هل يجوز الاستغفار لغير المسلمين ؟

[MZohairy]

طيـــب !

طيب :)

[MZohairy]

هو صحيح ليه المغضوب عليهم و الضالين تم تفسيرهم على انهم اليهود و النصارى؟

ليه مش الأوس و الخزرج مثلا؟

ابو محمد..........ممكن تشوفلي الموضوع ده من فضلك؟

[tarek hassan]

هو صحيح ليه المغضوب عليهم و الضالين تم تفسيرهم على انهم اليهود و النصارى؟

ليه مش الأوس و الخزرج مثلا؟

بعد إذن أبو محمد .....

ممكن أساهم برأي قبل إجابته عليك .....

هتلاقي في القرآن آيات تبين من غضب الله عليهم

وآيات تبين الضالين

في أي ديانة كانوا

أمثلة

( وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً )

( إِنَّ الَّذِينَ اتَّخَذُوا الْعِجْلَ سَيَنَالُهُمْ غَضَبٌ مِنْ رَبِّهِمْ ..... )

{ قَالَ وَمَنْ يَقْنَط مِنْ رَحْمَة رَبّه إِلَّا الضَّالُّونَ }

﴿إِنَّ الَّذِينَ كَفَرُواْ بَعْدَ إِيمَانِهِمْ ثُمَّ ازْدَادُواْ كُفْراً لَّن تُقْبَلَ تَوْبَتُهُمْ وَأُوْلَـئِكَ هُمُ الضَّآلُّونَ ... ﴾.

وهكذا

خليهم يجيبوا آية من القرآن تبين إن المقصود هو مطلق اليهود والنصارى ... لن يجدوا

تم تعديل 27 فبراير 2015 بواسطة tarek hassan

[محاور]

إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ

مش برضه التدخل فى مشيئة الله تبقى - لا مؤاخذة - قلة أدب مننا ؟

أستاذى الكريم... الآية تقر بإرادة الله الكاملة فى فعل ما يريد... أى انها إقرار لارادة الله, و لا تعنى طلب مغفرة او عذاب.

أما الآية الأخرى فهى إقرار واضح بأن الله لن يغفر... و علينا أن نفرق بين الإقرار بإرادة الله من جهة, و بين حكم الله الواضح البين فى مسألة الكفر و الإيمان من جهة أخرى, و بين قرار الله النهائى المرتبط بحساب العبيد فى إدخالهم الجنة او النار من جهة ثالثة... يعنى احنا قدام 3 حاجات مختلفة.

غير كده على حد علمنا, إن حساب الله ليس حسابا جماعيا, و لكن ربنا هيحاسب كل فرد على حدة... كل واحد لوحده حسب ظروفه اللى اتعرض لها و اللى ربنا أعلم بها مننا كلنا.

[محاور]

يآآآآآه ...دا الموضوع تشعب جداااا

انا افتكرت النهاردة الصبح حاجة ممكن تقرب فكرتي شوية ...حكاية حصلت معايا و انا طفلة ... كنت زي اي طفلة عندها عصفور مرتبطة بيه عاطفيا جدا ، العصفور دا تعب و في يوم كان خلاص بيحتضر وانا حزينة جدا عليه خصوصا اني مش عارفة اعمله ايه و اساعده ازاي هو بيحتضر ..كل اللي كنت عاوزاه انه ما يتألمش و هو بيموت ماكانش في إيدي حاجة اعملهاله غير اني ادعيله ربنا انه ما يتألمش وانه يدخل الجنة و جبت المصحف و قعدت اقراله قرآن لحد ما مات وانا في اعتقادي ان قراءتي للقرآن ودعواتي له هيخفف عنه .

انا كنت عارفة ان العصفور مش بيفهم القرآن و كمان ربنا مش هيحاسبه و لو اني اما كبرت عرفت ان ربنا بيحاسب كل دواب الأرض .. المهم اني عملت حاجة حاسة انها ممكن تفيده وريحتني و كنت واثقة ان ربنا اللي هو ارحم مني مش هيعذب العصفور علشان انا بدعيله و باقراله قرآن .

لو استبدلنا بقى العصفور ببني آدم و البني آدم دا كان مسيحي او يهودي او بوذي و بيحتضر وحسيت تجاهه بنفس المشاعر و قرأتله قرآن رغم انه القرآن مش كتابه ولا هو بيعتقد في معتقداتي ومع ذلك انا متأكدة ان مادام بطلب للانسان دا الرحمة من ارحم الراحمين يبقى اكيد ربناهيستجيب .

