اااااخ على الرجالة!!

[بنت شعنونة]

استفزني موضوع الزوج الأمعه

فقررت ان اكتب عن نوعية مشابهه له من الرجال

اذا كان يصح اطلاق كلمة رجال عليهم

وهوا

ابن امه ???

فكثيرييييييييين الأن ممن اراهم ابن امه

تعالى يمين يا حمادة

يجي يمين

شمال شمال

طلق مراتك يا هيثم

يطلقها

اتجوز علانه يا حنفي

يتجوزها

انا اعرف ان للأم حق علينا والأب ايضا

ولكن اعتقد ان هذا الحق له حدود

فلهم علينا الطاعة

ولكن ليست الطاعة العمياء

وحسب مشاهداتي

فانا اعتقد ان حوالي 80 او 90 % من الزيجات يحدث فيها كثييييييير من الخلافات في اول سنة زواج بسبب الحماة او الحموات عموما

لأنهم غالبا ما بيتدخلوا في حياة اولادهم

سواء بحسن نية او سوء نية

بس يا ترى كلامي دا صح؟

ولو صح

يا ريت السادة الأفاضل المتزوجين يقولونا وفقوا ازاي بين زوجاتهم وامهاتهم؟؟

:notify:  :lookaround:

[Abood]

بسم الله الرحمن الرحيم

موضوع شائك جدا ...... من واقع تجربتى اعتقد اننى نجحت الى حد كبير فى التوفيق بين امى وزوجتى وكان بسبب التالى

1- توفيق الله عز وجل فى اختيار زوجة صالحة

2- معاملتى الحسنة لأهل زوجتى والمواظبة على زيارتهم والتودد اليهم

3- ابلاغى لزوجتى منذ بدء زواجنا الا تحاول ان تضعنى فى وضع مفاضلة بينها وبين امى لاننى لن اغضب امى (وعندما حدث هذا لم اغضب امى ولكننى حرصت على ان أطيب خاطر زوجتى)

المهم ان نتكلم بهدوء مع الطرفين وبعقلانية شديدة

[هشام عبد الوهاب]

شانا

قبل الزواج نتصور ان التوفيق بين الزوجه وام الزوج مسألة صعبه وبعد الزواج نكتشف انها لا صعبه ولا حاجه لأنها مستحيله :D

[Mohammad Abouzied]

بلاش الكلام دا فيه ناس على وش جواز

[بنت شعنونة]

اخي عبود اكرمك الله على هذه المعلومات

:blush:

اخي هشام

والله عندك حق

شكلها فعلا مستحيلة

بس تعرفوا

انا شفت في حياتي رجالة كتييييييير ابناء امهاتهم

بطريقة فظيعه!!

دا لو طفل في حضانه مش هايكون زيهم

والله امه هيا اللي تقوله يكلم مين وما يكلمش مين

وياكل ايه ويلبس ايه

مش كدا يعني :D

و الأسم راجل :notify:

بس ماشي

اللي زي دول ميزتهم انهم بيبانوا من اول كلمة معاهم

انما في نوع متأرجح

مابين الرفض لحاله

والرضوخ لأمه

دول بقى مصيبة لأنهم ما بيبانوش ابدا قبل الزواج

بس زي ما الأم ليها حقوق الزوجة برضه ليها يا جماعا!!!

و للأسف عندنا في مصر البنت عندها تقف في وش اهلها عشان الراجل اللي اختارته وتخسر الدنيا كلها عشانه كمان

انما الراجل

لا

يخسرها هيا وما يخسرش اهله!!

يا ترى ليه؟

ومين الصح ومين الغلط؟؟؟ ???

[الباشمهندس ياسر]

و للأسف عندنا في مصر البنت عندها تقف في وش اهلها عشان الراجل اللي اختارته وتخسر الدنيا كلها عشانه كمان

انما الراجل

لا

يخسرها هيا وما يخسرش اهله!!

يا ترى ليه؟

ومين الصح ومين الغلط؟؟؟ ???

