الأمية

[Grandma]

معروف ان الأمية من أهم المشكلات اللي بتواجه مصر ... وان عندنا نسبة عالية من الأمية للأسف و خصوصا بين الاناث .. لكن الأمية لم تعد فقط الجهل بالقراءة و الكتابة .. وانما ايضا الجهل بكيفية استخدام الكومبيوتر و الاجهزة التكنولوجية ...

لو كان عندنا ارادة حقيقية للقضاء على هذه المشكلة... كنا زمنا قطعنا فيها مشوار هائل في سنوات قليلة زي بعض الدول الخليجية اللي قضت على المشكلة دي تماما ..لكن مش شايفة فيه حد مهتم بالموضوع دا خالص او اتكلم فيه اليومين دول.

أتصور حل المشكلة بسيط وبيضرب عصفورين بحجر واحد .. الدولة توزع جهاز تابلت لكل مواطن بالتقسيط المريح جدا .. وتكلف شباب جامعي كنوع من الخدمة الاجتماعية الاجبارية بعد الجامعة يعلم المواطن الأمي كيف يستخدم جهاز التابلت و يتابع معه الدروس للي هتكون متبرمجة مسبقا على شكل تطبيقات داخل الجهاز ..وشوية شوية هيعرف كل مواطن يستخدم التكنولوجيا و في نفس الوقت هيتعلم يقرأ ويكتب بل ويبحث عن المعلومات بنفسه ...العلم من التابلت هيكون أكثر متعة وهيشعر الطالب انه عاوز يتعلم بسرعة علشان ينطلق لوحده ..وبعد كل مرحلة يتم تقييم الطالب بامتحانات تعقد كل فترة في أماكن تخصص لهذا الغرض .

وياريت يكون هذا التعليم إجباري و اللي ما يتعلمش تتخصم منه مثلا حصته من المواد التموينية او يدفع غرامة معينة كل سنة الى ان يتعلم .

[باهى الطائر الحزين]

احيي حضرتك علي الطرح والحلول

مشكلتنا ليست في الأميه

كان اجدادنا ويمكن اباءنا اميون

ومع هذا علمونا وتركوا لنا ارث

حضاري لم نحافظ عليه ونصر

لم نعمل له ..

مشكلتنا الأن مع المثقفين

او من يدعون ذلك دون نتاج

ابداعي اوفكري او مشاركه

فعاله في العمل الجماعي ...

[Grandma]

احيي حضرتك علي الطرح والحلول

مشكلتنا ليست في الأميه

كان اجدادنا ويمكن اباءنا اميون

ومع هذا علمونا وتركوا لنا ارث

حضاري لم نحافظ عليه ونصر

لم نعمل له ..

مشكلتنا الأن مع المثقفين

او من يدعون ذلك دون نتاج

ابداعي اوفكري او مشاركه

فعاله في العمل الجماعي ...

أهلا أستاذ باهي

احنا فعلا أجدادنا كانوا أميين لكن مثقفين و أذكياء بالفطرة علشان كدا تركوا وراهم الإرث الحضاري اللي كلنا بنفتخر بيه

انا معاك ان المثقفين الآن عليهم دور كبير لكن المشاركة الفعلية لازم تتم من خلال قنوات شرعية ورسمية توافق عليها الدولة

لان ما تضمنش الظروف ..ممكن يُتهموا انهم بيعملوا لصالح دول أجنبية

أعتقد ان لو فيه النية ممكن بسهولة المثقفين يتفقوا و يكونوا رابطة تقوم بواجبها الاجتماعي و الثقافي تجاه الدولة ...ومحو الامية يمكن أن يكون واحد من الواجبات .

اشكرك على المشاركة الفعالة

[باهى الطائر الحزين]

اري وان حضرتك حصرتي الموضوع في حقبه زمنيه

مرت خمسة عقود لم نري بها مثلا نجيب محفوظ او

طه حسين او العقاد او ابداعا فعليا كما في الملكيه !

السعوديه مثلا ولا اريد الخوض فيما ليس من حقي

في المسئله الحقوقيه لكن بأحتكاكي بمثقفيها ادركت

ان لديهم مبدعون حقيقيون يستحقون منا الثناء والتقدير

عندنا مثلا مفكر هذا الذمان يوسف زيدان

عندما اقتربت منه لم الحظ غير دجال يسحر اعين الناس

فتغيب عقولهم في ندوات ليست غير ملتقي يجمع الرجال

بالسيدات في ساقية الصاوي او مكتبة الأسكندريه وظني

ان دراويشه سيصنعون له جداريه !

فاضلتي

الدوله م البوليسيه او حتي القمعيه ليس بوسعها قمع ابداع

او انتشار فكر مثلا اعظم ما دونه التاريخ من ابداع كان في

العهود الإشتراكيه والنازيه وفي وطأة حروب ضاريه ..

مثقفونا انشغلوا بأظهار عيوب الأخرين مأجورين مدفوعين

فكانت قدوه تبعاها المتسربون من التعليم حتي وصلنا لما

نحن عليه الأن ..

