حد اخد باله من دى

[احمد رضوان]

برنامج المرشح محمد حسنى مبارك يقول

-----------------

- برنامج المليون فدان " استصلاح مليون فدان"

-حقق استصلاح 2 مليون فدان

----------------------------------------------------

يعنى فى خلال 24 سنو 2 مليون فدان مستصلحة وفى خلال الستة القادمة مليون كامل طب ازاى لو حسبناها بالعقل 2 ÷ 24 يعنى 500 الف كل 6 سنوات فقط.

----------------------------------------------------

هتقا بعض الجماهير للسيد محمد حسنى مبارك مرشح الحزب الوطنة كانت:

حسنىىىىىىىى هوووو هووووو

حملة أيمن نور فى المحلة

-------------------

الجمهور يهتف بالروح بالدم نفديك يا ايمن ----- وفاجأة سقط ايمن وكل من على المنصة بعد ان انهارت بهم المنصة.

أيمن نور فى بورسعيد كان يركب سيارة مكشوفة سبور والجماهير تجرى خلف السيارة فى مشهد انتخابى فظيييييييييع حاجه كده زى انتخابات كفر البطيخ.

حملة الدكتور نعمان جمعة

---------------

فتاة تسأل عن رأيها فتقول طالما الدكتور نعمان قال يجب ان ندرس مشاكلنا قبل حلها يبقى هو راجل فاهم ولازم ننتخبه.

اصدقائى لو حد شايف ملاحظات زى دى يا ريت يشاركنا

[shawshank]

برنامج المرشح محمد حسنى مبارك يقول

-----------------

- برنامج المليون فدان " استصلاح مليون فدان"

-حقق استصلاح 2 مليون فدان

سؤال فني: مساحة مصر كام فدان؟

[Alshiekh]

برنامج المرشح محمد حسنى مبارك يقول

-----------------

- برنامج المليون فدان " استصلاح مليون فدان"

-حقق استصلاح 2 مليون فدان

سؤال فني: مساحة مصر كام فدان؟

<{POST_SNAPBACK}>

مساحة مصر حوالى مليون كيلو متر مربع ، يعنى حوالى 238 مليون فدان اجمالا

حيث الفدان 4200 متر مربع

[هادي]

في موقع كل الطلبة

وهو موقع خاص بطلبة جامع ةالقاهرة

من الكليات المختلفة

وجدت تلك الوصلة المفيدة التي تعبر عن نبض كثير من الشباب

في موضوع ترشيح الرئيس

موقع كل الطلبة

وسلامتكم

[echo_eg]

حد اخد باله من دى

مصر هى اول دولة فى العالم وعلى مدار التاريخ ان المرشحون المتنافسون على الرئاسة يبلغ عشر مرشحين و المفاجاة ان بعض من المرشحين ينتخبون مرشح الحزب الوطنى امال هما جم يعملو اية :lol: واظاهر كدة ان فى حاجة غلط او افتكر كدة ممكن :lol: تنتشر يعنى لو انتى معايا هخاليك ضدى قدام الناس و لا عزاء للديمقراطية :lol:

[احمد رضوان]

على السريع كده

مرشح الحزب الوطنى السيد محمد حسنى مبارك فى المنصور أمس عرض جزء من البرنامج الخاص به وهو حل مشكلة البناء فوق الأراضى الزراعية واوضح ان هناك تصوير بالطائرات لتغيير كردون 84 ..... اووبببسسسسسسسسس

يعنى مزيد من الأرض الزروعة سوف تدخل كردون المبانى ..... يعنى المليون فدان اللى وعد باستصلاحهم سوف تفقد مصر امامهم مئات الآلاف من الفدادين الطينية ... طيب بالذمة ده اسمه كلام ولا هى طلسأة وخلاص.

[se_ Elsyed]

بص يا رادوس يا بني

الحكومة تتعامل مع مشكلاتنا بطريقة الأوهام ..

بمعنى إيه .. هما جم في مطلع الثمانينات ولقوا البناء على ودنه في مصر .. وبناء يعني طوب أحمر ... يعني أرض بتتجرف وبياخدوا الوش الأولاني من الأراض الطينية اللي الخصوبة كلها فيها ويعملوه طوب ... وكثير من الفلاحين بيضطروا لبيع هذا الطمي عشان بيبقى عليهم ديون وإلتزامات والدولة الرشيدة بتسيبهم يواجهوا المجهول .. فالدولة قررت تحديد كردونات مباني لإيقاف البناء على الأرض الزراعية وعملت محاكم عسكرية وقضايا للي يبني على الأرض ، ومع ذلك كل اللي بنوا كسبوا القضايا ودفعوا غرامات هزيلة وإترستأقوا في بيوتهم .. وإحنا نفسنا عملنا كده في بلدنا بالشرقية ...