ياريت كدا تكون وضحت الفكرة اللي مش شايفة ان فيها غلط .

جمعة مباركة يا تيته. :)

طيب لو انتى مش موجودة يا تيتة, هيحصل ايه للناس الكافرين دول؟ او لو فيه ناس فى مجاهل افريقيا ولا حتى فى زمن تانى احنا مانعرفش عنهم حاجة, و محدش استغفر لهم... هيبقى مصيرهم ايه؟ هيبقى ايه مصير الناس الكافرين اللى احنا لم نستغفر لهم و مفيش حد فى البشرية حتى حاسس بيهم ولا استغفر لهم, و عاشوا و ماتوا على هذا الكفر و لم يسمع عنهم أحد؟

اللى عايز أقوله... ان مصير الناس بكل معتقداتهم فى يد إله عادل حكيم, و هذا الإله العادل الحكيم الكريم المنتقم الجبار المتكبر, يعلم ما لا نعلمه نحن, و هو من خلقهم فهو أولى بهم... هو أولى بتولى شئونهم و مسألة مصيرهم.

احنا ربنا كرمنا بالاسلام و ربنا كرمنا اننا طلعنا مسلمين, و دى نعمة صحيح, لكنها مسئولية كبيرة جدا... لان ربنا يسر لنا الطريق, و على قدر التيسير, على قدر الحساب...

يعنى تفتكرى يا تيته ان واحد طلع لقى نفسه مسلم و وجد كل اسباب الهداية و مات على الهداية و على دين الحق الاسلام, هل المسلم ده اللى لقى كل حاجة سهلة و متيسرة و واضحة قدامه, هيتحاسب زى اللى اتولد لقى نفسه فى مجتمع كافر و لم يسمع عن الاسلام شيئا, او ان كل ما سمعه عن الاسلام كلام فيه كراهية و حرب ضده؟

علينا ان نثق فى موازين حكم الله... فالله ليس بظلام للعبيد... و هو أولى بعبيده... هو أولى بتولى امورهم و شئونهم... هو اللى خلقهم و هو ادرى بحالهم...

فلو كنا نخشى على الانسان الكويس الكافر من بطش الله و ظلمه له, فالاولى بنا ان نراجع فكرتنا عن الله و نراجع تصورنا عن رحمته و عدله و حكمته و كرمه.

تم تعديل 27 فبراير 2015 بواسطة محاور

[محاور]

بعد إذن أبو محمد .....

ممكن أساهم برأي قبل إجابته عليك .....

هتلاقي في القرآن آيات تبين من غضب الله عليهم

وآيات تبين الضالين

في أي ديانة كانوا

أمثلة

( وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً )

( إِنَّ الَّذِينَ اتَّخَذُوا الْعِجْلَ سَيَنَالُهُمْ غَضَبٌ مِنْ رَبِّهِمْ ..... )

{ قَالَ وَمَنْ يَقْنَط مِنْ رَحْمَة رَبّه إِلَّا الضَّالُّونَ }

﴿إِنَّ الَّذِينَ كَفَرُواْ بَعْدَ إِيمَانِهِمْ ثُمَّ ازْدَادُواْ كُفْراً لَّن تُقْبَلَ تَوْبَتُهُمْ وَأُوْلَـئِكَ هُمُ الضَّآلُّونَ ... ﴾.

وهكذا

خليهم يجيبوا آية من القرآن تبين إن المقصود هو مطلق اليهود والنصارى ... لن يجدوا

أخى الكريم طارق...

هل الحق واحد أم متعدد؟ الحق واحد يا أخى الكريم, و هذا يعنى بديهيا أن جانب الحق واحد أيضا...

لذلك لا أدرى عمن تتكلم, و كأنك تتكلم عن إسرائيلى او كافر يجاهد ضد الاسلام و ضد الحق.

أخى الكريم... دعنا نكون معا فى نفس الجانب, أى جانب الحق... لأنك إذا وضعت نفسك فى جانب و وضعت انا نفسى فى جانب مقابل له, فهذا يعنى أن إما انا على الحق او انت على الحق, و جل ما أخشاه ان نكون نحن الاثنين على باطل.

الحق واحد يا أخى الكريم, فدعنا نكون كلنا فى جانب الحق, و أرجوك الا تتحدث عن اخوانك المسلمين - اى كل من قال انه مسلم - و كأنك فى حالة حرب معه.

