هل يجوز الاستغفار لغير المسلمين ؟

[أبو محمد]

دلوقتى التراث بقى حلو و جميل و الاحاديث بقت مصدقة و كلام مقدس, و مبقاش كلام اصفر.... و بقى كلام بن كثير و تفسيره كلام جامد و حلو و آخر حلاوة.

و نرجع نسأل نفسنا هو فيه تطرف ليه؟

الازدواجية فى المعيار من اكبر المخاطر علينا كلنا.

و حاضر هرد على حضرتك, و لكن ادينى وقت و ارمينى البحر.

لو مش عاجبك إنكره

[محاور]

عجييييييييييييييييييييييييييييييييييييييب

و ما مصدر العجب؟ على فكرة اختلاط المفاهيم و التطرف له جانبين.

صحيح ان احنا شايفين داعش علشان صوتهم عالى بس و معاهم سلاح... لكن فيه طرف متطرف فى التفكير فى اقصى اليسار... هو بس لسه صوته مش عالى. :)

[محاور]

لو مش عاجبك إنكره

يا استاذى الكريم واقعة الاستغفار هى واقعة شهيرة جدا و تم قتلها بحثا و هى مسألة واضحة.

و عموما انا قدامى آية واضحة و صريحة... لكن ده ميمنعش انى هجيب لك رد لكى يطمئن قلبك. :)

الفكرة بس فى الازدواجية فى المعايير... نقول عليها كتب صفرا و بعدين نستشهد بيها وقت ما يعجبنا.

ما هو ده نفس فكر داعش... اخطف كلمة من هنا على كلمة من هنا و اعمل بيهم دين جديد.

تم تعديل 27 فبراير 2015 بواسطة محاور

[محاور]

مرة تانية... محاولة حصرنا فى مسألة الاستغفار من عدمه هى مسألة ثانوية جانبية.

لأن المسألة الاخطر هى الاعتقاد بان الكافر بيستغفر, و ان الكافر هيتجازى حسنات على الخير اللى بيعمله.... لان ده بيهدم الاساس العقائدى, و بيهدم منظومة الثواب و العقاب.

لكن عموما المسألة دى متداخلة بين الفلسفة و الاسلام.... لذلك اللى بيقول كلامه من منطلق فلسفى فكرى بحت, يا ريت يوضح لنا...

لكن اللى بيقول كلامه من منطلق ان هو ده القرآن و هو ده الاسلام فدى مسألة تانية خالص.

فالمسائل الفلسفية تناقش الكون خارج اطار دين محدد... الفلسفة تناقش القيم الاساسية (الحق و الخير و الجمال و صورهم من المنطق و الاخلاق و علم الجمال) و تناقش مسألة الوجود... و العقل و الروح... و غيرها من المسائل البحثية... لكن علينا الا نخلط عملية البحث عن الحقيقة من منطلق فلسفى, و مسألة ان الاسلام حق, او هكذا يؤمن المسلمون أنه حق و حقيقة.

والله الموفق.

تم تعديل 27 فبراير 2015 بواسطة محاور

[MZohairy]

يا تيته

مستحيل تاخدي دينك من واحد بيتبول قاعدا حتى لا يتنجس ثوبه ببعض قطرات البول و بعدها يروح يشرب قارورة بول إبل طازجه

الموضوع بسيط خالص

مجرد انك تحسني الظن في الخالق و تبتعدي عن كل مايفكر فيه البدو

تحياتي

[أبو محمد]

يعنى لما نجيب لك كلام ابن كثير من التراث الذى تتعبدون به .. يبقى مش عاجبك

وتسخر وتقول دلوقت التراث بقى حلو وجميل

لما نجيب لك كلام الله سبحانه وتعالى مش عاجبك برضه

وتشيح بوجهك عنه وكانك لم تره

نحكيلك الحكاية من أولها كما جاءت فى سورة المائدة

وَإِذْ قَالَ اللّهُ يَا عِيسَى ابْنَ مَرْيَمَ أَأَنتَ قُلتَ لِلنَّاسِ اتَّخِذُونِي وَأُمِّيَ إِلَهَيْنِ مِن دُونِ اللّهِ

قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ إِن كُنتُ قُلْتُهُ فَقَدْ عَلِمْتَهُ

تَعْلَمُ مَا فِي نَفْسِي وَلاَ أَعْلَمُ مَا فِي نَفْسِكَ إِنَّكَ أَنتَ عَلاَّمُ الْغُيُوبِ (116)

مَا قُلْتُ لَهُمْ إِلاَّ مَا أَمَرْتَنِي بِهِ أَنِ اعْبُدُواْ اللّهَ رَبِّي وَرَبَّكُمْ وَكُنتُ عَلَيْهِمْ شَهِيدًا مَّا دُمْتُ فِيهِمْ

فَلَمَّا تَوَفَّيْتَنِي كُنتَ أَنتَ الرَّقِيبَ عَلَيْهِمْ وَأَنتَ عَلَى كُلِّ شَيْءٍ شَهِيدٌ (117)

إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ (118)

قَالَ اللّهُ هَذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ

خَالِدِينَ فِيهَا أَبَدًا رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ (119)

إيه بقى معنى الآية 118 ؟

كم احتمال لمشيئة الله سبحانه وتعالى نطق بها المسيح فى الآية ؟

احتمال واحد ولا اتنين ولا كام ؟

ويا ترى الغفران فيهم ولا مش فيهم ؟

فلسفة دى ولا دين ؟

[أبو محمد]

فين ردك على رواية ابن جرير التى فسر بها ابن كثير موضوع استغفار النبى ؟

:)

إيه ؟ .. كخة التراث دلوقت وما يلزمناش ؟

[محاور]

أستاذى الكريم أبو محمد...

أنا لا اتعبد بالتراث, فالقرآن و الأحاديث هما المصدر الاساسى لنا جميعا... و كتب التراث هى تفسير... ممكن احنا كمان نحط بصمتنا و نقول تفسير, طالما ان كلامنا ده لا يتناقض مع القرآن الكريم.

لكن المسألة هى مسألة الازدواجية, و فعلا لا أقصد بذلك اساءة... فهى مسألة موجودة فينا كلنا و أنا أولكم... لان احنا اتربينا على ثقافة الازدواجية و عدم احترام الآخر و خلط المفاهيم ببعضها و كثير من الأمور الغلط الموجودة فى ثقافتنا و اللى بتتناقض مع بعضها.

أما عن الآية الكريمة الخاصة بسيدنا عيسى عليه الصلاة و السلام... فالكلام واضح و مش هروح حتى ابص على تفسير الآية فى اى كتاب من كتب التفسير. :)

و هى البديهية اللتى اتفقنا عليها جميعا... و هى ان الله هو وحده صاحب القرار فى أن يغفر او أن يعذب.

كلنا بمختلف افكارنا و معتقداتنا متفقين على البديهية و المسلمة دى... ان فى النهاية ربنا هو اللى هيحدد مين اللى هيدخل الجنة و مين اللى هيدخل النار.... و ده مش متناقض أبدا مع منظومة الثواب و العقاب الربانية المتجسدة فى الاسلام.

لكن المتناقض مع منظومة او قانون الثواب و العقاب اننا نقول ان الكافر زى المؤمن و ان الكافر هيتجازى حسنات عالخير اللى بيعمله و ان الكافر بيستغفر.. طيب هو الكافر بيستغفر مين اساسا؟ صحيح ان الكافر ممكن يروح يعدم نفسه زى ما بيحصل فى اليابان علشان عمل جريمة فى حق الناس, لكن ده مش استغفار... ده اسمه ضمير... و فيه فرق كبير بين استغفار ربنا و بين ان الانسان يكون عنده ضمير, لان الضمير من اساسيات الفطرة الانسانية السليمة.

اسأل الله ان يهدينا طريق الرشاد.

تم تعديل 27 فبراير 2015 بواسطة محاور

[محاور]

يا استاذ محمد انت بتشرح ايه بس ... ياللا ..

المدهش ان ده هو الأسلوب الجديد لشرح الأسلام بصورة جديدة بعيدة عن الجمود و التحجر بتاع العقليات اللي افرزها اسلوب التعليم بتاعنا ..

