الطريقة الأصلية لعمل البيض المقلي

[Grandma]

طريقة عمل البيض المقلي

المقادير :

1- بيضتين بلدي متباضين طازة

2- معلقة سمن بلدي مستورد

3- ملح وفلفل حسب الرغبة

الطريقة

- في طاسة تيفال فرنساوي أصلي نحط معلقة السمنة البلدي ونتركها على النار لحد ما تئداح

- نطأش البيضتين داخل الطاسة واحدة و را التانية مع ملاحظة أن يبقى البيض عيون ونهدي النار

- أما يتجمد البيض و خصوصا الصفار نرش الملح و الفلفل

- ولما البيض يبدأ يعمل فقاعات وأصوات نطفي النار و ننقل البيض لطبق التقديم بمعلقة خشب( حتى لا يخدش التيفال) و جدتكم تضربكم

- نسخن رغيف بلدي أبيض أو اسمر ثانيتين في المايكروويف و ناكل

-

بالهنا و الشفا

- ما تنسوش تغسلوا الطاسة و المعلقةو الطبق ... وتنضفوا البوتجاز و تكنسوا المطبخ و تطفوا النور وانتم خارجين

_ انتم مش لسه آكلين بيض وكله زفارة ؟!!

يبقى على الحمام على طول اغسلوا ايديكم و بقكم بالصابون و فرشوا أسنانكم و ياريت تستحموا يكون أحسن وما تنسوش آخر شطفة بالديتول .

نعيما

[MZohairy]

عايزين وصفات لأكلات سهلة التحضير و ماتكونش بالتعقيد ده

[Grandma]

عايزين وصفات لأكلات سهلة التحضير و ماتكونش بالتعقيد ده

توء .. توء.. توء .. ليه تحب تستسهل ؟!!

الأكل الصعب قيمته فيه ... إشتغل شوية علشان تحرق كالوريز

[Scorpion]

يا عم زهيري روح موضوع رجالة في المطبخ تجد ما يسرك .. و سيبك من مطبخ الستات .. يا ويل اللي يهوب جنبه ....

( قال أغسل سناني قال .. و كمان اطفي النور .. ناقص نغسل رجلينا قبل ما ننام لا نموت علي رأي جورج سيدهم )

[Grandma]

يا عم زهيري روح موضوع رجالة في المطبخ تجد ما يسرك .. و سيبك من مطبخ الستات .. يا ويل اللي يهوب جنبه ....

( قال أغسل سناني قال .. و كمان اطفي النور .. ناقص نغسل رجلينا قبل ما ننام لا نموت علي رأي جورج سيدهم )

هو انت عاوز تاكل بيض منغير ما تغسل رجلك ؟!!

يا خبر أبيض ... ايه الكسل دا ؟!! وانا بقول مصر باظت ليه ؟!!!

[أبو محمد]

طريقة عمل البيض المقلي

المقادير :

1- بيضتين بلدي متباضين طازة

2- معلقة سمن بلدي مستورد

3- ملح وفلفل حسب الرغبة

الطريقة

- في طاسة تيفال فرنساوي أصلي نحط معلقة السمنة البلدي ونتركها على النار لحد ما تئداح

- نطأش البيضتين داخل الطاسة واحدة و را التانية مع ملاحظة أن يبقى البيض عيون ونهدي النار

- أما يتجمد البيض و خصوصا الصفار نرش الملح و الفلفل

- ولما البيض يبدأ يعمل فقاعات وأصوات نطفي النار و ننقل البيض لطبق التقديم بمعلقة خشب( حتى لا يخدش التيفال) و جدتكم تضربكم

- نسخن رغيف بلدي أبيض أو اسمر ثانيتين في المايكروويف و ناكل

-

بالهنا و الشفا

- ما تنسوش تغسلوا الطاسة و المعلقةو الطبق ... وتنضفوا البوتجاز و تكنسوا المطبخ و تطفوا النور وانتم خارجين

_ انتم مش لسه آكلين بيض وكله زفارة ؟!!

يبقى على الحمام على طول اغسلوا ايديكم و بقكم بالصابون و فرشوا أسنانكم و ياريت تستحموا يكون أحسن وما تنسوش آخر شطفة بالديتول .

