اااااخ على الرجالة!!

[doha]

عندك احتمال رابع ؟؟

قصدت ان لازم يكون في تعارض بين الام والزوجه .. ولازم الزوج في الحاله دي هيميل جهة اهله سواء بقى الام او الاب .. اللهم الا لو واحده فيهم باعت القضية وخرجت من حلبة المنافسة بمزاجها .. او غصب عنها ..

طب ما حضرتك حطيتي احتمال جميل اهو

ان الام او الزوجة .... احداهما او كلتاهما .. مخها كبير و بتفهم

ولا الصنف ده قليل ف الحريم..؟!!!

لو حضرتك اخذت بالك ياباشمهندس احنا بنتناقش في موضوع الراجل ( ابن امه ) الي بياخذ برايها في كل شيء ومستحيل يتخذ قرار او ( موقف ) زي مالبنت ممكن تعمل في نفس الوقت الي البنت ممكن تبيع اهلها عشان واحد والواحد في حد ذاته مش ممكن ابدا ( يبدي ) مراته على اهله ..

ده كان محور النقاش ان لم تخني الذاكرة ..

البعض رد وقال محصلش والنعمه واحنا رجاله زي الفل وعشرة على عشرة والبعض الآخر ـ من الرجال ـ قال ايوه فعلا في حموات وحشين زي حماتي كده . ..

وهو ده بيت القصيد ..

محدش ـ من الرجالة ـ بيشوف مامته غلطانه ولا بيشوف عيب انه يلجأ لمشورتها في كل كبيرة وصغيره في نفس الوقت الي طبيعي ان مراته هي ( الي بتاعت مشاكل ) وطبيعي انها قلة ادب وافشاء لاسرار البيت لو البنت راحت حكت لمامتها عن حاجه بتحصل في ( بيتها ) ..

ردي مبني على ان الي شايف ان الوضع ( مش ظاهرة ) وان فعلا في رجاله ( صوتها من دماغها فقط ) او في رجاله بتسمع لزوجاتها فبقول ان ده امر وارد بس في حااله من ثلاث .. ان الام مش موجوده او ان الزوجه مكبرة دماغها فمش مهتمه بالوضع او مش بتلفت نظر الزوج لحالته او مبتتصادمش مع قرارات الام او استشارات الزوج لها وبالتالي فالمشكلة مش محتدمه كون احد طرفي العقده مبيسحبش الخيط .. او الاحتمال الاخير ان الراجل ده بطبعه اناني صوته من دماغه وبالتالي فلا بياخذ براي ام وزوجه بمعنى لا يقتنع براي ايهما اصلا لاي سبب يراه هو ..

كل ماسبق واحتمال ان احداهما عقلها كيبر وبتفهم وارد ولا هو صنف قليل في الحريم ولا حاجه غايه ماهنالك ان مكانش ( دماغ الحريم ) هو موضوعنا وانما ماوضحته اعلاه ..

[doha]

عارفه يا مدام ضحى بجد والله مش علشان هي أمي بقول عليها مخها كبير بجد هي فعلا مخها كبير .

هي الكبيره بين أخواتها وربت أخواتها كلهم صبيان وبنات وربت لهم أولادهم كمان

وتعتبر حماة زوجات أخوالي ومع ذلك بفضل الله الكل عارف أنها مخها كبير وحاجه كده زي الستات بتوع زمان اللي دماغهم يتوزن بالذهب

حماتي برضه مخها كبير وبمية راجل لكن لأنها كانت رافضاني في البدايه فده كان له شويه حساسيات والحمد لله مع الوقت زالت ولا يبقى غير الكلمه الطيبه .

تحياتي roseopen.gif

بل اني متاكده انها بالظبط زي مابتقول يكفي انها انجبت واحد زي حضرتك .. ربنا يخليها لكم ..

ولكن انا بتكلم بشكل عام .. وتقدر حضرتك تسال والدتك دي الي هي ماشاء الله هي من هي .. هل لما كان والدي زماان في بداية زواجكم ـ وامه عايشه ـ بياخذ رايك في كل كبيرة وصغيره ولا راي والدته ؟

[الباشمهندس ياسر]

السلام عليكم

بما اننى لى تجارب حياتية فى هذا الشأن ، ليس كعريس ، ولكن كأخ لاخوة اصغر وكأب ، يمكننى ان اقول:

ان رفض الاسرة للشاب المتقدم لابنتهم ، او رفض طلب ابنهم الشاب للارتباط ببنت لايرون فيها انها الاختيار السليم ، اقول دائما يكون هذا الرفض مبنيا على دراسة وخبرة حياتية لاتراها بنتهم او لايراها ابنهم .