انتبه رجال المال لسطوة الآله الإعلاميه فأمتلكوا منها ما

يمكنهم من فرض افكارهم وتوجيه الرآي العام من خلال

افساح مساحه ظهور لشخصيات بعينيها مدفوعه بأجندات

وحتي للضغط علي الحكومات ..

و و و اعذار باليه لذنوب عاتيه ...

شكرا لتسامحك والفرصه والمساحه

[أبو محمد]

عندنا مثلا مفكر هذا الذمان يوسف زيدان

عندما اقتربت منه لم الحظ غير دجال يسحر اعين الناس

فتغيب عقولهم في ندوات ليست غير ملتقي يجمع الرجال

بالسيدات في ساقية الصاوي او مكتبة الأسكندريه وظني

ان دراويشه سيصنعون له جداريه !

:yes:

تمام .. من بره الله الله .. من جوه يعلم الله

[باهى الطائر الحزين]

:yes:

تمام .. من بره الله الله .. من جوه يعلم الله

معالي الباشا الكبير قوي

انتظر منك إثراءا للموضوع

فأنت القادر وعلي ذلك ضلوع

[Grandma]

اري وان حضرتك حصرتي الموضوع في حقبه زمنيه

مرت خمسة عقود لم نري بها مثلا نجيب محفوظ او

طه حسين او العقاد او ابداعا فعليا كما في الملكيه !

السعوديه مثلا ولا اريد الخوض فيما ليس من حقي

في المسئله الحقوقيه لكن بأحتكاكي بمثقفيها ادركت

ان لديهم مبدعون حقيقيون يستحقون منا الثناء والتقدير

عندنا مثلا مفكر هذا الذمان يوسف زيدان

عندما اقتربت منه لم الحظ غير دجال يسحر اعين الناس

فتغيب عقولهم في ندوات ليست غير ملتقي يجمع الرجال

بالسيدات في ساقية الصاوي او مكتبة الأسكندريه وظني

ان دراويشه سيصنعون له جداريه !

فاضلتي

الدوله م البوليسيه او حتي القمعيه ليس بوسعها قمع ابداع

او انتشار فكر مثلا اعظم ما دونه التاريخ من ابداع كان في

العهود الإشتراكيه والنازيه وفي وطأة حروب ضاريه ..

مثقفونا انشغلوا بأظهار عيوب الأخرين مأجورين مدفوعين

فكانت قدوه تبعاها المتسربون من التعليم حتي وصلنا لما

نحن عليه الأن ..

انتبه رجال المال لسطوة الآله الإعلاميه فأمتلكوا منها ما

يمكنهم من فرض افكارهم وتوجيه الرآي العام من خلال

افساح مساحه ظهور لشخصيات بعينيها مدفوعه بأجندات

وحتي للضغط علي الحكومات ..

و و و اعذار باليه لذنوب عاتيه ...

شكرا لتسامحك والفرصه والمساحه

يبدو يا استاذ باهي اني لم أفهم من البداية ما تعنيه بالمثقفين

أنا لم أقصد بالمثقفين الكتاب و المبدعين و المفكرين و الاعلاميين ...

و انما قصدت الانسان المثقف العادي ... لذلك قلت لك انه صعب المثقف يتحرك من تلقاء نفسه ..

لازم يكون فيه رابطة او حزب رسمي تجمع هؤلاء المثقفين يتحركوا من خلالها و تباشرهم الحكومة

ويسيروا وفق أهداف و خطة معينة .

أما بالنسبة لما قصدته أنت فأنا شايفة ان المفكرين و الكتاب و الاعلاميين بيقوموا بدورهم بالفعل

وان كان هذا الدور لا يعجب الحكومة ولا المسئولين فدي مش مشكلتهم

ولا احد يستطيع أن ينكر ان الاعلام قام بأكبر دور في اسقاط الاخوان .

يوسف زيدان تحديدا لم يكن من البداية يريد التورط في السياسة وكان عنده حق ..

لولا ضغط قراءه و متابعيه على صفاحات مواقع التواصل الاجتماعي ما ابدى رأيه أبدا الا من خلال اشارات يفهمها قراءه

أما ندواته فلا أعلم ما يدور فيها ولا شأن لي بها لان ما يهمني هو كتاباته وهو كاتب مميز..

نجيب محفوظ لم يقدره المصريينالا بعد أن كرمه الغرب بنوبل ...

كذلك كتبانا المعاصرين لن ينالوا ما يستحقوه من التقدير الا في المستقبل .

علاء الاسواني دوره السياسي في توجيه الرأي العام ابرز من زيدان ..

و يجب على حكامنا أن يدركوا كلمة الاسواني و يستوعبوها جيدا

( الديموقراطية هي الحل )

[Grandma]

:yes:

تمام .. من بره الله الله .. من جوه يعلم الله

المفروض اننا نقيم كتابات المبدع ولا نقيم شخصيته

لكل منا جانبه المظلم :)

[باهى الطائر الحزين]

المفروض اننا نقيم كتابات المبدع ولا نقيم شخصيته

لكل منا جانبه المظلم :)

اتذكر وان احدهم

هذا وان لم تخني الذاكره

افرد موضوعا هنا يقيم فيه

ابداعات غاندي ...

