إتفاقية "مبادئ إطارية" بين مصر والسودان وأثيوبيا حول سد النهضة الأثيوبى

[أبو محمد]

وَالْفَجْرِ

[محاور]

أومال إيه ده ؟

إيش حال لو ما كانش فى نفس الصفحة اللى بتسأل فيها ؟

الكلام ده استنباط يعنى ولا كلام رسمى؟

لإن سفير مصر فى السودان كان بيتكلم عالتليفزيون الرسمى, و أكد ان البنود سرية و محدش يعرف حاجة عن الاتفاق بالظبط...

فأنا عايز اتأكد إذا كان ده النص الكامل للإتفاقية ولا مجرد تكهنات او تسريبات؟

النقطة الاهم... احنا ليه اتفاجئنا بالموضوع ده؟ هو مش مفروض انه يطلع و يتكلم و يقول انا بعمل كذا كذا؟ ولا بيتصرف من دماغه؟

لو بيتصرف من دماغه و شايفنا طرابيش مفيش مشكلة, بس يقول. :)

[abaomar]

السلام عليكم

يا محاور إستنباط ايه اللى بتتكلم عليه ...ما تأخذنيش ده إستعباط

مبدأ التعاون والتنمية والتكامل الاقتصادي.

- التعهد بعدم إحداث ضرر ذي شأن لأي دولة.

- الاستخدام المنصف والعادل للمياه.

- التعاون في عملية الملء الأول لخزان السد.

- التعاون السنوي في تشغيل السد.

- مبدأ بناء الثقة.

- مبدأ تبادل المعلومات والبيانات.

- مبدأ أمان السد.

- مبدأ احترام السيادة ووحدة أراضي الدولة.

- مبدأ الحل السلمي للنزاعات

تحس إنك قاعد فى قرايه فاتحه

..

ناقص بس يكتبوا و حياه الأخوه و العيش و الملح .

اول مره اشوف اتفاقيه بين دول تحدد شيئا خطيرا بهذا الشكل بدون اى الزام

لا تاريخ و لا مواعيد و لا حصص مياه و لا اى ارقام و لا عقوبات او جزاءات

اى عبث هذا الذى تساق اليه مصر .

على كل حال الماء ليس اغلى من ...الدماء .

[أبو محمد]

مفيش فايدة

إعملوا حيطة .. حيطة حيطة

لأنكم لا يمكن تفهموا الفرق بين Framework و Treaty

أو يمكن - بقول يمكن - تكونوا فاهمين (طشاش يعنى) بس الطبع يغلب التطبع

فالخلط واللخبطة خِلـَّة فى بعض العقول

[egyptawy]

انا مش فاهم حاجة

التزامية زى ده معناها اعتراف ولو جزءى بالسد الى رفض البنك الدولى تمويله سنة 2011 لانه مخالفات للاتفاقات الدولية

ازاى الملف ده سرى كده وهو يخص كل الاجيال الجاية

لازم نفهم ايه الى بيحصل

[أبو محمد]

انا مش فاهم حاجة

التزامية زى ده معناها اعتراف ولو جزءى بالسد الى رفض البنك الدولى تمويله سنة 2011 لانه مخالفات للاتفاقات الدولية

ازاى الملف ده سرى كده وهو يخص كل الاجيال الجاية

لازم نفهم ايه الى بيحصل

البنك الدولى كان ولا يزال ممتنع لأن السد عليه خلاف لم يُحل بعد

الاتفاقية الإطارية ليست معاهدة أو اتفاقية قانونية لحل نزاع

هى اتفاق على محددات التفاوض لحل المشكلة

يعنى اللى بيقولوا عليها لما تكون داخل تحكيم مثلا .. مشارطة التحكيم

Terms Of Reference - TOR

زى مشارطة التحكيم حول طابا

أو تقدر تقول إنها الميثاق الذى سيلتزم به الطرفان فى سعيهما لحل مشكلة ما

وليست هى الاتفاقية أو المعاهدة لحل تلك المشكلة

[أبو محمد]