فمعنى ذلك إن التصوير بتاع 85 ما بقاش له وجود أساساً والدولة إتحطت قدام أمر واقع وبالتالي من الغباء أن تتجاهل هذا الواقع .. أو بمعنى أصح عايزنا نرجع زي زمان قول للزمان إرجع يا زمان ..

يعني تبقى الدولة لا حلت لهم مشاكل الإسكان ولا سابتهم يبنوا حتت بيت يتاووا فيهم عيالهم ..

ومن غباء الدولة في التعامل مع هذا الموضوع هو التالي :

1- عدم توفير بدائل للطوب الأحمر الذي يستنزف الطبقات الخصبة من الأرض الزراعية .

2- عدم تشجيع التوسع الرأسي في الريف وبالتالي يضطر الفلاحون إلى التوسع الأفقي على حساب الأرض الزراعية .

3- عدم توفير قروض ميسرة للفلاحين لبناء مساكن حديثة لهم ولإبناءهم .. فمن المعروف بإن من طبيعة الريفيين كثرة الإنجاب أو ما نسميها بالعزوة ... فبالتالي الفلاح بيعمل اي حاجة عشان يبني .

4- الأصرار على مسمى كردون مباني سنة 85 الذي جار عليه الزمن وأصبح ماضي وتغيرت الصورة تمامً ومع ذلك لم تتغير عقلية الحكومة المتحجرة .

[se_ Elsyed]

بالمناسبة ..

-حد خد باله من شوية الشباب الوظاويظ اللي ساحبهم وراه في كل زيارة وبيقعدوا خلفة على المنصة في كل زيارة وحطين بادج على صدرهم .. أعتقد دي صورة الريس .. طبعاً دول كومبارس صامت من شباب الحزب الوطني .. وكل واحد فيهم بياخد اللي فيه النصيب بعد الزيارة .

- حد خد باله من إن الريس غير نوعية الصبغة اللي بيحطها على شعره وبقت لونها مطفي شويه مش لميع زي زمان ؟

- وحد خد باله من إن القائمين على حملة الدعاية للريس كجوولوه .. لوووه ... لوووه ... وما بقاش يلبس كرافته .. وكل بدله بقت سبور وألوانها فرايحي .. وأنا خايف بعد فترة يفتح زراير القميص لحد ركبته ويبقى زي تامر حُسني بتاع فيم " سيد العاطفي " اللي بيتبع معانا سياسية القميص المفتوح .. على أساس يعني إن الريس يثبت لنا إن صدره يتسع للجميع .. <_<

آه ياني ياما ... ده أحنا هانشوف أيام سودا ... وآه وآه من العجوز المتصابي ... أو اللي فاكر نفسه يستيطع أن يتحدى الزمن ...

[echo_eg]

حد اخد باله من دى

مصر هى اول دولة فى العالم وعلى مدار التاريخ ان المرشحون المتنافسون على الرئاسة يبلغ عشر مرشحين و المفاجاة ان بعض من المرشحين ينتخبون مرشح الحزب الوطنى امال هما جم يعملو اية  واظاهر كدة ان فى حاجة غلط او افتكر كدة ممكن  تنتشر يعنى لو انتى معايا هخاليك ضدى قدام الناس و لا عزاء للديمقراطية

فاجأ أحمد الصباحي - رئيس حزب الأمة ومرشحه لانتخابات الرئاسة المصرية - جميع الحاضرين بمؤتمره الصحفي، بإعلان تأييده لترشيح مبارك لفترة رئاسية خامسة !!.

وأثنى الصباحي على قيادة مبارك للبلاد طوال الـ 24 عاماً السابقة قائلاً :" إن مبارك أرسى قواعد الديمقراطية في البلاد، وحفظ لمصر مكانتها على الصعيدين الإقليمي والدولي ".

وأكد الصباحي أن هدفه من خوض الانتخابات هو لمجرد إرساء وترسيخ الديمقراطية والحرية كما ينادى الرئيس مبارك - أي مشاركة رمزية لا غير !! .

من جانبه صرح سامي حجازي - نائب رئيس حزب الأمة - إن اختيار الصباحي ما هو إلا تكريم لرئيس الحزب على مجهوداته على الرغم من بلوغه سن التسعين.

وقال ان بعض قوى المعارضة قد جانبها الصواب في قرار مقاطعة الانتخابات، وأكد أن التاريخ سيكتب لمبارك أنه غير الحياة الديمقراطية في مصر بعد أن أصبح اختيار رئيس الجمهورية بالانتخاب وليس الاستفتاء.