تم تعديل 17 مارس 2015 بواسطة باهى الطائر الحزين

[Grandma]

اتذكر وان احدهم

هذا وان لم تخني الذاكره

افرد موضوعا هنا يقيم فيه

ابداعات غاندي ...

لم يكن الموضوع لتقييم شخصية غاندي

لم اهاجمه او انتقده ... فقط تعجبت للخبر لاني لم أكن أعرفه من قبل

و ذكرت في الموضوع نفس الجملة السابقة

لكل قمر جانب مظلم و لكننا لا نريد منه الا جانبه الساطع المضىء

http://www.egyptiantalks.org/invb/index.php?showtopic=163305&hl=

و بعدين احنا خرجنا كدا أوي عن الموضوع اللي هو في الاصل نقد لحكومة لم تضع مشكلة محو الامية من أولوياتها

أشكرك على المتابعة

[محاور]

ازيك يا تيتة... عاملة ايه؟

خسارة ان موضوع جميل و خطير زى ده, مفيهوش نقاش و سجال كتير, رغم خطورته...

متفق معاكى بشكل كبير فى كلامك و لكن قبل ما اتكلم فى نقطة مسئولية المثقفين, خلينا نحدد الاميين الاول...

انا قاعد اليومين دول, اقرا فى كتاب اسمه Business Studies بيتم تدريسه لطلبة الثانوية فى انجلترا... و رغم ان الكلام فى الكتاب مش جديد عليا بشكل عام, و رغم ان النظام التعليمى فى الدول المتقدمة مش غريب عليا, إلان انى مصدوم و منبهر من مستوى المحتوى و من اسلوب الكتابة و من الارشادات كمان..

الكلام فى الكتاب واقعى بشكل كبير - حتى و ان كان تقليدى فى بعض النقاط, و لكنه واقعى... يعنى كتاب اى حد يقرأه هيتعلم منه, و ليس مجرد كتاب اكاديمى نظرى عشان تحفظه و تكتبه فى الامتحان و تنساه...

عشان كده المدارس فى مصر عاملة زى الزريبة... و الطالب هو البهيمة او البقرة... اللى بنوديها زرايب التسمين... و المناهج الدراسية هى العلف... و كل ما تاكل علف اكتر, كل ما تسمن اكتر...

المقصد من كلامى, ان الامى فى مصر مش بس اللى مدخلش مدارس, و لكن حتى اللى وصلوا لمرحلة الثانوى و يمكن الجامعة كمان, هتلاقى فيهم أميين كتير, و عندهم اخطاء املائية فى العربى, و معندهمش اى ادراك بالعالم اللى حواليهم.

يعنى احنا محتاجين نشتغل على محورين... محور تعديل المناهج الدراسية و اسلوب التدريس و النظام الدراسى, و ده شىء غير مكلف, لاننا هنستخدم نفس المدرسين فى نفس المدارس بنفس تكلفة طباعة الكتب, و نفس الطلبة... احنا بس هنعمل تدريب للمدرسين و ده هيكلف فلوس مش كتير, و هنعمل تعديل للمناهج...

المحور التانى يا تيتة هو قانون يتعمل بجرة قلم... ان أى طالب فى الجامعة, لازم يعلم فرد أمى واحد مع كل سنة دراسية او مع كل ترم دراسى.

يعنى يكون فيه إلزام على الطلبة انهم يندمجوا فى المشروع القومى الخطير ده... و يتم تأهيلهم فى دورة سريعة لكيفية التعليم... و طبعا الموضوع لازم يتعمل بجد, مش زى كل حاجة فى حياتنا فى مصر, و يطلع فى الاخر حبر على ورق.

فى خلال 15 سنة بالكتير, هنكون تخلصنا من مشكلة الامية بالكامل... و طبعا مع وجود برامج حكومية لمكافحة التسرب الدراسى, علشان مانضطرش نضيع وقت مع الاجيال الجديدة اللى طالعة.

بس انا فى النهاية عايز اقول لك خبر وحش يا تيتة و مش عايزك تفتكرى انى متشائم...

فيه إصرار تام على الامية و على الجهل للأسف, لان ده من مصلحة الحاكم...

على فكرة احنا نقدر نمنع التسرب الدراسى و نقدر نقضى على الامية من غير قوانين... لكن محدش هيسمح بده انه يحصل, لان زى ما انتى كتبتى, هيقولوا ان المجموعة دى بيتم تمويلها سواء من الخارج, او لنشر و ترويج افكار معينة على غرار الاخوان المسلمين مثلا...

و شوفى واحد زى عمرو خالد مثلا حصل فيه ايه؟

و على فكرة انا متفهم موقف الناس اللى بيقولوا على نفسهم انهم نخبة, و متفهم موقف شيوخ السلطان, و متفهم موقف الشخصيات العامة, فى انهم بيضطروا يمدحوا الحاكم علشان يستمروا فى الظهور, و بيضطروا انهم يتبنوا مواقف سياسية معينة بناءا على توجيهات من جهات سيادية...

