العراك بين الزوجين - من منطلق ممكن تمد إيدك علي زوجتك!!!!!!

[Set_Amina]

الحكمة مطلوبة من الطرفين عند شعور كل منهما بأن الموقف قد تأزم وكما قلت يامنمان حيث ان الشيطان شاطر فعلى كل منهما أن يكونا أشطر من الشيطان وبلاش ينولوه المراد، يعني كل منهما يستغفر ربه في سره ويترك المكان الى مكان آخر ، قصدي ترك ساحة المعركة    وبعدها يعود كل منهما لاستكمال النقاش ومحاولة فض المشكلة المعروضة،، انا مازلت مصرة ان حتى مجرد الزقة هي اهانة نفسية ستترك بالتأكيد جرح داخلي قد تتراكم فوقه ندبات جروح أخرى وتنبني حائط الجفاء والثأر للكرامة وساعتها لن تحل المشاكل لا بالزعيق ولا بالهدوء .. يعني الخلاصة انا ضد الضرب كذلك الزق أو رمي الاطباق الطائرة في وجه الزوجة كما يحدث أحيانا    

بلاش استعمال الأيد في التعبير عن الغضب وخلاص  

:D  :D أخجلتمونا يا ست أمينة ... وأوعدك لما اتجوز ولا حتي زقة خفيفة كلة بالسان الطيب طبعا.. :D  :D

شاطر يامان ، بس كمان حرام نحرمك من مجرد زقة كده عالماشي،،

يعنى مش منطقى إن   الزبيب تاكله المدام و ينحرم منه البيه  

ميصحش طبعا  .....

مابيحصلش؟؟  يا جماعة ثبت علميا ان لكل فعل رد فعل مساوى له فى المقدار و مضاد له فى الإتجاه يعنى الضربة الخفيفة او الزقة الخفيفة لازم تترد بنفس القوة ولكن مضاد لها فى الاتجاه        أظن كلنا درسنا فيزياء  

هي دي أخرة المناداة بتعليم المرأة....

:D  :D

وآخر الابحاث العلمية اثبتت ان المرأة  فى بعض الاحيان إديها طارشة و سنانها  حادة جدا لانها بتهتم بقوتهم لجمال مظهرها و مش بس كده ده الضوافر كمان حاجة طويلةةةةةةة و مدهونة احمر      اقصد مونكير مش  حاجة تانية من الخربشة  دفاعا عن النفس والا حاجة  طيب ما تخليكم فى حالكم والطيب احسن والتفاهم افضل

ياخبر ابيض... عض وضرب وخربشة ... لاياعم عاش العازب عاش عاش... وحيث ان العمر مش بعزقة فشروط الجواز لازم تكون كالاتي...

حولاء العينين.. ودا علشان متشفش انتا فين بالظبط

اسنان مهرتمة... ودا علشان مضغ الطعام فقط

منزوعة الأظافر... تجنبا للخرابيش..

والله معنا يامعشر الرجال.. :D  :D  :D  ;)

:D

[mnman]

: طيب شوفوا بقه المقالة ده  علشان تعرفوا ان الستات بيسكتوا بيسكتوا بيسكتوا و بعدييييييييييييييييييييييييييييييين  بيلعبوا ملاكمة  

ملاكمة....  :D  :D دأنا غلللللللللللللبان..

28%) من الرجال يتعّرضون للضرب على يد شريكة الحياة ، ورغم هذا فإن معظمهم يحمد الله على تلطف زوجته به الذي يجعلها تضربه داخل البيت وبين جدران أربعة !!  

لأصحيح راجل صحيح....

يقول احد الازواج اعتدت عليّ زوجتي بالضرب ، تلقيت منها عدة لكمات بقوة "محمد علي كلاي" أو "تايسون" ، حتى إنني كدت أن أدخل في غيبوبة ونزفت من أنفي ، وظننت أن قلبها سيرق لي عندما شاهدت دمي ينزف لكن ظني خاب ، إذ فوجئت بها بعد ذلك تطردني من البيت

ومنين أجيب ناس لمعناة الكلام يتلوة...الأسم راجل لكن هناك في البيت ضربووووووووووووووووووة :D  :0  :0

مش بأقولكم يا جماعة لكل فعل رد فعل مساوى له فى المقدار و مضاد له فى الاتجاه  

 وده كان زماااااااااااااان لكن دلوقتى تقدروا تقولوا لكل فعل الف رد فعل  اضعاف اضعاف  المقدار و مضاد فى الاتجاه و متصوب تماممممممممم

الله لايسمحك يا نيوتن ...  :D  :D

يا سلااااااااااام .. يعنى ضاربين مضروبين .. مظلومين ..  