ميصحش انك تكون لين مع الكافر و ناشف مع المسلم... ميصحش. :)

[tarek hassan]

أخى الكريم طارق...

هل الحق واحد أم متعدد؟ الحق واحد يا أخى الكريم, و هذا يعنى بديهيا أن جانب الحق واحد أيضا...

لذلك لا أدرى عمن تتكلم, و كأنك تتكلم عن إسرائيلى او كافر يجاهد ضد الاسلام و ضد الحق.

أخى الكريم... دعنا نكون معا فى نفس الجانب, أى جانب الحق... لأنك إذا وضعت نفسك فى جانب و وضعت انا نفسى فى جانب مقابل له, فهذا يعنى أن إما انا على الحق او انت على الحق, و جل ما أخشاه ان نكون نحن الاثنين على باطل.

الحق واحد يا أخى الكريم, فدعنا نكون كلنا فى جانب الحق, و أرجوك الا تتحدث عن اخوانك المسلمين - اى كل من قال انه مسلم - و كأنك فى حالة حرب معه.

ميصحش انك تكون لين مع الكافر و ناشف مع المسلم... ميصحش. :)

مش فاهم والله إنت بتقصد إيه ..... لأن المشاركة اللي أنت علقت عليها بالتعليق ده أول مشاركة لي من إمبارح لليوم بعد رجوعي من سفر

بعد إذن أبو محمد .....

ممكن أساهم برأي قبل إجابته عليك .....

هتلاقي في القرآن آيات تبين من غضب الله عليهم

وآيات تبين الضالين

في أي ديانة كانوا

أمثلة

( وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً )

( إِنَّ الَّذِينَ اتَّخَذُوا الْعِجْلَ سَيَنَالُهُمْ غَضَبٌ مِنْ رَبِّهِمْ ..... )

{ قَالَ وَمَنْ يَقْنَط مِنْ رَحْمَة رَبّه إِلَّا الضَّالُّونَ }

﴿إِنَّ الَّذِينَ كَفَرُواْ بَعْدَ إِيمَانِهِمْ ثُمَّ ازْدَادُواْ كُفْراً لَّن تُقْبَلَ تَوْبَتُهُمْ وَأُوْلَـئِكَ هُمُ الضَّآلُّونَ ... ﴾.

وهكذا

خليهم يجيبوا آية من القرآن تبين إن المقصود هو مطلق اليهود والنصارى ... لن يجدوا

أنا مش شايف فيها حاجه غلط موضوعيا ....أنا كنت برد على سؤال الأستاذ : زهيري وهو أول ما وقعت عيناي عليه دون النظر لأي مشاركات سابقة .... وتفسير المغضوب عليهم والضالين بالنصارى واليهود موجود في تفاسير كثيرة وتعليقي كان عليها... وممكن توضح جملة لين مع الكافر وناشف مع المسلم إزاي فين الكافر وفين المسلم ... أنا فعلا ناشف لما ألاقي تشويه للدين أو تجرأ على كتاب الله

تحياتي

[محاور]

أخى الكريم طارق.. حمدلله على سلامة الرجوع من السفر.

هو احنا بنفسر القرآن ليه و بنقرأ قرآن ليه؟ هل الهدف هو الانتصار لانفسنا او اثبات اننا على الحق؟ أم محاولة لكى نكون على الحق؟

فهناك فارق بين ان نكون على الحق, و بين أن نسعى لاثبات اننا على الحق.

تعالى بقى نجدد نيتنا - و النية لله, ان يكون هدفنا هو الوصول للحق, و ان نكون فى جانب الحق, و ان نعبد الله الواحد القهار و ان نتبع الحق.

الحمدلله على نعمة الاسلام.

تم تعديل 27 فبراير 2015 بواسطة محاور

[tarek hassan]

أخى الكريم طارق.. حمدلله على سلامة الرجوع من السفر.

هو احنا بنفسر القرآن ليه و بنقرأ قرآن ليه؟ هل الهدف هو الانتصار لانفسنا او اثبات اننا على الحق؟ أم محاولة لكى نكون على الحق؟

فهناك فارق بين ان نكون على الحق, و بين أن نسعى لاثبات اننا على الحق.

تعالى بقى نجدد نيتنا - و النية لله, ان يكون هدفنا هو الوصول للحق, و ان نكون فى جانب الحق, و ان نعبد الله الواحد القهار و ان نتبع الحق.