وعلى الشاب الذى تم رفضه من قبل اسرة الفتاة ان يتناقش معها فى اسباب الرفض فربما يكون به عيوب لايعرفها حيث ان كل انسان يرى نفسه كاملا وانه لاشيئ يعيبه .

وارفض تماما فكرة ان يكون تعليل الشاب للتخلى عن الفتاة هو مجرد ان اهلها قد رفضوه ، فدائما الابواب فى مثل تلك الحالات تظل نصف مفتوحة ونصف مغلقة ، الا اذا كان الاهل على يقين ان الشاب لايصلح للزواج من ابنتهم وماهو الا مستغل للفرص وأن له غايات أخرى ، وعندها وبعد اكتشاف امره سينسحب الشاب متعللا برفض اهلها او اهله او اى حجة واهية بعد ان " بانت لبته " وهذا رأيته مرتين حيث كان الشابين فى تلك الحالتين ممن يجيدون الكلام المعسول الذى يدغدغ عواطف البنت والذين فى الحقيقة كانوا " داخلين على طمع " .

الخلاصة لو كان الشاب جاد وذو مركز يتناسب مع الفتاة التى يريد الارتباط بها ، وان هناك تكافؤ اجتماعى ومادى ايضا ، فلا بأس ان يحاول مرة اخرى فربما تكون هناك امور تستدعى التوضيح لاهل الفتاة ،

اما لو كان هناك عدم تكافؤ فارى ان الشاب لم يكن جادا من البداية وانها التقدم لاهل البنت كان مجرد وسيلة للوصول الى غايات اخرى ، وبالتالى بعد اكتشاف امره ، فلم يكن امامه الا البحث عن ضحية اخرى لعلها تصيب فى المرة القادمة

وعندما اقول تكافؤ مادى اعنى تكافؤ مادى بين الشاب والفتاة ، بالبلدى " ميكونش حاطط عينه على فلوسها " وهذا رأيته بعينى ، حيث اشترت الفتاة " فيلا " كتبت باسم رب العائلة " العريس الطماع ، ووضعت اموالها فى حسابه لان عيب البنت اسمها يذكر فى مجالس البيع والشراءوالبنوك ( لانها اقنعها بالتنقب " ثم بحد ذلك قسم الفيلا بينها وبين زوجته الجديدة .

وبالمناسبة اسدى نصيحة لكل الفتيات المقبلات على الزواج ، فى ظل قوانين المجتمع المصرى التى لاتعطى للمرأة المطلقة اكثر من نفقة العدة ، احتفظى بثروتك مستقلة عن زوجك .

أحسنت بارك الله فيك

و لكن حينما تكون الكفاءة بتمامها لصالح الشاب بما تنتفي معه اي شبهات ...

تختلف الامور كثيرا

و أخيرا

بعض الرجال لا تقبل كرامتهم أن يتقدم مرة و أخري

تحياتي

[الباشمهندس ياسر]

لو حضرتك اخذت بالك ياباشمهندس احنا بنتناقش في موضوع الراجل ( ابن امه ) الي بياخذ برايها في كل شيء ومستحيل يتخذ قرار او ( موقف ) زي مالبنت ممكن تعمل في نفس الوقت الي البنت ممكن تبيع اهلها عشان واحد والواحد في حد ذاته مش ممكن ابدا ( يبدي ) مراته على اهله ..

ده كان محور النقاش ان لم تخني الذاكرة ..

البعض رد وقال محصلش والنعمه واحنا رجاله زي الفل وعشرة على عشرة والبعض الآخر ـ من الرجال ـ قال ايوه فعلا في حموات وحشين زي حماتي كده . ..

وهو ده بيت القصيد ..

محدش ـ من الرجالة ـ بيشوف مامته غلطانه ولا بيشوف عيب انه يلجأ لمشورتها في كل كبيرة وصغيره في نفس الوقت الي طبيعي ان مراته هي ( الي بتاعت مشاكل ) وطبيعي انها قلة ادب وافشاء لاسرار البيت لو البنت راحت حكت لمامتها عن حاجه بتحصل في ( بيتها ) ..

