هل تنتظر مصر خبرا خطيرا؟

[أبو محمد]

دا لازم يُقال زي المايسترو بتاع السلام الوطني الروسي

ليه ؟

[باهى الطائر الحزين]

تحس ان الراجل يحمل

مخزون قيمي واخلاقي

لحضارة سبع آلاف سنه ...

[أبو محمد]

يعنى ينفع كده ؟

أفضل قاعد مستنى اسمع كلمة "ديليسبس" لمدة 40 دقيقة

واقوم من غير ما اسمعها ؟

[باهى الطائر الحزين]

لاحظ زمن الخطاب

يوافق ذكري الوحده

بين مصر وسوريا ؟!

متعرفوش انكم نور عينينا

ولا ايييييه ...

[Grandma]

ليه ؟

لانه خيلنا بينقل بين الكاميرات كتير أوي ... دا غير الزوم ان و اوت ... كأنه لسه مبتدىء

[عطر الجنة]

طالما استشعرت حالة حرب ..

يبقى اكيد متوقع من سنحارب ..

..

طالما هناك من يزعزع امن المواطن العادى ..

يبقى

نحن فى حالة حرب الى ان نصل للامان ..

[محاور]

من يحكم مصر الآن خرج علينا و هو يبدو منهزما... مكتئبا... متذبذبا غير واثق من نفسه.

ليس لديه اى كاريزما من اى نوع... لا على وجهه ولا اسلوب حديثه ولا اى شىء.

ربما ده يرجع لانه عاش حتى سن الستين يتلقى اوامر داخل نظام عسكرى صارم... و فى الجيش, مهما كانت درجتك او رتبتك, بتكون خايف احسن حد ينطرك او يشيلك فى اى وقت...

اما بالنسبة لعفة اللسان, ففى الجيش برضه, اى حد لسانه و ايده مش طوال, مش بيوصل لاعلى الرتب.... حيث ان شرط اساسى علشان تتدرج فى الرتب ان لسانك يكون طويل, و رجلك كمان... طنطاوى كان بيضرب الظباط بالشلاليت و كان بيسب لهم الدين. (و دى رواية ناس كانوا فى القوات المسلحة و كانوا بيشوفوا طنطاوى)

بمناسبة الكلام عن مظهر و سن من يحكم مصر الآن, فى قرائتى السريعة للتاريخ المصرى و التاريخ عموما, لاحظت ان مصر حكمها عدد غير قليل من الشباب ما بين العشرينات و الثلاثينات... و ان الطفرات لم تحدث سوى فى عصر الشباب... بغض النظر عن نتائج الطفرات دى سواء كانت ايجابية او سلبية.

السن المناسب للحكم هو سن ما بين الاربعين و الخمسين, و هو سن اكتمال الرجولة و اكتمال النضج العقلى, و هو سن النبوة ايضا.

لان الشباب فى التلاتينات بيكونوا متحمسين جدا, اما مع الوصول للاربعين, الانسان بيبدأ يوازن بين حماسه و بين حساب العواقب...

و اما الستين بقى فده سن المعاش و يروح يستريح و يشوف حاجة تانية يعملها... :)

[Grandma]

كنت أتمنى يكلمنا شوية عن أهم مشكلتين في مصر ( الصحة و التعليم ) هيعمل فيهم ايه ؟!!

ماحدش بيجيب سيرتهم خالص

[التونسى]

لسه شايف الحديث من حوالى نصف ساعه ،، الصراحه مكملتش خمس دقايق على بعض ،، لانى تابعت الملخصات والتحليلات حول الحديث من قبل ما اتابعه مما افقدنى الحماسه لمتابعة باقى الحديث ،، هى فكره حلوه انها تبقى سنه متبعه ان الرئيس مره كل شهر يطلع ويتحدث للشعب حول مستجدات الامور التى تهمنا كمواطنين مصريين،،

ملاحظة تيته فى محلها ،، ومش هى بس اللى لاحظت موضوع سوء التصوير ،، بل بعض الاعلاميين الموالين انتقدوا نفس الانتقاد ،، وانا ذات نفسى ومن خلال الخمس دقايق اللى تابعتهم لاحظت عشوائيه مستفزه فى الانتقال بين الكاميرات والزووم ان والزووم اوت ،، وكنت افضل الرئيس يقعد على مكتبه عشان يبقى ملو مكانه كرئيس لنا