الحمدلله على نعمة الاسلام.

نسأل الله أن يرشدنا جميعا للصواب

[Alshiekh]

وتفسير المغضوب عليهم والضالين بالنصارى واليهود موجود في تفاسير كثيرة

هنا تكمن المشكلة

أنها ليست في كتاب الله،

بل في تفاسير كثيرة

يعني آراء بشر، ربما كان لديهم عداء لليهود والنصارى لأسباب لا نعرفها فتركوا الكفار وعبدة النار والأصنام ولم يروا سوى بني جلدتهم وعباد نفس الإله الذي يعبدونه ليصفوهم بهذه الصفات، ثم جاء من بعدهم عبدة -إنا وجدنا آبائنا- ليرددوا نفس الكلام دون تمييز.

والله أنا بازعل لما بشوف عقول لا تفكر وإذا فكرت فهي تفكر في قوالب وخطوط مرسومة مسبقا.

[MZohairy]

بعد إذن أبو محمد .....

ممكن أساهم برأي قبل إجابته عليك .....

هتلاقي في القرآن آيات تبين من غضب الله عليهم

وآيات تبين الضالين

في أي ديانة كانوا

أمثلة

( وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً )

( إِنَّ الَّذِينَ اتَّخَذُوا الْعِجْلَ سَيَنَالُهُمْ غَضَبٌ مِنْ رَبِّهِمْ ..... )

{ قَالَ وَمَنْ يَقْنَط مِنْ رَحْمَة رَبّه إِلَّا الضَّالُّونَ }

﴿إِنَّ الَّذِينَ كَفَرُواْ بَعْدَ إِيمَانِهِمْ ثُمَّ ازْدَادُواْ كُفْراً لَّن تُقْبَلَ تَوْبَتُهُمْ وَأُوْلَـئِكَ هُمُ الضَّآلُّونَ ... ﴾.

وهكذا

خليهم يجيبوا آية من القرآن تبين إن المقصود هو مطلق اليهود والنصارى ... لن يجدوا

اشكرك بشده يا طارق

انا عارف انهم لن يجدوا

بس انت أكدت معلوماتي

اشكرك

[التونسى]

((أللهم اغفر لقومى .. فإنهم لا يعلمون)) .. هو الدعاء ده مين دعاه .. ولأى قوم ؟

[محاور]

هنا تكمن المشكلة

أنها ليست في كتاب الله،

بل في تفاسير كثيرة

يعني آراء بشر، ربما كان لديهم عداء لليهود والنصارى لأسباب لا نعرفها فتركوا الكفار وعبدة النار والأصنام ولم يروا سوى بني جلدتهم وعباد نفس الإله الذي يعبدونه ليصفوهم بهذه الصفات، ثم جاء من بعدهم عبدة -إنا وجدنا آبائنا- ليرددوا نفس الكلام دون تمييز.

والله أنا بازعل لما بشوف عقول لا تفكر وإذا فكرت فهي تفكر في قوالب وخطوط مرسومة مسبقا.

أستاذى الكريم...

أتفق معك أن التفسير يمكن ان يكون صحيحا بالكلية او صحيحا بالجزئية او غير صحيح بالمرة.

و لكن من رحمة ربنا سبحانه و تعالى أنه جعل العقيدة واضحة لا تحتمل التأويل, فالعقيدة هى الأساس الثابت الواضح دون تأويل او تباين فى التفسير.

أما فيما يخص المغضوب عليهم و الضالين, فعلينا أولا أن نقوم بتعريف "المغضوب عليهم" و تعريف "الضالين"... و بمجرد ان نعرف ماذا تعنى, فسنجد بسهولة و يسر من ينطبق عليهم الغضب, و من ينطبق عليهم الضلال.

فالمغضوب عليهم هم كل من عرفوا الحق ثم تكبروا على إتباعه, و لذلك فالمتكبرين اللذين تكبروا على إتباع أوامر الله, ابتداءا من إبليس الملعون أول من تكبر على أمر الله, الى آخر كافر متكبر على أمر الله, كلهم تبوأ مقعدهم فى النار كما علمنا.

و أما الضالين... فالضال هو كل من ضل عن الطريق المستقيم, فالضال تائها لم يجد أسباب و طريق الهداية السليم, فتوجب عليه هو أن يبحث عن الطريق المستقيم, و أن لا يركن لضلاله... و هنا يأتى دور الفطرة الانسانية السليمة.

