إتفضل شاي يا ريس

[se_ Elsyed]

أنا هاتضطر أنقل الموضوع اللي إتنشر النهاردة في الأهرام زي ما هو وبدون تعليق ورغي كثير ، وذلك لإني مش قادر أمسك نفسي من العياط

في طريقه إلي خيمة اللقاء الجماهيري في مزرعة المغربي بالنوبارية‏,‏ توقف الرئيس حسني مبارك لدقائق أمام كوخ صغير علي رأس حقل لاحتساء كوب من الشاي مع أسرة المزارع كمال المراغي وزوجته سناء‏..‏ أكد الشاب سعادته بلقاء مبارك للمرة الثانية‏,‏ حيث حظي بلقائه في المرة الأولي عندما سلمه الرئيس عقد خمسة أفدنة من الأرض المستصلحة منذ‏15‏ عاما‏..‏ قامت أسرة كمال بإعداد الشاي علي كانون صغير‏,‏ وراح الرئيس يتناوله وهو يتجاذب أطراف الحديث مع المزارع‏.‏ توجه مبارك للشاب كمال بأسئلة عن كيفية تسويق المحاصيل‏,‏ وبعد أن أجاب المزارع‏,‏ وعده مبارك بأن الأحوال ستكون أفضل عندما تدخل الشركات الكبيرة في عملية النقل والتسويق‏,‏ ووعد بتقديم مزيد من القروض لشباب الخريجين‏,‏ وخرج مبارك محملا بدعوات الفلاحين البسطاء بالنجاح في سباق الانتخابات من واقع تجربتهم في الأرض الجديدة‏.‏

يا سلام عالحنيه ... يا سلام عالإنسانية

بالله عليكوا لو أيمن نور أو نعمان جمعه مثلاً حود على أحد الأكواخ وشرب سحلب مع أحد الفلاحين هل ستهلل له الصحف كما فعلت مع المرشح حسني مبارك .. وبعدين إيه الزيارات والإفتتاحات دي كلها ، وإيه كمان ماسورة المشاريع اللي ضربت دي وزوجته السيدة الفاضلة سوزان ماسكه المقص وشغاله إفتتاحات هي كمان ؟

[shawshank]

سي السيد ... اللي بيحصل بيفكرني بـ:

من فيلم الزوجة الثانية:

صلاح منصور هيتجنن و هو شايف بطن مراته بتكبر و هي بتقوله إنها حامل ...

من فيلم انتخابات مصر:

الشعب هيتجنن و هو شايف بطن النظام بتكبر و هو بيقوله إنها الديمقراطية ...

يا عيني عليك يا صلاح يا منصور و يا عيني عليك يا شعب يا مهزوم

حد فاهم حاجة؟

[ابو صلاح]

وخد بالك من الكلام راح لواحد ادالو خمس فدادين علاشان يزرعهم واشمعنا يروح للى ادالو مايروحش للمادلوش لية ، وأرهنك ان الشاى دة حد من الحرس بتوعو اللى عاملهولو خوفا من ان ايدى دسية تحتلو سم .... خونا

[se_ Elsyed]

وخد بالك من الكلام راح لواحد ادالو خمس فدادين علاشان يزرعهم واشمعنا يروح للى ادالو مايروحش للمادلوش لية  ، وأرهنك ان الشاى دة حد من الحرس بتوعو اللى عاملهولو خوفا من ان ايدى دسية تحتلو سم .... خونا

<{POST_SNAPBACK}>

إنت بتتكلم في إيه .؟

طبعاً الشاي ده معمول تحت إشراف عالي التقنية في مطابخ قصر العروبة ، وأخدوه معاهم في ترمس هو والكوبايات المُدهبه ...

إيييييييييييييييييييييييييييييييييه ده عاشور الناجي يا بشر .. يعني يرضيك يشرب شاي في براد مصدي ولا كوباية من غير ودان ...

[se_ Elsyed]

حد فاهم حاجة؟

<{POST_SNAPBACK}>

عشان كده كان أكثر فيلمين معترض عليهم النظام الناصري هما الزوجة الثانية وشيء من الخوف بتاع جواز عتريس من فؤاده باطل .. ترالاملم .. باطل .. تيريليملم ...

