القبض على قاتلي كلب الأهرام

[Alshiekh]

إيه علاقة الكلب برابعة ؟؟!!! مش عارف الحقيقة !!!

هناك حملات وصفحات تقارن بما أخذه قتل الكلب من إهتمام على الإنترنت وعلى قنوات الفضائيات وفي المقابل كان هناك التجاهل من نفس وسائل الإعلام لضحايا رابعة وهو حقيقة.

[MZohairy]

امخاخهم كده!!!

ادي الله و ادي حكمته

من اعتمد على عقله ضل

[tarek hassan]

فعلا هناك حملة مركزية غرضها الذلة والمسكنة والاستعطاف واستغلال كل موقف لمخاطبة قلوب الناس ......

. سبحان الله ما أقوى المثل

﴿ وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنْ الْغَاوِينَ* وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصْ الْقَصَصَ لَعَلَّهُمْ يَتَفَكَّرُونَ ﴾

حالة لهث دائم

[التونسى]

الكلب ده من بعد ما سمعت الروايات حوله يستاهل فعلا القتل نظرا لشراسته وخطورته .. لكنه ضحية صاحبه اللى أساء استخدامه فى ترويع الناس وارهابهم مما ادى ان الكلب ((يتسعر)) ويعقر بعض الناس ومنهم من قاموا بقتله .. وفى نفس الوقت الطريقه اللى اتقتل بيها الكلب بشعه وجبانه وهمجيه ولا انسانيه بالمره .. وكان مفروض اللجوء الى اى جهه رسميه لاعدام الكلب بطريقه فيها رحمه .. لانه فى النهايه كائن غير عاقل وغير مسئول عن تصرفاته .. وكان المفروض بجد صاحبه ايضا يتعاقب لانه جرمه فى حق الكلب اكبر من جرم من قتلوه

[الدكتور ياسر]

هناك حملات وصفحات تقارن بما أخذه قتل الكلب من إهتمام على الإنترنت وعلى قنوات الفضائيات وفي المقابل كان هناك التجاهل من نفس وسائل الإعلام لضحايا رابعة وهو حقيقة.

هذا التباين في ردود الافعال هو نتاج طبيعي للتوجه الاعلامى الغير حر .

فالاعلام الحر المتوازن يتناول الاحداث بميزان واحد

اما الاعلام الغير حر فيزن الاحداث وفقا لتوجهه فيهول من حدث ويهون او يتجاهل حدثا اخر رغم تشابه الحدثين ..

وهذا بالطبع لا يشمل قصة الكلب التى تعد حادثا منفصلا لا يليق ان يتم تشبيهه بحادث سياسي او ادراجه في الحوار السياسي !!!

[أبو محمد]

يحيا العدل

فاضل الكلاب اللى قتلوا الكلب

لو كانوا قتلوه وصاحبه بيسرقهم بواسطته ما كانش حد كلمهم

محكمة جنايات شبرا تعاقب صاحبي "كلب الأهرام" بالمؤبد

[Alshiekh]

وقفة الست المسكينة أم الطفل جاءت بنتيجة وندعو الله أن يتم شفاء إبنها على خير

---------------------------

معهد ناصر: حالة طفل سيدة «وقفة الكلب» سيئة جداً

• 

الثلاثاء ٣ مارس ٢٠١٥ - ٠٩:٤١:٢١ م

«عمرى ما كنت احلم يكون فيه اهتمام بابنى للدرجة دى، ومش عاوزة حاجة من الدنيا غير انه يخف».. بتلك الكلمات استقبلت أسماء محمد، والدة الطفل محمد مصطفى، 5 أشهر، المعروفة إعلاميا باسم سيدة «وقفة الكلب»، «المصرى اليوم»، داخل غرفة الرعاية بقسم الأطفال بمعهد ناصر.

تروى أسماء معاناتها، قبل أن يستقبلها رئيس مجلس الوزراء، بعد انتشار فيديوهات لها وهى تطالب بالاهتمام بحقوق الإنسان خلال وقفة لعدد من النشطاء تطالب بالاهتمام بالحيوان، تنديدا بما حدث للكلب ماكس، وتقول: «دخت بابنى، وكل ما اروح مستشفى يقولوا لى مفيش مكان عندنا، ودخلت بيه مستشفى إمبابة العام، وخرجونى منها، وقالوا لى ابنك مالوش علاج، ورحت مستشفى أحمد ماهر، وخرجونى قبل ما يخف، وقالوا لى حيخف، قبل ما يخلص زجاجة الدواء، بس روحى، لكن الولد تعب أكتر ومعرفتش اعمل إيه؟».

تضيف أسماء: «أهل الخير ساعدونى، ودخلت مستشفى خاصة، وبالفعل الولد اتحسن، لكن مقدرش اكمل مصاريفها، وجوزى طفش من بعد ما زهق من فشله فى علاج الولد والمصاريف، لإنه أرزقى وبيشتغل سواق توك توك، ومانعرفش أى حاجة عنه لحد دلوقتى!». وتتابع أسماء: «فوجئت بيهم فى مجلس الوزرا بيكلمونى ويقولوا لى تعالى حتقابلى رئيس الوزرا، واكتشفت انه راجل طيب، وحسيت انه ابويا، وحكيت له على معاناتى، وقلت له يعنى اللى مش معاه فلوس يموت؟ كل ما اروح مستشفى يقولوا لى مفيش مكان، لحد ما ابنى جاله ضمور ومش بيكبر، ومش عارفة عنده إيه؟ أعمل إيه؟ بس بصراحة استحملنى وأمر بعلاج ابنى فى معهد ناصر فورا، وانا بشكره».

وحول التشخيص الطبى لحالة الطفل، قال الدكتور صلاح حامد، مدير معهد ناصر، إن حالته متأخرة جدا وسيئة، وهو يعانى اضطرابا فى معظم أجهزة الجسم ونحاول إنقاذه، موضحا أنه فور دخول الطفل المستشفى، مساء الإثنين، تم إجراء جميع التحاليل والفحوصات الطبية له، وعرضه على أكبر أساتذة الأطفال وجراحة الصدر.