ردي مبني على ان الي شايف ان الوضع ( مش ظاهرة ) وان فعلا في رجاله ( صوتها من دماغها فقط ) او في رجاله بتسمع لزوجاتها فبقول ان ده امر وارد بس في حااله من ثلاث .. ان الام مش موجوده او ان الزوجه مكبرة دماغها فمش مهتمه بالوضع او مش بتلفت نظر الزوج لحالته او مبتتصادمش مع قرارات الام او استشارات الزوج لها وبالتالي فالمشكلة مش محتدمه كون احد طرفي العقده مبيسحبش الخيط .. او الاحتمال الاخير ان الراجل ده بطبعه اناني صوته من دماغه وبالتالي فلا بياخذ براي ام وزوجه بمعنى لا يقتنع براي ايهما اصلا لاي سبب يراه هو ..

كل ماسبق واحتمال ان احداهما عقلها كيبر وبتفهم وارد ولا هو صنف قليل في الحريم ولا حاجه غايه ماهنالك ان مكانش ( دماغ الحريم ) هو موضوعنا وانما ماوضحته اعلاه ..

و الله يا اختي انا مكنتش بناقش حضرتك ف قضية ابن امه اطلاقا

ابن امه ... مسألة لا تستحق الالتفات اصلا

انما تعليقي كله علي مسألة العلاقة بين الام و الزوجة

و انا وضحت ده لحضرتك ف ردي

باشمهندس ياسر ..

معليش مش فاهمه تعليقك على كلامي بعلامه استفهام كبيرة .. ممكن توضيح اكتر ؟

==========

مش فاهم الجزئية بتاعت العلاقة بين الام و الزوجة ... فيه حاجة مش واضحة

ليه حصرتي الاحتمالات ف التلاتة دول بس

و اخيرا

اعتذر اللبس ف الفهم

تحياتي

[لماضة مصرية جدا]

السلام عليكم و رحمة الله و بركاته

بجد جزاكم الله كل خير.....انا مستفيدة جدا جدا من متابعة حوار حضراتكم...(استاذ محمد و استاذة ضحي) تحية خاصة...و حقيقي خبرات الاخرين بتساعد الواحد كتير انه ينظر لما ابعد من تحت قدميه.

تناولكم للموضوع و مشاركتكم بالخبرات الشخصية....متتخيلوش بيفيد الناس المقبلة ع الزواج ازاي...

فيه ناس بتشوفه معركة حربية... لازم ننتصر....و فيه ناس بتشوفه رحلة انسانية...

=============================================================

بالنسبة لموضوع الحماة.... و مرات الابن و الزوجة.....سمعنا كل الناس المتجوز و اللي لسه بيتفرج

بس كان نفسي اسمع راي الطرف التاني في الموضوع..... الحماة...او ام الزوج......احيانا لما بنسمع الطرف الاخر.....ممكن جدا تختلف زاوية حكمنا ع الامور

محدش هنا بقي في المنتدي حماة حلوة كده......؟؟؟؟

دمتم بكل الود

تحياتي

[shiko]

لماااااااااااضة ...منكن اتكلم ...؟؟

...يعنى ممكن انقل صورة الحماة ....انا موش حماة اوى ...

بس مامتى حماة ...وليه فى الموضوع ده بااااااااااع طويل اوى مع الحموات ...

وعلى فكرة الحماة الواحدة ...بتتغير بتغيير الوجهة ...يعنى ايه ؟؟طبعا هاتلمضى لسة ماخلصتش كلامى اصبرى

الحماة ...بتعامل جوز بنتها ....غير مراة ابنها تماما ...يعنى الشخصية الواحدة ممكن تتناقض بين الاتنين تماما ...

وافتكرى بقول ممكن ...

تم تعديل 24 مارس 2010 بواسطة shiko

[لونا]

و الله أنا من رأيي إن فيه إختيارات أخرى غير اللي ضحى قالتها

بس تعالوا في الأول نتفق إن أي حماة..أي حماة.. بتحس إن إبنها إتاخد أو بمعنى أدق إتخطف منها لما يتجوز..

( طب أنا عايزة أقول لكم إن أول ولد في العيلة عندنا لما إتجوز و مامته في الفرح قعدت تعيط كلنا عيطنا معاها

..حسينا إن الراجل بتاعنا إتاخد ..مع إنه مش أخويا أمال لو كان ليه أخ كنت عملت إيه؟ :lol: )

و نتفق برضه إن أي زوجة عايزة زوجها يبقى لها لوحدها .. و أهم حاجة ما يسمعش كلام مامته ..صح أو غلط .. ما ليش دعوة يسمع كلامها ليه؟

لأنه لو سمع كلامها حيبقى إبن أمه ..لكن لو سمع كلام زوجته حيبقى زوج متفهم و بيحب زوجته :D

دي أساسيات لازم كلنا نكون عارفينها....

