لا تنتخبوا حسني مبارك رئيسا للجمهورية

[DARWEEN]

و اذا كان الكلام ممكن تنفيذة فما الذي منعة من تنفيذة على مدار 24 عام...

:) :D :D

كلام جميل ... هو افتكر ليه دلوقتي انه يعمل الحاجات دي كلها ؟؟

[bibo]

سياسة الرئيس حسني مبارك سياسة حكيمة متزنة و سليمة بغض النظر عن المساويء الكثيرة اللتي يتعرض لها غالبية الشعب

:angry2: :angry2: :) :blink: mfb:

:excl: :excl: :excl: :excl: :excl:

مش فاهم؟؟؟؟؟؟؟؟؟؟؟؟؟

ازاى يعنى؟؟؟؟؟؟؟؟؟؟؟؟؟؟؟؟؟؟؟؟

[سقراط المصري]

خلاص خلاص يا جماعة متزعلوش

و الله مانا جايب سيرة مبارك تاني

<{POST_SNAPBACK}>

براحتكوا أنا كنت بس بحاول اوصل فكرة :-

أن سياسة الرئيس حسني مبارك سياسة حكيمة متزنة و سليمة بغض النظر عن المساويء الكثيرة اللتي يتعرض لها غالبية الشعب

<{POST_SNAPBACK}>

أما الاخ سقراط فأليه تحياتي و بقوله يخللي باله من الفيل بتاعة كويس و يأكله قصب و يروقه و ينضفة عشان شكله يبقى حلو و هوا ماشي في الشارع .

و عايز اقوله ان فيه ناس كتير زيه راكبه أفيال في مصر مش هوا بس و لكن مش واخدين بالهم .

<{POST_SNAPBACK}>

[Alshiekh]

شكرا للسيد أفوكاتو أعاد لي الثقة في المنتدى من جديد

آل ايمن نور آل و كمان نعمان جمعة ؟؟؟

مين دول ؟

بالذمة كام واحد من مؤيديهم  كان يعرفهم قبل الانتخابات ؟

<{POST_SNAPBACK}>

اللى ماسمعتش عن يوميات صحفى مشاغب لايمن نور ولمدة مايقرب من عشرين عاما ......

واللى ماسمعش عن ايمن نور كعضو مجلس شعب لاكثر من عشر سنين بمجهوده وعمله السياسى .....

واللى ماسمعتش عن نعمان جمعة كرئيس حزب الوفد ومن قبلها كعضو اللجنة العليا للحزب لاكثر من عقدين ....

واللى ماسمعتش عن نعمان جمعة كاستاذ جامعى لسنين ما اعرفش عددها ....

يبقى اسمح لى ......

فانا اعتقد انه لا يقرأ الا الصفحة الاولى من جريدة الجمهورية أو مش عايش فى مصر او مش متابع حاجة خالص

خلاص خلاص يا جماعة متزعلوش

و الله مانا جايب سيرة مبارك تاني

براحتكوا أنا كنت بس بحاول اوصل فكرة :-

أن سياسة الرئيس حسني مبارك سياسة حكيمة متزنة و سليمة بغض النظر عن المساويء الكثيرة اللتي يتعرض لها غالبية الشعب

<{POST_SNAPBACK}>

مش قلت مش حاتجيب سيرته تانى .... كفاية بقى .... حاتبقى كل الجرايد وعليهم محاورات المصريين كمان .... ارحمونا بقى ....

و كنت عايز اوضح ان برضه جزء كبير من البلاء المبتلى به الشعب راجع للشعب نفسة

طبيعته

سلوكة

فكرة

أتجاهاته

<{POST_SNAPBACK}>

ياساحر

احنا ماطلبناش منه انه يسحر لنا

الشعوب اما ان يبتليها الله بقائد لا يحسن الادارة ولا اختيار معاونيه ويفضل ماشى زى الحاشية ماتوجهه وهنا يهبط بالدولة الى اسفل او يجرها الى الوراء

او ينعم الله عليها بقيادة تحسن ادارة الامور وتحسن اختيار المساعدين وهنا تنهض الدولة ويعلو شأنها بين الدول.

وقد اعطيتك مثالا للكوريتين ، وقبل ذلك الالمانيتيين ، وشوف الفرق بنفسك.

و كنت أريد ايضا لفت الانتباه للسادة الاعضاء اننا نزال من الدول النامية (( بيبي ))

يادوبك و الله

مماليك

عثمانيون

فرنساويين

أنجليز

شردونا

<{POST_SNAPBACK}>

اللى عايز يكبر بيكبر ، واللى عايز يفضل بيبى حايفضل بيبى.

