لو بتدور على عيشه سعيدة .. عليك وعلى المدن الجديدة

[se_ Elsyed]

بصراحة يا جماعة أُتيحت لي فرصة هذا الأجازة في إني أتعرف على بعض المدن الجديدة في مصر ومنها 6 أكتوبر حيث يسكن أخي وصديقي أحمد محمود حالياً ( إبن مصر سابقاً ) والتجمع الخامس والقاهرة الجديدة والشروق ومدينة العبور ..

وطبعاً كل مدينة منهم تقع في جهة غير الآخرى وبالتالي كل واحد يختار المدينة اللي تناسبه لو هو جاد في البحث عن مكان جديد ونظيف وصحي يعيش فيه .. وما تخافوش من الأسعار لإن فيها حاجات معقولة جداً ..

وأنا هاركز في كلامي على مدينة العبور بالذات لإنها أقرب مكان لي ... وبصراحة حتى وقت قريب كان كل فكرتي عنها إنها مكان بيعيش فيه بتوع الخضار أو اللي بيوتهم وقعت في الزلزال وإن كلها بلوكات سكنية شعبية .. لكن أخويا قال لي تعالى إتفرج على البلوكات وبتوع الخضار وإبقى إتكلم بعد كده .. وبالفعل روحنا ودخلنا المدينة من عند ملاهي " جيرو لاند " كده وأنبهرت بهذا الجمال المعماري والتصميم الفريد للمدينة اللي بيعطيك خصوصية وراحة نفسية رهيبة .

فأول شيء سيصادفك في المدينة هو ملاهي جيرو لاند ودي بقى لها فتره .. لازق فيها على طول نادي " كايرو إيه سي ميلان " وده تعاون بين مصر والنادي الإيطالي وسألت على الإشتراك السنوي فيه تقريباً وهو حوالي 25 ألف جنيه للأسرة ... بعدها على طول " الجولف تاون " ودي زي مدينة الجولف اللي في التجمع الخامس ودي عبارة عن شركة بنت المدينة دي وبتبيع الفلل السكنية والشقق اللي فيها ولك حق الإستمتاع بملاعب الجولف والمساحات الخضراء الداخلية .. بعدها على طول الحي السابع وده مساحات آراضي مخصصة لبناء فيلات سكنية ..

وتفضل ماشي بقى السابع السادس وهكذا حتى تصل إلى الحي الأول وهو عماير سكنية فقط .. أما الحي السابع والسادس والخامس فمخصص لآراضي الفيلات فقط يعني ما تنفعش تبني فيهم عمارة ..

بالنسبة لآراضي الفيلات ما فيش فيها أي أراضي فاضية تُباع عن طريق جهاز تعمير المدينة الآن .. ولكن كل الأراضي اللي معروضة للبيع بتبقى بتاعت ناس شاريينها من فترة ومش هايبنوا فبيبعوها ..

سعر متر الأرض بيتراوح ما بين 200 ج إلى 350 ج حسب موقع الأرض وتميزها ( يعني قريبة من الطريق ، بحري ولا قبلي ، على ناصية ولا واجهة ، قريبة من أنهي مول وأنهي مدرسة .. إلخ ) وكل الأراضي تُباع كاش ما فيش تقسيط لإني زي ما قلت إن الشراء بيتم من أفراد بتدفع لهم الفلوس ويروحوا يتنازلوا لك عن الأرض في جهاز المدينة ..

- الجهاز ما بيسيبش حد يبني سبهللة كده يعني في إشتراطات معينة لازم تتبعها والإجراءات بتبقي في منتهى السهولة وبتتعامل مع ناس محترمة ومتعاونة ..

مساحات الأرضي المتبقية بتتراوح ما بين 600 متر إلى 800 متر للقطعة الواحدة وممكن تاخد كذا قطعة جنب بعض لو لقيت ..

الجهاز بيشترط إنك تبني على مساحة 50 % للدور الأرضي و60 % للدور الأول ولو عايز تبني دور ثاني يبقى بتدفع لهم 25 % من قيمة الأرض ( قيمة الأرض الأساسية مش اللي إنت إشتريت بها يعني بتبقى مثلاً مبلغ لا يتجاوز 50 ألأف جنية ) لإنهم كانوا بيبعوا زمان المتر بـ 150 إلى 200 ج ..