نعيما

يااااااااااااااااااااااااااااااااااااااااااااااااه

ده أتارى الواحد طول عمره كان بياكل حاجة تانية غير البيض المقلى

[Grandma]

يااااااااااااااااااااااااااااااااااااااااااااااااه

ده أتارى الواحد طول عمره كان بياكل حاجة تانية غير البيض المقلى

إدعيلي بقى آديك اكتشفت الحقيقة المرة ... كان مضحوك عليك يا حراااام

[أبو محمد]

إدعيلي بقى آديك اكتشفت الحقيقة المرة ... كان مضحوك عليك يا حراااام

روحى يا شيخة .. إلهى يديكى السعد زى الرعد

[suma]

   تحياتي..

تصدقوا النوم خفيف احسن. يعني كل ده والعشاء ٢ بيضة لا وكمان يعقبهم تعب السنين دا كله.

سيدتي لو كنت فاكرة ان حد من الاولاد ولا الاحفاد سينفذ ما قولتيه  اسمحسي لي اقول لك انه حلم.. لكن اتصور لو طلبت بشخط وبصوت ممكن يحصل لكن على مضض ( لايهم)

لكن على كل حال شكرا على وصفتك الجميلة واللي ممكن تكون جيدة بالنسبة للشباب .

                      سومه

[tarek hassan]

في 2/12/2015 at 01:30, Grandma said:

طريقة عمل البيض المقلي

المقادير :

1- بيضتين بلدي متباضين طازة

2- معلقة سمن بلدي مستورد

3- ملح وفلفل حسب الرغبة

الطريقة

- في طاسة تيفال فرنساوي أصلي نحط معلقة السمنة البلدي ونتركها على النار لحد ما تئداح

- نطأش البيضتين داخل الطاسة واحدة و را التانية مع ملاحظة أن يبقى البيض عيون ونهدي النار

- أما يتجمد البيض و خصوصا الصفار نرش الملح و الفلفل

- ولما البيض يبدأ يعمل فقاعات وأصوات نطفي النار و ننقل البيض لطبق التقديم بمعلقة خشب( حتى لا يخدش التيفال) و جدتكم تضربكم

- نسخن رغيف بلدي أبيض أو اسمر ثانيتين في المايكروويف و ناكل

-

بالهنا و الشفا

- ما تنسوش تغسلوا الطاسة و المعلقةو الطبق ... وتنضفوا البوتجاز و تكنسوا المطبخ و تطفوا النور وانتم خارجين

_ انتم مش لسه آكلين بيض وكله زفارة ؟!!

يبقى على الحمام على طول اغسلوا ايديكم و بقكم بالصابون و فرشوا أسنانكم و ياريت تستحموا يكون أحسن وما تنسوش آخر شطفة بالديتول .

نعيما

مفيش شرح أسهل شوية ..... !!! 

 

 

[Grandma]

12 ساعات مضت, suma said:

   تحياتي..

تصدقوا النوم خفيف احسن. يعني كل ده والعشاء ٢ بيضة لا وكمان يعقبهم تعب السنين دا كله.

سيدتي لو كنت فاكرة ان حد من الاولاد ولا الاحفاد سينفذ ما قولتيه  اسمحسي لي اقول لك انه حلم.. لكن اتصور لو طلبت بشخط وبصوت ممكن يحصل لكن على مضض ( لايهم)

لكن على كل حال شكرا على وصفتك الجميلة واللي ممكن تكون جيدة بالنسبة للشباب .

                      سومه

الفاضلة سوما

الشباب لو دخل المطبخ هيجيب عاليه واطيه 

أحسن حاجة خليه قاعد مستريح في مكانه و احنا اللي نعمله البيض 

تخيلي كل الهوسة و الضجة دي على بيضتين

امال لو كان العشا أتقل شوية 

كانوا صاموا خالص ولا جابوا العشا دلفيري أسهلهم 

 

[Grandma]

8 ساعات مضت, tarek hassan said:

مفيش شرح أسهل شوية ..... !!! 

 

 

فيه ...

تحب حضرتك تسلق البيض ؟

ولا تنام خفيف ؟

كل دا مش هيعفيك من تنضيف المطبخ قبل النوم 

[tarek hassan]

6 ساعات مضت, Grandma said:

فيه ...