الدول مالهاش ماما وبابا علشان يرضعوهم ، الدول بها شعوب وتحتاج لقيادة اجعلها تنهض ، والنهضة ممكن تاخذ عشرين او خمسة وعشرين سنة مش مائة سنة.

لما يكون المصرى اللى عمره 60 سنة اتولد وعاش حياته كلها فى وضع متنيل بستين نيلة وحيموت وماشافش حاجة اتعدلت ، يبقى مايصحش تقول دول نامية ، ممكن تقول دول انسرقت من شعوبها.

لما يكون عندك جامعات فى مصر تقريبا فى كل محافظة وبتخرج شباب لو كانوا فى اى دولة محترمة لاعتبروهم خبراء ولتفاخروا بانهم من رعاياها يبقى مايصحش تقول دول نامية لكن قول دول حكومتها مش عارفة قيمة ثروة ابنائها.

و كنت عايز اقول أننا بالرغم من كل هذا نتقدم للامام ولا نرجع للخلف

<{POST_SNAPBACK}>

التقدم ياساحر بيظهر فى صورة تقدم اقتصادى

وتقدر تقول ان احنا تقدمنا اقتصاديا لما تقدر تشترى عربية بمرتب سنة على الاكثر

لكن الحال بيقول انك علشان تشترى عربية لازم تكون من عيلة غنية ، او سافرت بره لمدة عشر سنوات ، او بتشتغل فى مكان حكومى بيسهل لك فتح درجك ولهف رشوة من المواطنيين.

لكن علشان تقول لى احنا بنتقدم وانت ماتعرفش تشترى تليفزيون من مرتبك ، يبقى اسمح لى انت اما مش عايش بين الناس او عايش بره او بتضحك على نفسك

تم تعديل 25 أغسطس 2005 بواسطة Mohammad

[ثورة الوادي]

للاسف الحكومة سحبت اعترافها بانسانية الشعب المصري .

المدهش هو كيف يمكن لنظام فاشل كنظام اللا مبارك ان يسحب اعترافه بانسانية اقدم شعب في العالم .

والمهم هنا ان الحكومة وتابعيها عندما ينظروا للواقع لا يروا بشرا بل يروا الوهم الذي خلقوه فتاره هو طفل وتارة هو شعب غير ناضج المهم ان النتيجة النهائية ان نظام حقير لا وزن ولا قيمة له سحب اعترافه بانسانية اعرق شعب في العالم وقيم الواقع علي هذا الاساس فنحن لا نستحق الحرية او الرخاء او التقدم ويتمادي مسلسل العته ليحتل ادراك الحكومة بالكامل فكل طريقة منطقية لتقييم الواقع المعاش لاتتناسب مع وهمها وبالتالي لا تطبق بل يتحمل وزرها الكائن الاسطوري الذي خلقته الحكومة

فهذا الكائن ليس كاي شعب يطالب بالحرية او بان يحاسب نظام يسمي نفسه حاكم

التخلف الاقتصادي والتعليمي و السياسي لا تتحمل الحكومة المصرية اوزارهم بل يتحملها الشعب المصري فهو ذلك الشعب الاسطوري المطالب بتحمل اوزار حكومته في واقعه فريدة بتاريخ العالم

تم تعديل 26 أغسطس 2005 بواسطة ثورة الوادي

[الأفوكاتو]

مرحبا بالعضو الجديد " ثورة الوادى"

و اتمنى أن تقضى معنا وقتا مثمرا جيدا,

تحياتى.

[ثورة الوادي]

شكرا لك اخي الافوكاتو

[deeppurple]

انظروا اليه وهو يتحدث فى المؤتمرات الشعبية وبالاخص وهو يرتجل ---------------- حقيقة مأساة نعيشها لمدة 24سنة مع شخص كل مواهبه تمثلت فىازاحة وتغييب وقتل الانسان المصرى

لاادرى كيف حكمنا هذا الفرعون كل هذه المدة الطويلة ويريد ان يستمر ليقضى على البقية الباقية من ادمية هذا الشعب وحقة فى الحياة الكريمة التى وهبها الله له

هل نحن فعلا نستحق امثال هؤلاء ؟؟هو ومن حكمونا قبله

لا ادرى متى نتحول من مفعول به كل همه فى الحياة ان يصل الى القبر من غير مايتبهدل الى فاعل مؤثر يعمل له ولحياته ولكرامته ألف حساب

الموضوع ليست مناقشات او محاورات على النت وغيره ثم لاشىء كعادتنا دائما

ولكن يجب ان نكون ايجابيين فان الله لايغير ما بقوم حتى يغيروا مابأنفسهم ---------- وهذه الايجابية يجب ان تبدأ بان يمارس كل منا حقه فى الانتخاب ويرشح من يتوسم فيه المصداقية والكفاءة ويكون هذا العمل خالصا لوجه الله ----------اعتقد عندها ممكن ان يكون امل

