لو بتدور على عيشه سعيدة .. عليك وعلى المدن الجديدة

[se_ Elsyed]

ده سؤال وصلنا من بنتنا بنت النيل عن التجمع الخامس

والجواب : بصي يا بنت النيل يا بنتي ... التجمع الخامس مش منطقة نفوذي فأنا في شرق القاهرة وعايزه أي حاجه من هناك عيني من جوا يا فندم .. لكن ده ما يمنعش إني دوس التجمع وعرفت عنها معلومات كتيرة .. وبصراحة هي و6 اكتوبر من أكثر المناطق العمرانية الجديدة تطوراً وسرعة في الإمتداد العُمراني .. والاهم من العُمران .. " الناس " فالجنة من غير ناس ما تنداس

يعني عندك الشروق مع إنها بدأت مع التجمع الخامس إلا إنها لسه هوووووووووو وبدات تكرف على شعبي شويه في بعض المناطق خصوصاً البلوكات بتاعت الحكومة

لكن التجمع برستيج وستايل وحاجة راقية فعلاً وبها رٌقي مش موجود في 6 أكتوبر اللي شوفت فيه حاجات تحسسك إنك في تحت الربع او المغربلين ( لا مؤخذه للوبي الأكتوبري الأشكيفي الموجود هناك أحمد محمود وصحبته الحلوه الحاج عصام شوقي ربنا يفُك سجنه والشيخ صُبح عقبال ما نبارك له وهو راجع من الحجاز والمعلمه فولانه أكبر تاجرة شربات فيليه في الشيخ زايد )

من الاخر ما تبعيش خالص دلوقت ... العقار لا بياكل ولا بيشرب وهو استثمار في غالبه أقيم وأحسن من الذهب .. وبكره تفتكري كلامي ده بعد 20 سنة لما تبقي قاعده قدام الدفاية والباحثين عن سكن يرموا الألوفات تحت رجليكي وإنت تقوليلهم أفكر .. بس ما تنسيش تقولي : سلم فُمك يا سين سين على نصايحك الغالية

ولو مزنوقة في قرشين ممكن توضيبها وتأجريها مفروش .. او لو ما بتحبيش وجع الدماغ بيقى أجريها إيجار جديد لمدة محددة 3 سنين مثلاً واهو أحسن من ركنتها وهي ديتها إعلان صغير في جريدة الوسيط وتلاقي مليون واحد إتصلوا بيكي ... ويا سلام لو كنتي قريبه من جامعه من الجامعات اللي هناك وأجرتيها للطلبة ... يا سيدي يا سيدي وسقع واسقيني يا فرج الله ..

سي سين سمسار عقارات وقباني وخلافه ( زي الباز أفندي في فيلم أبن حميدو )

[صبح]

انا بالنيابة عن اللوبي الأكتوبري مش هارد عليك :unsure: وهاخلي النت هيا اللي ترد عليك :sad:

مدينة 6 أكتوبر واتفرج يا سلام

ونقول كمان

وكمان

كفاية كده عليك النهاردة -_-

[بنت النيل]

ده سؤال وصلنا من بنتنا بنت النيل عن التجمع الخامس

من الاخر ما تبعيش خالص دلوقت ... العقار لا بياكل ولا بيشرب وهو استثمار في غالبه أقيم وأحسن من الذهب .. وبكره تفتكري كلامي ده بعد 20 سنة لما تبقي قاعده قدام الدفاية والباحثين عن سكن يرموا الألوفات تحت رجليكي وإنت تقوليلهم أفكر .. بس ما تنسيش تقولي : سلم فُمك يا سين سين على نصايحك الغالية

ولو مزنوقة في قرشين ممكن توضيبها وتأجريها مفروش .. او لو ما بتحبيش وجع الدماغ بيقى أجريها إيجار جديد لمدة محددة 3 سنين مثلاً واهو أحسن من ركنتها وهي ديتها إعلان صغير في جريدة الوسيط وتلاقي مليون واحد إتصلوا بيكي ... ويا سلام لو كنتي قريبه من جامعه من الجامعات اللي هناك وأجرتيها للطلبة ... يا سيدي يا سيدي وسقع واسقيني يا فرج الله ..