فعلاً هما كذبوا الكذبة وصدقوها .. وعملوا مسرحية وصبغوا شعر الريس ولبسوه بدله صيفي وقميص روش من غير كرافته .. لكن على مين .. عايزنا نرجع زي زمان قول للزمان إرجع يا زمان ...

[ابو صلاح]

طبعاً الشاي ده معمول تحت إشراف عالي التقنية في مطابخ قصر العروبة ، وأخدوه معاهم في ترمس هو والكوبايات المُدهبه ...

إيييييييييييييييييييييييييييييييييه ده عاشور الناجي يا بشر .. يعني يرضيك يشرب شاي في براد مصدي ولا كوباية من غير ودان ...

لا ما يصحش :D

بس المصيبة يا جدعان الشعب المصرى ما بيبلعش الحاجات دى خالص وبيفقسها على طول طاب لية مستمرين فى هذا المسلسل المفقوس ، سؤال يطرح نفسة

[mAs]

حد خدبالة من حاجة في الصورة؟..الصورة شكلها كدة متركبة ..يعني متاخدة في قرية فوتوشوب :D ...صورة مبارك و الشله على صورة الرض الزراعية...في حد فاصل واضح مكان التقاء الصورتين...باينه شوية في الجريدة..و بعدين أنا مش شايف اى فلاحين في الصورة!! خدوا بالكم كمان من الاضاءة و الظل تحت ذراع مبارك و هو بياخد الشاي...واضح ان في مصدر اضاءة أمامة ، على الرغم من ان الجو في صورة الغيط اللي وراة جوها خريفي...ياريت يكون في حد بيفهم فينا في الجرافيك ، يمكن أكون أنا غلطان

[ابو صلاح]

والاهى كلامك ممكن يكون مظبوط ، واحنا ما نستبعدش اى حاجة من الحكوبة :D

[سقراط المصري]

بصراحه انا عازر الناس القائمه بالدعايه الانتخابيه لمبارك.

عهد مبارك معروف للجميع، والبقع السوده في الصوره مساحتها اكبر اضعاف مضاعفه من النقط البيضاء. وكذلك المواطن ذكي ومش هتخيل عليه حركات وتصريحات الحكومه. اعتقد هذا مايدور بخلد القائمين بالدعايه الانتخابيه.

ولكن ، ما الورق ورقنا والكره في ملعبنا، يعني مبارك بحمله او بدون حمله سينجح .

يبقى تاهب ولقيناها يا واد يا محمدين، لاتخاطب العقل وخاطب العاطفه والإنفعالات.

شوية صور مع فلاحين

صوره للشيخ مبارك والسبحه في يده يوم الجمعه

صوره وهو بيبوس طفل صغير والطفل على زراع امه

صوره والملهم ماسك فأس ولابس عبايه وبيخبط الارض الزراعيه بالفأس ووراه يافطه مكتوب عليه اسم قريه في مجاهل افريقيا.

صوره له مع المعوقين ذهنياً ، وياسلام لو يشاركهم لعبة فك وتركيب

صوره للباشا وهو يتلقي شكوي من مواطن ، وماسكها بيده والنظاره باليد الاخري، ووجهه موجه تجاه مسئول لإصدار الاوامر السحريه

وهكذا وهكذا

صور افتتاح المصانع وخلافه اصبحت روتينيه وغير صادقه.

الساده القائمون بحمله الريس انا عازركم لأن مهمتكم اصعب من مهمة تجميل صورة امريكا امام العالم.

سقراط

تم تعديل 23 أغسطس 2005 بواسطة سقراط المصري

[# الساحر #]

الصور فعلا متركبة

الرئيس كان في دريم لاند عند أحمد بهجت

و شوية الفلاحين دول واخدين كل واحد 20 جنيه عشان المشوار بس

أنا معجب بذكاء المحاورين

[Alshiekh]

أكد الشاب سعادته بلقاء مبارك للمرة الثانية‏,‏ حيث حظي بلقائه في المرة الأولي عندما سلمه الرئيس عقد خمسة أفدنة من الأرض المستصلحة منذ‏15‏ عاما‏

شوف يا أخى الصحف قصدى الصدف العجيبة والغريبة ، كل ماحسنى يقول اروح اقابل مواطن يلاقى كمال المراغي وزوجته سناء‏ قدامه.