محمد محسوب : "الحل الوحيد لإلغاء توقيع السيسي على وثيقة سد النهضة هو عمل استفتاء عليه"

طب ما نعمل استفتاء ونشوف إذا كنت "سعاد" ولا "محسوب" علينا راجل

[herohero]

مداخلتي قد تكون غريبة حبتين
هل هناك حل عملي قابل للتطبيق غير التوقيع على الاتفاقية ؟؟؟

انا عملت في قطاع مياه النيل -وزارة الري والمواردي المائية وهذا القطاع كان بمثابة وزارة الخارجية المصرية والكلام ده من 2006 وبصراحه الوفد الاثيوبي ووزير الري بتاعهم كان بيقعد حاطط رجل ع رجل وبيتكلم بمنتهى الكبر وبصراحه معاه حق موقفهم قوي واحنا اللي محتاجين

خلال الفترة ده هل مصر كان لها موقف سياسي !!! لا والرئيس مبارك كان رافض بناء السد بس هل عمل اي نشاط ف ده لا !! في مثل هذه المواضيع القوى الناعمة هي الحل
مرسي جه ومن بعده الرئيس السيسي بعد ما كل شئ بقى جاهز فاللي هيفتح صدره ويتكلم كلام ف مؤتمر سري علني او يمضي ع اتفاقية ماتحملهوش اكثر من ما يستطيع لان باختصار هو ده المتاح السد هيكمل وهيشتغل تعالوا نتكلم ع مرحلة ما بعد بناء السد ، مصر مجبرة ع قبول شروط اثيوبيا ومن زمااااااااان الاتفاق الاطاري كانت اثيوبيا رافضة تمضي عليه باختصار عاوزاه ع مزاجها

من الاخر ما قام به الرئيس السيسي هو شئ ضروري اختيار الضرورة والظرف الحالي صح او غلط مش ادامك الا هو

[أبو محمد]

لم تجرؤ أثيوبيا على اتخاذ أى خطوة عملية لبناء السد حتى قيام الثورة المجيدة فى 2011

فاكرين - أثناء غياب الدولة المصرية - وفد الديبلوماسية الشعبية .. لإثناء أثيوبيا عن الاستمرار فى بناء السد ؟

فاكرين زيارة مرسى لأثيوبيا .. ويادوب ركب الطيارة ووصل مصر لقى أثيوبيا بتحول مجرى النيل الأزرق ؟

فاكرين مؤتمر "الشيخ حسنى" اللى كان بيتكلم والميكروفون مفتوح والحى كله بيسمع الفضايح ؟

هذا ما جعل السد الأثيوبى أمرا واقعا رغما عن أنف مصر

أثيوبيا استغلت وضع السيولة فى مصر خلال السنوات الأربع العجاف .. وهذا حقها

الآن .. مصر تستكمل عناصر "القوة الشاملة" ومن ضمنها أو من أهداف بنائها العودة إلى موقع الريادة الإقليمية

وبسبب تنامى هذه "القوة الشاملة" تحول الموقف من مجرد إرغام مصر على قبول الأمر الواقع إلى

"المشاركة فى إدارة الأمر الواقع"

اللى مش قادر يشوف من الغربال يبقى - لا مؤاخذة - أعمى أو بيعمل نفسه أعمى

[herohero]

اظن كده بقى حسمت القضية

[محاور]

اظن كده بقى حسمت القضية

طالما انها ارادة ربنا, يبقى فى الحالة دى الخونة اللى زيى لازم يخرسوا خالص...

و يقول لك ثورة دينية و مندخلش الدين فى السياسة... يا أخى لأه :)

[الدكتور ياسر]

مصر مجبرة ع قبول شروط اثيوبيا ومن زمااااااااان الاتفاق الاطاري كانت اثيوبيا رافضة تمضي عليه باختصار عاوزاه ع مزاجها

من الاخر ما قام به الرئيس السيسي هو شئ ضروري اختيار الضرورة والظرف الحالي صح او غلط مش ادامك الا هو

تحول الموقف من مجرد إرغام مصر على قبول الأمر الواقع إلى المشاركة فى إدارة الأمر الواقع

سؤال جاد وليس ساخر

ماالذى يجبر مصر على مبدأ اخف الضررين , نحن نستيقظ صباحا فنفاجأ بضربة جوية لداعش في ليبيا

ثم فجأة نسمع عن قواتنا تضرب الحوثيين في اليمن , يعنى العملية مسافة السكة صحيح !