عايز اضيف نقطه مهمه ،، من خلال متابعتى لخطابات واحاديث الرؤساء المصريين منذ 1952 وحتى الان ،، استطيع القول ان اكثرهم عنايه بخطاباته من حيث التوازن والصياغه والالقاء هو مبارك ،، بصراحه خطاباته فى مجملها مكنتش بتخر الميه ،، الى جانب انه كان حتى خروجه عن النص وقفشاته محسوبه ،،، الى جانب ان لغته العربيه كانت جيده جدا وكذلك الانجليزيه ،، وبصراحه السيسى لغته العربيه تعبانه اوى واتمنى انه يلعب على تحسينها اكتر واكتر ,,الى جانب افتقاده لحتة ال sense of humour

تم تعديل 23 فبراير 2015 بواسطة التونسى

[محاور]

استاذ تونسى حضرتك ما شاء الله متمكن.

فعلا مبارك هو صاحب افضل القاء للخطابات... فكانت مخارج الفاظه متزنة, و حتى نغمات الصوت و التلاعب بنغمة الصوت كان متمكن فيها جدا.

مبارك كان فى اوائل الاربعين و كان قائد و الرجل الثانى فى الدولة... و اتعلم حاجات كتير من السادات.. لذلك المقارنة بينه و بين من يحكم مصر الآن, فيها ظلم بين للثانى.

حكاية ان من يحكم مصر الآن يقعد على كرسى غير مكتبه, دى لفتة امريكية, و حاجة بيعملها رجال الاعمال الكبار عند استقبال شخص ما فى مكاتبهم..

المقصود باللفتة دى, انه مش بيتكلم رسمى... انه بيتكلم من القلب و بدون رسميات... هى مجرد لفتة.

مصر بتعانى من مشكلة جامدة جدا يا استاذ تونسى.. و هى الفرق بين ما هو ضرورى و ما هو ملح (من الالحاح).

الضرورى هو ان مصر محتاجة تعليم و ثقافة و صحة و بنية اساسية عالمدى الطويل.. الضرورى ان مصر محتاجة تبنى انسان مثقف و واعى و متعلم يقدر يواجه مشاكل الحياة.

اما الملح من الالحاح, و هو مشاكل مصر اليومية زى رغيف العيش, و كل المشاكل اللى تحت رجلينا دلوقتى.

مفيش رئيس او حاكم جه فى الفترة الاخيرة, الا و كان كل همه رغيف العيش و المشاكل اليومية اللى تحت رجلينا.. مفيش رئيس مؤسس او حاكم مؤسس..

و يا ريتهم عرفوا يحلوا المشاكل الملحة... :(

[Grandma]

لسه شايف الحديث من حوالى نصف ساعه ،، الصراحه مكملتش خمس دقايق على بعض ،، لانى تابعت الملخصات والتحليلات حول الحديث من قبل ما اتابعه مما افقدنى الحماسه لمتابعة باقى الحديث ،، هى فكره حلوه انها تبقى سنه متبعه ان الرئيس مره كل شهر يطلع ويتحدث للشعب حول مستجدات الامور التى تهمنا كمواطنين مصريين،،

ملاحظة تيته فى محلها ،، ومش هى بس اللى لاحظت موضوع سوء التصوير ،، بل بعض الاعلاميين الموالين انتقدوا نفس الانتقاد ،، وانا ذات نفسى ومن خلال الخمس دقايق اللى تابعتهم لاحظت عشوائيه مستفزه فى الانتقال بين الكاميرات والزووم ان والزووم اوت ،، وكنت افضل الرئيس يقعد على مكتبه عشان يبقى ملو مكانه كرئيس لنا

عايز اضيف نقطه مهمه ،، من خلال متابعتى لخطابات واحاديث الرؤساء المصريين منذ 1952 وحتى الان ،، استطيع القول ان اكثرهم عنايه بخطاباته من حيث التوازن والصياغه والالقاء هو مبارك ،، بصراحه خطاباته فى مجملها مكنتش بتخر الميه ،، الى جانب انه كان حتى خروجه عن النص وقفشاته محسوبه ،،، الى جانب ان لغته العربيه كانت جيده جدا وكذلك الانجليزيه ،، وبصراحه السيسى لغته العربيه تعبانه اوى واتمنى انه يلعب على تحسينها اكتر واكتر ,,الى جانب افتقاده لحتة ال sense of humour

الحمد لله ان مش انا بس اللي انتقدت الاخراج رغم ان كتير ما فرقش معاهم

وحتى و الله قلت لجدكم وانا باتفرج ياريته كان قعد على المكتب كان أحسن كتير

أما أفضل رئيس كان بيلقي خطب بالنسبالي يا حفيدي العزيز التونسي فكان السادات الله يرحمه رغم لازماته

لكن لو عاوز الحق و بدون تدخل العواطف أفضل واحد كان المحترم ( عادلي منصور ) كلمتين راصينتين في ميعادهم المحدد بالضبط و في الجون

[التونسى]

هى فعلا مشكله جامده لان المشاكل الاقتصاديه بتتراكم على مصر فى العصر الحديث منذ الخديوى اسماعيل ،، وكل رئيس بيجى بيشيل حمل ما قبله من رؤساء ،، وبصراحه انت ممكن تعذر معظم رؤساء مصر فى فشلهم نظرا لظروف قهريه احاطت بهم اثناء توليهم الرئاسه ،، سواء بسبب حروب ،، او علاقات خارحيه غير جيده ،، الوحيد بقى من الرؤساء دول اللى ملوش عذر قوى ،، بل وكان عنده فرصه ذهبيه للنهوض بمصر واللعب على ماهو ضرورى بجانب ما هو ملح هو مبارك ايضا ،، لكنه للاسف لم يستثمر ظروف عصره استثمار جيد ..لان فترة التلاتين سنه اللى حكمهم كانت من اكثرالفترات فى العصر الحديث اللى مصر شهدت فيهم استقرار نسبى ،، وبدلا من ان ينهض بمصر ،، جعل منها بركه راكده أسنه ،، فسدت مياهها رويدا رويدا حتى كان ما كان فى 25 يناير 2011

[محاور]

بتفرج دلوقتى على قناة الحياة الحمراء, و جايبين تعليقات الناس فى الشارع, و مش مختلفة كتير عن ارائنا فى الحوار.

الكل اجمع على ان من يحكم مصر الآن مجابش جديد, و انه مفيش تنفيذ عالواقع و ان الحال زى ما هو..

و ان كل كلامه وعود مستقبلية, و ان المعيار الاساسى هو التنفيذ على الارض, مش كلام و تعمل لى مجالس و تبقى زى قلتها.

[abaomar]

هى فعلا مشكله جامده لان المشاكل الاقتصاديه بتتراكم على مصر فى العصر الحديث منذ الخديوى اسماعيل ،، وكل رئيس بيجى بيشيل حمل ما قبله من رؤساء ،، وبصراحه انت ممكن تعذر معظم رؤساء مصر فى فشلهم نظرا لظروف قهريه احاطت بهم اثناء توليهم الرئاسه ،، سواء بسبب حروب ،، او علاقات خارحيه غير جيده ،، الوحيد بقى من الرؤساء دول اللى ملوش عذر قوى ،، بل وكان عنده فرصه ذهبيه للنهوض بمصر واللعب على ماهو ضرورى بجانب ما هو ملح هو مبارك ايضا ،، لكنه للاسف لم يستثمر ظروف عصره استثمار جيد ..لان فترة التلاتين سنه اللى حكمهم كانت من اكثرالفترات فى العصر الحديث اللى مصر شهدت فيهم استقرار نسبى ،، وبدلا من ان ينهض بمصر ،، جعل منها بركه راكده أسنه ،، فسدت مياهها رويدا رويدا حتى كان ما كان فى 25 يناير 2011

اخى و حبيبي التونسي

يسلم لسانك بس إسمح لى فقط ان اخالفك ..الغير معذور إطلاقا كان رائد الانقلابات فى مصر

جمال عبد الناصر يوم انقلب هو رفاقه على فاروق كانت مصر كدوله افضل حالا بكثير على الرغم من خضوعها للاحتلال

ناصر استلم مملكه مصر و السودان الدائنه لإنجلترا و قيمه عملتها اكبر من الجنيه الدهب و الاوروبيون يقصدونها للعمل فيها

مات ناصر فى سبتمبر 70 و مصر بدون السودان و غزه و ...يا للمصيبه .. سيناء محتله بعد اسواء فتره حكم فى تاريخ مصر

تم تدمير مصر بنجاح غريب فى اقل من 12 عاما بعد مغامرات فاشله قاتله لا تدانيها إلا ما يفعله القاتل السيسي الآن

يكفى فقط اخى الكريم حرب اليمن و فضيحه 67 و لن أزيد .

إسمح لى ايضا ان اخالفك فمبارك استغل ظروف عصره جيدا لكن لمصلحته هو و عصابته

و انتقل بنا من فسادالدوله ..الى .. دوله الفساد بكل ما تحمله الكلمه من معانى

و ها هو القاتل الانقلابى يسير على خطاه ببراعه مخزيه ..

للاسف سمعت جزء من خطابه امس لدقائق تغلبت فيها على إحساس الغثيان النابع من رائحه الدماء فى كلامه بصعوبه

تخيل يا تونسي ..رئيس جمهوريه .. و المفترض فيه المسئوليه يقول

وأنا لا أنكر أن هناك أبرياء بالسجون، تم القبض عليهم بشكل خاطيء؛ بسبب الأوضاع الصعبة التي تعيشها مصر

اقرأ المزيد هنا:http://www.shorouknews.com/news/view.aspx?cdate=22022015&id=f9de4a2b-a57e-4de8-b6f5-34d5559e274e

أومال يا خيبتها دورك إيه بالبلدى ..إنتى جايه اشتغلى إيه .. لما تشوف ابرياء تم القبض عليهم بشكل خاطئ و تسكت

و بعدين يعنى شكل خاطئ ...هيا دى دوله القانون .......خيبه الله عليك .

ايها الكرام جميعا ثقوا تماما

إِنَّ اللَّهَ لاَ يُصْلِحُ عَمَلَ الْمُفْسِدِينَ (81 ) يونس

[محاور]

من يحكم مصر الآن اثبت انه فاشل و ليس لديه اى رؤية حقيقية... ميفرقش كتير عن الاخوان او حمدين صباحى او اى حد بيتصدر لحكم مصر.

الفرق بينه و بين الاخوان, انه معاه كل اسباب النجاح, و مع ذلك فاشل.

فى رأيى الشخصى, شايف ان من يحكم مصر الآن خرج علينا ليعترف بفشله, و ان هو ده آخره, و ان معندهوش جديد. و هو ده سبب شعورى إنه مكتئب و منهزم داخليا.

على فكرة انا اكتر واحد نفسه تحصل ثورة فى مصر دلوقتى, و اننا ندخل الاتحادية نحكم, و نرجع الجيش ثكناته العسكرية, و ان الجيش يلتزم فقط بحماية امن مصر, ولا يتدخل فى السياسة.

بس انا برضه مدرك تماما ان مصر لا تحتمل اى ثورة دلوقتى, و ان لو قامت موجة ثورية جديدة فى البلد, ده معناه ان البلد هتقع و هندخل فى فتنة اكبر بكتير من اللى احنا عايشين فيها حاليا.

سبب ذكرى لامكانية حدوث موجة ثورية جديدة هو هذا الشعور بالاكتئاب...

حد هنا فاكر حالة الاكتئاب اللى ظهرت فى مصر فى 2009 و حتى وقت حدوث ثورة يناير؟ فاكرين الاحساس العام بالاكتئاب, و انك تمشى فى الشارع تلاقى الناس مبهدلة فى نفسها و قرفانة و فاقدة الامل؟

حاسس ان احنا داخلين عالمرحلة دى تانى... حالة اكتئاب جماعية و حالة فقدان للأمل و هبوط حاد فى الروح المعنوية..

احنا لو دخلنا المرحلة دى, اخشى اننا هناخد وقت طويل على ما نعرف نطلع منها تانى..

من المؤشرات اللى مخليانى شايف الحالة دى.. هو دراسة حالة الناس بعد نكسة 67... شفتوا كمية الهلس و الوساخة و الاضمحلال اللى ظهر فى افلام ما بعد 67؟

بصوا كده عالنت و دوروا على اعلان فيلم اسمه الدنيا مقلوبة, و اللى بيعبر عن الحالة دى...

و لسه كمان قرار الرقابة بعدم حظر اى مشاهد جنسية بدءا من ابريل, معنى كده اننا هنشوف افلام فى مصر, تلاقى الممثلة بتمارس الجنس علنا فى الفيلم مع الممثل, او ان صدرها او فرجها يطلعوا عالشاشة, زى الافلام الامريكية.

حتى لو كلامى شكله غير مترابط و تتويه, بس انا بتكلم عن صورة عامة للبلد, مينفعش نفصلها عن بعضها.

ربنا يستر على بلادنا و يحفظها من الاحباط و الاكتئاب...

[التونسى]

معاك اخى العزيز ابو عمر ان جمال عبد الناصر ملوش عذر قوى ايضا ،، لكنه ياتى بصراحه فى المرتبه الثانيه بعد مبارك الذى تفوق (ومازال) وباكتساح فى ترسبخ الفساد على كافة الاصعده الحياتيه بمصر ،، على الاقل فى عصر ناصر كان فيه جبهه داخليه مستقره وفيه كرامه للمواطن العادى (مع الاعتراف بتنكيله لمعارضبه اشد تنكيل) وكان فيه ثقافه وتعليم وفن وعداله اجتماعيه نسبيه ،، ناصر على قدر ما كان متهور وسياساته خاطئه ،، على قدر ما كنت تحس انه راجل وطنى بيحب البلد وبيحب الناس ،، ومن الحب ما قتل ،، عكس مبارك اللى كنت تحس انه بيحتقرنا وقرفان مننا وكأن الشعب كان جوز امه اللى كان بيضربه وهو صغير ،، اما عن السيسى ،، وبغض النظر عن الملابسات الدمويه التى اتت به للحكم .،، وبحكم الواقع ،،فالراجل وكما قلت من قبل انه من المتوقع انه حيعجن كتير اوى ،، وهو فعلا عجن وما زال بيعجن ،، وشهد بذلك موخرا صبيانه من الاعلاميين من امثال ابراهيم عيسى ومصطفى بكرى وغيرهم ،، والصراحه هو معذور فى عجنه ،، لانه من الاساس الرجل الغير مناسب لمنصب الرئاسه من الناحيه الاداريه ،، لكنه مناسب من الناحيه الشعبيه والمؤسسيه حتى اشعار اخر

تم تعديل 23 فبراير 2015 بواسطة التونسى

[abaomar]

معاك اخى العزيز ابو عمر ان جمال عبد الناصر ملوش عذر قوى ايضا ،، لكنه ياتى بصراحه فى المرتبه الثانيه بعد مبارك الذى تفوق (ومازال) وباكتساح فى ترسبخ الفساد على كافة الاصعده الحياتيه بمصر ،، على الاقل فى عصر ناصر كان فيه جبهه داخليه مستقره وفيه كرامه للمواطن العادى (مع الاعتراف بتنكيله لمعارضبه اشد تنكيل) وكان فيه ثقافه وتعليم وفن وعداله اجتماعيه نسبيه ،، ناصر على قدر ما كان متهور وسياساته خاطئه ،، على قدر ما كنت تحس انه راجل وطنى بيحب البلد وبيحب الناس ،، ومن الحب ما قتل ،، عكس مبارك اللى كنت تحس انه بيحتقرنا وقرفان مننا وكأن الشعب كان جوز امه اللى كان بيضربه وهو صغير ،، اما عن السيسى ،، وبغض النظر عن الملابسات الدمويه التى اتت به للحكم .،، وبحكم الواقع ،،فالراجل وكما قلت من قبل انه من المتوقع انه حيعجن كتير اوى ،، وهو فعلا عجن وما زال بيعجن ،، وشهد بذلك موخرا صبيانه من الاعلاميين من امثال ابراهيم عيسى ومصطفى بكرى وغيرهم ،، والصراحه هو معذور فى عجنه ،، لانه من الاساس الرجل الغير مناسب لمنصب الرئاسه من الناحيه الاداريه ،، لكنه مناسب من الناحيه الشعبيه حتى اشعار اخر

اخى الفاضل تونسي

اولا مش هاختلف معاك مبارك و لا ناصر الاثنين انيل من بعض وودونا فى داهيه منهم لله .

ثانيا اى شعبيه تتحدث عنها ورائحه تزوير إنتخابات الرئاسه زكمت الانوف و سدت الأفاق

أى شعبيه و القاتل لا يجرؤ على الظهور فى مناسبه شعبيه..اكرر شعبيه .. حقيقيه

يا تونسي إذا كان يخاطب الناس داخل القاعات المغلقه المؤمنه بشده خلف لوح زجاجى ضد الرصاص

ربما تتكلم من منطلق ..انتو شعب و احنا شعب كما قال المجرم على الحجار شريك الفتنه فى مصر

فى هذه الحاله اوافقك شعب السيسي و الذى هو اساسا من الجيش و الشرطه و بعض القضاء و بعض المسيحيين المستفيدين

من الانقلاب و بقايا نظام مبارك لن يتعدوا بحكم العدد بضعه ملايين اقصاها 8 مليون اى اقل من 10 % من الشعب

و آخذون فى التآكل حاليا بسبب ما يروه من انهيار على جميع الاصعده و إن كانوا صامتين .

الشعبيه التى صنعتها المؤامره و الإعلام يا تونسي لا تبنى دول و لا تصنع زعماء

لكى الله يا مصر .

تم تعديل 23 فبراير 2015 بواسطة abaomar

[التونسى]

انا معاك ان شعبية السيسى بتتأكل ،، وبعترف انه فاشل ف ملفات كتير ،، لكنه لازم ينجح يابوعمر ،، عشان مصر والمصريين لازم ينجح مهما كانت درجة كره معارضينه له ،، لانه ربان السفينه يا مان ،، واحنا غيرنا قباطين للسفينه اكتر من مره ،، ومينفعش نغير كل شويه لان مش كل مره حتسلم الجره ،، احنا للاسف اتربطنا مع الراجل ده فى الرمانه ،، ولو رميناه هو كمان فى البحر حنحصله ونغرق معاه ،، اكرهه زى مانا عايز يا مان وقول كل اللى نفسك فيه عنه ،، لكن لازم تتمناله النجاح لاننا محتاجين نوصل لاى بر امان ،، حتى ولو كان سراب

[محاور]

الاستاذ الفاضل التونسى..

انا متفهم جدا لوجهة نظرك, و كلامك واقعى الى حد كبير..

بس زى ما مبارك كان عنده وقت كتير... من يحكم مصر الآن لا يمتلك رفاهية الوقت اللى كانت موجودة عند مبارك.

مفيش وقت للعجن و التجربة... و هو ده اللى حاطط مصر فى المأزق ده... و من يحكم مصر الآن قفلها زى الدومينو مع الاخوان, وقفل اى وسيلة للتصالح.. و ده بيخلى فيه حالة اضطراب دائمة هيعملها له الاخوان.

و قنوات الاخوان بقى ليها تأثير معنوى و نفسى على من يحكم مصر الآن نفسه... و محلب و الدولة بيطلعوا يردوا على اتهامات الاخوان, زى التسريب مثلا... و ده بيقوى موقف الاخوان بالمناسبة, لان طالما انه طلع و رد عالتسريبات, فده معناه انها صحيحة - و رأيى الشخصى انها فعلا صحيحة.

من يحكم مصر الآن غلبان و معندهوش تجارب شخصية كتير, يعنى لا عرف ستات و لا عاش برة الجيش فى حياة الانطلاق و الصياعة... طول عمره من وهو صغير محبوس جوة الجيش, و التجارب الشخصية اللى زي دى بيكون ليها تأثير جامد جدا على تشكيل شخصية الحاكم, بينما مبارك كان مرقع - او مرئع, و صايع و ابن حنت... بس مكانش عنده طموح انه يكون زعيم... مبارك كان موظف مش زعيم.. و هو ده اللى سبب حالة الركود البشعة اللى عشناها. :)

[أبو محمد]

دا حتى ما اتكلمش عن مشكلة النظافة