أطالب بالمساواة...... :D  :D

ما هو حال الأسرة بعد عرض مثير لأبطال ملاكمة متكافئين رغم اختلاف الأوزان فاحدهما وزن الديك والأخر "قصدي الأخرى" وزن  الريشة  

برجاء متابعة أخبار الحوادث  .... :D  :D  :D  ;)

[itsme_1666]

خليكو خليكو هزروا و   إستهونوا بالابحاث العلمية والاحصائيات الرياضية لغاية لما بكرة تعرفوا إن كل الحاجات ده حقيقى مش هزار  :sneaky2:  :sneaky2:  :sneaky2:  بكرة تجربوا اكل الزبيب بنفسكم وإن غدا لناظره قريببببببببب :sneaky2:  :sneaky2:  :sneaky2:  :sneaky2:  :devil:  :devil:  :devil:  :devil:

[Sayyeda Abouzied]

الأوزان فاحدهما وزن الديك والأخر "قصدي الأخرى" وزن  الريشة  

أهي دي ياست امينة مبتحصلشي

لان اغلب الستات المشاغبات عمرهم ميكونو في وزن الريشه يمكن الطرف الاخر

الراجل يعني

والمشكله مش مشكلة اوزان بل صراع الازواج  :devil:  :devil:  :devil:

[ragab2]

المهم

انه بيصالحها ويطبطب عليها بعد الضرب

ثم ان بعض الزوجات لا تشعر بقوة زوجها وحمايته لها اذا كان طرى ومتساهل معها ولابد أن يبرز رجولته بضربة خفيفة ليشعرها بانوثتها

وأنه حامى حمى الدار فى حماشة وليس فى نخاسة أو خناسة واسألوا بعض الحريم

[freefreer]

الخناقات الزوجية .. نعمة من عند ربنا  .. مين ينكر ..

تخيلوا الحياه بدون خناقات و مناوشات .. و كر و فر .. ياساتر .. دى تبقى جحيييييييييييم

ولا احلى من الخناقة الا الصلح بعدها .. و لولا الخناقة .. ما كان هناك  صلح .. ولا محبة الا من بعد عداوة .. اطلعوا بس انتوا منها .. و هى تعمر ..

و كل حلة حتدور على غطاها ..

 :xmas:  :xmas:  :xmas:  :xmas:  :xmas:  :xmas:

*** ملاحظة .. العزاب يمتنعون ..  :inlove:  :inlove:  :inlove:  :inlove:

Edited By freefreer on سبتمبر 11 2002 7:03pm

[mnman]

خليكو خليكو هزروا و   إستهونوا بالابحاث العلمية والاحصائيات الرياضية لغاية لما بكرة تعرفوا إن كل الحاجات ده حقيقى مش هزار        بكرة تجربوا اكل الزبيب بنفسكم وإن غدا لناظره قريببببببببب

والله مبنهزر بنتكلم جد ... الستات وخدين حقهم تالت ومتلت ... والضرب ممنوع والزعل مرفوع... :D  :D  :D

أهي دي ياست امينة مبتحصلشي  

لان اغلب الستات المشاغبات عمرهم ميكونو في وزن الريشه يمكن الطرف الاخر  

الراجل يعني

أيوة كدة... عشت يا أخت سيدة نصيرة للمظلومين والمطحونين من الرجال .. شفتوا أهية كلمة حق الستات مشاغبات و مشاغبات وزن تقيل (مش كلهم طبعا.... كنت حودي نفسي في داهية).... :D  :D

انه بيصالحها ويطبطب عليها بعد الضرب

ودة زي الدواء إلي بعد الاكل... متكلش لاسمك ولابيض. :D  :D  ;)

يبرز رجولته بضربة خفيفة

فينك يا ست أمينة.....   :D  :D

.. دى تبقى جحيييييييييييم

ياساتر يارب.....

:0  :0

و لولا الخناقة .. ما كان هناك  صلح .. ولا محبة الا من بعد عداوة .. اطلعوا بس انتوا منها .. و هى تعمر ..

و كل حلة حتدور على غطاها

طيب وأية رأيك في الضرب كحل؟؟؟ الخناق وبيحصل لكن الضرب؟؟ :sneaky2:  :sneaky2:

ملاحظة .. العزاب يمتنعون ..