و ندخل على العلاقة الزوجية و احنا في دماغنا إن الحماة مش ملاك حتعاملني كويس على طول

و لا شيطان ...و حنتخانق على الزوج الغلبان مين فينا اللي حتغلب و حتشده ناحيتها

لكن لو فيه حماة عاقلة .. لازم حتكون العلاقة بينها و بين زوجة إبنها كويسة ..بفرض إن الزوجة عادية حتى و ليست عاقلة زيادة

أنا شايفة إن البداية لازم تكون من ناحية الحماة .. لأن الزوجة هي القليلة الخبرة .. و هي الجديدة على العيلة..

و هي اللي بتبدأ حياة جديدة ... و تقع تحت ضغط مسئوليات لم تتعود عليها بعد ..

يبقى الحماة هي الرقم الأول في هذه العلاقة... و يقع عليها الدور الأكبر..

نيجي للزوجة .. واجب عليها إنها تعدي حاجات كتييييير .. مش حقول عشان خاطر لا حماتها و لا زوجها .. عشان خاطر ربنا

و الله مش صعب .. طب أقول لكم على حاجة تانية .. عشان خاطر نفسها .. تكبر دماغها و تعدي عشان ما تعملش مشاكل مع زوجها و تخرب على نفسها

طبعاً إحنا لا نتكلم على إهانات أو أشياء قبيحة :lol: .. مجرد تدخلات .. قمصات .. كلمة كدة و لا كدة ... إنتقاد ..

الحاجات دي ممكن الزوجة الشاطرة تعديها .. عشان خاطر تبعد عن النكد

لكن فيه حاجات ما ينفعش تعدي .. ( و إحنا بنتكلم عن حماة عادية مش بتهين مثلا زوجة إبنها )

يعني ما ينفعش الزوجة تسكت مثلاً على حاجة إتقالت مش صحيحة .. لازم تقول لزوجها على الحقيقة

ما تروحش تقول مامتك بتكذب ..لالالالالالالا :lol: .. تقول ماما فهمت الكلام غلط ... اللي حصل مش كدة بالضبط

ما ينفعش تسكت لما يكون فيه شبهة توقيع لا سمح الله بينها و بين زوجها

و حاجات كتير أنا مش عايزة أطول ..

لأن فيه طرف مهم و هو اللي بيتعب حقيقي ... الزوج

الزوج لازم مع مامته يحسسها إنها أهم حاجة في حياته .. و رضاها و هو مبتغاه في حياته.. و دي حقيقة

و لازم النقطة دي تكون واضحة للزوجة كمان..

و لازم كمان يفهّم مامته إن علاقته بزوجته علاقة خاصة بيهم لوحدهم.. و مش بالكلام بس

لازم بالأفعال .. يعني مش كل حاجة يروح يحكيها .. إتخانقوا .. يحكي لمامته .. خرجوا .. يقولها بالتفصيل

إشترى حاجة لها أو للبيت.. جري يديها التقرير .. و هكذا.......

و بعدين لما الزوجة بتحكي لزوجها حاجة حصلت من والدته .. الهدف مش إنه يروح ياخد حقها و يتخانق مع مامته..

لا هي بس عايزة تحس إن زوجها متفهم الضغوط اللي عليها و عايزاه يطيب خاطرها

و الله الستات طيبين جداً و الرجالة يقدروا يضحكوا عليهم بكلمتين بس هما اللي مش بيعرفوا

و في النهاية فيه حموات ما ينفعش معاهم .... الاللي

[shiko]

الزوج لازم مع مامته يحسسها إنها أهم حاجة في حياته .. و رضاها و هو مبتغاه في حياته..

لا هي بس عايزة تحس إن زوجها متفهم الضغوط اللي عليها و عايزاه يطيب خاطرها

هو ده المختصر المفيد ...اللى عاوزاه الزوجة ..والام فى اًن واحد

[لونا]

لماااااااااااضة ...منكن اتكلم ...؟؟

...يعنى ممكن انقل صورة الحماة ....انا موش حماة اوى ...

بس مامتى حماة ...وليه فى الموضوع ده بااااااااااع طويل اوى مع الحموات ...

وعلى فكرة الحماة الواحدة ...بتتغير بتغيير الوجهة ...يعنى ايه ؟؟طبعا هاتلمضى لسة ماخلصتش كلامى اصبرى

الحماة ...بتعامل جوز بنتها ....غير مراة ابنها تماما ...يعنى الشخصية الواحدة ممكن تتناقض بين الاتنين تماما ...

