحوارات لا يوجد به فتيات صغيرات في السن ؟

بنلاقي فيه شباب صغير و رجال و سيدات ؟

فين فئة البنات من 16 الى 24 سنة مثلا ؟؟؟

سؤال يطرح نفسة

[وليد صفوت]

بل سؤال لا يُطرح إلا إذا كان هناك هدف من ورائه ,......

إذا كنت تبحث عن فتيات ( تشيّت ) معاهم , فيمكنك الدخول الى أى موقع للشات ,...... أما هنا فلا يوجد غير فئة واحدة من الناس ,.....

المثقفين ,........

[bentmasria]

يا ترى ليه منتدى الحوارات لا يوجد به فتيات صغيرات في السن ؟

بنلاقي فيه شباب صغير و رجال و سيدات ؟

فين فئة البنات من 16 الى 24 سنة مثلا ؟؟؟

سؤال يطرح نفسة

تفتكر ممكن يكون الرد ايه غير سوء الفهم والتفسير لسؤال حضرتك

اعتقد هذه المرحلة العمرية متواجده بس باحترام وبدون ظهور متباهى يعنى بنات فى قمة الاحترام والتهذيب واكيد كمان مثقفات وواعيات يعنى ما بيستخدموش اسماء مزعجة ولا بيكتبوا مواضيع مالهاش لازمة

اعتقد انه تم تحذيرك من قبل بخصوص التجاوزات وهذه المرة اطلب اعتذار عن صيغة سؤالك وسيتم غلق الموضوع بعدها

[emadiab]

انا خايف يكون قصد الأخ انترفيو ويز فامباير ان مفيش فى الفئة العمرية من 16 الى 24 سنة بنات مثقفة لو قصده كده يبقى جه يكحلها عماها

بس انا ملاحظ ارتفاع الأعمار فى المنتدى ده و لا بلاش كلمة ملاحظ دى خليها متوقع احسن

[Salwa]

صباح الخير .

سوف افترض براءة السؤال .

بالطبع صعب جدا حتى لو سجل اعضاء فى سن 16 او 17 ان يستمروا معنا ...سواء كانوا بنين او بنات .

وان استمروا فهذا دليل على نضج مبكر ووعى اكيد واستيعاب صحى لكل الأحداث بلا اى ضغط .

محاورات المصريين ..........ممكن وسهل جدا جدا ....تزهق اى شاب عادى ( لامبالى وعايش مع نفسه ) ...لسبب بسيط وهو انهم مجموعة غريبة من الناس بتتكلم ومش فاضية ولا عندها وقت تعرف آخر تطورات جنان مايكل جاكسون او آخر تسريحات شاكيرة او ليه الوشم فى آخر الظهر ممكن يعمل شلل !!!!...وبلاش منه وكفاية الوشم على الأذرع.

اذن........

احنا اتفقنا على اننا مكان .............يجيب الزهق .

لأننا ناس عايشة بس بتحاول تصلح فى اللى صعب يتصلح ...بس برضه بنحاول ..بلا ملل.

فالناس الرايقة ..........(( من الجنسين )) .....ملهاش مكان بيننا .

بس خلاص.