مخى هيس ... فخلانى ريس

[ابو صلاح]

من كام يوم كدة واحد استشارنى فى موضوع احلام اليقظة ، وفعلا رضيت علية وأديتو أستشارة مجانية فى الموضوع

بس خلانى ارجع بدماغى وافتكر حالات التهيس :D اللى كنت بهيسها ، والحالة هى انى بتخيل نفسى رئيس جمهورية كل ماتصبنى حالة عدم رضا عن المجتمع اللى انا عايش فية

يعنى مثلا الحاجات اللى انا عملتها وانا ريس ( واخدين بالكو حالة التهيس جاتلى )

يعنى فى مجال التعليم

1 - خليت الأطفال والطلبة الصغيرين يحبو التعليم ، وخلتهم يعرفو هما بيتعلمو لية وماخلتش التعليم عملية روتينية وعقاب لابد منة

2 - اهتمت بمواهب الأطفال وعينت ناس تكتشف المواهب دى )

3 - خليت التعليم يربى الأطفال على الأخلاق ، ده حتى فى الأمتحانات الواد يبقا جامب الواد فى اللجنة ومش عارف يجاوب على السؤال ومافيش مراقب فى اللجنة لكن ما بيغشش من اللى جانبو علاشان هو متربى ( شفتو الضمير بتاع العيال الصغيرة ياريت نتعلم منهم)

4 - لغيت مكتب التنسيق ونسفتو بدناميت ، وخليت كل طالب يخش الكلية اللى تناسب ميولة بعد اتمام المرحلة الثانوية العامة الممتعة اللى ما كنش فيها اى قلق ولا توتر

دة اللى انا فاكر انى حلمت بى فى مجال التعليم :D

فى مجال الحرية السياسية

1 - لغيت التشريفة بتاعتى ( على اساس ان انا رئيس الجمهورية اوعو تنسو ) وبتاعت الوزرا بتوعى علاشان احس بمشاكل الناس وابقا واحد منهم مش واحد عايش فى القمر

2 - اى حد ممكن يجى يكلمنى فى اى وقت لأن بيتى فى وسط البلد وبيتى بسيط جدا ، دة حتى انا بروح الشغل بالمترو ( شفتو البساطة)

3 - كان الشعار الرسمى للبلد< الدين للة والوطن للجميع> ، فدة اللى خلا مافيش تعصب ولا أرهاب

4 - اى حد من الشعب يقول رأيو فى اى مجال وممكن يقترح خطة والوزارة تمشى عليها بعد درستها ، فدة اللى خلا الناس تشارك بجد فى السياسة من غير ما تشعر

يعنى دة اللى هيستو فى مجال السياسة :D

فى الشئون الداخلية

1 - نضفت البلد جامد وخليت الشوارع مافهاش اى بلاعات والطريق يتلحس كدة من النظافة والنظام

2 - هديت كل المناطق العشوائية زى امبابة وبولاق والمطرية ..... الخ وبنيت مدن جديدة فى الصحراء بعد تجهيزها وخلتها تمام علاشان انقل الناس اللى فى المناطق دى لهناك

فى ناس هتسئلنى لية الأذة دة :D ، لو فكرت شويا ، هتلاقى اللى انا عاملتو دة عمل بطولى لأن المناطق العشوائية يخرج منها كل ما هو سئ من تطرف دينى وقلة أدب ( دة انت تلاقى واد فى حارة ما تمش 3 سنين وبيسب الدين ) طاب اتعلم من مين، دة غير الدوشة ، فأنا قولت مافيش حل غير انى اشيلها

هتسئلونى برضو بعد ماهديت المناطق دى عملت فيها اية ، هقولك يا سيدى المناطق اللى جامب النيل خلتها مناطق زراعية ( علاشان ناكل من خير بلادنا وما نستوردش الأكل من برة ولا حد يزلنا

والمناطق البعيدة عن النيل ، اسستها من أول وجديد بطريقة هندسية مدروسة ، والشوارع بعيدة عن بعض بحيث تسمح بمرور السيارات ودوريات البوليس على مدار 24 ساعة

3 - الناس بقت متحضرة والنظافة فى كل مكان ( شفت الخيال الأجتماعى )

4 - الناس بقت تحب الشرطة وبتحترمهم على الأخر مش علاشان خايفة منها لاحسن تلفقلها تهمة ولا تديها بالقلم، لأ علاشان هما ناس بيسهرو على أمن المواطن وبيحمو الشعب لما بيمشو فى مظاهرة سلمية

*( المظاهرات السلمية بقا شئ يحدث فى ظل حكمى ورعايتى يوميا او كل ما قرار من الوزارة مايعجبهمش )