ولك الحق في بناء بدروم بكامل المبنى .. ورووف على مساحة 25 % من الأرض وحديقة زي ما أنت عايز .. على فكرة ممكن تبني على مساحة أقل إنت حر لكن مش أزيد من اللي هما محددينه ..

المرافق كلها متوفرة لكل أرض وسعر الأرض بيبقى شامل المرافق ( مياه ، صرف صحي ، كهرباء .. إلخ )

طيب واحد يسألني ويقولي يا كابتن س س إنت بتكلمنا عن الفلل ليه .. إنت فاكرنا ناس إقطاعيين ولا نواب قروض ولا مسافرين الخليج وبنشرب بترول على الريق؟

أقول له يا حبيب قلبي لما تعرف إن الجهاز بيبيع الشقة أم 180 متر بحوالي 300 ألف جنية بالتقسيط وإسمها في الأخر شقة في عمارة ومعاك سكان ومشاكل وقرف أو لو عايز تاخد شقة تمليك في منطقة كويسة يبقى مش هاتقل عن 200 ألف جنية .. يبقى أنهوا أحسن ؟

فمثلاً لو إشتريت قطعة أرض 600 متر بـ 200 ج يعني بحوالي 120 ألف .. المفروض إنك تبني على 300 متر .. لأ أنا هاخفض الكوست وهابني فيلا على 200 متر وده كفاية قوي و 100 فل و 14 ...

نيجي بقى لتكلفة البناء .. حسب أراء المكاتب الإستشارية فإن الأساسات والدور الأرضي ممكن يكلفك 100 ألف وإنت حُر بقى في التجهيز الداخلي إن شالله تقعد فيها على المحارة .. والدور الأول لو هاتبنيه هايكلفك حوالي 50 ألف ( بناء خارجي فقط من غير تشطيب ) وبرضوا مازلت حراً طليقاً في التشطيب .. وممكن تبني دور أرضي فقط بس أهم حاجة تشطب الواجهة الخارجية عشان يوصلوا لك الكهرباء ...

وبكده هايبقى عندك مبنى جميل وحديقة داخلية وممكن تعمل حمام سباحة تبلبط فيه براحتك والزرع بتاع الجنينة ما بيتكلفش كثير .. يعني شوية نجيلة على كام شجرة وبعدها تغني أندر ذا تري يا وهيبة يامام كلنا برتقان ...

يُتبع

س س س ( سين سين سمسار عقارات :blush: )

[se_ Elsyed]

لو بقى روحت مدينة العبور بعربيتك ولفيت شوية داخل منطقة الفيلات وإتفرجت فقط على الشكل الخارجي للفيلات المبنية وساكنة فعلاً هناك .. ممكن الدمعة تفر من عينك من كتر الجمال .. ولو كنت في برج حظك وكان زُحل متعامد مع أورانوس وداخلين على بلوتو وكنت من المحظوظين يعني ودخلت كام فيلا من دول من اللي لسه بيتدوضبوا يعني ما سكنوش زي ما أنا كنت محظوظ كده يبقى ممكن تمشي تكلم نفسك من المستويات الموجودة ..

أولاً معظم الناس اللي ساكنه هناك مستويات عاليه .. دكاترة جامعة .. أطباء أو رجال أعمال .. رجال شرطة .. جيش .. فنانين ...

أخوكوا س س بقى أختار فيلا عشان يتفرج عليها وطلعت بتاعت طبيب كبير في مصر متخصص في الأورام وروحت قولت للبواب .. سايق عليك النبي يا عمو ممكن أتفرج بس .. مجرد فرجه عشان أموت وأن موستوريح .. فالراجل وافق لإني لما أتعرفت عليه طلع بلدياتي من محافظة الشرقية ( وشكلي كده هاخد منه كرت عشان يشغلني بواب برضوا في أي فيلا جنبه ) ودخت افيلا يا أفاضل وأنتابتني نوبة ضحك هيسترية من المهرجانات اللي جوه فلما الواحد يعرف إن الراجل شاري متر الأرض بـ 150 ج في حين الرخام اللي عامل به الفيلا كلها ثمن المتر فيه 450 ج .. وما شاء الله ربنا يزيده تحس إن الغرفة الواحدة ممكن تتقسم شقة بمنافعها ...

وغيرها وغيرها من النماذج المبهرة بصراحة ..