حاجة فعلا غريبة يا أخى.

قامت أسرة كمال بإعداد الشاي علي كانون صغير‏

انا أعرف ان الفلاحين كانوا بيستخدموا اقراص الجلة فى الكانون ، معنى كده انه شاى بالجلة؟

الا انتوا عارفين الجلة والا لأ؟

وكمان انا اعرف ان الناس لم ييجى عندها ضيوف بيعملوا شاى للكل ويقدموه فى صينية الشاى !

اشمعنى الشاى هنا متقدم لحسنى مبارك بس؟

ولو كانوا فى الغيط كانوا صبوا له الشاى من البراد على طول.

ده بيفكرنى لما بوش راح العراق السنة اللى فاتت واحتفل مع الجنود الامريكان بعيد الشكر وكان شايل لهم الديك الرومى البلاستيك

تم تعديل 23 أغسطس 2005 بواسطة Mohammad

[shawshank]

أنا خايف ييجي عليه وقت أصدق إن فيه ديمقراطية بصحيح!

[nolimits2000]

الصورة مش متفبركة لأنى شفت - الأعلان - ده ع التلفزيون أمبارح و أتفقعت من الحوار اللى كان بين الريس و الفلاحين دول - لاحظوا و شوفوا الفلاحين بقوا يلبسوا قميص و بنطلون و هما بيشتغلوا :wub: - و أزاى هما طايرين من السعادة بسبب النغنغة اللى هما عايشين فيها و حسيت أنهم خلاص بسبب الأرض ديه هيشتروا الصعيد كلها ف المزاد الجاى :D

المهم أن فيه حاجة تانية جننتنى ف الأهرام النهاردة و هى أنهم قالوا أن هيكون فيه حياد تام بين المرشحين ف وسائل الأعلام أنما اللى بيحصل حاجة تانية خالص.

4 صفحات غزل ف الريس و مانشيت رئيسى و باقى المرشحين أجزاء بسيطة ف صفحة - ما شاء الله منتهى الحيادية -

ديموقراطية بزرميط ولد

سلام عليكم

[mAs]

لا مين قال ...الشفافية و النزاهة موجودة في الجرايد...بدليل انهم مابيكتبوش الريس و لا حسني مبارك...بيكتبوا مرشح الحزب الوطني...شفت بقي انت ظالمهم ازاي :) اخص علينا اخص... :D

[ابو حلاوه]

و هنوفرلكم خمسة مليون وظيفة عمل كويسة و سبعة مليون وظيفة عمل نص نص ........ لحسة من قعر الطبق

و هنخلي التأمين الصحي شامل لكل مواطن....... لحسة من قعر الطبق

[se_ Elsyed]

مبارك فتح جراب الحاوي وشغال الله ينور ..

قرب قرب قرب شوف الحاوي العجيب ... لا سحر ولا شعوذه .. أنا وأعوذ بالله من كلمة أنا بإشارة مني وبضربة عصايا على الجراب اللي اشيفينه ده ممكن أعمل عمايل وأسوي الهوايل ..

الجراب اللي قدامكم ده يا حضرات فيه خطابات تعيين لـ أربعة ونص مليون عاطل ودول على فكرة اللي أنا أتسببت في قعادهم على القهاوي وتعليق شهادتهم على الحيط وبعضهم باعوها لبتوع الطعمية عشان يعملوها قراطيس ..

ومعايا كمان شربة الحاج محمود اللي هاصرفها لكل مواطن مصري تحت مظلة التأمين الصحي .. يعني إن شاء الله هانشوف كذا قصر عيني على كذا موشتشفى ميري والكل هايتعالج والكل هايخف والبركة في شربة مين ؟ عليكوا نور .. الحاج محمود ..

وإوعى وشك .. معايا كمان قوانين البنا على الأرض الزراعية واللي هاعيد النظر فيه ..

ومعايا كمان قرارت تمديد المنطقة الحرة في بورسعيد لمدة سنتين ( وبعد كده هادي السواحلية شلوت بعد ما أخد أصواتهم )

وقرق قرب وشوف حرمنا المصون .. هنا مكتبات وهنا مشروعات ... وشايل معايا شوية مقصات لزوم الإفتتاحات ....