فكما اتفقنا على أن الفطرة الانسانية السليمة اللتى يولد بها كل انسان, قد فطمت على وجود خالق للكون و وجود إله, فإن هذه الفطرة هى اللتى ستلفظ أى عقيدة ملوثة, مثل عقيدة أن يكون الخالق له زوجة و ولد و مثل هذه الخرافات اللتى لا يعقلها كل ذى قلب سليم.

الفطرة الانسانية تدفع الانسان الى الطريق المستقيم, فكما أن غرائزنا تدفعنا الى ممارسة الجنس و الأكل و الشرب للبقاء, فهى أيضا تدفعنا الى مسألة الايمان.

أما الملحد فهو معذب, فكل الملحدين اللذين عرفتهم بشكل شخصى, وجدتهم يعربون عن عذابهم من مسألة الالحاد, و وجدتهم يعيشون فى صراع نفسى قد أدى بعضهم الى إدمان الخمر و الانخراط فى شهوات الحياة, لكى يثبتوا صحة منهجهم.

و عموما كل ذلك يقودنا الى تساؤل جديد حول مسألة الضلال و مسألة البحث... و هل كل انسان يولد, يشعر برغبة فى البحث عن الحقيقة أم لا؟

تم تعديل 27 فبراير 2015 بواسطة محاور

[التونسى]

( رَبِّ إِنَّهُنَّ أَضْلَلْنَ كَثِيرًا مِنَ النَّاسِ فَمَنْ تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَحِيمٌ ) .

[محاور]

((أللهم اغفر لقومى .. فإنهم لا يعلمون)) .. هو الدعاء ده مين دعاه .. ولأى قوم ؟

هذا الدعاء هو إثبات ان الرسول (ص) لم يكن فقط نبيا عظيما او رجلا عظيما, بل أيضا إنسانا عظيما... فقد أرسله الله حقا رحمة للعالمين.

و الدعاء - فى ظنى - معناه أكبر بكثير من مسألة الاستغفار و الغفران... فالدعاء اقترن يا أستاذى الفاضل بعدم العلم.

فعدم العلم شىء, و معرفة الحق و التكبر عليه شىء آخر...

أما مسألة مصير من لا يعلم الحق و لم يصل الى الحقيقة, فهى مسألة فى يد الله وحده, لانه أكثر علما منا بظروف كل انسان و بملابسات عدم علمه و ضلاله.

و يبقى التساؤل اللذى ربما يجب ان نناقشه من منطلق فلسفى بعيدا عن إطار الدين, و هو هل الانسان و فطرته السليمة الغير ملوثة, تدفعه الى البحث عن الحقيقة؟ و تدفعه الى الخروج من الضلال؟

فى رأيى الشخصى أن هذا التساؤل - و فى سياق فلسفى متحرر بعيدا عن الاسلام - ربما اجابته ستكشف لنا بعض الامور.

والله الموفق.

[Grandma]

جمعة مباركة يا تيته. :)

بارك الله في جمعتك و أيامك كلها

طيب لو انتى مش موجودة يا تيتة, هيحصل ايه للناس الكافرين دول؟

موجودة او مش موجودة هم في يد الله يفعل بهم وبي ما يشاء

او لو فيه ناس فى مجاهل افريقيا ولا حتى فى زمن تانى احنا مانعرفش عنهم حاجة, و محدش استغفر لهم... هيبقى مصيرهم ايه؟ هيبقى ايه مصير الناس الكافرين اللى احنا لم نستغفر لهم و مفيش حد فى البشرية حتى حاسس بيهم ولا استغفر لهم, و عاشوا و ماتوا على هذا الكفر و لم يسمع عنهم أحد؟

الناس اللي ما اعرفهمش يتولاهم الله برحمته و ..اللي اعرفهم و عاشرتهم واكلنا مع بعض عيش وملح لما يفرحوا ولا يزعلوا ولا يمرضوا ولا يتوافهم الله ايا كانت ديانتهم او عقيدتهم من حقهم عليا اني ادعيلهم واستغفر لهم

هتقولي انتي بتقولي عاوزة تدعي يا تيتة كمان للعلماء و اللي قدموا خدمات للبشرية هقولك ايوه ما هو دايما المشاهير و العلماء بيعتبروا في كل اسرة كفرد من أفرادها و اقاربها و معارفها وحتى لو كنا مانعرفهمش هيجرى ايه ... علينا الدعاء و على الله الاجابة .