ومعظم المناطق هناك متوفر لها خدماتها فتلاقي مثلاً كل 40 أو 50 فيلا لهم المسجد الخاص بهم ولهم مساحة أرض كبيرة جداً تُسمى منطقة خدمات تُباع هذه الأراضي لأغراض المراكز التجارية والمستشفيات الطبية والمدارس أو لإنشاء الحدائق العامه ... إلخ وغير مسموح ببناء مساكن فيها ..

بعض المواقع بييجي حظهم إن أمامهم حدائق فقط وبالتالي ما فيش مباني .. فالجهاز بيعطيهم مساحة مقابلة لهم حوالي 300 مت مربع لعمل حديقة .. يعني يبقى عندك حديقة جوه الفيلا وملعب بره ..

ولن أتحدث عن المساحات الخضراء الموجودة في المدينة والتي تجعلك قرير العين منشكح النفس مشرأب الفلنكات ... بصراحة حاجة 10/10 وتخليك تكره اللحظات اللي بتنزل فيها وسط البلد مثلاً لو عندك مشوار ولا حاجة ... مع العلم بإن البناء لم يكتمل في تلك المدينة يعني لسه جهاز التعمير عليه إلتزامات في التشجير والتوضيب وتوفير المرافق المتبقية زي سفلتة الشوارع المتقية وكده .. لكن كلها فترة زمنية بسيطة وتكمل المدينة وهاتشوف لوحة جميلة متكاملة تتمنى فقط إن تمر بجوارها.

أما عن المساحات الموجودة لبناء عمائر سكانية فدي غالية شوية لإنهم بيسمحوا ببناء 5 طوابق وإذا لقيت مساحة بتبقى متطرفة شوية عن العمار وفي مساحات متوفرة في مدخل المدينة على الجانب الأيسر بعد المنطقة الصناعية وإسم المنطقة " منطقة الجامعات " لإن الدولة مخططة تنقل جامعة عين شمس كلها هناك بالإضافة إلى السماح بإنشاء جامعات خاصة بالمنطقة وبالفعل فيه هناك جامعة خاصة شغاله من كذا سنة .. والمساحات هناك لا تقل عن 1000 متر والسعر بيبدأ من 300 ج ... وطبعاً اللي ياخد حتة أرض هناك ويبنيها عمارة سكنية ويبقى حظه إن الجامعات تتبنى قريب ويأجر العمارة غرف مفروشة للطلبة يبقى يا سعده يا هناه .. زي ما شوفت الموضوع ده منتشر في مدينة 6 أكتوبر وهو مربح للغاية .

وجهاز المدينة بصراحة عامل مساحات خضراء وملاعب كرة قدم كبيرة وده كمناطق مفتوحة لساكني المدينة وفي نادي رياضي كبير قربوا يخلصوه إسمه نادي العبور وأعتقد هايبقى إشتراكه معقول ..

[NOOR]

لو بقى روحت مدينة العبور بعربيتك ولفيت شوية داخل منطقة الفيلات وإتفرجت فقط على الشكل الخارجي للفيلات المبنية وساكنة فعلاً هناك .. ممكن الدمعة تفر من عينك من كتر الجمال .. ولو كنت في برج حظك وكان زُحل متعامد مع أورانوس وداخلين على بلوتو وكنت من المحظوظين يعني ودخلت كام فيلا من دول من اللي لسه بيتدوضبوا يعني ما سكنوش زي ما أنا كنت محظوظ كده يبقى ممكن تمشي تكلم نفسك من المستويات الموجودة ..

أولاً معظم الناس اللي ساكنه هناك مستويات عاليه  .. دكاترة جامعة .. أطباء  أو رجال أعمال .. رجال شرطة .. جيش .. فنانين ...

أخوكوا س س بقى أختار فيلا عشان يتفرج عليها وطلعت بتاعت طبيب كبير في مصر متخصص في الأورام وروحت قولت للبواب .. سايق عليك النبي يا عمو ممكن أتفرج بس .. مجرد فرجه عشان أموت وأن موستوريح .. فالراجل وافق لإني لما أتعرفت عليه طلع بلدياتي من محافظة الشرقية ( وشكلي كده هاخد منه كرت عشان يشغلني بواب برضوا في أي فيلا جنبه ) ودخت افيلا يا أفاضل وأنتابتني نوبة ضحك هيسترية من المهرجانات اللي جوه فلما الواحد يعرف إن الراجل شاري متر الأرض بـ 150 ج في حين الرخام اللي عامل به الفيلا كلها ثمن المتر فيه 450 ج .. وما شاء الله ربنا يزيده تحس إن الغرفة الواحدة ممكن تتقسم شقة بمنافعها ...