وشوبش واللي ما يشتري يتفرج

[Th!nk]

و هنوفرلكم خمسة مليون وظيفة عمل كويسة و سبعة مليون وظيفة عمل نص نص ........ لحسة من قعر الطبق

و هنخلي التأمين الصحي شامل لكل مواطن....... لحسة من قعر الطبق

:angry2: حلوة يا أخ أبو حلاوة

[ابو حلاوه]

و هنوفرلكم خمسة مليون وظيفة عمل كويسة و سبعة مليون وظيفة عمل نص نص ........ لحسة من قعر الطبق

و هنخلي التأمين الصحي شامل لكل مواطن....... لحسة من قعر الطبق

[kotoz9]

بذمتكم فين الفلاحين؟؟؟؟

وفين الكوخ؟؟؟؟

تم تعديل 25 أغسطس 2005 بواسطة kotoz9

[kotoz9]

تعليق العربية:

بينما كان الرئيس حسني مبارك يكسب نقاطا مهمة في حملته الانتخابية بسبب جلوسه مع فلاح مصري منتظرا كوبا من الشاي تعده له زوجة هذا الفلاح، كان أحد منافسيه المهمين، نعمان جمعة رئيس حزب الوفد تنفلت أعصابه بسبب هتافات مناصريه، فيشتم أحدهم على الهواء دون أن يدري بسباب يوجهه العامة المصريون للشاذين جنسيا، بينما يرد مناصروه بهتاف مشجعي كرة القدم " الصحافة فين.. الرئيس أهوه" ..

أما مرشح حزب الغد أيمن نور فقد سقطت به المنصة التي كان يلقي منها خطاب حملته الانتخابية في احدى المدن، فاتهم الحزب الوطني بأنه دبر تلك المؤامرة، من جهته أصر مرشح حزب التكافل الدكتور أسامة شلتوت على لقب " الشريف" وقال للمذيعة منى الشاذلي بقناة دريم الخاصة إنه من نسل الرسول صلى الله عليه وسلم، ثم طلبها بأن تحضر جركن ماء بسبب وصلة من الضحك لم تستطع كتمانها.

من البديهيات الصحفية المعروفة التي يضعها أهل المهنة في اعتبارهم ويعلمها الأساتذة منهم لتلاميذهم أن الصورة تساوي ألف كلمة، لكن صورة الرئيس المصري حسني مبارك وهو يجلس مع فلاح أمام منزله في الأراضي المستصلحة الجديدة، بينما زوجة هذا الفلاح تقدم له كوبا من الشاي انتهت من اعداده خصيصا للرئيس، لم تساو ألف كلمة فقط بل اختصرت كثيرا من المسافات في طريق وصول مبارك إلى الحكم لست سنوات أخرى قادمة.

المصريون بطبعهم شعب عاطفي، ومثلما يكسبه من يقف معه في أوقات الشدة، يكسبه أيضا وبشدة من يشاركهم جلساتهم ويصبح واحدا منهم. المتابعون للرأي العام المصري أكدوا أن تلك المبادرة من الرئيس ازاحت تماما كل الصور السلبية التي روجتها حملات المنافسين على منصب رئيس الجمهورية والذي تجري انتخاباته في 7/9/2005 وخاصة شعار حملة مرشح حزب الوفد المعارض نعمان جمعة "اتخنقنا" الذي أثار جدلا حادا عندما رفضته جريدة الأهرام وكذلك التليفزيون الحكومي المصري، ولكن تدخل الرئيس مبارك شخصيا حسم الجدل لصالح نشر وبث ذلك الشعار أو الاعلان الانتخابي.

http://www.alarabiya.net/Articles/2005/08/25/16216.htm

العربية ناقص تعلن مبايعتها للرئيس ......... :angry2:

باقى المقال كله سخرية من المرشحين المنافسين له خصوصا نعمان جمعة اللى جعله اضحوكة.

انا خايف اقتبس بقية المقال حتى لا تعترض الادارة لان فيها الفاظ يدعى كاتب المقال انها جاءت على لسان نعمان جمعة.