[yasser assad]

حرام عليكم خليكم مو ضوعيين فخامة الرئيس بيحاول 24 سنة هيصلح فى البلد و مافيش فايدة مثلا علشان الزيادة السكانية عمال الراجل هيحاول يقللها بطرق مبتكرة حوادث طرق يومية و حوادث قطارات و مبيدات مسرطنة و مافيش فايدة و كمان بيحافظ على حقوق الانسان المصرى و حريته (شوف ازاى) الراجل ماعتقلش فى عهده الا حوالى 25000 واحد وواحدة بس وبعدين خللى للمصرى احترامه فى بلاد بره يكفى ان امريكا بجلالة قدرها ماتقدرش تخللى و احد مصرى معتقل عنده بتبعته مصر (علشان ينفخوه بجد ) وعلى طول من كتر ماالجدع بحبوه فى مصر(اقصد ينفخوه) بيعترف لكل اللى هم عايزينه و اللى مش عايزينه كمان و الا شعار طهارة الحكم كله كوم و الشعار ده كوم انا بعينى اللى هياكلهم الدود دول شايف كمال الشاذلى بشترى الخضار من روض الفرج اما حبيب العادلى الراجل كل يوم بيروح لاظوغلى راكب عجلة وزكريا عزمى ياعينى عليه الراجل عمال بيكافح فى الفساد المستشرى لدرجة انه كان عايز يشترى عزبة علشان يعمل فيها مقر قيادة لمكافحة الفساد .

اوعو تصدقوا الشائعات المغرضة عن البذخ و الحفلات الاسطورية و الاكل اللى هيخلى المصريين يموتوا من التخمة ده الموساد اللى بيروج للشائعات ده

و السلام عليكم من بلد الفساد اقصى بلد الطهارةو ربنا يخلليك لمصر و ياخدناويريحنا

[الأفوكاتو]

يا ياسر, و يا " ديب بيربل" ,

أنت دمكم خفيف,

لقد وصفتم الوضع فى كبسولة

( ليست كبسولة سفيه رحب )

و أتمنى لكم وقتا طيبا فى المحاورات,

مرحبا بكم معنا.

[# الساحر #]

طيب

أنا نفسي تحصل المعجزة

و يفوز مرشح آخر غير مبارك

عشان تستريحوا

و عايز أبقى اتفرج بقى على البهدله اللي هتحصل

بس للأسف للأسف الشديد مش عصر المعجزات أنتهى

الجوهري وصل كاس العالم

المصريين (( جوهري ، جوهري ))

الجوهري خسر ماتش

المصريين (( شيلوا الجوهري ))

مااااااااااشي

هاتو محسن صالح

محسن صالح يبوظ الفريق و يعيط و نشيل من طوب الأرض

المصريين (( جوهري ، جوهري ))

مااااااااااشي

نجيبلوهم الجوهري

تعالى يا جوهري

الجوهري يكسب كاس أفريقيا

المصريين : (( جوهري ، جوهري ))

الجوهري يفشل في الوصول لكاس العالم بأمريكا

المصريين (( مش عايزينه ، مش عايزينه ))

يشيلوه . :blink:

المصري هيفضل مصري .... النيل رواه و الخير جواه .

[echo_eg]

أنا نفسي تحصل المعجزة

بس للأسف للأسف الشديد مش عصر المعجزات أنتهى

المصري هيفضل مصري .... النيل رواه و الخير جواه .

:lol: معجزة !!

فوز مرشح اخر غير مبارك ليس بمعجزة على الاطلاق وكلامك هذا وسخريتك المفتعلة بتفكرنى بالنظام الحاكم الى بيحسسنا ان مفيش امل و لو عملتو اية برضو مفيش امل ودة سياسة زرع السلبية.

عايز أبقى اتفرج بقى على البهدله اللي هتحصل

:lol: لو عايز تتفرج على بهدلة انزل الشارع هتلقى 70 مليون متبهدل من 24 سنة .

واية علاقة المدرب بى الريس المدرب مسؤال عن 11 لعيب الريس مسؤال عن 70 مليون مواطن الى بيمشى المدرب و يجيبة اتحاد الكورة و مالوش دعوة الشعب عايز مين يعنى موش بيدينا اسماء و الشعب يرشح واحد اما الريس محدش يقدر يمشية او يحكمة او لو غلط يحسبة و مافيش سلطة اعلى منة علشان تمشية او تجيبة فاباللة عليك ازاى تقارن.