وغيرها وغيرها من النماذج المبهرة بصراحة ..

ومعظم المناطق هناك متوفر لها خدماتها فتلاقي مثلاً كل 40 أو 50 فيلا لهم المسجد الخاص بهم ولهم مساحة أرض كبيرة جداً تُسمى منطقة خدمات تُباع هذه الأراضي لأغراض المراكز التجارية والمستشفيات الطبية والمدارس أو لإنشاء الحدائق العامه ... إلخ وغير مسموح ببناء مساكن فيها ..

بعض المواقع بييجي حظهم إن أمامهم حدائق فقط وبالتالي ما فيش مباني .. فالجهاز بيعطيهم مساحة مقابلة لهم حوالي 300 مت مربع لعمل حديقة .. يعني يبقى عندك حديقة جوه الفيلا وملعب بره ..

ولن أتحدث عن المساحات الخضراء الموجودة في المدينة والتي تجعلك قرير العين منشكح النفس مشرأب الفلنكات ... بصراحة حاجة 10/10 وتخليك تكره اللحظات اللي بتنزل فيها وسط البلد مثلاً لو عندك مشوار ولا حاجة ... مع العلم بإن البناء لم يكتمل في تلك المدينة يعني لسه جهاز التعمير عليه إلتزامات في التشجير والتوضيب وتوفير المرافق المتبقية زي سفلتة الشوارع المتقية وكده .. لكن  كلها فترة زمنية بسيطة وتكمل المدينة وهاتشوف لوحة جميلة متكاملة تتمنى فقط إن تمر بجوارها.

أما عن المساحات الموجودة لبناء عمائر سكانية فدي غالية شوية لإنهم بيسمحوا ببناء 5 طوابق  وإذا لقيت مساحة بتبقى متطرفة شوية عن العمار وفي مساحات متوفرة في مدخل المدينة على الجانب الأيسر بعد المنطقة الصناعية وإسم المنطقة " منطقة الجامعات " لإن الدولة مخططة تنقل جامعة عين شمس كلها هناك بالإضافة إلى السماح بإنشاء جامعات خاصة بالمنطقة وبالفعل فيه هناك جامعة خاصة شغاله من كذا سنة .. والمساحات هناك لا تقل عن 1000 متر والسعر بيبدأ من 300 ج ... وطبعاً اللي ياخد حتة أرض هناك ويبنيها عمارة سكنية ويبقى حظه إن الجامعات تتبنى قريب ويأجر العمارة غرف مفروشة للطلبة يبقى يا سعده يا هناه .. زي ما شوفت الموضوع ده منتشر في مدينة 6 أكتوبر وهو مربح للغاية .

وجهاز المدينة بصراحة عامل مساحات خضراء وملاعب كرة قدم كبيرة وده كمناطق مفتوحة لساكني المدينة وفي نادي رياضي كبير قربوا يخلصوه إسمه نادي العبور وأعتقد هايبقى إشتراكه معقول ..

<{POST_SNAPBACK}>

شوقتني اشوفها

انا نزله مصر في العيد الكبير هروح اشوفها :angry:

[se_ Elsyed]

<{POST_SNAPBACK}>

شوقتني اشوفها

انا نزله مصر في العيد الكبير هروح اشوفها :angry:

<{POST_SNAPBACK}>

روحي يا فندم وعلى ضمانتي ( ضمان 10 سنين زي غسالات إيديال كده :blink: ) وعشان ما تتوهيش ممكن أعطي حضرتك عنوان مكتب سمسار محترم هناك يلف مع حضرتك ويفرجك على المدينة كلها لو عايزه .. وبعد ما تدوخيه السبع دوخات .. تسيبيه وتمشي من غير ما تدفعي ولا مليم كمان .