Useless

والله انا خايف احسن تكون فاكرنى جى بدين جديد و باسلام جديد و جى أؤلف و افتكس قرآن جديد بالمرة. :)

طيب ما تقول لنا كده يا استاذ سكوربيون ايه هو الاسلام و اشرحه لنا و أفيض علشان نتعلم منك الاسلام على أصوله. :)

يعنى اشرح لنا علشان نفهم اكتر ايه رؤيتك و فهمك للاسلام؟

تم تعديل 27 فبراير 2015 بواسطة محاور

[أبو محمد]

والله انا خايف احسن تكون فاكرنى جى بدين جديد و باسلام جديد و جى أؤلف و افتكس قرآن جديد بالمرة. :)

طيب ما تقول لنا كده يا استاذ سكوربيون ايه هو الاسلام و اشرحه لنا و أفيض علشان نتعلم منك الاسلام على أصوله. :)

يعنى اشرح لنا علشان نفهم اكتر ايه رؤيتك و فهمك للاسلام؟

يا سيدى .. نحن فى انتظار مفهومك أنت - الجديد - للإسلام

يمكن احنا مش فاهمين .. وضاع عمرنا سدى

إعمل فينا معروف الحقنا

[محاور]

يا سيدى .. نحن فى انتظار مفهومك أنت - الجديد - للإسلام

يمكن احنا مش فاهمين .. وضاع عمرنا سدى

إعمل فينا معروف الحقنا

أستاذى الكريم أبو محمد...

فى موضوع هبه رؤوف عزت, اتكلمت عن ان المسألة فى حاجة لمعرفة موسوعية, زى العلماء الموسوعيين بتوع زمان اللى تلاقيهم فاهمين فى 500 الف حاجة... و قلت كمان ان المسألة هتاخد من 10 ل15 سنة من الآن لوضع مفهوم كامل.

و للتوضيح انا لا أسعى الى وضع فقه جديد, فالفقه و الفتوى لها ناسها و هم علماء الأزهر و دار الافتاء, و دورهم هو تجديد الفقه و تجديد الفتاوى لكى تتناسب مع عصرنا و زماننا, فأسأل الله ان يقوموا بدورهم هذا.

المفهوم اللذى أعنيه أنا هو وضع مفهوم جديد لعلاقة الاسلام بنظام الحكم, و ماهية الاسلام, و علاقة المسلمين بغير المسلمين داخل المجتمع المسلم, و مسألة المواطنة فى الاسلام, و مسألة الاقتصاد الاسلامى - فكما تعلم لا يوجد حتى الآن ما يطلق عليه اقتصاد اسلامى كامل, و لكن هناك فقط فقه إسلامى اقتصادى, و أزمة الربا و البنوك و المؤسسات الاقتصادية لم يتم حسمها حتى الآن بشكل قاطع, بسبب عدم وجود مفهوم واضح و متكامل للاقتصاد الاسلامى.

ده بالاضافة لمسائل تانية كتير غير اللى انا ذكرتها فوق, و كلها مسائل عالقة لم يتم وضع تصور متكامل لها.

زى ما حضرتك شايف... فيه تطور كبير جدا حصل فى العالم, و هذا التطور حدث بينما المسلمون فى غفلة منه, فلم يجددوا مفاهيمهم ولا فقههم ولا أفكارهم لكى تساير التطور اللذى حدث فى العالم.

و هذا أدى الى ظهور دعاة العلمانية اللذين يريدون بنا البعد عن الاسلام و عن حكم الاسلام.

المسألة معقدة و متشابكة يا استاذى الفاضل, ولا يوجد من يتحرك لفك كل هذه الرموز و التشابك و التعقيد. :)

تم تعديل 27 فبراير 2015 بواسطة محاور

[Alshiekh]

والله انا محتار

اذا كان ربنا نور بصيرتهم وعقولهم واصبحو اساتذة العلم تكنولوجيا وصناعيا وطبيا واي حاجة تختر على بالنا ، واعطاهم من الخير اوفره نتيجة عملهم وكدهم،

يقوم ييجي اللي مستنين مرسي يرجع القصر ومستنين الحكومة ترضعهم وترضع عيالهم، جايين يقرروا مصيرهم واذا ماكان الاستغفار يجوز لهم أم لا؟

طيب اعملوا اكلكوا وصنعوا بسكلتكم واعملوا فانوس رمضان وبعدين اتكلموا.