و فى رأيى دى مسألة تقديرية... لكن انا مثلا لو بقيت شخصية عامة, هرفض انى اعمل ده و اخالف مبادئى, و افضل انى اختفى بعيد عن الاضواء او اسافر.... او اضحى و ادخل المعتقل او حتى استشهد فى سبيل افكارى... فالمسألة تقديرية فى النهاية.

يعنى المشكلة اصلا جاية من فوق... سببها الحاكم المتآمر اللى عايز الناس تفضل تايهة من غير ما يوصلوا للطريق.

[أبو محمد]

ازيك يا تيتة... عاملة ايه؟

عشان كده المدارس فى مصر عاملة زى الزريبة... و الطالب هو البهيمة او البقرة... اللى بنوديها زرايب التسمين... و المناهج الدراسية هى العلف... و كل ما تاكل علف اكتر, كل ما تسمن اكتر...

حتى اللى وصلوا لمرحلة الثانوى و يمكن الجامعة كمان, هتلاقى فيهم أميين كتير, و عندهم اخطاء املائية فى العربى, و معندهمش اى ادراك بالعالم اللى حواليهم.

تصدق صح ؟

أنا باشوف بقر وبهايم كتير بيكتبوا وعندهم أخطاء إملائية فى العربى

لابد من إصلاح التعليم اللذى يخرج لنا بقر وبهايم

ولابد من إغلاق المدارس .. قصدى الزرايب اللتى نعلف فيها البقر والبهايم

[مسافر زاده الخيال]

(اظن)ان -الأمية اي عدم معرفة القراءة و الكتابة-بشكل (مجرد)ليست-عيبا بالمطلق فالأمية ليست قرينة -الجهل و الغباء ابتداء...و الى اختراع -الطابعة لم يكن اغلب الناس يعرفون القراءة و الكتابة ومع ذلك كان من الأميين الملوك و الحكماء و المفكرين و التجار ال..خ...ولا يعني ذلك عدم التشجيع على (محو الأمية)فهناك امور لا تستقيم الا بتعلمهما (لكتابة العقود و المعاهدات و الحجج الشرعية و كثيرا من الأغراض الدينية و التدوين الخ من الاغراض التي نعرفها جميعا)..لكن كل ذلك ليس ملزما او شبه ملزم لتعلم كافة الناس ذلك...(مثلما انه غير ملزم ان يعرف جميع او اغلب الناس الطب او الهندسة البيولوجية)...و محاولة السير ضد-منطق الطبيعة-من الأسباب التي ساهمت في تعاسة البشر و البطالة...بينما كان الأقرب -لمنطق الطبيعة-هو وجود قلة -فاعلة-تعرف القراءة و الكتابة و متعلمة (بالمعنى الاكاديمي)و الباقون يركزون جل جهدهم لفلاحة الارض و الصيد والاعمال اليدوية الخ (هكذا قسم الله المواهب و القدرات العقلية و الجسدية بين الناس)...فلما سرنا وراء غرور الإنسان-الذي ما تدخل في شيء مبتعدا عن هدى الله الا فسد...انقلب ذلك علينا فجعلنا للتعلم و للمعرفة-بابا واحدا تقريبا وهو باب التعليم و الدراسة و الشهادات -والتي هي مفيدة لنمط معين من الناس ذوي قدرات عقلية و ذهنية واستعداد فطري معين-فكان من المنطقي ان يحدث من بعض الناس-ان يتسربوا من ذلك النمط (ليس لسوءه بل لعدم تأقلمهم معه)و نفسر عادة ذلك بانه دليل الفشل و الإهمال و البلادة و الغباء..رغم ان الحياة تعلمنا دائما عن مبدعين -فطريين-فاقوا بملايين المرات خريجوا النمط التعليمي الذي نعرف -فكم من شخص لا يقرأ ولا يكتب-قدراته العقلية حسابيا و ذاكرة و حفظ انساب-تفوقنا -نحن اسارى نمط تعليم معين و محدد...فالذي (اراه) ان استفادة كل فرد-اعتمادا على مواهبه و استعداده الفطري -اجدى من محاولة قسره على طرق(محدده للتعلم ومن ثم التطور)

[Grandma]

ازيك يا تيتة... عاملة ايه؟

الله يسلمك يا حفيدي العزيز .. ازيك انت ...شيفاك لسه بتصول و تجول بسيفك قصدي بقلمك واضح انك بتحب الكتابة و المشاكسة :)

خسارة ان موضوع جميل و خطير زى ده, مفيهوش نقاش و سجال كتير, رغم خطورته...

ولا خسارة ولا حاجة ... يعني انت شايف وزير التعليم ولا المسئولين قاعدين في منتدانا بيفرزوا في مواضيعنا و ياخدوا باقتراحتنا ... آهو آدينا بنفس عن نفسنا بشوية كلام وخلاص

متفق معاكى بشكل كبير فى كلامك و لكن قبل ما اتكلم فى نقطة مسئولية المثقفين, خلينا نحدد الاميين الاول...