[محمد شلبى]

الاخ س س س :angry:

ما عندكش فكرة عن المقطم والاسعار هناك عاملة ايه خصوصا بعد موضوع شركة اعمار الاماراتية اللى هيبدأ قريب؟

[se_ Elsyed]

الاخ س س س :angry: 

ما عندكش فكرة عن المقطم والاسعار هناك عاملة ايه خصوصا بعد موضوع شركة اعمار الاماراتية اللى هيبدأ قريب؟

<{POST_SNAPBACK}>

لأ والله يا باشا ..

صراحة دي مش منطقتشي ... أنا بأشتغل في شرق القاهارة بس .. وما نفعش أنط على منطقة غيري ... كار السماسرة بيحكمنا ..

طب عندي لك حاجة أوضة بعفشة ميه ببلكونة تشرح القلب في الدور الأرضي وواجهة بحري ... في منشية ناصر .. قبل المقلب على إيدك اليمين ... فكر ورد عليه :blink:

[أسد]

في المدن الجديدة ..

أكتوبر - زايد - العبور - القاهرة الجديدة .. توجد شركات كبرى تنشئ مشروعات لتجمعات سكنية .. تسمى منتجعات أو قرى أو كمبوند سكني ..

تكون على مساحات كبيرة ..

ويتم البناء فيها بمعرفة الشركات وتباع الوحدات جاهزة ..

بعض هذه التجمعات كبيرة جداً مثل الرحاب .. في القاهرة الجديدة .. أو دريم لاند في 6 أكتوبر ..

وبعضها يكون صغير أو متوسط .. أي مشروعات تحتوي عدد أقل من الوحدات السكنية ..

في الغالب تكون فيلات .. على سبيل المثال .. الربوة .. زايد 2000 مينا جاردن سيتي .. الخ .. وهذه المشروعات تكون على مساحات واسعة .. وتكون فيها الفيلات بنماذج موحدة .. وبها مساحات خضراء كبيرة حيث أن البناء يكون على مساحات تصل إلى 20% من مساحة المشروع والباقي عبارة عن حدائق خاصة للفيلات وحدائق عامة وطرق .. ومراكز للخدمات ..

والميزة في تلك المشروعات أنها تكون مشمولة بالأمن والصيانة ومتوفر بها العديد من الخدمات التي يستحيل الحصلو عليها في حالة شراء أرض وبناء مسكن خاص عليها ، وخاصة الأمن والحراسة على مدار العام والليل والنهار ..

ومستوى السكان فيها يكون مستوى محترم إقتصادياً وإجتماعياً ..

أما العيب فيها .. فهو أن الأسعار بها مرتفعة نسبياً ...

وتتباين الأسعار فيما بين تلك المشروعات على حسب المساحة والموقع والشركة المطورة للمشروع ومدى مصداقيتها وجديتها وخبراتها السابقة .. وأيضاً يختلف السعر ويصبح سعراً مغرياً إذا أقدمت على الشراء والمشروع لازال على الورق .. وأنك ستتسلم خلال سنوات ثلاث أو أربع فقد تحصل على فيلا بمساحة جيدة وسعرمناسب ..

وغالباً ما تباع كامل المشروعات في تلك المرحلة .. إذا كانت مشروعات مميزة ..

ويرتفع سعر الوحدات بها تدريجياً بمرور الوقت ..

فمثلاً تكون الوحدة مثلاً سعرها 500 وهي على الورق .. بعد بدء المشروع بستة شهور مثلاً يتم رفع السعر 10% وكل فترة يرتفع السعر مرة أخرة حسب إرتفاع أسعار العقار ورواج السوق إلى أن ينتهي بيع الوحدات ..

أما إذا كنت تريد وحدة جاهزة للسكن فوراً فسوف تدفع سعر عالي لشخص قد إشترى مسبقاً ويريد البيع .. وستدفع المبلغ في أغلب الأحوال كاش دفعة واحدة ..

أما في كل حالات الشراء من لاشركة .. وفي كل الحالات ومع كل الشركات فستشتري بالتقسيط ...

دفعة مقدمة 10 - 20% حسب المشروع .. الباقي على 4 - 7 سنوات بعضها بدون فوائد .. وبعضها بتسهيلات وفوائد بسيطة ..

أسعار الفيلات في 6 أكتوبر تبدأ من 600 ألف جنيه بالتقسيط في مشروعات محترمة جداً .. وتصل إلى أرقام كبيرة حسب المساحة والموقع والفخامة ..الخ

الشيخ زايد .. الأسعار أكثر ..