اوقات يا شانا .. الولد بيقرر انه يسيب البنت مش عشان اهله

انما عشانها هي متخسرش اهلها

لما تبقي انت ف ارتباط نهايته الزواج و تتقدم لاهلها عشان تطلب ايديها

و تفأجا ان اهلها رفضوا ... و بمبررات واهية .. و تتناقش و برده مفيش فايدة

و كأي راجل عنده كرامة هتبدأ تنسحب بكل احترام و بعد توضيح الموقف كويس ليها ف جلسه هادية

ساعتها برده هترجع البنوته و تتهمك انك خذلتها و انك محاربتش عشانها و انك مكنتش بتحبها اصلا

و انها مش اكتر من ورقة في كتاب .. انت بتتسلي بيه

طب هتحارب ازاي و الناس رافضة انها تسمع اصلا

هتعمل ايه اكتر من انك توصل البيت و انك تحط كل الاحتمالات الممكنة للارتباط

دي حالة و بتحصل

[joo]

لا يا ياسر دة مش مبرر ان الراجل ينسحب من حياة الانسانة اللى بيحبها علشان اهلها رفضوة

لان كدة البنت بتحس انة مش شاريها وانك المفروض تحارب الدنيا علشانها

انا نفسى اترفضت 5 مرات ولم ايئس من محاولاتى الى ان اصبحت زوجتى

وهى الى الان لا تنسى لى هذة المواقف ابدا ابدا ولا تنسى انى وقفت وقفة راجل امام اهلها واهلى

وصممت انى مش هتجوز غيرها

ربنا يهدى النفوس

وبالنسبة لموضوع الام الراجل لازم يطيب خاطر مراتة مهما كانت الظروف

تم تعديل 23 مارس 2010 بواسطة joo

[shiko]

و للأسف عندنا في مصر البنت عندها تقف في وش اهلها عشان الراجل اللي اختارته وتخسر الدنيا كلها عشانه كمان

انما الراجل

لا

يخسرها هيا وما يخسرش اهله!!

يا ترى ليه؟

ومين الصح ومين الغلط؟؟؟ ???

طب هتحارب ازاي و الناس رافضة انها تسمع اصلا

هتعمل ايه اكتر من انك توصل البيت و انك تحط كل الاحتمالات الممكنة للارتباط

باشمهندس ...ياسر ...

وبعد مايحط كل الاحتمالات ...ايه اللى ممكن يتعمل موش فاهمة؟؟

وايه هى الاحتمالات؟؟

[doha]

الي يقول مفيش تعارض بين الزوجه والام حاجه من ثلاثة ..

اما ان امه ميته او عايشه بعيد عنهم بما يستحيل معه ادخالها في كل التفاصيل الحياتيه او ان زوجته باعت القضية واستسلمت لكونها رقم عشرين في حياته بعد امك ثم امك ثم امك وعلى هذا فلم يعد للزوجه راي فلا صوت يعلوا على صوت ام المعارك والدته .. او انه هو نفسه ندل ملوش عزيز لا مراته ولا امه ..

فيما عدا ذلك فالمستحيلات اربعه .. الغول والعنقاء والزوج الي يعامل زوجته زي مابتعامل معظم الزوجات ازواجها على انه محور الكون وماسواه العدم ..

تم تعديل 23 مارس 2010 بواسطة doha

[اغابي]

انا جوزى اترفض 3 مرات لما اتقدم يخطبني رسمي كمان - كان بابا حجتة انى لسة فى تانية جامعة وصغيرة ولازم اخلص الجامعة الاول وكان بيقوله عاوزة بنت لسة ما كملت 19 سنة تتجوز ازاى - دا غير ان فى البداية اتقفل فى وشه التليفون يجى اكتر من 20 مرة لان وقتها ما كنش انتشرت الموبايلات والكلام داه ودايما اللى بيرد على تلفونات البيت بابا والوحيدين اللى كانوا بيتعاملوه معاه بزوق اوى اختى واخويا الكبار - وكان احيانا اخويا يتصل بيه مخصوص بره البيت ويعتذرله من حركات ماما وبابا الاطفالى دي - ولغاية دلوقتى هو واخويا اصدقاء جدا - المهم هو صمم يتجوزنى -

وانا فاكرهاله الجميلة دى :unsure: للاسف مش قادرة انساها :)

وفى مرة ماما قالتلى النمرة غلط ما عنديش بنات ولو اتصلت تانى حاطلب السنترال وابلغ فيك شكوى لان تليفون البيت تحت المراقبة .