سجادة صلاة

سبحة

جلابية

طاقية لزوم الورع والتقوى

شبشب

لاسة بيضا

منبه مواعيد الصلاة

يا خبر اسود، ده كل حاجة بيعملوهالكم الكفار الوحشين اللي ماينفعش وحرام تستغفروا لهم.

جتكوا ستين خيبة.

فعلا اللي اختشوا ماتوا.

ومرسي مش راجع برضه.

[محاور]

طيب خلينا بس فى المسألة الأساسية بعيدا عن أى خلافات سياسية لا تخصنا من قريب او بعيد.

من رحمة ربنا سبحانه و تعالى انه خلق سنن كونية تسرى على المؤمن و الكافر, من ضمنها ان لكل مجتهد نصيب, و ان الاجتهاد و العلم مش حكر على حد... و لكن موجودين و متاحين للمؤمن و الكافر....

المشكلة فين طيب؟ المشكلة ان فيه ناس فاكرين نفسهم ارحم من ربنا... و بيفهموا اكتر من ربنا... و أحكم و أعدل من ربنا... و شايفين ان حكم ربنا غلط, و ان الكافر زى المؤمن... صباح الفل. :)

يعنى هو انتم هتكونوا أكثر رحمة من رسول الله اللى هو رحمة للعالمين؟ ولا انتم فاكرين نفسكم أكثر رحمة من اللى أرسل رسول الله رحمة للعالمين؟

أما بقى مسألة ان احنا مش بنصنع ولا بنجتهد, فدى مسألة ملهاش علاقة بكوننا مسلمين... لان فيه سنن كونية ربنا خلقها لانه عادل, و السنن الكونية دى بتقول: اجتهد تحصد. ازرع تحصد.

يعنى مش عشان انت مسلم = متخلف و مبتفهمش... فيه ناس فاكرين كده و بيطالبوا بالعلمانية.

طيب ما هو احنا تقريبا دولة علمانية باستثناء القانون المدنى... لكن دلوقتى فى مصر بتحصل بلاوى ماتفرقش كتير عن البلاوى اللى بتحصل فى اى مجتمع علمانى... زى الزنا و الدعارة مثلا... يعنى دلوقتى الزنا بقى متاح بشكل أسهل بكتير جدا من 10 سنين فاتوا.

[MZohairy]

يحتاج الفكر الديني الى المزيد من النضج و الى ادراك ان من يخاطبهم اصبحوا اكثر علما و وعيا و ثقافه من سابقيهم بتوع الشاطر حسن و السندباد البحري

فمثلا تجد ان الشرير الظالم الذي يلقى عقابه في الدنيا يبقى ربنا منتقم و عادل و خد حق المظلوم منه فورا....الله الله الله
بينما الشرير الذي لا يعاقب في الدنيا يبقى ربنا سايبه علشان يعذبه اكتر في الآخره و ماتزعلش يا مظلوم..سبحان الله
و الانسان الطيب اللي ربنا اكرمه في الدنيا يبقى ربنا بيكرمه علشان طيب و كويس... يا كريم يا رب
و لو انسان طيب و ربنا منزل عليه المصايب بالجمله...يبقى يابخته ده ربنا بيمتحنه و ثوابه كبير و مقامه عالي في الجنه...حكمتك يا رب

طبعا ده مثال صغير لحاله عامه توضح مفهوم اي حاجه في كل حاجه مع بعض الدسته بربع جنيه

الفكر ده لو استمر كده مع سفن الفضاء اللي خرجت خلاص تقريبا خارج المجموعه الشمسيه ...هنلاقي نفسنا في موقف صعب جدا
جدا
ربنا لا تؤاخذنا ان نسينا او أخطأنا

تم تعديل 27 فبراير 2015 بواسطة MZohairy

[مسافر زاده الخيال]

عدم -اﻹستغفار للكفار-منطقية جدا (و المفروض انها ﻻ تغضب اي كافر-او من يظن نفسه مسلما متسامحا يحب الجميع)...لكن حبذا لو(دعونا للكفار)بالهداية و بالخير عموما..و ان نشر و نشيد بمحسنيهم...و ﻻداعي بإشغال انفسنا بهذه المسألة(التي تدل في نظري على ان اﻹسلام هو الدين الحق ﻷن المسلم تزعجه فكرة ان من يجلهم من محترمي الكفار قد يكون مصيرهم النار)...

