هل يجوز الاستغفار لغير المسلمين ؟

[محاور]

أخى الكريم طارق...

طيب بالنسبة للى بيعلن انه كافر او ملحد ده ظروفه ايه؟ يعنى اللى اختار الكفر او الشرك بالله او الالحاد... ده يبقى ايه؟

و إذا كانت الاديان كلها زى بعضها و المسلم زى الكافر, طيب ايه الداعى اننا نتمسك بالاسلام؟ او حتى نتمسك بأى دين؟ ايه المغزى من الاسلام و من الاديان السماوية؟

[tarek hassan]

أخى الكريم طارق...

طيب بالنسبة للى بيعلن انه كافر او ملحد ده ظروفه ايه؟ يعنى اللى اختار الكفر او الشرك بالله او الالحاد... ده يبقى ايه؟

و إذا كانت الاديان كلها زى بعضها و المسلم زى الكافر, طيب ايه الداعى اننا نتمسك بالاسلام؟ او حتى نتمسك بأى دين؟ ايه المغزى من الاسلام و من الاديان السماوية؟

ما هو دا بقى موضوع كبير شبعنا فيه نقاش .... ومش بالظبط كده ... وانظر للتعديل ... سلام مؤقت

[محاور]

فى حفظ الله يا أخى الكريم.

[Grandma]

:)

تبقى ما تعرفيهوش

طيب نتعرف ... أهو طلع بيغني لداليدا :)

[MZohairy]

هي تيته تقصد الاستغفار لغير المسلمين من الاحياء ولا الاموات؟

لو الأموات فأكيد مفيش مشكله لأنه بين ايدين ربه

اما لو من الأحياء......كمان مفيش مشكله :) لأننا دين رحمه و مغفره

الذين قالوا ربنا الله ثم استقاموا ...مايخافوش ولا يحزنوا و داخلين الجنه

يعني الشرطين هما توحيد الله و الاستقامه...بس

من اي دين بقى مش مشكله

تم تعديل 26 فبراير 2015 بواسطة MZohairy

[Grandma]

التقوى بايدنا زى ما الشر فى ايدنا يا تيتة...

صحيح ان القيم بتختلف من مجتمع لمجتمع, و ان فكرة موضوعك هى قائمة على اساس الانسان اللذى قام بأشياء عظيمة و لم يعرف عن الاسلام شىء حسب ما فهمت...

و اختلاف القيم ده بيخلى فيه اختلاف طفيف فى معنى الخير و الشر او التقوى و الفجور, لكن فى النهاية مهما كان الاختلاف, تظل الفطرة الانسانية السليمة هى الاساس و المعيار.

المشكلة الاكبر بقى لو حصل لعب فى الفطرة الانسانية دى و الواحد صغير؟

فتلاقى الواحد من دول طول بعرض زى التور و مع ذلك اتربى عالنفاق و عالوساخة و على الحقد عالاسلام, و الواحد من دول ممكن صحيح يكون تخطى سن الاربعين - سن اكتمال النضج العقلى, لكن مع ذلك تلاقى مخه اصغر من مخ طفل فى ابتدائى.

يا ترى ايه الحل مع الناس اللى اتلعب فى اساسهم من و هما صغيرين و اتلعب فى فطرتهم الانسانية السلمية اللى اتفطروا عليها؟

اعتقد انهم ضحية المفاهيم الغلط... لكن حسابهم و القرار بيد الله وحده.

لكن فعليا جدلية التلاعب بالفطرة الانسانية السليمة, دى برضه من الجدليات اللى زى ان الانسان مخير ولا مسير.

الغرض من الموضوع يا حفيدي العزيز مش بس الاستغفار

الغرض تساؤل بيدور في ذهن كتير من المسلمين

هل اللي عمل حاجات عظيمة بتخدم البشرية و عنده نفس قيمنا الانسانية و الاخلاقية بس لم يسلم لأي سبب كان ...هل دا يستحق رحمة ربنا في الآخرة ؟!!!

انا أعرف ناس انجليز بوذيين عندهم قيم واخلاق و مبادىء مهما اقولك لدرجة ممكن توصفها بالزهد و التصوف ...ورغم ايمانهم بعدم وجود خالق كانوا بيروحوا الكنيسة في قريتهم في ايام معينة علشان يساعدوا في قرع أجراسها مساعدة لجيرانهم المسيحيين

وقابلت واحدة روسية قالتلي انها نفسها تتحول للمسيحية بس هي مش بتؤمن بربنا رغم ان عندها شعور داخلي

ان ربنا موجود بس هما اتربوا في المدارس على عدم الايمان كل يوم فيه حصة بيدرسوا فيها ان مافيش دين

وان دا خرافة وان الانسان مالوش خالق ...

