موضوع مش فى السياسة

[عصام]

الموضوع دا فريد ومختلف ..


المختلف اللى فيه .. إنه



مش سياسى


أنا إتخنقت يا اخوانا ..


الكلام يتقال .. ويرجع يتعاد .. وبعدين يتقال .. وبعدين يتعاد ..


الله؟


وفى النهاية الموضوع مسرحية كبيرة ..!!



إيه دا؟


أنا برضه اتكلمت فى السياسة!!






شوفوا بقى .. دى دعوة مفتوحة لتلقى الأسماء المكونة لقائمة حزب "الأنتي بولوتيكس تشاترز"


كل من يرغب فى الانضمام يتفصل بتسجيل اسمه هنا ..

وبعدين نبقى نقرر هانتكلم فى إيه



قائمة مؤسسى الحزب:
عصام شوقى
سكوربيون
سى السيد (صبرك بالله .. تسافر من غير ما تقوللى ؟ .. ماااااشى)














أنا بالمناسبة لا أعانى من الخواء الثقافى ولا السياسى .. بس والله زهقت

[Scorpion]

مباديء الحزب :

- ابتسامة لكل مواطن

- تعهد بترك المكان نظيف بعد مغادرته ...

- تعهد بعدم مهاجمة الأفكار التانية....

- لوح اردواز و طباشير أبيض علي كل باب حمام في مصر بما فيها الحمامات اللي في بيوتنا علشان اأولادنا تبتدي تعبر...

- تخضير جبل المقطم من ساسه لراسه و بكده نمنع التراب ....

- مروحة سقف في كل مترو و اوتوبيس .... بس يا ريت ماحدش يقف تحتيها و الا كل نص حينزل في محطة مختلفة ...

- 30 تلميذ لكل فصل

- الغاء اسلوب الصم في المذاكرة..

- تخفيض اسعار الكتب و كل الصحف المقرؤة

- عدم الكذب

- احترام المواعيد

- وعودنا واضحة بدون تنميق و ميعاد تنفيذها له زمن محدد ...

- تشطيب التليفزيون الساعة 12

- مسابقة اسبوعية لأجمل و أنظف حي بجوائز تساعده ان يبقي كذلك...

- نقل الوزارات خارج القاهرة...

- تعتبر جملة " أنت مش عارف أنا مين " جريمة تعامل معاملة الجنحة ....

اروح اشربلي بق مية و ارجع افكر في باقي المباديء .. و مستنيين مقترحاتكم بعيد عن السياسة ...

[عصام]

بيان تأسيس الحزب: :angry:

لقد تأسس هذا الحزب من قبل مجموعة من الشيوعيين والشيوعيات الذين يعتقدون بأن القيادة الحالية للحزب الشيوعي المحاوراتى قد تنازلت عن التقليد الثوري والاشتراكي للشيوعية العمالية كما وضعها مؤسس الحركة عصام شوقى :blink:

يتضح الميل اليميني المتأمرك لذلك التيار بوضوح من خلال طروحاته الكوميدية :blink: التي يتنازل فيها عن الثورة والاشتراكية :D والفول والطعمية

ان البيانات التأسيسية للأحزاب السابقة تستنكر الثورة الاشتراكية وتؤجلها لما بعد الاستيلاء على السلطة والمولوخية!. :angry:

وبحسب هذا التيار اليميني المتأمرك الجديد ، فأن الواضح أن الاشتراكيةً لا يمكن تطبيقها

لان الجماهير لا تميل لها الان.

وفي هذا الصدد، سيدافع الحزب الجديد وبكل طاقته ومن خلال كل أعضائه عن الكوميدية العمالية في المحاورات ازاء اية محاولة تهدف الى حرفها عن مسارها او تنكيس رايتها الاشتراكية الثورية المعهودة.

ويدعوا الحزب الجديد كل جماهير المحاورات ، وكل محبي الحرية والمساواة والبتسامة والترفيه الى الانضمام الى صفوفه ومساندته من خلال تعيم المشاركة فى أبواب الموضوعات الخفيفة والابتسام والفراخ والحمام والبيجامة أم كمام

عاشت الكوميدية

عاشت الملوخية

عاشت البيجامات ام كمام

اتفق المؤسسون أعلاه على تسمية الاعضاء التالية اسماؤهم كهيئة تنفيذية تكون مهمتها تأسيس الحزب ومؤسساته لحين عقد المؤتمر النصف سنوى: :blink:

[الأفوكاتو]

اتفق المؤسسون أعلاه على تسمية الاعضاء التالية اسماؤهم .......

أين الأسماء؟ :angry:

تم تعديل 18 أغسطس 2005 بواسطة الأفوكاتو

[عصام]

اتفق المؤسسون أعلاه على تسمية الاعضاء التالية اسماؤهم .......

أين الأسماء؟ :angry:

<{POST_SNAPBACK}>

ألف مبروك يا أستاذ محمود

حضرتك كدا بقيت أول إسم ..

مش عارف ليه افتكرت نكتة الراجل اللى واقف على كوبرى قصر النيل يقول 35 35 35 ولما جه واحد يسأله فيه إيه زقه من على الكوبرى وقال 36 36 36

اللى بعده ..

[Scorpion]

بند هام من مباديء الحزب :

- ممنوع منعآ باتآ أكل المانجة .. و تعامل معاملة المخدرات .....

بالعند في ناس هما عارفين نفسهم كويس

أهلا و سهلآ بالأستاذ الغالي الأفوكاتو .. وجودك معنا سيعطي للحزب مصداقية و قبول .. و هذا شرف كبير لا يسعنا معه الا أن نطلب منك أن تتقبل شكرنا العميق ....

[وليد صفوت]

37 37 37 .............

[New]

ضيف اسمى والنبي للحزب ده....

ومحدش يقول 38 :angry:

وبما انى من اوائل الناس اللى فى الحزب حكتفى بمنصب رئيس اللجنة السياسية للحزب. :angry:

[kotoz9]

لقد تأسس هذا الحزب من قبل مجموعة من الشيوعيين والشيوعيات الذين يعتقدون بأن القيادة الحالية للحزب الشيوعي المحاوراتى قد تنازلت عن التقليد الثوري والاشتراكي للشيوعية العمالية كما وضعها مؤسس الحركة عصام شوقى 

يتضح الميل اليميني المتأمرك لذلك التيار بوضوح من خلال طروحاته الكوميدية  التي يتنازل فيها عن الثورة والاشتراكية  والفول والطعمية

انجليزى ده يا مرسى :angry:

- ممنوع منعآ باتآ أكل المانجة

عاشت الكوميدية

عاشت الملوخية

عاشت البيجامات ام كمام

عاشت المانجة

يسقط الزمالك

يعيش الاهلى

[Scorpion]

كنا وقفنا علي ٣٩ عضو ... فيه حد عايز ينضم دلوقتي ...

الله يمسيك بالخير يا عصام ...

[باهى الطائر الحزين]

شغاااال

39 39 39

ههههه

[Advisor]

أنضم  بشخصي فقط إلى الحزب الجديد ، أكرر بشخصي  حتى لا يطالب مطالب بإلغاء  نصف المشاركات في محاورات المصريين.