انا قاعد اليومين دول, اقرا فى كتاب اسمه Business Studies بيتم تدريسه لطلبة الثانوية فى انجلترا... و رغم ان الكلام فى الكتاب مش جديد عليا بشكل عام, و رغم ان النظام التعليمى فى الدول المتقدمة مش غريب عليا, إلان انى مصدوم و منبهر من مستوى المحتوى و من اسلوب الكتابة و من الارشادات كمان..

الكلام فى الكتاب واقعى بشكل كبير - حتى و ان كان تقليدى فى بعض النقاط, و لكنه واقعى... يعنى كتاب اى حد يقرأه هيتعلم منه, و ليس مجرد كتاب اكاديمى نظرى عشان تحفظه و تكتبه فى الامتحان و تنساه...

يا بخت الناس دي بكتبها و مفكريها ومناهجها ... فعلا اي كتاب تقراه لهم لازم تستفيد حتى لو كان رواية أدبية ... الكاتب مش بس بيتحرى الدقة في معلوماته انما بيديك جرعة معلومات قيمة ... فما بالك بكتبهم العلمية ولا مناهج الدراسة ... احنا مناهجنا تكسف وخير مثال العصافير اللي راحت تولع في خيمة الصقور ... يعني مش بس معلومات من زمن أهل الكهف انما كمان تربية الاطفال على السلوك العدواني

عشان كده المدارس فى مصر عاملة زى الزريبة... و الطالب هو البهيمة او البقرة... اللى بنوديها زرايب التسمين... و المناهج الدراسية هى العلف... و كل ما تاكل علف اكتر, كل ما تسمن اكتر...

المقصد من كلامى, ان الامى فى مصر مش بس اللى مدخلش مدارس, و لكن حتى اللى وصلوا لمرحلة الثانوى و يمكن الجامعة كمان, هتلاقى فيهم أميين كتير, و عندهم اخطاء املائية فى العربى, و معندهمش اى ادراك بالعالم اللى حواليهم.

صحيح دا العادي بتاعنا ... اننا نتخرج مش فاهمين حاجة ومش بس كدا بنكون كرهنا التعليم و العلم و الثقافة ... واهم حاجة ندور على وظيفة علشان نعرف نعيش ... لذلك تلاقي خريج الطب بيشتغل نقاش

يعنى احنا محتاجين نشتغل على محورين... محور تعديل المناهج الدراسية و اسلوب التدريس و النظام الدراسى, و ده شىء غير مكلف, لاننا هنستخدم نفس المدرسين فى نفس المدارس بنفس تكلفة طباعة الكتب, و نفس الطلبة... احنا بس هنعمل تدريب للمدرسين و ده هيكلف فلوس مش كتير, و هنعمل تعديل للمناهج...

لو كنت انت وزير التعليم هتغير المناهج وتدرب المدرسين بس انا لو وزيرة التعليم :D هغير شكل التعليم كله مش بس هدرب المدرسين لاني شايفة ان التدريب مش هينفع معاهم ... وكنت هفضل اسلوب التعليم عن بُعد لان المدرسين اللي يصلحوا للشرح والتربية مش كتير

المحور التانى يا تيتة هو قانون يتعمل بجرة قلم... ان أى طالب فى الجامعة, لازم يعلم فرد أمى واحد مع كل سنة دراسية او مع كل ترم دراسى.

يعنى يكون فيه إلزام على الطلبة انهم يندمجوا فى المشروع القومى الخطير ده... و يتم تأهيلهم فى دورة سريعة لكيفية التعليم... و طبعا الموضوع لازم يتعمل بجد, مش زى كل حاجة فى حياتنا فى مصر, و يطلع فى الاخر حبر على ورق.

فى خلال 15 سنة بالكتير, هنكون تخلصنا من مشكلة الامية بالكامل... و طبعا مع وجود برامج حكومية لمكافحة التسرب الدراسى, علشان مانضطرش نضيع وقت مع الاجيال الجديدة اللى طالعة.

أيوه نفس فكرتي بس انا افضل ان يكون دا للبنات بدل الخدمة العسكرية و بعد الجامعة ...حرام نحمل الطالب وهو بيدرس فوق طاقته

بس انا فى النهاية عايز اقول لك خبر وحش يا تيتة و مش عايزك تفتكرى انى متشائم...

فيه إصرار تام على الامية و على الجهل للأسف, لان ده من مصلحة الحاكم...

انا عارفة نفس الخبر و فهماه بس مش متشائمة ... ربنا يصلح الحال ان شاء الله

على فكرة احنا نقدر نمنع التسرب الدراسى و نقدر نقضى على الامية من غير قوانين... لكن محدش هيسمح بده انه يحصل, لان زى ما انتى كتبتى, هيقولوا ان المجموعة دى بيتم تمويلها سواء من الخارج, او لنشر و ترويج افكار معينة على غرار الاخوان المسلمين مثلا...