فى مجال الأخلاقيات

1 - أول حاجة عملتها قفلت كل محلات الخمرة اللى فى البلد

2 - قبضت على كل تجار المخدرات ( لأن القبض على تجار المخدرات شئ مش صعب لأن بمجرد انك تقبض على المدمن وتديلو قفين وتسئلو انت جبت المخدرات دى منين هيقولك وبعد كدة تقبض على قالك علية وعلى اللى بعدو وهكذا الى الراس الكبيرة ) مش محتاجة ذكاء يعنى فى خلال سنة كنت مخلص على تجار المخدرات كلهم ، :)

3 - خليت السياحة عندنا ركيزتها الأساسية هى التعرف على حضارتنا وليس على مسخرتنا ، بقا شارع جامعة الدول العربية أسم على مسمى مش تجمع للعاهرات بأسم السياحة :D

4 -خليت الشعب المصرى بقا عاندو كرامة حتى لو كانت على حساب لقمة عيشو مش علاشان سواق التاكس يلقت زبون عربى من قدام فندق ولا سيما يزل نفسو

5 - لغيت الفهلوة من مخ المواطن المصرى وبقا يستخدم الأسلوب العلمى :D

يعنى دى الحاجات اللى فاكرها من تهيساتى ولو افتكرت حاجة تانى مش هاعيزها عليكم

شروط التهيس لمن يهوى التهيس

لازم التهيس يكون نابع من النخاشيش بمعنى ان يكون الموضوع حاسو بجد وشاف المضاد لية على الحقيقة وشكرا

[ابو صلاح]

من الحاجات اللى انا عملتها وأنا ريس برضو شيلت( النسر ) وحطيت بدالة ( صقر ) الناس هتسقلنى اية النسر وأية الصقر اللى انت بتتكلم عليهم دول ،

أقصد من ذلك انى غيرت العلم بتاع مصر الحبيبة ، فى ناس برضو هتسئلنى لية عملت كدة واية الحكمة من دة

لانى بعد عدة مباحثات :blush: اكتشفت ان النسر بيعيش على بقايا الحيونات الميتة وبمعتى اصح انة حيوان او طائر ( نتن ) ما بيكلش الا من بقايا اكل الأخرين

أما الصقر : فهو يأكل من عمل يدة ومن صيدة هو، ودة غير ان شكلو احلى من النسر بكتير دة غير نظرة الحاد ورؤيتة بعيدة المدى

فأردت ان شعبى يغير من تفكيرة من ( نسر ) الى ( صقر ) ويكون شعب صقورى لا نسورى

وسلملى على التهيس

تم تعديل 3 سبتمبر 2005 بواسطة ma.salah

[ابو صلاح]

فى حد برضو جاتلو حالة التهيس دى وتخيل نفسة رئيس لمصر ، ولو فعلا هيست قول وماتتكسفش

مش عيب كلنا بنهيس :D

[pure]

اللهم كتر من تهييساتك وهخلينا نهيس احنا كمان انا متخيل لو الشعب كله هيس هيبقي مفيش مشاكل

[nolimits2000]

و الله يا أخى كلامك عين العقل و مش تهييس و لا حاجة و فعلا الواحد نفسه ده يحصل و موضع امبابة وبولاق والمطرية ده كنت فعلا بتمنى أبقى رئيس عشان أبنيلهم مدن جديدة و أبعتهم هناك و بعد ما أبنى المدن ديه أبعتلهم أنهم لازم يخلوا أماكنهم ديه فى خلال شهرين لأنى هضربها بصواريخ نووية محدودة عشان محدش يتعب ف هدم هذه المناطق ( النووى انجاز أكتر ) :D ، غير كدة كل حاجة حضرتك هيست فيها أنا بحلم بيها تتحقق

[ahmedarab]

فى مجال الأخلاقيات

1

5 - لغيت الفهلوة من مخ المواطن المصرى وبقا يستخدم الأسلوب العلمى  :D

<{POST_SNAPBACK}>

انا بصراحة معاك وممكن احلم معاك ان كل الحاجات دى ممكن تحصل

الا انك تخلى المصرى يتنازل عن موضوع الفهلوة ......... دة شىء ان شايف انة مستحيــــــــــــــــــل

احمد

[Th!nk]

بصراحة يا اخ محمود أنا عاذر مخك فى التهييس

رئاسة الجمهورية فى مصر أصبحت اسهل من بيع الفجل على ناصية أى حارة

يعنى أقدر أجذم لك أن الست ام دعبس بياعة الفجل اللى على ناصية الشارع بتتعب وبتعانى أكثر بكثير من رئيس الجمهورية وأصبحت تقابل من التحديات ما لا يستطيع أن يواجهه السيد رئيس الجمهورية!