التجمع الخامس .. حالياً لا يوجد ..

الرحاب الأسعار مرتفعة ، حسب المساحة .. أعتقد تبدأ من 700 ألف جنيه لمساحات الفيلات الصغيرة .. (جداً)

التجمع الخامس .. حالياً لا يوجد

التجمع الأول أو الثالث .. الأٍعار مرتفعة لأن المعروض قليل ومستواه مرتفع ..

المعادي (القطامية) .. بالقرب كارفور .. توجد أسعار جيدة من 500 ألف ..

الشروق .. الأسعار تبدأ للفيلات الصغيرة من 400 ألف

دريم لاند .. الأسعار للفيلات الصغيرة تبدأ من 800 ألف

العبور .. لا أعرف عنها شئ

هذا بلنسبة للفيلات

[محمد شلبى]

طب عندي لك حاجة أوضة بعفشة ميه ببلكونة تشرح القلب في الدور الأرضي وواجهة بحري ... في منشية ناصر .. قبل المقلب على إيدك اليمين ... فكر ورد عليه ;)

<{POST_SNAPBACK}>

منشية ناصر :blink:

قبل المقلب :angry:

بأكرررررررررررررررررررررررررررررررررررررهك :blink:

[se_ Elsyed]

العبور .. لا أعرف عنها شئ

<{POST_SNAPBACK}>

نفس الشيء برضوا يابو الأسود ... الأسعار بتبدأ من أرنب وإنت طالع .

الشقق المميزة زي ما ذكرت سابقاً المساحة حوالي 180 متر سعرها بيعدي الربع أرنب .

[أسد]

والحق يقال ....

الحياة في المدن الجديدة شئ هايل ..

ونصيحتي لكل من له فرصة للإنتقال في المدن الجديدة ..

أن يقرر فوراً ...

بعد دراسة متأنية استغرقت مني ثلاث سنوات .. فيها 9 زيارات للقاهرة ..

أورد رأيي في المدن الجديدة حسب الترتيب التالي ... (من وجهة نظري طبعاً)

1 - الشيخ زايد .... منطقة فاخرة .. مستقبلها سيكون فاخر أيضاً .. معظم المناطق السكنية بها تجمعات بها فيلات .. سيكون بها النادي الأهلي الجديد .. قريبة من ميدان لبنان .. (مسافة المحور فقط) .. بها هايبر ماركيبت .. ومدينة ملاهي .. وعدد كبير من مراكز الخدمات .. حالياً ومستقبلاً ... قريبة من مناطق التسوق الكبيرة على طريق مصر اسكندرية .. (كارفور الجديد) .. أقرب من 6 أكتوبر ..

أنا شخصياً بدأت رحلة تقسيط .. وشراء في أحد المشروعات الجديدة .. وإن شاء الله سأكون من سكان المنطقة خلال أربع سنوات تقريباً ..

2 - مدينة السادس من أكتوبر .. بها كل المستويات .. على حسب المناطق .. مخططة بشكل جيد جداً .. مكتملة المرافق والخدمات ..

3 - الرحاب .. مدينة هايلة .. فيها مستوى مرتفع من الخدمات .. بها شقق صغيرة .. أقل من 100 متر . وبها شقق أكثر من 300 متر .. وبها فلل .. عيب الفلل بها أنها متلاصقة وقريبة من بعضها وصغيرة المساحة في أغلبها ..

4 - التجمع الخامس .. ولكن المشكلة أن الأسعار هناك مرتفعة بسبب إرتفاع الأراضي .. وذلك بسبب المضاربات التي تمت على الأراضي هناك .. حيث أن المنطقة لازالت حديثة وتباع الأراضي فيها عدة مرات .. هناك مناطق فاخرة فيها .. المستوى فيها مرتفع أيضاً .. لا توجد منتجعات أو أحياء سكنية خاصة بها فيلات مثل أكتوبر وزايد .. حالياً على الأقل إلا أشياء قليلة جداً .. وأسعارها مرتفعة .. ليست كل المناطق بها مؤهلة للسكن فوراً ..

5 - القطامية .. بها تجمعات سكنية متوسطة وفوق المتوسط .. والفاخر قليل .. المنطقة يتسارع البناء والمشروعات بها .. الأسعار هناك تبدأ من 700 جنيه المتر للشقق .. (نصف تشطيب) توجد أسعار أقل ولكنها أقل جذباً بالقطع .. والأسعار الغالية هناك تعتبر معقولة جداً ورخيصة مقارنة بالتجمع الخامس ..