اللى عايز أقوله... ان مصير الناس بكل معتقداتهم فى يد إله عادل حكيم, و هذا الإله العادل الحكيم الكريم المنتقم الجبار المتكبر, يعلم ما لا نعلمه نحن, و هو من خلقهم فهو أولى بهم... هو أولى بتولى شئونهم و مسألة مصيرهم.

وهو انا قولت ان انا اللي هتولاهم ... ما كلنا ربنا هو اللي بيتولانا ومع ذلك بندعي لنفسنا و لبعضنا ؟!.

احنا ربنا كرمنا بالاسلام و ربنا كرمنا اننا طلعنا مسلمين, و دى نعمة صحيح, لكنها مسئولية كبيرة جدا... لان ربنا يسر لنا الطريق, و على قدر التيسير, على قدر الحساب...

يعنى تفتكرى يا تيته ان واحد طلع لقى نفسه مسلم و وجد كل اسباب الهداية و مات على الهداية و على دين الحق الاسلام, هل المسلم ده اللى لقى كل حاجة سهلة و متيسرة و واضحة قدامه, هيتحاسب زى اللى اتولد لقى نفسه فى مجتمع كافر و لم يسمع عن الاسلام شيئا, او ان كل ما سمعه عن الاسلام كلام فيه كراهية و حرب ضده؟

لا طبعا ... علشان كدا لازم نجد العذر للناس اللي ما تعرفش الاسلام او تعرفه و نشأت في مجتمع مختلف تماما ولم يتاح لها الفرصة لمعرفة الاسلام جيدا واذا عرفته ممكن تسمع انه دين التطرف فتبتعد و تنفر منه

يعني انا لو كنت عايشة في السويد ولا بلجيكا ايه اللي هيخليني اتعلم العربي و اقرا عن الاسلام و اتعمق فيه واعرف ان الدين الصح ... دي قصةكبيرة كام واحد ممكن يعملها ؟!! .

علينا ان نثق فى موازين حكم الله... فالله ليس بظلام للعبيد... و هو أولى بعبيده... هو أولى بتولى امورهم و شئونهم... هو اللى خلقهم و هو ادرى بحالهم...

طبعا ربنا هو الرحمن الرحيم ومش منتظر دعوتي علشان يغفر للناس

فلو كنا نخشى على الانسان الكويس الكافر من بطش الله و ظلمه له, فالاولى بنا ان نراجع فكرتنا عن الله و نراجع تصورنا عن رحمته و عدله و حكمته و كرمه.

ازاي بنخشى من ظلم الله اذا كنا بندعي واحنا واثقين انه الرحمن الرحيم لو كنا شاكين في رحمة ربنا هندعي ليه يا حفيدي يا واجع قلبي ؟

على فكرة انا ما عنديش مناهدة زيكم ... انتم حبالكم طويلة ربنا يديكم الصحة على المناقشات دي :)

[Alshiekh]

هذا الدعاء هو إثبات ان الرسول (ص) لم يكن فقط نبيا عظيما او رجلا عظيما, بل أيضا إنسانا عظيما... فقد أرسله الله حقا رحمة للعالمين.

و الدعاء - فى ظنى - معناه أكبر بكثير من مسألة الاستغفار و الغفران... فالدعاء اقترن يا أستاذى الفاضل بعدم العلم.

فعدم العلم شىء, و معرفة الحق و التكبر عليه شىء آخر...

أما مسألة مصير من لا يعلم الحق و لم يصل الى الحقيقة, فهى مسألة فى يد الله وحده, لانه أكثر علما منا بظروف كل انسان و بملابسات عدم علمه و ضلاله.

و يبقى التساؤل اللذى ربما يجب ان نناقشه من منطلق فلسفى بعيدا عن إطار الدين, و هو هل الانسان و فطرته السليمة الغير ملوثة, تدفعه الى البحث عن الحقيقة؟ و تدفعه الى الخروج من الضلال؟

فى رأيى الشخصى أن هذا التساؤل - و فى سياق فلسفى متحرر بعيدا عن الاسلام - ربما اجابته ستكشف لنا بعض الامور.

والله الموفق.

هو في حد قال لك اننا بنشكك في رسولنا،

احنا كل القرف اللي احنا فيه بسبب الذين يتقولون على رسولنا ويحرفون الكلم عن مواضعه ويؤولوه لما يخدم مواقفهم.