:(  :( ولية كدة دة احنا رجالة زي بعض... و أدينا بنتعلم من خبرتكم ...  :D  :D  :inlove:

[ragab2]

وطالما

يوجد أمر فى قوله صلى الله عليه وسلم .. ان أمرها أطاعته

فلا بد من عقاب ان لم تطع الأمر

[itsme_1666]

اتفق معاك يا اخ رجب  على ما تفضلت و كتبته من القول الكريم ولكن انا اتكلم على نفسية العديد من الزوجات  وما يؤثر ذلك سلبا على العلاقة الزوجية و ربنا يهدى الجميع  :th:

الاخ mnman

بعد إذنك يعنى يا ريت لما تقتبس نقلا عن عضو آخر تكتب مين العضو ده  احسن الواحد ساعات بينسى قال إيه  بمناسبة إية وشبه إيه و المواضيع و المناقشات الاجتماعية بتخش على بعضها  :th:  :D  ده إذا ما كنش فيها إزعاج يعنى

مرسيه  :cool:

[Set_Amina]

يعني انا ماصدقت أقنعت مان ووعدني بان حتى الزقة مش هايعملها واذا  بفيري يلخبطلي كل اللي عملته ويقول ان اثبات الرجولة بضربة خفيفة ومش عارف ايه  :D

وطبعا حتى لا يتحمل مسؤولية هذه المقولة لزقها في ان الستات أو بعضها بيحب كده،، انهي ستات دي؟؟ دي ستات من نوع سادي اللي محتاجة تتعذب علشان تتأكد ان جوزها سيد الرجالة، بصراحة وبدون تورية انا اعتبر ان الضرب ضعف من الرجل وليس قوة، هو طبعا قوة عضلات ولكنه ضعف في الشخصية التي لا تستطيع بالكلمة الصارمة حسم الخلاف وساعتها هاتكون قوته في حسن تصرفه وحسمه للأمور مش في بوكس طائش مرة في العين دي ومرة في العين دي :D

انا ياسيدة قلت بس انها وزن الريشة علشان تصعب عليهم ويرحموها من الضرب بس لو كانت وزن الفيل فمفيش خوف عليها وهاتخد حقها تالت ومتلت اكيد  :D

[Set_Amina]

تعديل بسيط: صاحب مقولة اثبات الرجولة بضربة خفيفة رجب مش فيري، اسفة لهذا الخطأ الفني  :D

وبالمرة هارد على رجب بأن على الرجل عقاب المرأة اذا لم تطيعه: الحديث الشريف طلب من المرأ ة طاعة الزوج وهذا صحيح لكنه لم يطلب من الزوج ان يعاقبها وانا اقصد في هذا الحديث الشريف بالذات وليس في حديث آخر

[Sayyeda Abouzied]

ياسلام لما الضرب يبقى تحت الحزام

وتسرب الزوجة كل اسرار شغل جوزها للمنافسين له علشان ينخرب بيته

وكمان تعمل شكاوي كيديه لادارة مكافحة التهرب من الضرائب وتعطي لهم بيانات كاذبة لأثارة البليله وتخليه مايعرفش يشوف شغله

ويسلام لما تعمله محضر كسر زجاج العربية الي اصلا شريها من عرقه وكده وبتجيبله حكم بالحبس ،  غير اتهامه بسرقتها بالرغم انها المفروض ان معندهاش حاجة لكن اهوه علشان تسبقه قبل ما يتهمها هو بالسرقة والى سبق كل النبق

امال ايه اللعب بشطارة

[زيزو]

يا جماعة الأول ممكن اسأل انا فين هنا؟

لو إنتو الجواز مش عاجبكم بتتجوزوا ليه أصلاً؟  :sneaky:

نفسي أفهم كيف يتم لإستخدام كلمة "شريكة حياة" مقترنة بالضرب؟ ضرب شريكة حياته! تبقى دي بالذمة حياة؟ تبقى تنفض الشركة أحسن!

ياريت نتأمل كلمة شريكة حياة دي كويس، وكلمة شريك حياة. يعني حياتك ليست ملكك وحدك بل لك شريك فيها، وعندما يهان هذا الشريك فحياتك كلها تهان.