اقول ﻻ داعي ﻹشغال انفسنا بذلك-ليس تجاهلا من قبلنا-بل ﻷن غير المسلم ﻻ يؤمن بالهنا وﻻ يؤمن بالجنة كما يتصورها المسلم(كثيرا من المتهكمين من الكفار او ممن يظنون انفسهم مسلمين متنورين..يسخرون من جنة تشرب فيها الخمورواﻻلبان و تضاجع فيها الحور العين ويرونها جنة للغرائز المادية ﻻ تليق بالسمو الروحاني)...فغير المسلم -لن يحز في خاطره-ان مسلما لن يستغفر له-ربا ﻻ يؤمن به و جنة لم يحلم او يرغب في دخولها...اما حكاية ان كثيرا من الكافرين قدموا للبشرية خدمات و تضحيات ﻻ تنكر...فاصحاب تلك المنجزات-انفسهم-لم يقوموا بذلك (من اجل الله او رغبة بدخول الجنة-كما يؤمن بها المسلمين)...بل من اجل اﻹنسانية او الشهرة او المادة(و عادة ما ينالوها في الدنيا اي انهم حصلوا على ما ارادوه و سعوا اليه وهذا عين العدل)..و لنفترض هذا المثال....لو كان لمالك ما عمائر او كمباوندات او شقق تعطيها او تؤجرها لمن يملك المال او لديه نفوذا معينا او اي شيء يرضى به مالك العقار...ثم جاءك شخص ما طالبا تملك او استئجار عقار ما فسألته المال او ما تريد فأجابك انه يحب الناس وانه لطالما ساعد جيرانه و الفقراء و المعوزين ..فهل ما قام به(مما يشكر عليه بالفعل)...يعطيه الحق في طلب التملك(هذا لو طلب ذلك فعلا؟؟؟)...اعلم ان مثالي ركيك للعجلة...مثال اخر هناك دول لها طلبات معينة لقبول الهجرة لنقل مثلا اتقان اللغة...هل لو اتاهم شخص جاهل باللغة لكنه وسيم و خدوم و عطوف الخ (فهل تلك الصفات الحسنة تخوله ﻻ محالة لقبول طلب الهجره؟؟؟)و قس على ذلك العمل في مكان ما ...الحصول على قرض او منحه ال...خ

اذن فالجنة-كما يفهمها المسلمون عادة-جعلها الله للمتقين الصالح ومن غلبت حسناتهم سيئاتهم الخ الخ وكانت اعمالهم خالصة لوجه الله ﻻ يشرك به احدا ﻻ شرا وﻻ حجرا وﻻ جاه-فليس منطقيا ان يطالب -من افاد البشرية ولم يفكر في جنه من عدمها ان يدخلها......كل ما سبق من الناحية (النظرية البحته) ولكن القول الفصل لمالك الجنة و النار الله عز وجل الذي ﻻ تخفى عليه خافية -اما نحن فلا نرى سوى بعض الظواهر-فلا نحكم نحن بدخول اي كائن بالنار مسلما كان او كافرا....فقد يكون شخص ما مسلما بالظاهر يصلي و يصوم لكنه في منزله اكفر من الشيطان وقد نرى امامنا في الخارج كافرا ﻻ نعلم انه قد يكون مسلما يخفي ايمانه(من يدري؟؟)

وقد حدث ايام سيدنا رسول الله صلى الله عليه وسلم في احدى الغزوات ان قتل رجل فتهلل الناس -ان هنيئا له الجنه فقال عليه الصلاة و السلام-بما معناه (بل هو في النار)...