بس المشكلة ان هو مش قادر ينسي برضوه لماما وبابا الاهانات و الحاجات دي

انا اللى عاوزة اقوله ان المواقف اللى فى البدايات دي ما بتتنسيش ابدا ابدا من الطرفين - رغم ان جوزى مش بيجيب سيرتها قدام ماما او بابا وبيتعامل بطريقة لطيفة وعادى معاهم لكن معايا كتير بيفكرنى بانهم كانو بيرفضوه وبيقفلو فى وشه سماعة التلفون .

يبقي يفضل ودى نصيحة للناس اللى على وش جواز - يخلو بالهم من خطوة البدايات لان حيبقي فيه قصص ومشاكل واطراف كتير حتدخل من غير لازمة .

خلو بالكم كويس - حتلاقوا ناس من غير لازمة جايا تهدي النفوس

[shiko]

انا جوزى اترفض 3 مرات لما اتقدم يخطبني رسمي كمان - كان بابا حجتة انى لسة فى تانية جامعة وصغيرة ولازم اخلص الجامعة الاول وكان بيقوله عاوزة بنت لسة ما كملت 19 سنة تتجوز ازاى - دا غير ان فى البداية اتقفل فى وشه التليفون يجى اكتر من 20 مرة لان وقتها ما كنش انتشرت الموبايلات والكلام داه ودايما اللى بيرد على تلفونات البيت بابا والوحيدين اللى كانوا بيتعاملوه معاه بزوق اوى اختى واخويا الكبار - وكان احيانا اخويا يتصل بيه مخصوص بره البيت ويعتذرله من حركات ماما وبابا الاطفالى دي - ولغاية دلوقتى هو واخويا اصدقاء جدا - المهم هو صمم يتجوزنى

وانا فاكرهاله الجميلة دى :unsure: للاسف مش قادرة انساها :)

وفى مرة ماما قالتلى النمرة غلط ما عنديش بنات ولو اتصلت تانى حاطلب السنترال وابلغ فيك شكوى لان تليفون البيت تحت المراقبة .

بس المشكلة ان هو مش قادر ينسي برضوه لماما وبابا الاهانات و الحاجات دي

انا اللى عاوزة اقوله ان المواقف اللى فى البدايات دي ما بتتنسيش ابدا ابدا من الطرفين - رغم ان جوزى مش بيجيب سيرتها قدام ماما او بابا وبيتعامل بطريقة لطيفة وعادى معاهم لكن معايا كتير بيفكرنى بانهم كانو بيرفضوه وبيقفلو فى وشه سماعة التلفون .

هو ده المهم ...ان الراجل يكون عنده التصميم علشان ...هو عارف انها هى دى يا اما بلاش ...

واكيد لازمن ولابد البنت كمان يبقى عنده نفس الروح .....

الروح دى ........بتفرق كتير مع الطرفين ....لو هما فعلا عاوزين بعض ...

وموش صافحة نقلبها والسلام ...مع اول رفض او صد ...او قفلة تليفون ....

احيانا ...الاب والام بيبقوا عاوزين يشوفوا التمسك فى عنين الطرف الاخر ...

عاوزين يعرفوا مدى اصراره وتمسكه ببنتهم ...وانها بالنسبة له موش اى بنت والسلام ...