وما يدعو للتعجب أن الصباحي برغم تأييده لمبارك قال ان برنامجه الانتخابي يهتم بالمشاكل الاقتصادية التي تعانى منها البلاد ويركز على الإصلاح الداخلي في الأجهزة الحكومية من خلال التخطيط الجيد.!

[مصرى00]

انا قرأت بالحياة التالى :

عن نعمان جمعة :

لما كان ببورسعيد وكان هناك هتافات له ..... فخرج بعيد عن الميكرفونات ونسى انه معلق واحد على الجاكيت وقال.....

.......... هو الواد ابن ؟؟؟؟ .... ؟؟؟؟ ده ما حدش عارف يسكته ............. طبعا انا ماقدرش اكتبها لأنها لفظة قذرة

ودى من شخص لسه لم يستلم الحكم مابالك لما يبقى ريس ....... هل سيحترم الشعب ؟؟؟؟؟؟؟؟؟؟؟؟؟

عن حسنى مبارك :

لما كان بالمنيا وعند زيارة المواطن البسيط ساعتها قالوه انت فاكر ياريس فلان ال انت سلمت عليه عندما افتتحت الكوبرى

من كام سنة ........... الشرطة جت بعد كدة واخدته ........... فقال له الريس بضحك .......خلى بالك من نفسك بقى ..........

[shawshank]

انا قرأت بالحياة التالى :

عن نعمان جمعة :

            لما كان ببورسعيد وكان هناك هتافات له ..... فخرج بعيد عن الميكرفونات ونسى انه معلق واحد على الجاكيت وقال.....

            .......... هو الواد ابن ؟؟؟؟ .... ؟؟؟؟ ده ما حدش عارف يسكته ............. طبعا انا ماقدرش اكتبها لأنها لفظة قذرة

              ودى من شخص لسه لم يستلم الحكم مابالك لما يبقى ريس ....... هل سيحترم الشعب ؟؟؟؟؟؟؟؟؟؟؟؟؟

<{POST_SNAPBACK}>

حدث شئ مماثل من زوجة كيري في انتخابات الرئاسةالأخيرة ، فعندما سألها صحفي سؤالا ردت مستفسرة عن اسم الجريدة التي يعمل لها ، و عندما أجابها بالاسم ردت: Shove it ... و المعنى مفهوم.

هذه هي الديمقراطية من أستاذتنا و قدوتنا أمريكا.

[شاعرالرومانسية]

حاجة قديمة شوية بس تفطس من الضحك ...

اخونا الفلاح الامريكانى " اللى بياخد معاش من الحكومة 430جنية مصرى...!!!" ودة الالاقابل الريس فى المنيا تقريبا ...

فى بيان الخبر بجميع الصحف قالو ان الريس كان ماشى بالعربية فى الزراعية ..يارب أقابل حبيبى ...قوم اية شاف كوخ .. راح قايل للسواق عدى على الجماعة الغلابة ( بياخدوا معاش حكومى قدرة 430 جنية ) اللى ساكنين فى الكوخ دول نشوف اخبارهم قام نازل من العربية وفاجأ الراجل ومراته وشرب الشاى.. لحد كدة كويس ..... كيويس

فى نفس البيان الهام دة ...قالوا فى نهاية الزيارة الراجل الكبارة دة قام مطلع قصيدة عصماء مكونة من كام صفحة وهاتك يا مدح فى الريس ...لدرجة ان الريس هزر معاه وقاله دا انت خطيب كبير بقى ( خطيب يعنى بيخطب حلو ...مش بيلعب كورة حلو ووو...)

وطبعا ما نسيش وهو ماشى انه يوصى اللى معاه يطلعوا عمنا الحاج دة ( اللى بيقبض معاش حكومى قدرة 430 جنية ) هو ومراته الحجاز .... طبعا لما الراجل طلب منه دة ... مع انه قاله فى وسط الكلام انه حاج قبل كدة....!!

انتهت النكتة والخبيان سابلنا التفكير فى كيفية كتابة عمنا الحاج دة ( اللى بيقبض معاش حكومى قدرة 430 جنية ) للقصيدة العصماء ..مع ان الريس عدى علية فجاءة وبدون ترتيب ... اى والله بدون ترتيب

على فكرة ياجماعة ،،،، انا كنت بهزر ...

الموضوع بسيط للغاية ومش محتاج تفكير ولا فلحصة مننا

الحاااج من يومين اتعشى عشوة دسمة شوية وناااااااااام ..قام اية شاف واحد فى المنام جايلة وهو لابس ابيض فى ابيض وقاله ...

انا الريس ... وحعدى عليك " فى زيارة مفاجأة "......

بعد يومين

بس خلاص

ودى كانت حكاية الحاج الكبارة ( اللى بيقبض معاش حكومى قدرة 430 جنية )