و قبلها حدث ان (بغيا )من بني اسرائيل ((سقت كلبا))فغفر الله لها....فانظر ان مجاهدا مع الرسول صلى الله عليه دخل النار و بغي غفر الله لها لسقيها كلبا (رغم انه مبدأيا شتان ما بين المجاهد وبين البغي))...

و لذلك فعلينا اﻻ نشغل انفسنا بما لن نحط به علما لندع ذلك لله (فان عذب شخص بالنار فلانه يستحق ذلك وان ظهر لنا العكس)...

[محاور]

إذا كان الله له إرادة كاملة فى إدخال من يشاء الجنة و إدخال من يشاء النار, فما المانع انه يكون صاحب إرادة فى الانتقام من ظالم فى الدنيا او تأجيل حسابه للآخرة و العكس صحيح. إذاً فالإرادة بمختلف صورها هى بأمر الله وحده و هى إرادة الله وحده... يحاسب الواحد فى الدنيا او يأجل حسابه للآخرة هو حر. :)

محاولة البعض انهم يحجروا على الله فى ارادته و فى كونه فعال لما يريد, امال هو إله ازاى؟ او يمكن يكون إله مبيفهمش و عامل حاجات بحسابات غلط, و المفروض انه مستنى واحد خمورجى و لا شمام يعرفه اللى مش واخد باله منه.

اللى خلاهم يقولوا تلاتة مش هيخليهم يقولوا مبيغلطش او حساباته غلط او مكانش واخد باله.

أهم حاجة ماننساش ان الضالين اللى فى الفاتحة هم اللى اعتمدوا على عقلهم, و علشان كده ربنا كرمهم و بقوا بيقولوا عليه انه تلاته.

ربنا يهدينا للحق.

تم تعديل 27 فبراير 2015 بواسطة محاور

[MZohairy]

هو صحيح ليه المغضوب عليهم و الضالين تم تفسيرهم على انهم اليهود و النصارى؟

ليه مش الأوس و الخزرج مثلا؟

تم تعديل 27 فبراير 2015 بواسطة MZohairy

[أبو محمد]

إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ

مش برضه التدخل فى مشيئة الله تبقى - لا مؤاخذة - قلة أدب مننا ؟

[Grandma]

يآآآآآه ...دا الموضوع تشعب جداااا

انا افتكرت النهاردة الصبح حاجة ممكن تقرب فكرتي شوية ...حكاية حصلت معايا و انا طفلة ... كنت زي اي طفلة عندها عصفور مرتبطة بيه عاطفيا جدا ، العصفور دا تعب و في يوم كان خلاص بيحتضر وانا حزينة جدا عليه خصوصا اني مش عارفة اعمله ايه و اساعده ازاي هو بيحتضر ..كل اللي كنت عاوزاه انه ما يتألمش و هو بيموت ماكانش في إيدي حاجة اعملهاله غير اني ادعيله ربنا انه ما يتألمش وانه يدخل الجنة و جبت المصحف و قعدت اقراله قرآن لحد ما مات وانا في اعتقادي ان قراءتي للقرآن ودعواتي له هيخفف عنه .

انا كنت عارفة ان العصفور مش بيفهم القرآن و كمان ربنا مش هيحاسبه و لو اني اما كبرت عرفت ان ربنا بيحاسب كل دواب الأرض .. المهم اني عملت حاجة حاسة انها ممكن تفيده وريحتني و كنت واثقة ان ربنا اللي هو ارحم مني مش هيعذب العصفور علشان انا بدعيله و باقراله قرآن .

لو استبدلنا بقى العصفور ببني آدم و البني آدم دا كان مسيحي او يهودي او بوذي و بيحتضر وحسيت تجاهه بنفس المشاعر و قرأتله قرآن رغم انه القرآن مش كتابه ولا هو بيعتقد في معتقداتي ومع ذلك انا متأكدة ان مادام بطلب للانسان دا الرحمة من ارحم الراحمين يبقى اكيد ربناهيستجيب .

ياريت كدا تكون وضحت الفكرة اللي مش شايفة ان فيها غلط .

[Alshiekh]

عدم -اﻹستغفار للكفار-منطقية جدا (و المفروض انها ﻻ تغضب اي كافر-او من يظن نفسه مسلما متسامحا يحب الجميع)...

طيـــب !