وحشتوني يا أهل المحاورات

[se_ Elsyed]

ها أنذا أعود بعد شهر بالضبط قضيته في أرض الوطن ... وبجد بجد ومن الأخر .. وحشتوني جداً جداً .. ولإن لم تكن هناك فرصة للدخول على النت نظراً لمشاغلي فقد أحسست بأني إفتقد جزء مني وجزء هام جداً وهو المحاورات وأهل المحاورات ...

رجعت لكم المرة دي وأنا مُحمل بالعديد من الموضوعات الساخنة .. وللأسف كلها سياسية .. وربنا يُستر وما أتحبسش ..

بس طالب منكم فرصة أخد نفسي وأرتاح من وعثاء السفر وأكل لقمة وأرجع تاني ...

[وليد صفوت]

ألف حمد لله عالسلامة

نورت المحاورات ,....

بس اللى ياكل لوحــــــــــده .............

[shahd]

دشليون حمدلله علىالسلامة منووووووووووور :)

[soooo]

حمدلله على السلامه يا جاي من السفر

وحشانا الابتسامه .. ومعاها طبقين زفر

حمدلله ..

حمدلله ..

حمدلله عالسلااااااااسه

كنتم مع مطرب الأخبار

شايف يا عم س س الترحيب اللي على أصوله ..

مش كباية العصير بتاعتك اللي ما شربتهاش !!

:angry2:

طب والله انا كان نفسي اشوفك لما نزلت مصر عشان أعمل معاك أحلى واجب

وتشوف كرم حاتمي صعيدي شحط محط

أللا صحيح .. هو مين كرم :blush: !!؟

[mb14]

مش عارف اقولك ايه حمد لله على السلامه ولا ترجع لمصر بالسلامه

ايه يا عم فينك هو كل قهاوى الانترنت فى مصر قفلت ولا ايه مش تقول اى حاجه دى حسب معلوماتى انك موصل ADSL فى صالون الحلاقه بتاعك عشان الزباين هما ومنتظرين بدل ما يتصفحوا المجلات والجرايد يمارسوا هواياتهم المفضله على النت . :angry2:

حقيقى والله وحشتنا قوى قوى

يلا ياعم شمر عن ساعديك وابدأ واحنا منتظرين .

[الأفوكاتو]

حمد الله بسلامة العودة,

و أنا متأكد أن لديك قصص غير سياسية كالتى تكلمنا عنها, و لها رائحة مش ولا بد.

تحياتى.

[se_ Elsyed]

شكراً للجميع مرة آخرى

وصدقوني والله الإجازة بتاعت الواحد بتبقى معفرته والأيام بتعدي زي الصاروخ والواحد بيتمنى اليوم ساعتها يبقى 72 ساعة .. وبالنسبة لمسألة الدخول على النت فمابيبقاش فيه وقت إطلاقاً

وقد إيه كان نفسي أحضر اللقاء اللي تم بعد مانزلت بعد 3 أيام لكن ظروف قهرية منعتني من ذلك ومنها إستكمال علاج علي إبني هناك .. وحتى الراجل الطيب أ/ عادل أبو زيد تلاقيه زعلان مني لإني كنت واعده إن أقابله لكن والله العظيم غصبٍ عني وأنا بأعتذر له أمامكم جميعاً لإني أحبه في الله وماقدرش على زعله ...

[Scorpion]

آه يا استاذ عادل .. هو بيعتذر ليك علي الملأ ... انت بس ... علشان ما يقدرش يزعلك ... أنت بس ....

ابو كوباية مانجة عمال يشربها وحده ....

طب انشالله و انت بتشربها لوحدك يا سي السيد .... و انت لابس المريلة الكحلي كده و عمال تطلعلي لسانك و تقوللي أ آ أآآآ

تتدلدق منك .. و تبقع المريلة الجديدة ....

عالعموم ....

مطرح ما يسري يمري ...

حمدلله عالسلامة يا ابو السيد .. بجد بجد .. كان ليك وحشة ... :angry2:

[عصام]

تليفونات بقى يا ابو حميد ها؟ :angry:

موبايلات بقى .. ها؟ :angry:

كلمنى قبل ما تمشي يا ابو السيد ..

طبعا يا عص .. دا انا لازم اشوفك تانى :blink:

أكيد يابو السيد :blink:

عيييييييييييب يا عص .. هاكلمك "والله" :blink:

قشطة يا ابو السيد ..

عموما ..

ألف حمد لله على السلامة :D