تحب حضرتك تسلق البيض ؟

ولا تنام خفيف ؟

كل دا مش هيعفيك من تنضيف المطبخ قبل النوم 

ممنوع من دخول المطبخ نهائيا وآه لو حد دخل هيلاقي العفاريت تتنطط في وشه 

وما علينا إلا الانتظار والصبر  ودون اعتراض حتى يخرج لنا الاختراع اليومي اللي اسمه الغدا 

أما تنظيف المطبخ فله تقنيات خاصة حتى لا تتعرض الأواني للخدش أو التشويه ومن ثم ممنوع الاقتراب من حوض المطبخ 

يعني ناكل ونقوم بسلامة الله والحساب على على صاحب المخل

طباع قوم عند قوم فوائد

 

[أبو محمد]

لو سمحتى تشوفيلى طريقة سهلة لتسخين الشوربة

أصلى كل ما آجى أسخَّن شوية شوربة بيتحرقوا منى

[Grandma]

13 ساعات مضت, tarek hassan said:

ممنوع من دخول المطبخ نهائيا وآه لو حد دخل هيلاقي العفاريت تتنطط في وشه 

وما علينا إلا الانتظار والصبر  ودون اعتراض حتى يخرج لنا الاختراع اليومي اللي اسمه الغدا 

أما تنظيف المطبخ فله تقنيات خاصة حتى لا تتعرض الأواني للخدش أو التشويه ومن ثم ممنوع الاقتراب من حوض المطبخ 

يعني ناكل ونقوم بسلامة الله والحساب على على صاحب المخل

طباع قوم عند قوم فوائد

 

العادي ان الازواج كلهم يتمنعوا من دخول المطابخ

نظرا للخسائر الفادحة اللي بتحصل عقب خروجهم منه 

اما اللي مُصر انه يدوقنا من صنع ايده وحابب يمارس هوايته

عليه اتباع تعليمات جدته 

الل مش هيعرف يعمل منها ولا حاجة 

 

 

[Grandma]

12 ساعات مضت, أبو محمد said:

لو سمحتى تشوفيلى طريقة سهلة لتسخين الشوربة

أصلى كل ما آجى أسخَّن شوية شوربة بيتحرقوا منى

حتى الشوربة مش عارفين تسخنوها 

هات شوية شوربة من اللي معمولة جاهزة

وحطهم في طبق فخار او بايركس نضيف

ما تملاش الطبق على الاخر 

شيلهم بايديك الاتنين وبصلهم كويس احسن يتدلدقوا منك 

حط تحتهم طبق مقاوم للحرارة 

افتح المايكروويف

حطهم جوه 

اظبط التايمر على ديقيتين 

شغل المايكروويف

بعد ما يقف افتح الباب 

خد الطبق ولو ُسخن شيله بجوانتي 

برضو عينك على الطبق وانت بتنقله لا نقطة تنزل على الارض كدا ولا كدا

ُحط الطبق على السفرة 

هات معلقة وممكن  مع الشوربة تاكل شوية بقسماط 

ولا بلاش علشان هتفرفت و الفرافيت بتجيب نمل 

ٌكل الشوربة سادة بالمعلقة 

ما تنساش تحط فوطة على صدرك قبل الأكل 

لو الشوربة سخنة استنى شوية

ما تنفخش فيها مش كويس 

ياللا اتفضل ُكل بالهنا و الشفا

و اتبع بعد كدا تعليمات تنظيف المطبخ و النضافة الشخصية السابقة 

 

 

[أبو محمد]

ميكرو ويف ؟!

إحنا كمان هنشرب الشوربة بالتليفون ؟

[أبو محمد]

طريقة عمل الفشار فى المحروسة
===================
المقادير:
- فنجان درة
- زبدة أو زيت حسب المزاج
- شوية ملح حسب المزاج
 طاقم العمل :

5 أشخاص صحتهم كويسة
الطريقة:
توضع المقادير فى حلة غويطة .. وتكفى الغطا على الحلة
واحد من الطاقم يمسك الحلة كويس

والاربعة التانيين يهزوا البوتاجاز تحت الحلة

وبالهنا والشفا

[Grandma]

19 ساعات مضت, أبو محمد said:

طريقة عمل الفشار فى المحروسة
===================
المقادير:
- فنجان درة
- زبدة أو زيت حسب المزاج
- شوية ملح حسب المزاج
 طاقم العمل :

5 أشخاص صحتهم كويسة
الطريقة:
توضع المقادير فى حلة غويطة .. وتكفى الغطا على الحلة
واحد من الطاقم يمسك الحلة كويس

والاربعة التانيين يهزوا البوتاجاز تحت الحلة

وبالهنا والشفا

فشار دا ولا مصارعة حرة ؟

يعني علشان تعملوا فشار 

تعملوا عليه و ليمة ؟

و تدمروا البوتجاز و تولعوا في المطبخ ؟ 

لا و فيه ناس كمان معجبة بالوصفة 

عال ... عال 

هاتي العصاية  يا زُهرة 

و اياك حد يعتب المطبخ 

هقفله بالضبة و المفتاح 

ماله فشار الشوارع ؟ كلوا منه 

صحتين و عافية عليكم