يعني عاوزة تقولي ما معناه ماحدش يلوم على اننا اتربينا على كدا .

و فعلا مش بلومها نهائيا و بطلب لها المغفرة من ربنا

[Grandma]

ادينا بندردش ورانا ايه ورانا ايه :)

للمرحومه الكافره الله لا يرحمها داليدا

ما ورناش اي حاجة

خليك معانا ...اوعى تروح في اي حتة :)

[Grandma]

بصى يا تيتة

ربنا خلق لك عقل .. ومش ممكن ينزل عليكى دين يخالف العقل اللى خلقهولك

استفت قلبك وإن أفتوك

سيبك من دروايش "يجوز ولا يجوز"

منك لله .. ومنهم لله

مفيش حد فى النص بين الله ومخلوقاته

واللى فاكر ان معاه توكيل عن الله يبله ويشرب ميته

اوكييه ... هستفتي قلبي

اللي معاه توكيل يجي يصلي ويصوم و يحج بدالي

وانا آخد الثواب ع الجاهز

يبقى كدا شرب المقلب

[Grandma]

أستاذى الكريم أبو محمد...

الكلام اللى متلون بالاحمر ده, هو بالظبط سبب اعتقادى انه لا يجوز ان نستغفر لهم.

احنا نستغفر لهم ليه؟ ما هما يستغفروا لنفسهم؟ احنا دورنا دور دعوى و تبليغى فقط لا غير.

أما ان الواحد يصدر نفسه وسيط بين ربنا و بين البشر, و يقول اما استغفر لهم, فده دور مش مطلوب أبدا.

و بعدين إذا كان ربنا نفسه قال اننا سواء استغفرنالهم ام لم نستغفر لهم فربنا برضه مش هيغفر لهم, إذا فلا منطقية للإستغفار... لانه كده ملهوش اى قيمة... طالما ان ربنا مش هيغفر... يبقى ايه الجدوى من الاستغفار؟!

يا استاذى الكريم احنا لازم نتخلى تماما عن لعب دور الوسيط سواء بالخير او بالشر. :)

لكن إننا نصدر نفسنا و نقول اما نستغفر لهم و نلعب دور وسيط بينهم و بين ربهم؟! مسألة غير منطقية... و اللى فهمته من موضوع تيته, انها تقصد ما هو ابعد من مسألة الاستغفار من الموضوع ده, حيث ان موضوعها اشمل بكتير.

هما هيستغفروا لنفسهم ازاي بس ؟!!!

اذا هما اساسا ما يعرفوش ان فيه ربنا اومش عارفين انه ربنا بتاع الدين الاسلامي

يبقى احنا لازم نطلب لهم الهداية

و عادة احنا بنستغفرلهم اما بنسمع خبر موتهم

بنزعل و نقول ربنا يغفرلهم و يرحمهم

وانا وضحتلك الغرض من الموضوع مرة تانية

[Grandma]

ما دام انت فاهم الحكاية كده

يبقى انت حر ما تستغفرش لحد ولا تدعى لحد

وادينى مستنى أفهم الهدف من الموضوع

:)

بلاش انتى يا تيتة تشرحى الهدف من موضوعك .. مش انتى عاملة توكيل ؟

انا عاملتلكم كلكم توكيل

اللي عاوز يشرح حاجة نيابة عني يشرحها

ما انا قولتلك من الاول اكتب انت الموضوع ... انا مش بعرف اشرح :)

[Grandma]

اللي متأكد إنه مسلم .... ومتأكد إنه غيره كافر ..... يبقى جاهل

ولولا أن الله أمرنا أن نقول سلاما إذا خاطبنا الجاهلين لما قلنا لهم : سلاما

ومن الجهل أن نصف أتباع الديانات السماوية بأنهم غير مسلمين أو كفار

أو أن نحرم الاستغفار لهم

ربنا يهدي البشرية كلها

اللهم آمين

( كلا لو تعلمون علم اليقين )

صعب الانسان يكون عنده يقين كامل

ربنا يغفرلنا جهلنا

[Grandma]

أخى الكريم طارق...