6 - الشروق .. حلوة .. ولكنها بعيدة زيادة عن اللزوم وفاضية تقريباً أيضاً ..

7 - العاشر من رمضان .. إللي ملوش شغل هناك مايروحش .. المستوى متوسط على الأكثر .. محافظة الشرقية

8 - العبور . للأسف لم أدرس المنطقة بجدية .. لأنني لم أكن أرغب بها على الإطلاق .. العبور تبع القليوبية .. بها مناطق فاخرة جداً .. وبها مناطق سئة جدا للأسف .. مخططة جيداً .. الحياة فيها لم تكتمل في معظم لامناطق .. لسه بدري على ما أعتقد .. كونها قليوبية قلل من الإنجذاب إليها لأن بالتأكيد ميزانية القليوبية ..

هذا تقييمي للموضوع بعد دراسة إستمرت مدة 3 سنوات .. وسؤال العديد من سكان معظم المناطق .. وخبراء ومختصون ..

أستطيع أن أجيب عن بعض الإستفسارات في حدود معلوماتي ..

[قيصر مصري]

السلام عليكم ورحمة الله وبركاتة

يا ريت نفتح باب المناقشة والحوار في زراعة الصحراء وشباب الخريجين وبيع الأراضي وزراعة المحاصيل ومشاريع التسمين المختلفة واحتياطيات المياة الجوفية ومقدار النتاح منها وعمقة وهكذا

بأختصار شديد نفتح باب الحوار في كيفية تكوين مجتمعات عمرانية متكاملة لأقصي درجة في صحراء مصر

يا ريت أكون قدرت اوصلكم الفكرة من جديد

ملحوظة : انا أعرف انكم فتحتم باب الحوار سابقا ولكنة غير كافي وغير مفيد للجادين من المصريين

أمضاء قيصر مصري

[Cleo]

فى التجمع الخامس شقق كيتر حاليا معروضة للبيع (أهالى) و مستويات و مساحات مختلفة... الخدمات بدأت تكتر فى المنطقة زى الصيدليات و السوبرماركت و خدمات التوصيل للمنازل متوفرة..

برضه فيه مواصلات عامة و أوتوبيسات عامة و ميكروباصات كتير...

شرفونا تجدوا ما يسركم :P

[sos]

وماذا عن الاسعار

اذا كن ممكن نبذة عن الااسعار.....نكون شاكرين يا انسة/كليو

[Cleo]

وماذا عن الاسعار

اذا كن ممكن نبذة عن الااسعار.....نكون شاكرين يا انسة/كليو

أخر معلوماتى إن سعر المتر مبانى وصل 1100 جنيه... يمكن تكون زادت الفترة اللى فاتت بعد ما زاد سعر متر الأرض

[KWA]

بسم الله الرحمن الرحيم

السلام عليكم ورحمة الله وبركاته

الأخوه الأفاضل....هل هناك مواقع علي النت لتلك الشركات او المدن التي تتحدثون عليها ....حتي نأخذ فكره مبسطه مبدئيه ....فأن كان هناك من يعرف بعض المواقع اكون شاكرا له او لها ان ارفقت في وصله في هذا الموضوع جزاكم الله خيرا....

[Hammer]

فعلاً .. المدن الجديدة في نمو و إزدهار الوقت الحالي .. و قاربت أسعارها من أسعار كثير من المناطق الراقية داخل القاهرة .

و هي الحل الوحيد للمأساه التي وصلت لها القاهرة من زحمه و خنقة , و الناس برة في أوروبا و الدول المتقدمة أغلبهم يسكن الضواحي و ليس المدينة نفسها .

أنا عن نفسي , أتجهزللبناء والإنتقال للشيخ زايد في خلال سنتين و التي أصبحت منطقه راقيه فعلاً .

و لكن الموضوع يحتاج بعض الدعم من الحكومه في مجال المواصلات و الطرق الدائريه ذات التخطيط العلمي المناسب حتي لا نفاجأ بتصدير مشكله العاصمه لهذه المناطق .