و شوفى واحد زى عمرو خالد مثلا حصل فيه ايه؟

أعتقد عمرو خالد حصله اللي حصل لانه كان عنده شعبية كبيرة جدا تؤهله للقيادة ودا كان خطر على مبارك

و على فكرة انا متفهم موقف الناس اللى بيقولوا على نفسهم انهم نخبة, و متفهم موقف شيوخ السلطان, و متفهم موقف الشخصيات العامة, فى انهم بيضطروا يمدحوا الحاكم علشان يستمروا فى الظهور, و بيضطروا انهم يتبنوا مواقف سياسية معينة بناءا على توجيهات من جهات سيادية...

و فى رأيى دى مسألة تقديرية... لكن انا مثلا لو بقيت شخصية عامة, هرفض انى اعمل ده و اخالف مبادئى, و افضل انى اختفى بعيد عن الاضواء او اسافر.... او اضحى و ادخل المعتقل او حتى استشهد فى سبيل افكارى... فالمسألة تقديرية فى النهاية.

يعنى المشكلة اصلا جاية من فوق... سببها الحاكم المتآمر اللى عايز الناس تفضل تايهة من غير ما يوصلوا للطريق.

ما نقدرش نقول ان السبب الحاكم وحده وانما هي منظومة و شبكة فساد كاملة يمكن يكون اضعف حلقة فيها هو الحاكم ... احنا بنجيد صناعة الفراعنة و بنحب كدا وعاوزين كدا ... لكن مش أي حاكم ... اللي يجي على مزاجنا ... و لا يمكن اني انكر ان الشعب له دور في اللي بيحصل .

احييك على استعدادك للتضحية في سبيل افكارك .

[Grandma]

تصدق صح ؟

أنا باشوف بقر وبهايم كتير بيكتبوا وعندهم أخطاء إملائية فى العربى

لابد من إصلاح التعليم اللذى يخرج لنا بقر وبهايم

ولابد من إغلاق المدارس .. قصدى الزرايب اللتى نعلف فيها البقر والبهايم

مين اللي بيكتب الذي و التي كدا ؟!!!

شاورلي عليه وانا أمده على رجله

[Grandma]

(اظن)ان -الأمية اي عدم معرفة القراءة و الكتابة-بشكل (مجرد)ليست-عيبا بالمطلق فالأمية ليست قرينة -الجهل و الغباء ابتداء...و الى اختراع -الطابعة لم يكن اغلب الناس يعرفون القراءة و الكتابة ومع ذلك كان من الأميين الملوك و الحكماء و المفكرين و التجار ال..خ...ولا يعني ذلك عدم التشجيع على (محو الأمية)فهناك امور لا تستقيم الا بتعلمهما (لكتابة العقود و المعاهدات و الحجج الشرعية و كثيرا من الأغراض الدينية و التدوين الخ من الاغراض التي نعرفها جميعا)..لكن كل ذلك ليس ملزما او شبه ملزم لتعلم كافة الناس ذلك...(مثلما انه غير ملزم ان يعرف جميع او اغلب الناس الطب او الهندسة البيولوجية)...و محاولة السير ضد-منطق الطبيعة-من الأسباب التي ساهمت في تعاسة البشر و البطالة...بينما كان الأقرب -لمنطق الطبيعة-هو وجود قلة -فاعلة-تعرف القراءة و الكتابة و متعلمة (بالمعنى الاكاديمي)و الباقون يركزون جل جهدهم لفلاحة الارض و الصيد والاعمال اليدوية الخ (هكذا قسم الله المواهب و القدرات العقلية و الجسدية بين الناس)...فلما سرنا وراء غرور الإنسان-الذي ما تدخل في شيء مبتعدا عن هدى الله الا فسد...انقلب ذلك علينا فجعلنا للتعلم و للمعرفة-بابا واحدا تقريبا وهو باب التعليم و الدراسة و الشهادات -والتي هي مفيدة لنمط معين من الناس ذوي قدرات عقلية و ذهنية واستعداد فطري معين-فكان من المنطقي ان يحدث من بعض الناس-ان يتسربوا من ذلك النمط (ليس لسوءه بل لعدم تأقلمهم معه)و نفسر عادة ذلك بانه دليل الفشل و الإهمال و البلادة و الغباء..رغم ان الحياة تعلمنا دائما عن مبدعين -فطريين-فاقوا بملايين المرات خريجوا النمط التعليمي الذي نعرف -فكم من شخص لا يقرأ ولا يكتب-قدراته العقلية حسابيا و ذاكرة و حفظ انساب-تفوقنا -نحن اسارى نمط تعليم معين و محدد...فالذي (اراه) ان استفادة كل فرد-اعتمادا على مواهبه و استعداده الفطري -اجدى من محاولة قسره على طرق(محدده للتعلم ومن ثم التطور)

ما احنا قلنا من الاول ان المشكلة مش في الأمية لان أجدادنا كانوا اميين لكن عندهم ثقافة و ذكاء بالفطرة

دا احنا ممكن نتعلم من خبرة الأميين دول معلومات قيمة جدا عمرنا ما اتعلمناها في المدارس

و محاور أضاف ان فيه مدارس وجامعات بتخرج أميين ... التعليم الثانوي و الجامعي مش مقياس