------------------------------

على جنب ...اسمحيلى احيى زوجك ....ونعم الرجال

تم تعديل 23 مارس 2010 بواسطة shiko

[عنبو]

انا ارفض هذا الكلام اطلاقاً

انا داخل البيت من بابه لازم يكون الاحترام متبادل بين الطرفين ولا فشيل ده من ده يرتاح ده عن ده

انا لو متقدم لو احده ولقيت معامله جافه من اهلها فقط معامله جافه هقولهم مع السلامه مافيش احسن من الاصول

طالما داخل من الباب يبقى الموضوع منهى لاما اه لاما لااااااااااا

مش نظام بقى انها زيها زى غيرها ولكن هى الاصول كده والاصول متزعلش حد

انا مش داخل حرب ولابد ان اكسبها انا داخل اطلب واحده من ابوها يعنى داخل ادمج عائلتين مع بعض

فلازم الكل يكون عنده القبول ده

شكراً

[doha]

على فكره ياجماعه بيتهيء لي التوبيك ده مش عن الاحترام بين الزوج واهل الزوجه كما بدى لي من ردودكم الاخيرة .. اعتقد انكم مقرأتوش الموضوع من اوله ..

[joo]

انا ارفض هذا الكلام اطلاقاً

انا داخل البيت من بابه لازم يكون الاحترام متبادل بين الطرفين ولا فشيل ده من ده يرتاح ده عن ده

انا لو متقدم لو احده ولقيت معامله جافه من اهلها فقط معامله جافه هقولهم مع السلامه مافيش احسن من الاصول

طالما داخل من الباب يبقى الموضوع منهى لاما اه لاما لااااااااااا

مش نظام بقى انها زيها زى غيرها ولكن هى الاصول كده والاصول متزعلش حد

انا مش داخل حرب ولابد ان اكسبها انا داخل اطلب واحده من ابوها يعنى داخل ادمج عائلتين مع بعض

فلازم الكل يكون عنده القبول ده

شكراً

يا عنبى يا حبيبى كلامك صح لان انت مش بتحب وهتتجوز جواز صالونات

لكن لو انت بتحب ومتمسك بحبيبك هتحارب الكون علشانة

[shiko]

انا ارفض هذا الكلام اطلاقاً

انا داخل البيت من بابه لازم يكون الاحترام متبادل بين الطرفين ولا فشيل ده من ده يرتاح ده عن ده

انا لو متقدم لو احده ولقيت معامله جافه من اهلها فقط معامله جافه هقولهم مع السلامه مافيش احسن من الاصول

طالما داخل من الباب يبقى الموضوع منهى لاما اه لاما لااااااااااا

مش نظام بقى انها زيها زى غيرها ولكن هى الاصول كده والاصول متزعلش حد

انا مش داخل حرب ولابد ان اكسبها انا داخل اطلب واحده من ابوها يعنى داخل ادمج عائلتين مع بعض

فلازم الكل يكون عنده القبول ده

شكراً

ماهو علشان ...هو زواج ...وموش خناقة ...

ماينفعش تتنرفز اوى كده

على فكرة انا عاوزة اشوفك هاتعمل ايه مع بنتك ؟؟

هاتتصرف ازاى مع واحد متقدملها .....وانت بعين الاب ...غير وانت قاعد على الضفة التانية

والمسائل مابتتخدش افش كده

وعفوا :unsure:

[Damo]

انا ارفض هذا الكلام اطلاقاً

انا داخل البيت من بابه لازم يكون الاحترام متبادل بين الطرفين ولا فشيل ده من ده يرتاح ده عن ده

انا لو متقدم لو احده ولقيت معامله جافه من اهلها فقط معامله جافه هقولهم مع السلامه مافيش احسن من الاصول

طالما داخل من الباب يبقى الموضوع منهى لاما اه لاما لااااااااااا

مش نظام بقى انها زيها زى غيرها ولكن هى الاصول كده والاصول متزعلش حد

انا مش داخل حرب ولابد ان اكسبها انا داخل اطلب واحده من ابوها يعنى داخل ادمج عائلتين مع بعض

فلازم الكل يكون عنده القبول ده

شكراً

سؤالين:

١ـ لو اهلها رفضوا بدون معامله جافة و بدون اهانات. رفضوا حسب الاصول, هتحاول تاني و تالت؟

٢ـ لما تتقدم لوحده..في رايك ايه اللي يثبتلها انها بالنسبة لك مش زاي غيرها؟

تم تعديل 23 مارس 2010 بواسطة Damo

[اغابي]

