فلاح .....ولكن

[MahouD..شاعر غلبان]

ياعم سعيد ...انتا سعيد؟؟

ولا السعادة منك مسافرة بلاد بعيد؟

ياعم سعيد ...بتعمل ايه فى يوم العيد

بتكون سعيد اكيد اكيد..

ولا العيال ...زى الخيال ماشيين وراك عايزين طبال

ولا بتقعد جوه بيتك من غير سؤال

ولا بتعيد على كل الرجال

وبتزور حماك جد العيال

شوفتوا رد واحد من الفلاحين

تاجر خضار ...بياع جمال...........

قام ونفض نفسه من العفار

نظر اليا بضحكته

اكيد فاكرنى بااقول هزار

لكنه رد ...رد صريح

وقالى يا ابنى

بدام باسلم ع الجميع ليل نهار

فى الصبح اصلى ركعتين واقول ازكار

اكيد اكيد انا سعيد..

لا الطين تاعبنى

ولا الحرام ها يكون غالبنى

وهمى كله اربى ابنى

على الصلاة

وعيشة بنتى عاوزة الجهاز

عاوزة البوتوجاز بشعلة غاز

ها اقوم وهافحت فى التراب

لحد ما اجيب الطلب

لكن بتسال ليه وايه السبب

من غير سبب؟؟

دورك يا ولدى ترد على سؤالك...

انتا سعيد ولا الفرح هاجرك فى بلاد بعيد

؟؟؟؟؟؟؟؟؟؟؟؟

...............

اه ه ه ه ه ه ....يا وقعة سودة ها اقوله ايه

.................

ها اقوله ايه؟؟

ع القهوة قاعد

من غير عمل

كأنى حجر

جماد ....وساكت..............

اقوله ايه ؟؟؟؟؟

اكدب و انافق

ولا اعمل نفسى متعلم وسابق

و اكون فرحان .

بس اكيد كدبى ها يبان

القصد نرجع للسؤال

ده سؤا ل و ماهوش محال

....

يا عم سعيد ....انا هنا

قاعد هنا

كل اوقاتى هنا

شايف هناك

قهوة هناك شوف صباعى رايح فين

سحلب تلاقى ....قهوة تلاقى

وقمار تلاقى ....دخان تلاقى

ابقى سعيد ولا ايه يا عم سعيد؟؟؟؟

********

هه....تبقى سعيد !!

قوم يا واد

واندهلى عاقل اكلمه

انتوا جراد

ولا مش ناوين تفهموا

ده الواد وليد ابنى الصغير

ماسك ايديا ايد فى ايد

لله يكبر

لما يسمع الادان

امال ازاى تكوت انسان

وانتا كل يوم بتتهان

دى الشجرة احسن منك يا ابنى

وع العموم من غير زعل

امشى لاحسن انادى الفلاحين

واقول حكايتك ..لا ابراهيم اخو حسين

ها يفحتوك وتموت صريع

ولا انادى عبده الصعيدى

ها يقطعك حتت قطيع

شباب ملوش لازمة وقال ايه

بيقولوا ....اشمعنا ابن الباشا والبيه

..........

خلص كلامى ويلا غور من غير سلام

ها اقول سلام لواحد همه الكلام

من غير عمل

وعاملى فيها زعيم وبطل

مش عاوز اكون با اجر شكل

بس يلا من هنا

العمل طهارة يا ابنى

والايد البطالة نجسة

........

[shahd]

كلام جميل تسلم اخي العزيز :ninja:

[شاعرالرومانسية]

اخى الكريم ،،،

الفكرة اكثر من رائعة ...

المعالجة والسيناريو الموضوع متقن جدا

بس فية ملحوظتين لو سمحتلى

اولا .. فى بعض الاحيان التزمت بالقافية ولو على حساب المعنى او تغير احرف الكلمة ...

مثل ..

ولا السعادة منك مسافرة بلاد بعيد؟.... وطبعا المفروض بلاد بعيدة ..ولكن تم اللتزام بالانتهاء بحرف الدال

ولا العيال ...زى الخيال ماشيين وراك عايزين طبال... والجمع الصحيح لطبلة هو طبول وليس طبال

ثانيا .. الموسيقى فى بعض الابيات كانت محتاجة تتظبط اكتر من كدة

حاول تقرأ الابيات ورا بعض وبصوت عالى وتظبط الابيات اللى الموسيقى واقعة فيها

مثل...

قام ونفض نفسه من العفار

نظر اليا بضحكته

اكيد فاكرنى بااقول هزار

...........

دى ممكن تكون كدة،،

قام ونفض نفسه من العفار

وبصلى كدة وفضحكته

فاكر كلامى أكيد هزار

وهكذا ...

ياريت يكون فى كلامى شىء من الاستفادة ....

وكما قلت لك سابقا ..فنحن ننتظر منك الاجادة

ولك منى خالص شكرى،،،

[ebnelganoup]

شاعرنا النبيل مثلى تماما الهم عندك هم عام هم الكل

مجهودك الكبير واحساسك الرائع نــــــــــــــادر جدا يا شاعرنا النبيل

اخى شاعر الرومانسيه شاعرنا لم يخطىء عندما قال

ولا العيال زى الخيال ماشيين وراك عايزين طبال

وطبعا المعنى المقصود اجهاد النفس ليرضى اطفاله

ولا يقصد اطلاقا جمع طبلة .........

الموسيقى فعلا بلمسه من شاعرنا النبيل ح تكون منضبطه

دمت لنا شاعرنا النبيل

دمت بكل خير

ابـن الجـنــوب

[مى محمد]

عزيزى محمود......كلماتك رقيقة....كلمات شاعر على حق

وانا اتفق مع شاعر الرومانسية فيما ذكره عن الوزن و القافية....و لكن ذلك لا يقلل من روعة القصيدة و جمال الفكرة و الاسلوب

بارك الله فيك و فى موهبتك

[MahouD..شاعر غلبان]

كلام جميل تسلم اخي العزيز :ninja:

<{POST_SNAPBACK}>

سلمك الله اختى شهد .....

[MahouD..شاعر غلبان]

اخى الكريم ،،،

الفكرة اكثر من رائعة ...

المعالجة والسيناريو الموضوع متقن جدا

بس فية ملحوظتين لو سمحتلى

اولا .. فى بعض الاحيان التزمت بالقافية ولو على حساب المعنى او تغير احرف الكلمة ...

مثل ..

ولا السعادة منك مسافرة بلاد بعيد؟.... وطبعا المفروض بلاد بعيدة ..ولكن تم اللتزام بالانتهاء بحرف الدال

ولا العيال ...زى الخيال ماشيين وراك عايزين طبال... والجمع الصحيح لطبلة هو طبول وليس طبال

ثانيا .. الموسيقى فى بعض الابيات كانت محتاجة تتظبط اكتر من كدة

حاول تقرأ الابيات ورا بعض وبصوت عالى وتظبط الابيات اللى الموسيقى واقعة فيها

مثل...

قام ونفض نفسه من العفار

نظر اليا بضحكته

اكيد فاكرنى بااقول هزار

...........

دى ممكن تكون كدة،،

قام ونفض نفسه من العفار

وبصلى كدة وفضحكته

فاكر كلامى أكيد هزار

وهكذا ...

ياريت يكون فى كلامى شىء من الاستفادة ....

وكما قلت لك سابقا ..فنحن ننتظر منك الاجادة

ولك منى خالص شكرى،،،

<{POST_SNAPBACK}>

شاعر الرومانسية..جزاك الله خيرا ...افادك الله يافندم وشكرا على النصايح...

[MahouD..شاعر غلبان]

شاعرنا النبيل مثلى تماما الهم عندك هم عام هم الكل

  مجهودك الكبير واحساسك الرائع نــــــــــــــادر جدا يا شاعرنا النبيل

  اخى شاعر الرومانسيه شاعرنا لم يخطىء عندما قال

    ولا العيال زى الخيال ماشيين وراك عايزين طبال

      وطبعا المعنى المقصود اجهاد النفس ليرضى اطفاله

        ولا يقصد اطلاقا جمع طبلة .........

      الموسيقى فعلا بلمسه من شاعرنا النبيل ح تكون منضبطه

  دمت لنا شاعرنا النبيل

دمت بكل خير

ابـن الجـنــوب

<{POST_SNAPBACK}>

يالله ...ردك الجميل فرحنى اوى ...شاعرنا النبيل تصور لما بقراها با اتمنى انى اشوفكواشكرك ...جزاك الله كل الخير..يا شاعر مصر المتيم بحبها ...

[MahouD..شاعر غلبان]

عزيزى محمود......كلماتك رقيقة....كلمات شاعر على حق

وانا اتفق مع شاعر الرومانسية فيما ذكره عن الوزن و القافية....و لكن ذلك لا يقلل من روعة القصيدة و جمال الفكرة و الاسلوب

بارك الله فيك و فى موهبتك

<{POST_SNAPBACK}>

وبارك فيكىاختى مىمحمد....وانا احترمك انت والاخ شاعر الرومانسية انكم وجهتونى بالنصيحة للافضل ...لكم منى جزيل الشكر

دمتم بخير.....

[هشام الجنيدى]

فكره جميله بحق يا شاعر ...................

الانسان اللى قاعد ليله ونهاره على القهاوى ولا بيصلى ولا يعرف حاجه عن دينه طيب عايش ليه ؟؟؟؟؟؟

اكيد لازم كل واحد يسال نفسه السؤال ده مليون مره

فعلا اللى مبييعرفش دينه كويس ومبيصليش ولا بيلتزم بامر الله على قد مايقدر اكيد الحيوانات والجماد احسن منه على الاقل مبيعصوش ربنا اللى خلقهم

اتمنى ان نكون كلنا بنى ادمين بجد بحق وحقيق مش صور او تماثيل فاضيه من جوه ............