ثم ان الريس كان مالوش تغير لمدة 24 سنة ولما حب يغير فرض القوانين الى على مزاجو لتعديل الدستور و خرج لنا 9 سبعة منهم يجبولك تخلف و اتنين يخلوك تشك هما انتمائهم لمين للشعب للريس للمصالح الخارجية

(ملحوظة حد شاف العضو عوف) اظاهر انو غير اسمة و طبعا انتو عارفبن انا اقصد مين :lol: .

[# الساحر #]

أنا مش هرد على تعليقاتك بالنسبة لموضوع الأنتخابات و المقارتة

هسيب أكثر من عضة يقول رأيه

بس عايز أعرف بس أيه عوف دة و أيه التلميحات دي

أظن أن التلميحات دي شكلها مش حلو لما تطلع بالطريقة دي

وضح لكثر خليك شجاع :lol:

و هدي اعصابك عشان تعرف تقرا الامور كويس

آل عوف آل ---- مين عوف ؟؟؟؟ :lol:

[echo_eg]

أنا مش هرد على تعليقاتك بالنسبة لموضوع الأنتخابات و المقارتة

اولا انتا على طول مابتردش على تعليقاتى علشان معندكش رد. :lol:

بس عايز أعرف بس أيه عوف دة و أيه التلميحات دي

ثانيا انا هسيب الاعضاء يردو عليك . :lol:

وضح لكثر خليك شجاع 

و هدي اعصابك عشان تعرف تقرا الامور كويس

ثالثا :lol: انا عارف انتا هتحاول تخرج من الموضوع الرئيسى و تفتح موضوع افتعالى وعلشان كدة بقولك

سيبك من الحركات دى قديمة هتسيب الموضوع و تكلمنى عن الشجاعة و هدوء الاعصاب و الكلام دة خالينا فى موضوعنا ممكن ترد على تعليقى من غير ما تخرج عن الموضوع الاساسى بكلامك دة :wub:

[se_ Elsyed]

طيب

الجوهري وصل كاس العالم

المصريين (( جوهري ، جوهري ))

الجوهري خسر ماتش

المصريين (( شيلوا الجوهري ))

مااااااااااشي

هاتو محسن صالح

محسن صالح يبوظ الفريق و يعيط و نشيل من طوب الأرض

المصريين (( جوهري ، جوهري ))

مااااااااااشي

نجيبلوهم الجوهري

تعالى يا جوهري

الجوهري يكسب كاس أفريقيا

المصريين : (( جوهري ، جوهري ))

الجوهري يفشل في الوصول لكاس العالم بأمريكا

المصريين (( مش عايزينه ، مش عايزينه ))

يشيلوه . :lol:

المصري هيفضل مصري .... النيل رواه و الخير جواه .

<{POST_SNAPBACK}>

جوهري مين وأبو حباجة مين ..

يا عم أهو تغيير

ماحنا طول عمرنا بنلعب بـ 3-5-2 .. خلينا نجرب مره 4-4-2 ..

وطول عمرنا بناخد صفر وكحكه مدوره في كل حاجة ..

فاللي هاييجي وياخد صفر .. مش هاتفرق كثير ...

[ماركيز]

لا للمشاركة فى مسرحية مبارك

[# الساحر #]

يا سي السيد احنا مش هنلعب ساعتها 4-4-2 أحنا هنلعب ناقصين تلاتة و حارس مرمى <_<

ياريت حد من الأعضاء يقوللي أيه قصة عوف دي عشان echo-egypt مكسوف يقول :angry:

مبارك القيادة ----- و العبور للمستقبل

[echo_eg]

عشان echo-egypt مكسوف يقول

افتكر انك تحاول تدنى مستوى الحوار.

و افتكر ان من الاحسن ترد على تعليقاتى السابقة بخصوص الرئيس و موضعواتك بدل من التهرب و تغير المواضيع.

[# الساحر #]

بذمتك فيه حاجه اسمها العبور للمجهول ؟

ليه ؟ فاكر نفسك في الف ليلة و ليلة

لا ايمن نور هوا العبور للمستقبل و الا أقوللك لالالالالالا نعمان جمعة

اليفط بتاعته اكتر :D

[echo_eg]

بذمتك فيه حاجه اسمها العبور للمجهول ؟

ليه ؟ فاكر نفسك في الف ليلة و ليلة

لا فاكر نفسى فى مصر فى عصر حسنى مبارك. :D

:blink:

لا ايمن نور هوا العبور للمستقبل و الا أقوللك لالالالالالا نعمان جمعة

اليفط بتاعته اكتر

هو العبور للمستقبل باليفط ياعم العبقرى. :D

ولا العبور للمستقبل على يد مبارك ؟؟!! ما كنا عبرنا 24 ولا الطريق كان زحمة. :D

ولا اقولك العبور عن طريق لجنة السياسات وجمال هياخد ايدك يعديك. :D