طيب بالنسبة للى بيعلن انه كافر او ملحد ده ظروفه ايه؟

دا ظروفه صعبة ...ربنا معاه

يعنى اللى اختار الكفر او الشرك بالله او الالحاد... ده يبقى ايه؟

يبقى فيه حاجة قوية دفعته لكدا ...و هو وربنا يتناقشوا مع بعض في الآخرة

و إذا كانت الاديان كلها زى بعضها و المسلم زى الكافر, طيب ايه الداعى اننا نتمسك بالاسلام؟

ما هو كل واحد بيتمسك بالدين اللي وجد عليه ابائه او اللي بيريحه

او حتى نتمسك بأى دين؟ ايه المغزى من الاسلام و من الاديان السماوية؟

انا قولتلك انه بدون دين الدنيا هتكون غابة ...دا غير ان الدين حاجة انسانية زي الاكل و الشرب و النوم

معليش ان جاوبت عن حفيدي العزيز طارق و بعدين اما يرجع هو يجاوب عن نفسه

[Grandma]

هي تيته تقصد الاستغفار لغير المسلمين من الاحياء ولا الاموات؟

لو الأموات فأكيد مفيش مشكله لأنه بين ايدين ربه

اما لو من الأحياء......كمان مفيش مشكله :) لأننا دين رحمه و مغفره

الذين قالوا ربنا الله ثم استقاموا ...مايخافوش ولا يحزنوا و داخلين الجنه

يعني الشرطين هما توحيد الله و الاستقامه...بس

من اي دين بقى مش مشكله

أقصد الاستغفار للاتنين الاحياء و الاموات بس احنا عادة بنستغفر للاموات

وزي ما قولت ان الغرض من الموضوع هواستفسار عن مصير غير المسلمين و حتى اللي مش بيؤمنوا بربنا

و افادوا البشرية بعلمهم و عملهم وانجازتهم ..هل هم فعلا مصيرهم النار ؟!!

رغم ان ربنا قال كدا ( ربما ترهيب ) ... بس ان شاء الله هيدخلوا الجنة لاني واثقة من رحمة ربنا

وانا هدعيلهم وكلكم معايا :)

[أبو محمد]

الحمد لله أننى عرفت الإسلام

قبل أن أعرف المسلمين

روجيه جارودى

فى بلاد الغرب رأيت إسلاما ولم أر مسلمين

فى بلاد العرب رأيت مسلمين ولم أر إسلاما

رفاعة الطهطاوى وفى قول آخر محمد عبده

[Grandma]

هو كدا بالظبط ... علشان كدا عاوزة استغفرلهم

ويمكن هما يكون عند ربنا أحسن مني كمان

[Alshiekh]

أولا مسألة الاستغفار لغير المسلمين لا تجوز... لان هما نفسهم مش فى دماغهم.

يعنى واحد مش عايز يستغفر ربنا من تلقاء نفسه ولا عايز يعبد ربنا... ازاى ربنا هيغفر له؟

أما مسألة التذبذب, و اللى بتحصل لاى حد مسلم يسافر للدول المتقدمة, و اللى بيطلق عليها صدمة حضارية, فهى سببها ان المسلمين لم يقوموا بواجباتهم تجاه بلادهم, و توقفت حركة المدنية فى الدول الاسلامية منذ بضع قرون, و حان الوقت لاعادة هذا الامر الى نصابه الصحيح.

أما عن مسألة الحساب يا تيته, فهى مسألة بيد الله وحده.

إذا كنا آمنا بالله, فعلينا أن نثق فى عدله و رحمته و كرمه... و هو وحده من بيده إدخال فلان النار و علان الجنة.

الكلام ده معناه ايه؟ معناه ان علينا ان نفصل بين الكفر و الايمان فى الدنيا... و بين الحساب و دخول الجنة و النارفى الآخرة.

يعنى ربنا وحده فقط هو صاحب القرار... و مينفعش اننا نتدخل فى هذا القرار الربانى, لانه قرار الاهى لله وحده.

المسألة تتوقف على مدى ثقتنا فى الله و فى عدله و ان الله لن يظلم عبيده أبدا أبدا أبدا.

و الثابت بالنسبة لنا فى مسألة دخول النار, صنفين من الناس... المنافق و المتكبر.

المنافق هو من دخل الاسلام و هو يكرهه و يحقد عليه و ربما يتآمر عليه و يسعى لاطفاء نور الله... لذلك المنافقين فى الدرك الاسفل من النار, لانهم اختاروا النفاق بدلا من ان يكونوا واضحين فى كراهيتهم.