[se_ Elsyed]

بسم الله الرحمن الرحيم

السلام عليكم ورحمة الله وبركاته

الأخوه الأفاضل....هل هناك مواقع علي النت لتلك الشركات او المدن التي تتحدثون عليها ....حتي نأخذ فكره مبسطه مبدئيه ....فأن كان هناك من يعرف بعض المواقع اكون شاكرا له او لها ان ارفقت في وصله في هذا الموضوع جزاكم الله خيرا....

مواقع ؟!!!

إنترنت ؟!!!!

شركات ؟!!!!

إنت بتتكلم عن إيه يا عزيزي ؟

دوي يو سبيك مصري ؟

يا عم كي دبليو .. خليها على الله

عندنا مُدن جديدة فيها إستثمارات بالمليارات ومع ذلك لسه ما يعرفوش حاجة إسمها إنترنت أو كمبيوتر اللهم إلا في أرشفة وحفظ الخرائط .. أما لو طلبت معلومة من أحد الموظفين في جهاز اي مدينة ... والله يا عم شوفتها بعيني ... يروح ضارب غُطس في كومة ملفات وبعدين لما يقب تلاقي منظر .. لا يوجد إلا لدينا في المحروسة ... كل ملف من الملفات دي .. بدون مبالغة لو فردته على مكتب 120 سم ممكن ما يكفيهوش ....

كنت في زيارة مع أحد اقاربي لجهاز مدينة العبور .. وكان بيسدد فلوس في الخزنة ... اللي هي عبارة عن غرفة لا تتعدى 3 * 3 متر ومع ذلك تبص جوه تلاقي الراجل مش قادر يضع الفلوس في الخزنة من كثرها .. يعني ملايين حصيلة يوم واحد ...

خد دي بقى

الأوضة حر مووووت والراجل قاعد في ساونا .. لا تكييف ... ولا مروحة .. وكإنهم بيعقبوه في حبس إنفرادي

وخد دي كمان

مافيش قدامه حتى كيبورد بتاع كمبيوتر وكله مانيول ودفاتر وأصل و4 صور وفوت علينا بُكره يا سيد .

طب خد دي برضوا

كنا بندور على صورة إيصال لفلوس إتسددت من سنة ... فقال لنا لفوا من الناحية التانية لفينا له راح مدينا حوالي 20 دفتر ندور فيهم بنفسنا .. يعني أسرار الناس ومدفوعاتهم وكل شيء بيبقى على المشاع

كفاية ولا أقولك أخر حاجة ...

هاقولك أخر حاجة .. وأنا واقف بره عمال أسجل كل اللي بأشوفه في عقلي الباطل lol .. تلاقي واحد صاحبه جايله من بره

أهلاً أبو اشرف حبيبي .. خش يا راجل .. يروح أمين الخزنة فاتح له الباب القزاز ومدخل أبو اشرف يقعد وسط الملايين دي كلها ... ولا حد بيسأل عن عجز ولا فلوس ممكن تتقلب

مش بأقولك خليها على الله

آه بالمناسبة .. دخلنا قعدنا شوية مع رئيس الجهاز .. وهو لواء شرطة قارب على سن الستين ...... بس خلاص

وتقولي موقع على الإنترنت يا راجل يا طيب .

[shofa2003]

ممكن تشوف اللينك ده

http://www.obourcity.com/arabic/Obour_maps.asp

[sahran]

سلام.....

ممكن اجابة:

كم تبعد مدينة زايد و 6 اكتوبر من ميدان لبنان؟

مالمسافة مابين زايد و 6 اكتوبر؟

اين تقع الجامعات الاهلية : هل هي بزايد ام 6 اكتوبر؟

تحياتي

[بنت النيل]

شكرا ياعمو س .س

انت فتحت مكتب عقارات ولا ايه طب مش تقولى كنا نعمل شراكة مع بعض يلا ملحوقه فى المشورع القادم :rolleyes:

لكن قولى ايه رايك فى التجمع الخامس وياترى ايه الوضع دلوقت هناك بالنسبة للمكان

لان انا ليا هناك شقة هناك بس بقالى سنتين منزلتش ومعرفش ايه اخر التطورات اللى حصلت هناك

لانى كنت فكرت انى ابيعها ولكن الاهل نصحونى بعدم بيعها :wub: ولو قررت ابيعها كام يكون ثمنها الان ؟

ومتخفش هدفع ثمن الاستشارة لمكتب العقارات :ninja: