مرحبا بيكم

[نشوى]

صباح الخير

أنا اول مرة ادخل حوارات المصريين عرفتوا عن طريق واحدة صاحبتي

بصراحة تصفحت المواضيع لقيت مواضيع جادة جدا و كلام كتير مفيد و كمان كلام كتير و مواضيع مفهمتهاش

أنا نشوى كلية تجارة سنة تانية قسم ادارة أعمال

مش عارفة اكتب ايه معتقدش اني هعرف اكتب حاجه وسط كل الناس المثقفين دول

أنا هكتفي بالقرائة بس حبيت أرحب بيكم بصفتي مصرية و دي حوارات مصريين

[bentmasria]

صباح الخير

أنا اول مرة ادخل حوارات المصريين عرفتوا عن طريق واحدة صاحبتي

بصراحة تصفحت المواضيع لقيت مواضيع جادة جدا و كلام كتير مفيد و كمان كلام كتير و مواضيع مفهمتهاش

أنا نشوى كلية تجارة سنة تانية قسم ادارة أعمال

مش عارفة اكتب ايه معتقدش اني هعرف اكتب حاجه وسط كل الناس المثقفين دول

أنا هكتفي بالقرائة بس حبيت أرحب بيكم بصفتي مصرية و دي حوارات مصريين

<{POST_SNAPBACK}>

اهلا ومرحبا بيكى نشوى

فى بيتك ووسط اهلك واخوانك واخواتك

اقرى لك كم موضوع وبعدين شمرى عن ساعديكى وابتدى اكتبى وناقشى وتحاورى

هنا حرية الرأى مكفوله لكل الناس اللى قلوبهم مصريه وعقولهم بتحب مصر وبتتمنى لها كل الخير :angry2: :blush: :ph34r:

مستنيين مشاركاتك

البنت المصريه

[se_ Elsyed]

مرحباً بيكي يا أخت نشوى ..

معليش رئيس ديوان قسم الترحيبات الرفيق أركان حرب سكوربيون عنده شوية مشاغل اليومين دول ..

بالنسبة لرهبة الكتابة لأول مرة غالباً ما تزول بعد وقت قليل جداً .. أما تكتبي إيه ؟ .. فده سهل جداً .. فأي حاجة إنتي حسه بها أكتبيها على طول سواء شعر أو موضوع سياسي أو مواضيع خفيفة أو حتى في باب الأسرة والطفل قسم المطبخ بتاع بودا وشاعر الرومانسية وتابعتهم أوشا ..

وعايزك تعرفي أن ما فيش حد فينا تقريباً صحفي أو يمتهن مهنة الكتابة وبالتالي يُعتبر مُحترف .. ولكن ما يجمعنا هنا هو شيء واحد فقط وهو حب مصر .. وبالتالي فكلنا بنكتب اللي بنحس به بتلقائية وبدون تعالي أو منظره ..

وصدقيني إحساسك ده هو نفس إحساس كل واحد فينا في بداية إنضمامه لهذا المكان الجميل ..

[نشوى]

شكرا ليكم يا بنت مصرية و سي السيد

أنا كنت بحسب الموقع دة رجالي بس كويس أني لقيت بنت مصرية أحكيلها أسراري

و يا سي السيد أهلا بيك بس هوا أنتا ديكتاتوري زي أسمك ؟ :angry2:

[الأفوكاتو]

مرحبا بالفاضلة نشوى ,

و أتمنى لك وقتا طيبا معنا

و تقبلى تحياتى.

[# الساحر #]

الأفوكاتو انتا محامي ؟

يعني لو فيه قضية ممكن أستشيرك فيها ؟

[# الساحر #]

اهلا نشوى

أنا كمان عضو جديد تعالي نشوف الناس دي بتفكر ازاي و نحاول نفكر معاهم

[الأفوكاتو]

الأخ " الساحر"

كنت محاميا,

و تركت المهنة منذ 37, حيث هاجرت إلى إنجلترا, و أكملت دراساتى العليا, ثم ألتحقت بالعمل كمدرس, ثم أستاذ فى القانون بجامعة لييدز, و أنا حاليا أستاذ متقاعد( Professor Emeritus ).

وأقوم حاليا بكتابة بعض المقالات فى المجلات القانونية الإنجليزية و االنيوزيلندية, كما أشارك فى المنتديات الفكرية, و أقوم بالكتابة فى باب " القانون و القضايا", للرد على الموضوعات العامة.

ولكنى لا أرد على الشكاوى الخاصة, حيث أن بروتوكول المهنة يحظر ذلك, فضلا عن أنى لست مقيدا حاليا فى نقابة المحامين المصرية.

و تقبل تحياتى