وافتكرى بقول ممكن ...

عندك حق يا شيكو

فعلاً الأم ممكن تدلع زوج بنتها و تهننه .. عشان خاطر يهني بنتها

و هي نفس الأم تشد على زوجة إبنها .. لأنها واخدة منها الغالي !!!

بس برضه ما فيش قاعدة فيه حموات كويسين جداً مع زوجات أبنائهم

و فيه حموات بتخرب على بناتها و أولادها ما بتفرقش .. و دي أنا شوفتها بنفسي للأسف

ردي مبني على ان الي شايف ان الوضع ( مش ظاهرة ) وان فعلا في رجاله ( صوتها من دماغها فقط ) او في رجاله بتسمع لزوجاتها فبقول ان ده امر وارد بس في حااله من ثلاث .. ان الام مش موجوده او ان الزوجه مكبرة دماغها فمش مهتمه بالوضع او مش بتلفت نظر الزوج لحالته او مبتتصادمش مع قرارات الام او استشارات الزوج لها وبالتالي فالمشكلة مش محتدمه كون احد طرفي العقده مبيسحبش الخيط .. او الاحتمال الاخير ان الراجل ده بطبعه اناني صوته من دماغه وبالتالي فلا بياخذ براي ام وزوجه بمعنى لا يقتنع براي ايهما اصلا لاي سبب يراه هو

و إيه المشكلة يا ضحى إن الست لا تلفت نظر زوجها إنه بيسمع كلام مامته في بعض الأمور ..خاصة لو كان رأيها سديد

ما هو طبيعي إنه يستشير مامته أحياناً .. و لو الزوجة مش عاجبها ..

مش الحل إنها تقوله .. لأنها كدة بتتهمه ضمنياً.. إنه إبن أمه .. و إنه ما لوش شخصية

و أنا شايفة إن الزوجة الزكية لا يجب أن تضع نفسها أبداً في مواجهة مع أم الزوج .. لأنها دايماً حتخسر

[بنت شعنونة]

:blush2:

[لونا]

بنت شعنونة .. طبعاً إنت مش عارفاني

بس أنا قريت لك كتير

ما ينفعش تدخلي و تحطي سمايلي و تمشي

بجد نفسي أعرف الشخصية المغامرة و الشعنونة أخبارها إيه دلوقت

:sad:

[لماضة مصرية جدا]

السلام عليكم و رحمة الله و بركاته

أه اانا عايزة اعاكسك.....

انتي يا ست يا اللي شعننتي الافكار...و سبتينا في المنتدي نحتار.....و و نطيتي و مش كملتي المشوار

انتي يا شعنونة

أفكارك...اللي مقدرشي اقول عليها مجنونة.....لكن بترمي حجر...بيفضل يعمل دواير تكبر و تكبر

يمكن مش قريت ليكي غير التوبيك...ده....بس عشت هناك في التوبيك بتاع البنت المصرية و المشكلة الازلية.....صدقيني انا فعلا عشت فيه....و نفسي نستكمل الحوار

قالك الابتسامة....بتفتح بيبان

ابتمتس...يبقي الباب هيتفتح...هاتيه بقه علي آخره....احسن انا هحكي للصبح و عايزة حد يرد عليا

سلاااااااااااااااااااما

[بنت شعنونة]

:P

لونا و لماضة

تشرفت بمعرفتكن

وشكرا على الترحيب

بس سبب الابتسام الصراحا كان الباش مهندس ياسر

عشان عنده قدرة على احياء الموتى

وعجبني جدا فيكم ان الموضوع كان اصله صفحة من سنييييييييييييييييييييين ماشاء الله بيكم بقى 4 صفحات

وحقيقي كنت مستمتعه بالحوار جدا

ربنا يسعدكم wst::

فكرتوني باللذي مضى

السنين بتجري بسرعة اوي wst::

[الباشمهندس ياسر]

:P

لونا و لماضة

تشرفت بمعرفتكن

وشكرا على الترحيب

بس سبب الابتسام الصراحا كان الباش مهندس ياسر

عشان عنده قدرة على احياء الموتى

وعجبني جدا فيكم ان الموضوع كان اصله صفحة من سنييييييييييييييييييييين ماشاء الله بيكم بقى 4 صفحات

وحقيقي كنت مستمتعه بالحوار جدا

ربنا يسعدكم wst::

فكرتوني باللذي مضى

السنين بتجري بسرعة اوي wst::

نورتي الدنيا