فى الوقت الحالى أذا قال الرئيس "ريان يا فجل" ستجد من يصفق له! والله العظيم ما بهزر! كل شىء تمام، مفيش مشاكل على الأطلاق... ومش كده وبس لأ ده المسئول الذى لا يقول تمام يا أفندم ويحب يشتغل يشيلوه ويجيبوا بداله واحد بيعرف يقول برقبتى يا ريّس! والريس علطول مش عارف اللى بيحصل لأنه طرطور آآآسف أقصد لأن الوحشين مخبيين عليه! يعنى هو مسئول بدون مسئولية!... دى يا راجل حتى ريان يا فجل اللى قالها دى مش هو اللى فكر فيها ! دا فيه لجنة مكونة من أساتذة جامعة وخبراء ومتخصصين فى كل المجالات قعدوا فكروا وتكتكوا ووصلوا فى النهاية الى الصيغة المطلوبة! عارف الليلة الكبيرة وعرايسها... متعرفش مين بيحرك مين! فاهمنى!

رئاسة الجمهورية أصبحت تواجه المشاكل بما يسمى بالدعارة السياسية والكذب... وأتذكر لمّا قيمة الجنية نزلت الأرض والأسعار بقت نار وكل حاجة ولّعت أن أتى الرئيس فى أحد لقاءاته مع أعضاء الحزب بتاعهم وأذا به فى وسط ما قرأ يقول بالعربية الفصحى بأننا (للتفخيم لعظمته) نواجه التحديات وتحكمنا فى الأسعار بمجموعة قرارات حاسمة ! فى الوقت اللى الأسعار فيه مولعة... مفيش حل لمشاكل فى مصر... المشاكل أصبحت تواجه كما أشرت بالكذب الصريح وبالبجاحة...

السياسى الناجح دلوقتى هو اللى يقدر يتكلم نص ساعة وأنت طالع دون ان تحصل منه على جملة مفيدة!

فى ظل كل هذه الظروف أنا عاذر مخك فى تهييسه... فمن حقك أن تقول أنت ايضا "ريان يا فجل" وأن يصفق لك الجميع بعدها! :)

أحلى حاجة فى رئاسة الجمهورية:

أنك حتاكل عيش من أبو 25 قرش اللى متغطى مش مكشوف ومش أنت اللى حتجيبه... ده حيجيلك لحد عندك وعلى حساب صاخب المخل كمان! (طالما بتتعب وتشقى لازم تتغذى)

حتركب عربية 4 باى 4 أو مرسيدس حسب أحتياطات الأمن

كل تكلفة سفرياتك بالكامل طيران أو مكوك فضاء كله على حساب صاخب المخل لأنك مقطع نفسك شغل وده ينطبق على الأجازات أيضا(أن شا الله ما حد حوّش)

رئاسة الجمهورية دفا... يعنى خلايا نحل شغالة ليك ولحمايتك...

لو عذت علبة سجاير الساعة 3 أو 4 الفجر حتجيلك لحد عندك وأنت ع السرير يا ريّس... معلم والله

أما الشغل بقى والنتائج المطلوب تحقيقها والخطة الخمسية الخمسمية... يا سيدى متصلى على اللى حيشفع فيك... حتتعلم وتتودك وحتبق فل الفل! قول يا مسهل وهى حتفرج!

بصراحة رئاسة الجمهورية فى مصر... لهطة قشطة ... لك كل الصلاحيات ولا يستطيع أن يحاسبك أحد!

أنا بالنسبة لى لم يهيس عقلى فى هذا الأتجاه ولكن فى أتجاه مضاد... يعنى بتخيل أنى يكون معايا حاجة ذىّ طاقية الأخفاء والتى تمكننى من تعدى كل الحراسات والجيوش لمقابلة الشخص الفاسد الذى اكرهه وبعدين أسيب له ورقه مكتوب فيها" أحكم بالعدل" واسيبه وأمشى وعندما يستيقظ يرى الورقة وأتخيل ما يحدث فى قصره وكيف لكل الجهات الأمنية ستنقلب رأسا على عقب بحثا عن هذا الفاجر الذى فعل هذه الفعلة الشنعاء!!

ثم أتخيل أننى كررت هذا لفترة فأذا لم يفلح اجرب طريقة أخرى أكثر قوة وهكذا!

طبعا ده أحد مظاهر الضعف لكن هو ده التهييس اللى بيحصلّى...