الإنسان يكون أقرب ما يكون لزوجته، أقرب منه لأهله وأولاده وأخواته، ثم يهينها ويضربها؟ هل زوجتك هذه ماكينة عندما لا تعمل بالصورة الملائمة تضربها بالشكوش حتى تنعدل؟ لا النفس البشرية لا يتم إصلاحها بالشواكيش، وإن كانت كذلك فأكيد هي إختيار خاطئ!

ثم سؤال آخر: هل المطلوب إن الزوجة تكون مطيعة في كل شئ؟ أم لها أن تعترض وتبدي أرائها وتشارك في المسئولية؟ أليست شريكة؟ قد يكون الشرع أعطى للرجل حق القرار، لكن لو هو له 51% فهي لها 49% في هذه الشركة.

هل لو تم إحترام الزوجة وارائها ورغباتها ستكون نكدية؟ أكيد لو تم إختيارها الإختيار الصحيح لن تكون كذلك. أكيد ستكون هناك خلافات، لكن يمكن حل أي خلاف لو كان هناك التفاهم الكافي والحب والإحترام المتبادل.

وقد لفت نظري في المداخلات أن الكثيرين يتكلمون عن وجود أبناء وأن هذا سبباً لضبط النفس! والله اللي إختشوا ماتوا! أنت تطالب معاملة الزوجة معاملة حسنة من أجل الأولاد؟ يعني الأولاد هم رقيبك؟ اليس الله هو يسمع ويرى كل شئ؟ بجد مش مكسوفين من الكلام ده؟ وأين إحترام الرجل لنفسه الذي يضرب زوجته التي هي أضعف منه والتي شاركته بأغلى ما عندها؟

هل إحنا بنعتبر الزوجة فعلاً شريكة للحياة ولا هي في نظر البعض مجرد خدامة وولادة ومربية للأولاد ومنظر إجتماعي عليه أن يعمل بالصورة الملائمة والا فلها الويل والضرب والإهانة؟

كذلك هل تنظر المرأة للرجل على إنه مجرد مصدر للمال والرزق وأب للأولاد؟

الموضوع أكبر من كدة، ويجب أن يكون أكبر من كدة. هل يجرؤ من يضرب زوجته مجرد التفكير قي ضرب أحد أصدقائه أو حتى أفراد أسرته؟ وان هنا لا أقصد مجرد الضرب بل أي إهانة. هل الزوجة رخيصة لهذا الحد في نظر البعض؟

أمّا عن الزوجات اللاتي يقتلن أزواجهن، بينما الرجال ياعيني مساكين، طيب هي الزوجة دي غالباً بيكون نفسها تتطلق من زمان وجوزها الباشا رافض... إزاي تخرج عن طوعه وماتكونش عاوزاه؟؟؟

لكن الزوج يوم ما يقول كلمة يخلص...

وآه طبعاً الشقة يجب أن تكون من حق الزوجة... هو أنهي راجل يقبل إن مراته تترمي في الشارع؟ الراجل مش حيغلب، لكن الست لو مالهاش مأوى حيكون مصيرها إيه؟ طبعاً هناك إسأة إستغلال في حالات فردية، لكن لو إختار المرأة لدينها وأخلاقها لن تحدث له هذه المشاكل! واللي بيختار علشان أشياء آخرى يستاهل اللي يجرى له!

خلاصة كلامي إني أرى إن المرآة مظلومة، ولو أخذت حقها تكون خير متاع الحياة الدنيا وستسعد كل من حولها.  :inlove:

[Set_Amina]

لقد أرحت قلبي يازيزو بكل ما تقدمت به، بارك الله فيك وانا أؤيدك في كل كلمة قلتها وقلت ما يشابه رأيك هذا ونوهت وانوه بأن الزوجة والزوج غير انهم شركاء فهم سكنى كل للآخر، فلا أجمل من كلمة سكنى ولا أبلغ منها لتفهمنا كيف يكون شكل العلاقة بين الاثنين، ولكن لي تعليق على موضوع العراك أمام الأطفال فالمقصود أن لا نقاش أمام الأطفال لا نقاش حاد ولا غير حاد رحمة بنفسية هؤلاء الأطفال وليس أكثر. مرة ثانية بارك الله فيك

[Sayyeda Abouzied]

وآه طبعاً الشقة يجب أن تكون من حق الزوجة... هو أنهي راجل يقبل إن مراته تترمي في الشارع؟ الراجل مش حيغلب، لكن الست لو مالهاش مأوى حيكون مصيرها إيه؟ طبعاً هناك إسأة إستغلال في حالات فردية، لكن لو إختار المرأة لدينها وأخلاقها لن تحدث له هذه المشاكل! واللي بيختار علشان أشياء آخرى يستاهل اللي يجرى له!