سي سين سمسار عقارات وقباني وخلافه ( زي الباز أفندي في فيلم أبن حميدو )

ايه ده كله شكرا شكرا :unsure: يا عموا س . س

بس قولى احنا افكرنا واحدة ولا ايه ننفع نشارك بعض فى السمسره :sad:

لانى فعلا عملت ذى ما قلت استبعدت فكره البيع خالص انا بصراحه رميت فيها 50 الف توضيب كدا على الماشى واجرتها لعروسين لمدة محدوده 2سنتين واهى ايجارها يدفع باقى اللى عليها :D

يعنى اطمن من دلوقت بقول سلم فمك يا سين سين -_-

[سهيلة]

سؤال للاستاذ صبح المسؤل عن اللوبى الاكتوبرى

عاوزة معلومات عن كل حى ف مدينة اكتوبر

وياترى الاسعار مختلفة من حى عن حى اخر

وبالنسبة هل يوجد مستشفيات حكومية هناك وفين عشان نضمن القرب من الشغل وكدة

ومتشكرة جداااااااااااااا يا فندم

[se_ Elsyed]

سؤال للاستاذ صبح المسؤل عن اللوبى الاكتوبرى

عاوزة معلومات عن كل حى ف مدينة اكتوبر

خلي بالك يا صُبح

انا شخصياً مش هاقبل معلومة ناقصه

عايز معلومات عن كل حي وكل واحد ساكن في ذلك الحي

إسمه وعنوانه ومرتبه كام وعياله مين .. وله قرايب من عيلة أبو إسماعيل ولا لأ

إي خدمة يا دوك سُهيله

ولو عايزه حضرتك حاجة من الناحية التانية .. معسكر الأعداء يعني العبور التجمع الخامس الشروق إحنا في الخدمة وعندنا مستشفيات كتيرة وممكن نفتحولك عيادة خاصة .. بس أأمري إنت بس

[صبح]

سؤال للاستاذ صبح المسؤل عن اللوبى الاكتوبرى

عاوزة معلومات عن كل حى ف مدينة اكتوبر

وياترى الاسعار مختلفة من حى عن حى اخر

وبالنسبة هل يوجد مستشفيات حكومية هناك وفين عشان نضمن القرب من الشغل وكدة

ومتشكرة جداااااااااااااا يا فندم

دكتورة سهيلة

طبعا يسعدني أن أخدم حضرتك وأن تكوني أحد جيراننا ولكنرئيس اللوبي عندنا أحمد محمود وهو على ما أعتقد أقدم واحد فينا

عامة الأسعار تتفاوت جدا بين الأحياء وخصوصا الأحياء التي توجد أمام الجامعة من الأحياء البعيدة عنها حيث أصبحت تستغل تجاريا كسكن للطلبة ولهذا لا أنصح بها كسكن عائلي ولكنها تصلح كعيادة مثلا

والمستشفيات الحكومية موجودة طبعا وكذلك العيادات الشاملة مثل مجمع الحصري

[الحاج فوزى]

يا عم صبح

برضو مفيش عقاد نافع

بصراحة انا دايماً فى شرق القاهرة ، التجمعات والشروق وخلافه لكن اكتوبر عمرى ما رحتها ولا عندى عنها اى فكرة

عايزين نعرف شرح سريع للمنطقة ، الاحياء -- الاسماء والمستويات .. والاسعار سعر المتر ارض - فلل ، وسعر المتر شقق

يعنى كده ، وهنبقى زباين :ph34r:

حسين

[مصرية مغتربة]

شكرا لهذه المعلومات القيمة جدا، وعندي استفسار لو سمحت ..

بالنسبة لي كمصرية مغتربة ومتزوجة من خليجي وبحكم ظروفي حصلت على جنسية دولة زوجي ولكن بحب اعمل حاجة لأسرتي في مصر وفي نفس الوقت مش ممكن أعمله باسم حد هناك لظروف معينة وعاوزاه باسمي بس بحكم الجنسية الجديدة أنا أجنبية فهل تختلف الإجراءات والنظم بالنسبة لي هناك يعني إيه الفرق علشان أكون على نور؟؟؟ وشكرا جزيلا.

[se_ Elsyed]

وبتحويل سؤال أختنا مصرية مغتربة للمستشار المعماري بمحاورات المصريين .. أفاد بالتالي :flr1:

- أولاً : إنتي ليه إتنازلتي عن الجنسية المصرية ؟ ما علينا مش هاتفرق .

- ثانياً : إنزلي أي مدينة جديدة دلوقت ( العبور ، الشروق ، 6 أكتوبر ، التجمع ) وشوفي نسبة تملُك الاجانب للأراضي والمباني والعقارات ؟ المسألة في مصر أصبحت عادية جداً ومصر بتشجع ذلك وخصوصاً للعرب وبتسهيلات كبيرة وتقريباً مافيش فرق بينهم وبين أولاد البلد في الإجراءات .

[مصرية مغتربة]

أولا شكرا لحضرتك على الجواب المطمئن واسمح لي بسؤال تاني ..

اتعرض علي أرض بالعبور مساحتها 1000 متر وبحب اعرف الأرض دي سعرها المعقول كم؟ وبكم كانت التقدمة بتعاتها؟ وازاي يتم دفع أقساطها مثلا ..

[se_ Elsyed]

حضرتك كدة كإن بتسأليني " معروض عليه سيارة موديل 2005 ... ايه رأيك تساوي كام ؟

عامة محسوبك دايس العبور وحافظها الحمد لله

لذلك لازم اعرف الاول

1- الارض دي فيلات ولا عماير

2- في اي حي

3- موقعها ايه في الحي ...بعيده عن الطريق ... قريبة ... بحري ولا قبلي والشمس ضاربه فيها طول اليوم ... واجهة ولا ناصية

4- الارض مترخصة ولا لأ

5- صاحبها الاصلي شاريها من امتى وده اهم بند علشان ما يكونش شاريها من زمان وقربت تتسحب منه وتشربوها انتو

حاولي حضرتك تجمعي تلك المعلومات وبإذن الله اقولك تسوا كام وتعملي ايه بالظبط

[مصرية مغتربة]

إن شاء الله حتوصلني المعلومات كاملة وشكرا لك مرة تانية وأرجو أني ما كونش تعبتك معايا.

[elhooot]

السلام عليكم

اذا سمحتوا هذا الموضع مهم وأتمنى ان يعاد التحاور والنقاش فيه ارجوا الاهتمام من السادة / الاعضاء

ولكم جزيل الشكر

[elhooot]

السيد / الفاضل - سى السيد

عندى ارض بالعبور الحى الرابع - 600 متر خامس مطل على احمد عرابى وثانى من الناصية من الشارع الاخر - جارى عمل التراخيص خلال هذه الايام -

- تساوى كام الان ؟

- المدة المتبقية للبناء؟

- ماهى النصائح والارشادات التى يمكن ان تساعدنا بها؟

ولكم جزيل الشكر

[se_ Elsyed]

السيد / الفاضل - سى السيد

عندى ارض بالعبور الحى الرابع - 600 متر خامس مطل على احمد عرابى وثانى من الناصية من الشارع الاخر - جارى عمل التراخيص خلال هذه الايام -

- تساوى كام الان ؟

- المدة المتبقية للبناء؟

- ماهى النصائح والارشادات التى يمكن ان تساعدنا بها؟

ولكم جزيل الشكر

تساوي كام ... عمياني كده ما أعرفش أقولك

المدة المتبقية .. المفروض إنك تكون عارفها ... على حسب إنت شاري الأرض امتى .. وهل شاريها من حد فبالتالي الأرض بقى لها كتير مُباعه من الجهاز .. ام انك شاريها مباشرة من الجهاز ؟

أما عن النصائح .. فمش عارف أنصحك بإيه .. لو على البناء يبقى زور الموضوع ده وستجد فيه أراء من جميع الزملاء ممكن تفيدك جداً ..

إقرأ الموضوع وأسألني عن أي حاجه لو تحب

تكلفة بناء فيلا

[elhooot]

السلام عليكم

شكر لهتمامك اخى سى السيد

المدة المتبقية سنتان

الشراء من احد الافراد

والسؤال / كم تساوى الان

والموضوع البناء ده كبير جدا نقدر ننقاشة بعدين

شكر لكم

[بنت الشاطئ1]

السلام عليكم

حد عنده فكرة يا جماعة الأسعار ايه فى الشيخ زايد هذه الايام

شكرا لكم

[shofa2003]

سلامي للجميع

حد عنده فكرة عن منطقة في العبور اسمها "التبة" وماهي مميزاتها وبكام سعر المتر فيها

وشكرا مقدما