انا جوزى اترفض 3 مرات لما اتقدم يخطبني رسمي كمان - كان بابا حجتة انى لسة فى تانية جامعة وصغيرة ولازم اخلص الجامعة الاول وكان بيقوله عاوزة بنت لسة ما كملت 19 سنة تتجوز ازاى - دا غير ان فى البداية اتقفل فى وشه التليفون يجى اكتر من 20 مرة لان وقتها ما كنش انتشرت الموبايلات والكلام داه ودايما اللى بيرد على تلفونات البيت بابا والوحيدين اللى كانوا بيتعاملوه معاه بزوق اوى اختى واخويا الكبار - وكان احيانا اخويا يتصل بيه مخصوص بره البيت ويعتذرله من حركات ماما وبابا الاطفالى دي - ولغاية دلوقتى هو واخويا اصدقاء جدا - المهم هو صمم يتجوزنى

وانا فاكرهاله الجميلة دى :unsure: للاسف مش قادرة انساها :lol:

وفى مرة ماما قالتلى النمرة غلط ما عنديش بنات ولو اتصلت تانى حاطلب السنترال وابلغ فيك شكوى لان تليفون البيت تحت المراقبة .

بس المشكلة ان هو مش قادر ينسي برضوه لماما وبابا الاهانات و الحاجات دي :lol:

انا اللى عاوزة اقوله ان المواقف اللى فى البدايات دي ما بتتنسيش ابدا ابدا من الطرفين - رغم ان جوزى مش بيجيب سيرتها قدام ماما او بابا وبيتعامل بطريقة لطيفة وعادى معاهم لكن معايا كتير بيفكرنى بانهم كانو بيرفضوه وبيقفلو فى وشه سماعة التلفون .

هو ده المهم ...ان الراجل يكون عنده التصميم علشان ...هو عارف انها هى دى يا اما بلاش ...

واكيد لازمن ولابد البنت كمان يبقى عنده نفس الروح .....

الروح دى ........بتفرق كتير مع الطرفين ....لو هما فعلا عاوزين بعض ...

وموش صافحة نقلبها والسلام ...مع اول رفض او صد ...او قفلة تليفون ....

احيانا ...الاب والام بيبقوا عاوزين يشوفوا التمسك فى عنين الطرف الاخر ...

عاوزين يعرفوا مدى اصراره وتمسكه ببنتهم ...وانها بالنسبة له موش اى بنت والسلام ...

------------------------------

على جنب ...اسمحيلى احيى زوجك ....ونعم الرجال

برضوه حتحي جوزي اكتر لما تعرفي حاجة اخطر حصلت

قبل الفرح ب 3 أيام وخلاص وزعنا كروت الفرح وحضرنا الفستان وحجزنا الاستوديو والكوافير

حصل موقف تافه بسيط بينى وبين اخت جوزى وهى اكبر منى ب 22 سنة يعنى اد مامتى وحتى اولادها قريبين من سنى وانا بحترمها وكنت احيانا اغلط واقولها يا تانت - المهم موضوع تافه انى انا وبرتب العفش في شقتى اخترت اوضه لليفينج روم واوضة نوم الاطفال - هى مش عاجبها النظام اللى وزعت بيه عفش شقتى راحت قالتلى بعصبية جدا وصوت عالى لا ترتيب االاوضة يتغير وطلبت من العمال فى الحال يغيروا اماكن العفش وهى صعبة جدا وماما صعبة جدا برضوه :P - راحت ماما سالتها هي دي شقتك ولا شقته بنتي - مين ليها الحق فى ترتيب الشقة وحيعيش فيها انت ولا هى ؟؟؟ - راح جوزى احتراما لاخته الكبير اخدنى على جنب وقالى معلش هي عصبية شوية احنا نضحك عليها ولما نتجوز انا بنفسي حابدل اوضة الاطفال باليفينج روم - انا سكت - مش مشكلة بس اليومين دول يعدو على خير لان اسبوع الفرح كان فيه مشاكل كتير اوى

راحت اخت جوزى تحلف يمين بالدين تتفركش الجوازة - على جثتها لو تمت الجوازة دي وكنا خلاص وزعنا كل حاجة يعنى مستفذه جدا - راحت ماما بما انها جبارة برضوه قالتلها ايه حتلوى دراعنا طب ابنكم عندكم اهو وبنتنا عندنا - انا موافقة تتفركش وبعد بكرة بنتى حاجوزها لابن اختى برضوه فى نفس الميعاد ونفس الكنيسة وعريسنا جاهز ( وكدا كدا ماما ما كنتش من الاول عجباها الجوازة دي وكانت عاوزة تجوزنى لابن اختها ) وادخلت ناس تشعللها شعلل :lol: وقال بتهدي النفوس

موسيقي تصويرية بسرعة ترمرم تتم تتتتمتمتمت

جه دور البطل الهمام جوزى وقال md2: -

فرحنا بعد 3 ايام واللى يشرفنا العنوان (كنيسة مارجرس هوليوبلس مصر الجديدة الساعة 8 زى كروت الدعوة ) - واللى مش عاوز يجي براحته هو حر وحنتشرف بعدم وجوده برضوه عادي - وقال بصوت عالى انا ناقص قال العروسة للعريس والجرى للمتاعيس :D - وسعوا بس شوية اخد مراتى الاول وبراحتو مع بعض وسحبنى من ايدي جامد وسط المناقشات الحادة والكل فى الشقة والعمال والدنيا مربوكة ونزل بيا اكلنا فى مطعم واتفسحنا وانبسطنا وروحنا ملاهى السندباد ورجعنا فى اليوم داه الساعة 1 بعد نص الليل واحنا مبسوطين 100/100

[جيمي]

على فكره ياجماعه بيتهيء لي التوبيك ده مش عن الاحترام بين الزوج واهل الزوجه كما بدى لي من ردودكم الاخيرة .. اعتقد انكم مقرأتوش الموضوع من اوله ..

عندك حق التوبك بيناقش حالة الزوج ابن امه ... علي العموم انا بقول للزوجه ماتقلقش لان ابن امه يعتبر شخصيه ضعيفه اعتماديه غير صاحب قرار ... اول مايفقد امه - بعيد الشر علي كل الامهات - هتتولي زوجته القياده وهيفضل ابن امه برده اللي هي مراته

اسباب الحاله المزريه دي ايه ؟؟؟ اعتقد قوة شخصية الام فى البيت من البدايه وتهميش دور الاب ... مع الدلع الزياده اوي وتدخل الام فى جميع شئون الابن منذ الصغر وابعاده عن اصدقاؤه بحجة الخوف عليه .... يطلع شخصية ماتعرفش فى حياتها غير ماما ماما ماما

ومع ذلك الام ليها حقوق والزوجه ليها حقوق والاولاد ليهم حقوق ... والراعي اللي هوه الراجل مسؤل انه يعي واجباته والتزماته و يعطي كل فرد حقه من رعايه وتوجيه وحنان ... ويوازن بينها

[لماضة مصرية جدا]

السلام عليكم و رحمة الله و بركاته

معلش يا جماعة.....انا مش عارفة اتكلم في ايه...بس عايزة ارد علي سؤالين دامو...*****

ممكن لوسمحت تفتحوا موضوع عن البوءين اللي اتحشروا في التوبيك ده اصلا عشان نعرف نتبحبح كده...و نحدف الاجابات

يعني توبيك....نسميه مثلا بداية و نهاية..... لا فقري اوي.... :unsure: (علي اعتبار ان البدايات الخطا بتعمل نهايات لونها كوحلي مخطط بالسواد)

او سموه... يا اما القمر ع الباب...افتح ادخله و لا اقوله فوت علينا بكرة

سموه منين ما تسموه بس افتحوا حوتة كده ناخد فيها بخاطر بعض.....يوووووه قصدي.....نفكر فيها مع بعض...و نقعد نلت و نعجن و نعمل فطيرة الحب لاسعد زوجين في العالم

اغابي......سيدتي الجميلة......انا بقول انتي تعملي توبيك مخصوص ليكي في موضوعات شخصية لاني مستفدية جدا من خبرات حضرتك...و السم هدية مني

أغابي....حياتي....كتابي...احبابي..... :lol:

مستنية اهه

فوتكم بعافية

تم تعديل 24 مارس 2010 بواسطة Folana

[محمد افندى]

استفزني موضوع الزوج الأمعه

وهوا

ابن امه ???