تصور انت عندك ابن صحته على قده وشغلته معاك في شغلك علشان مفيش حتى هاترضى تشغله على وضعه

وبعدين اخترت له واحده اعتقدت ان انحدار مستواها الاجتماعي وتدني مستواها المادي سوف تقبل وتعيش مع جوزها وتقبل بقليله الي بيعتبر اكثر من اللازم لها

وبعدها عملت المشاكل وطلبت لضمان مستقبلها يكون لها شقة خاصة فساعدت ابنك بدفع خلو شقة وكتبتها بأسمها

وبعدين طلبت عربية مثل زوجات اخواته واضطررت تجيب لها عربية على الزيرو علشان متنكش اقل من المتغربين في الخليك من اولادك وزوجاتهم

وبعدين اكتشف ابنك تلاعبها مع ابن الجيران وطلقها ابنك حفاظا على كرامته وبدأت المشاكل رفعت قضية تمكين من الشقة كا حاضنة وطلبت البوليس لطرد طليقها من بيت ابوه وبعدها طردت ابوه بتغيير قفل الباب الي هو انت

والحجة دي شقة الاولاد اما الشقة الثانية في للقعداتالخاصة

والراجل وابوه يغورو في ستين داهيه يشوفو لهم متو تاني

بالله عليك مش استغلال القانون هنا مكنش في محله

[إبن مصر]

ان العلاقه الزوجيه من اقدس العلاقات التى جعلها الله فى الارض واى خلل فيها لا يعود ابدا الى طرف واحد بل الى الاطراف جميعها وليس بعد رسول الله من احد كى يرينا الطريق .

فحينما اوصانا بنسائنا ليس من فراغ ولكن بحكمه لن يعيها لا من فكر فيها بقلبه فعلا ( رفقا بالقوارير ) فليس معنى القوارير هنا هو الرقه فقط !! ولكن تلك القوارير ان كسرت فسوف تقتل وتجرح ولن تعود ابدا كما كانت ....

[ragab2]

وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً [ النساء الآية 34]

الزوجة المطيعة الحبوبة لها الجنة دنيا وآخرة ونعمل لها تمثال

طيب والزوجة العاصية الغير مطيعة كيف نعالجها .. ؟

هل نطبطب عليها .. ؟

أو العصى لمن عصى .. ؟

Edited By ragab2 on Sep. 11 2002 4:16pm

[Faro]

الزوجة المطيعة الحبوبة لها الجنة دنيا وآخرة ونعمل لها تمثال

طيب والزوجة العاصية الغير مطيعة كيف نعالجها .. ؟

هل نطبطب عليها .. ؟

أو العصى لمن عصى .. ؟  

يأخ رجب

الكلام ده كان زمـــــــــــــان ... الأية إنقلبت ولا فرق بين إمرأة ورجل إلا بالتقوى أو الرضوخ ... وفى عصرنا التكنولوجي على أغلبية الرجال الإنصياع أو الضياع . أنا لست من أعداء المرأة لأن أم الكل حواء ... للأسف بنات العصر الحديث من جنس حواء أزادوها عشرة حبات من النوع الثقيل والمر  وهن يعلمن أن هناك أزمة سيولة تجعل الرجل عملة نادرة .

الظاهرة ليست مصرية فقط ولكن لأسباب فنية جائت متأخرة لمصر .

:inlove:

[freefreer]

الرجل عملة نادرة

ادى الكلام الصح .. ولا بلاش ..  :inlove:  :inlove:  :inlove:  :inlove:

[زيزو]

ولكن لي تعليق على موضوع العراك أمام الأطفال فالمقصود أن لا نقاش أمام الأطفال لا نقاش حاد ولا غير حاد رحمة بنفسية هؤلاء الأطفال وليس أكثر

انا ما أقصده أنه ينبغي أن نتجنب ما نكره أن نقوله أمام الأطفال من نقاش حتى إن لم يكونوا موجودين... طبعاً التأثير السلبي لا يمكن إنكاره. وعموماً أنا آسف إن كنت حاداً بعض الشئ في تعبيري.

ويا سيدة أبوزيد، قد يكون ما قلتيه وارد لكنه ليس القاعدة العامة!