أما المتكبر, فهو من تكبر على عبادة الله, و لنا فى إبليس نموذج واضح فى التكبر... و أيضا أبو لهب, و اللى كان وسيم و عبقرى و وجيه جدا بالمناسبة, و كان يرى نفسه افضل من رسول الله... و طبعا كفر ابو لهب هو دليل صارخ من دلائل النبوة و دلائل الاسلام, لان أبو لهب مات بعد سنوات من نزول السورة الكريمة فى حقه, و مع ذلك لم يعلن اسلامه و لو بلسانه, رغم انه كان ممكن يقول بلسانه انه مسلم و لو كذبا, و كان ساعتها سيدنا محمد هيكون كذاب, و لكن لان سيدنا محمد نبى حق, فكانت هذه السورة بمثابة اعجاز حقيقى و دليل دامغ من دلائل النبوة.

اذا فالمتكبرين و المنافقين هما الصنفين اللى واضح انهم داخلين النار... اما باقى الناس فالله اعلم بوضعهم, فقط علينا ان نثق فى ان الله عدل و ان الله لا يظلم احد مثقال ذرة.

اقنعتك ولا لسه؟

انت عايش فين؟

في الكتب الصفراء؟

مين قال لك انهم لا يستغفرون؟ مين قال لك أنهم لا يقدمون للمخلوقات كل يد من عون ومساعدة مغلفة بالرحمة والشفقة؟

عايشهم وعاشرهم لتعرف انهم من بني الإنسان وليسوا من بني حجر ولا بني صخر ولا بني صحراء.

مصيبتنا أننا نشعر بالتعالي على باق البشر على الرغم من أن من بيننا يخرج سفاحين وسافكي الدماء والمبرراتية وآكلي وهاضمي حقوق الناس، ومنا العنصريين وكله باسم الدين والدين منهم براء.

انت في حاجة للعيش في مجتمع منفتح متعدد الديانات والثقافات لتكتشف أنك في ذيل الأمم حيث لا تقدم لهم أي جديد سوي الإرهاب، ستكتشف انك من مجتمعات عالة على البشرية من حيث البحث والابتكار وتطوير الإنسان وما انت الا من مجتمعات تبيع كنوز أحفادها لتتلذذ بعوائدها على طريقة اليوم خمر وغدا أمر واحييني النهاردة وموتني بكرة، واذا فكرتم قليلا فلا تفكرون الا في استعادة الماضي ولا تعرفون للمستقبل أي معنى، وفي النهاية لا نسمع الا صرخات التعالي والاستعلاء وخير امة اخرجت للناس رغم انكم لا تأمرون بمعروف او تؤدونه، ولا تنهون عن منكر بالاتصال بالجهات المنوطة بمراقبة القانون وتفعيله، وتكتفون بمصمصة الشافيف والنظر الى الجانب الآخر ولعن الحكومة وانتظار صلاة العصر على امل رجوع مرسي للقصر.

انهم يستغفرون عملي، من يعمل منهم سيئة يكفر عنها عمليا لدرجة ان يصل عقابه لنفسه الى الاعدام.

[Alshiekh]

وأنتظر الاجابة من حفيدي العزيز محاور أو اي شخص عنده إجابة .

نعم سأستغفر لهم ولكل انسان اعرفه لانهم "اخوة لي في البشرية" وكلهم -كما نؤمن- من نسل آدم ابو البشرية وابونا جميعا.

وسأصم أذني عن هؤلاء الأدعياء الذين يدعون أنهم وكلاء الله على الأرض يحددون لي من استغفر له ومن ادعو عليه.

سأستغفر لهم

وعلى الله القصد والنية والقبول

[MZohairy]

اللهم اغفر للكافرين و الكافرات خاصة من افاد منهم البشريه زي مخترع الأنسولين مثلا اللي بعلمه أحيا نصف البشر على الأرض

عكس مسلمين كتير كما هو مقيد في السجل المدني يا ارحم الراحمين

[tarek hassan]

[ إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ ]

يا سلام لو تركوا الناس يقرأوا القرآن دون أن يقفوا حائلا بينه وبينهم

يا سلام لو عرفوا ربنا حق المعرفة من كتابه وليس من الصور المسيئة التي وضعوها لهم عنه

[Alshiekh]

عكس مسلمين كتير كما هو مقيد في السجل المدني يا ارحم الراحمين

وبيعالجو مرضى السكر بعسل النحل