لكن عصرنا الحالي بيتطلب تعليم اساسي علشان لازم نتعامل مع التكنولوجيا

حتى لو هتشتغل في الزراعة او التجارة اوكنت عامل بسيط ... في زمنا لازم تتلقى تعليم اساسي ودا في اعتقادي نوع من انواع العدالة الاجتماعية

حرام يكون العلم و التكنولوجيا في ايد ناس دون غيرهم لان غيرهم مش عارف يستخدمها او حتى مافيش عنه امكانيات يشتريها

في اوروبا بتلاقي اللي بيجمع القمامة قاعد في السينما جنب الطبيب ..ما تقدرش تميز مين عامل القمامة ومين الطبيب لان عامل القمامة حريص على مظهره و نضافته بيستخدم نفس الموبايل و السيارة مع انه لم يتلقى تعليم عالي ... لكن على الاقل نال قسط كفاية يمكنه من القراءة اللي بدورها بتحسن السلوكيات و المظهر العام .

احنا نفسنا في بلادنا يحصل كدا ...وزي ما بنحترم استاذ الجامعة نحترم العامل البسيط

[محاور]

تصدق صح ؟

أنا باشوف بقر وبهايم كتير بيكتبوا وعندهم أخطاء إملائية فى العربى

لابد من إصلاح التعليم اللذى يخرج لنا بقر وبهايم

ولابد من إغلاق المدارس .. قصدى الزرايب اللتى نعلف فيها البقر والبهايم

أستاذى الكريم أبو محمد...

بما انى من البهايم اللى بيكتبوا اللذى و اللتى... ما هو انا مش جى من سويسرا... ما انا من ضمن البهايم برضه... مفيش اعتراض :)

بس اوضح لك موضوع اللذى و اللتى و ليه انا بكتبها كده دايما, رغم ان الصحيح هو الذى و التى.

فيه حاجة فى اللغة العربية اسمها "التضعيف" او "التشديد", اى يتم جمع الحرف المكرر فى حرف واحد, زى ما بيحصل كده فى كلمة "الذى" و اللى بتتفك بعد كده و تبقى "اللذين", حيث يتم تفكيك اللام الى اتنين لام...

يعنى كلمة "الذى" أصلها "اللذى"... و كلمة "التى" أصلها "اللتى".. و التضعيف هو ما اخفى هذا التكرار لحرف اللام...

الكلام ده انا فاكره من ايام ما كانت بتشرحه ليا أبلة عزيزة مدرسة اللغة العربية و انا فى ابتدائى, الله يمسيها بالخير لو لسه عايشة, و يرحمها و يغفر لها لو كانت ماتت.

و من ساعتها و انا عندى العقدة دى, و هى انى دايما بكتب الذى بالشكل ده... اللى هو اللذى... و بكتب التى بالشكل ده.... اللى هو اللتى...

و هى دى قصة حياتشى. :) و ادينى اثبت لك عملى ان النظام التعليمى بيطلع بهايم... مهما الواحد وصل لعلم او ثقافة او التجارب... العلف لسه عامل شغل برضه.

تم تعديل 18 مارس 2015 بواسطة محاور

[Grandma]

أستاذى الكريم أبو محمد...

بما انى من البهايم اللى بيكتبوا اللذى و اللتى... ما هو انا مش جى من سويسرا... ما انا من ضمن البهايم برضه... مفيش اعتراض :)

بس اوضح لك موضوع اللذى و اللتى و ليه انا بكتبها كده دايما, رغم ان الصحيح هو الذى و التى.

فيه حاجة فى اللغة العربية اسمها "التضعيف" او "التشديد", اى يتم جمع الحرف المكرر فى حرف واحد, زى ما بيحصل كده فى كلمة "الذى" و اللى بتتفك بعد كده و تبقى "اللذين", حيث يتم تفكيك اللام الى اتنين لام...

يعنى كلمة "الذى" أصلها "اللذى"... و كلمة "التى" أصلها "اللتى".. و التضعيف هو ما اخفى هذا التكرار لحرف اللام...

الكلام ده انا فاكره من ايام ما كانت بتشرحه ليا أبلة عزيزة مدرسة اللغة العربية و انا فى ابتدائى, الله يمسيها بالخير لو لسه عايشة, و يرحمها و يغفر لها لو كانت ماتت.

و من ساعتها و انا عندى العقدة دى, و هى انى دايما بكتب الذى بالشكل ده... اللى هو اللذى... و بكتب التى بالشكل ده.... اللى هو اللتى...

و هى دى قصة حياتشى. :) و ادينى اثبت لك عملى ان النظام التعليمى بيطلع بهايم... مهما الواحد وصل لعلم او ثقافة او التجارب... العلف لسه عامل شغل برضه.

هو انت يا محاور اللي بتكتب اللذي و اللتي !!!

مع اني شوفتك كاتب بالعامية اللي بدل الذي

يا وقعة مطينة بطين mfb:

انت كدا وقعت ... ياللا مد رجلك مافيش يا تيتة ارحميني

[أبو محمد]

بس اوضح لك موضوع اللذى و اللتى و ليه انا بكتبها كده دايما, رغم ان الصحيح هو الذى و التى.