فكثيرييييييييين الأن ممن اراهم ابن امه

تعالى يمين يا حمادة

يجي يمين

شمال شمال

طلق مراتك يا هيثم

يطلقها

اتجوز علانه يا حنفي

يتجوزها

انا اعرف ان للأم حق علينا والأب ايضا

ولكن اعتقد ان هذا الحق له حدود

فلهم علينا الطاعة

ولكن ليست الطاعة العمياء

وحسب مشاهداتي

فانا اعتقد ان حوالي 80 او 90 % من الزيجات يحدث فيها كثييييييير من الخلافات في اول سنة زواج بسبب الحماة او الحموات عموما

لأنهم غالبا ما بيتدخلوا في حياة اولادهم

سواء بحسن نية او سوء نية

بس يا ترى كلامي دا صح؟

ولو صح

يا ريت السادة الأفاضل المتزوجين يقولونا وفقوا ازاي بين زوجاتهم وامهاتهم؟؟

:notify:  :lookaround:

عفوا هوضح لحضرتك نقطة مهمة جدا

انا معاكى ان فى ناس كثير بيسمعو كلام امهم بطريقة غريبة وكل حاجة يرجع لأمة وعارف ان فى زيجات كثير بيحصل فيها مشاكل ومش تتم بسبب تدخل الام فى حياه ابنها وفى زيجات حتى بعد ما تتم بيحصل فيها مشاكل قد تصل للانفصال بسبب الام

لكن انا شايف ان المشكلى الحقيقة ان الطرفين سواء الزوج او الزوجة بيسلمو ودانهم للاخرين بالنسبة للزوج ( امة - اخواتة البنات بالذات ) وبالنسبة للزوجة عادة بتبقى أمها او زميلاتها او جيرانها ودى مشكلة كبيرة جدا عندنا فى مصر وتلاقى شوية جمل محفوظين يتقالو للزوج مثال ( اوعى تخلى الكلمة كلمتها والشورة شورتها الخ الخ وبالنسبة للزوجة تلاقى جيرانها او زميلاتها او امها يقولو لها لازم يكون ليكى شخصية ولازم مش عارف اية واية الخ

طبعا الحل عند الزوج

لازم يكون راجل بجد يعنى يكون له شخصية والشخصية دى مش هتتبنى مع امه بعد زواجة

لأ من بدرى قوى يعنى هى امه ولازم يبر بيها ويطعها زى الدين ما بيقول بس لازم يكون لة رأى ولو هو فعلا شخص سوى وراجل من بدرى أكيد أمة هتقتنع بارائة وتوجهاته وافعاله اللى بيعملها من ذاتة دون الرجوع اليها واكيد فى حاجات لازم فيها المشورة خصوصا من الاباء والامهات بحكم خبرتهم

بس برضة مش مطلوب منه عشان يراضى زوجتة يعمل اللى هى عاوزاة اللى عادة بيخالف راى حماتها (حتى لو ضد المصلحة

للأسف الكثير من الزوجات بيبقى كل همهم مخالفة راى حماتها والسلام

ودعونا نتكلم بصراحة تقريبا الزوجات مفيش حاحة اللى ما بيشاورو فيها امهاتهم حتى بعد زواجهم فلماذا العكس يتم رفضة

انا شخصيا لا أمانع من مشورة الاهل ( اب - ام - زوجة )

الحل : الزوج

انه يبقى حاكم عادل بين أمة وزوجتة

ودة بيرجع لشخصيتة ازاى يقدر يقنع والدته وازاى يقدر يحتوى زوجتة

تم تعديل 23 مارس 2010 بواسطة محمد افندى