علشان كده ياريت تدخل في المواضيع دوغري بدون تحوير للكلام واظهاره على ان هناك خلاف في الرأي على إنسانية وحنية وطيبة ورحمة رسولنا الكريم صلى الله عليه وسلم.

الرسول يا أخي دعا للكفار بالمغفرة (اللهم اغفر لقومي فإنهم لا يعلمون) بعدما بطحوه وادموه وكسروا ضلوعه،

الرسول يوم فتح مكة قال لكفارها "أقول كما قال أخي يوسف: ( { قَالَ لا تَثْرِيبَ عَلَيْكُمُ الْيَوْمَ يَغْفِرُ اللَّهُ لَكُمْ وَهُوَ أَرْحَمُ الرَّاحِمِينَ }، اذهبوا فأنتم الطلقاء )"

لماذا لا تفكرون في هذه المواقف وغيرها كثير حتى تكسروا غلظة قلوبكم ليحل محلها التسامح وحب البشر.

ربنا قال لرسوله في سورة آل عمران { فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ }

وتيجوا انتوا تقولوا لم يثبت ولم نعرف ولم يصدر.

إقرأوا وتفكروا خارج الصناديق والخطوط التي رسمها لكم دعاة التحجر والإنغلاق

[محاور]

أخى الكريم...

هل معنى كلامك ان الناس كلها داخلة الجنة؟ او انك على يقين و تعرف من سيدخل الجنة و من سيدخل النار؟ معاك الكشف يعنى بتاع اسماء اصحاب الجنة و اصحاب النار؟

هل انت تعرف اذا كنت انت نفسك هتدخل الجنة ولا النار؟

طيب خلينى معاك انت صاحب الفكر المستنير, و يا ريت تقول لى ايه تصورك عن الايمان و الكفر, و عن مين اللى هيدخل الجنة و النار, و عن كيفية الحساب؟

و كمان يا ريت تقول لى ايه اللى بيخلى الواحد يتبع عقيدة دون أخرى؟ و ايه علاقة الفطرة بالاسلام؟ و هل الفطرة بتدفع الانسان للبحث عن الحقيقة؟ و هل اصلا فيه حقيقة؟ و ما سبب تعددية الاديان؟ و ما مصير كل هؤلاء اللذين لم يعلموا شىء عن الاسلام او عن الخالق؟

انا كل اللى اعرفه غلط... قول لى سيادتك الصح. :)

تم تعديل 27 فبراير 2015 بواسطة محاور

[Alshiekh]

أخى الكريم...

هل معنى كلامك ان الناس كلها داخلة الجنة؟ او انك على يقين و تعرف من سيدخل الجنة و من سيدخل النار؟ معاك الكشف يعنى بتاع اسماء اصحاب الجنة و اصحاب النار؟

هل انت تعرف اذا كنت انت نفسك هتدخل الجنة ولا النار؟

طيب خلينى معاك انت صاحب الفكر المستنير, و يا ريت تقول لى ايه تصورك عن الايمان و الكفر, و عن مين اللى هيدخل الجنة و النار, و عن كيفية الحساب؟

انا كل اللى اعرفه غلط... قول لى سيادتك الصح. :)

يقال عن سيدنا أبو بكر الصديق -مش البغدادي- انه قال "لو كانت احدى قدمي في الجنة فإني لا أمن مكر الله"

ويقول سبحانه في سورة الأعراف { أَفَأَمِنُوا مَكْرَ اللَّهِ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ }

يبقى انت بتدور على مين من الكتاب يقول لك مين يدخل جنة ومين يدخل نار وانت كما ترى كلهم يعرفون من دينهم الكثير.

الجنة والنار والحياة والموت والمستقبل كلها من الأمور الغيبية فيستحسن عدم الخوض فيها.

[محاور]

أخى الكريم...

و ما المانع من مناقشة هذه الأمور؟

بالمناسبة مشاركتك هى نفس مشاركتى اللى اغضبتك بشدة و تحمل نفس المعنى!!!

و بناءا عليه مش قادر افسر سبب الهجوم؟

أما عن وجود مانع من مناقشة اى امر, فالاولى ان نناقش الامور من منطلق فلسفى تحررى بعيدا عن أى حرج دينى.

تم تعديل 27 فبراير 2015 بواسطة محاور