فيه حاجة فى اللغة العربية اسمها "التضعيف" او "التشديد"

أيوه خدناها دى فى سنة أولى .. فى أوائل الخمسينيات من القرن الماضى

وخدنا معاها اللذان و اللتان

:)

أنا حاقعد لك عالواحدة من هنا ورايح لغاية ما تعرف ان مش كل المصريين بقر وبهايم

(توقيع : اللهو الخفى)

[مسافر زاده الخيال]

ما احنا قلنا من الاول ان المشكلة مش في الأمية لان أجدادنا كانوا اميين لكن عندهم ثقافة و ذكاء بالفطرة

دا احنا ممكن نتعلم من خبرة الأميين دول معلومات قيمة جدا عمرنا ما اتعلمناها في المدارس

و محاور أضاف ان فيه مدارس وجامعات بتخرج أميين ... التعليم الثانوي و الجامعي مش مقياس

لكن عصرنا الحالي بيتطلب تعليم اساسي علشان لازم نتعامل مع التكنولوجيا

حتى لو هتشتغل في الزراعة او التجارة اوكنت عامل بسيط ... في زمنا لازم تتلقى تعليم اساسي ودا في اعتقادي نوع من انواع العدالة الاجتماعية

حرام يكون العلم و التكنولوجيا في ايد ناس دون غيرهم لان غيرهم مش عارف يستخدمها او حتى مافيش عنه امكانيات يشتريها

في اوروبا بتلاقي اللي بيجمع القمامة قاعد في السينما جنب الطبيب ..ما تقدرش تميز مين عامل القمامة ومين الطبيب لان عامل القمامة حريص على مظهره و نضافته بيستخدم نفس الموبايل و السيارة مع انه لم يتلقى تعليم عالي ... لكن على الاقل نال قسط كفاية يمكنه من القراءة اللي بدورها بتحسن السلوكيات و المظهر العام .

احنا نفسنا في بلادنا يحصل كدا ...وزي ما بنحترم استاذ الجامعة نحترم العامل البسيط

من مشاكل اﻻنسان المعاصر-تقديس واﻻعتماد شبه الكلي على التكنولوجيا...وقد بدأ هذا اﻻنحدار منذ الثورة الصناعية وبدأ يفقد اﻻنسان فطريته شيئا فشيئا...ﻷن اﻹنسان ظن بغرور طفل جاهل بانه بالعلم يستطيع اﻹستغناء عن الله و الدين...فمع ازدياد التطور المادي زادت انانية اﻻنسان و غبائه وطمعه وفقد ادميته....و سوف نصل عن قريب لسيطرة اﻻجهزة و اﻵﻻت على اﻻنسان بعدما تفنن اﻻنسان-لكسله لصنع اﻵت تفوقه موهبة و سرعة و نشاطا..ونحن اﻻن في دوامة ذلك ﻻ نستطيع فكاكا ....(حدث ان كنا في حديث جانبي مع مدير قسمنا وهو من الشباب المتعلم المؤهل جامعيا...فكنت اتحدث عن اﻻهوال التي كنت اراها عندما ابحث عن مواقع المحطات و اﻻبراج...فاجاب مندهشا كيف كنتم تصلون للمواقع دون GPS !!!!)....وقد كان لعهد قريب البدو عندنا يعرفون اﻻتجاهات في الصحراء عبر النجوم و شكل الكثبان الرملية و حركة الهواء بفطرية مدهشة ...بينما نحن ان لم تسعفنا تطبيقات الموبايل فلن نصل لمبتغانا؟؟؟ (هذا دليل على تراجع قدراتنا العقلية اما بفعل فاعل او هو انحدار طبيعي للإنسان....وهناك اتجاهات فكرية في الغرب ...ترى ان مؤسسة المدرسة School تعمل على تدمير قدرات اﻷطفال العقلية ونها ﻻ تعلم بشكل طبيعي بل بشكل مهندس تقسر عقول الناشئة قسرا على استقبال المعلومة...مثال ذلك تعلم اللغة (كان اﻻنسان القديم يسافر و يهاجر و يتزوج و يعاشر البشر في كل مكان بشكل طبيعي وكانوا يتعلمون اللغة بشكل طبيعي قريب لتعلم اﻷطفال..بشكل افضل بكثير من الطريقة اﻻكاديمية ...انظر الى البدو عند اﻻهرامات كيف يتحدثون عدة لغات -بشكل طبيعي ﻻ يستطيعه الدارس اكاديميا اﻻ بمشقه.....وعلم الحساب كيف كان التجار-اﻻميين يحسبون وﻻ افضل حاسبة دون الجداول و الرسوم البيانية!!!)...وكيف بنى اﻻقدمون بناياتهم التي صمدت قرونا دون تخطيط الرسم الهندسي...فانا محتار حقيقة هل العلم بمعناه المادي ضد الفطره ورغم انجازاته التي ﻻ تنكر فان نهايته ضد اﻻنسان؟؟؟؟هل بمقدورنا اﻻستغناء عن العلم و التعلم بهذه الطريقة المادية....الحقيقه ﻻ اعرف...........