لماذا لم نرى هذا الحزم و الحسم في أهم قضية تمس حياة المصريين وهي موارد المياة ؟؟ حتى لو كان الموقف الأثيوبي أقوى ,

فمعلوم ان المصالح فوق كل اعتبار , والتاريخ لا يكتبه الا الاقوياء .

لماذا لم يعلن السيسي رفضا قاطعا لبناء السد ولم يهدد مثلا بضربة جوية إن قامت أثيوبيا ببنائه رغما عن مصر ؟؟!!

تم تعديل 30 مارس 2015 بواسطة الدكتور ياسر

[eslam elmasre]

طالما انها ارادة ربنا, يبقى فى الحالة دى الخونة اللى زيى لازم يخرسوا خالص...

و يقول لك ثورة دينية و مندخلش الدين فى السياسة... يا أخى لأه :)

طب ليه كده

تعارض كلام استاذ الحديث وعلومه ورئيس جامعة الازهر الاسبق

ده كلامه لا يراجع واذا راجعته ممكن يطلعلك حديث يوديك في ستين داهية و ممكن يحكم عليك بالردة والعياذ بالله

تم تعديل 30 مارس 2015 بواسطة eslam elmasre

[أبو محمد]

سؤال جاد وليس ساخر

ماالذى يجبر مصر على مبدأ اخف الضررين , نحن نستيقظ صباحا فنفاجأ بضربة جوية لداعش في ليبيا

ثم فجأة نسمع عن قواتنا تضرب الحوثيين في اليمن , يعنى العملية مسافة السكة صحيح !

لماذا لم نرى هذا الحزم و الحسم في أهم قضية تمس حياة المصريين وهي موارد المياة ؟؟ حتى لو كان الموقف الأثيوبي أقوى ,

فمعلوم ان المصالح فوق كل اعتبار , والتاريخ لا يكتبه الا الاقوياء .

لماذا لم يعلن السيسي رفضا قاطعا لبناء السد ولم يهدد مثلا بضربة جوية إن قامت أثيوبيا ببنائه رغما عن مصر ؟؟!!

هذا أمر وارد يا دكتور لو ثبت تعنت أثيوبيا وإصرارها على الإضرار بنا

والسياسة لا تمارس بالمنطق الطفولى الذى ظهر فى مؤتمر الشيخ حسنى

الطفل لا يعرف سوى الأبيض والأسود .. لا يعرف سوى الكخ والدح

ويضرب بيده الصغيرة كل ما لا يعجبه

الراشدون يوازنون بين المكسب والخسارة

وباللغة الشرعية بين المصالح والمفاسد .. بين الحال والآجل

[أبو محمد]

السيسى : إتفاقيات مياه النيل يجب تغييرها بسبب الزيادة السكانية

:dirol:

السيسى باع النيل

[أبو محمد]

إخوانجى يشهد على مصايب إخوانجى

تعليق البشير على اجتماع مرسى المسخرة

وتأثيره على العلاقات الأفريقية العربية (وليست المصرية فقط)

https://www.youtube.com/watch?v=LlbMf7q5ZO0

[eslam elmasre]

احنا لو اجلنا الحل لغاية ما يتبنى السد يبقى احنا بندفن راسنا في الرمل

الموضوع مش محتاج توضيح او تطمين لان فيه سد اسمه سد معمول عشان يسد مية وراه

المية دي هاتيجي منين ؟ اكيد من منحدرات اثيوبيا

المية دي كانت بتصب في مصر

يبقى لما يتعمل السد اكيد هايعوذو يملوه

هايملوه من نصيبنا

يبقى اكيد المية اللي كانت بتوصلنا هاتقل كتير يبقى احنا ممكن بل اكيد هانعطش لان ماعندناش بديل ونفضل نتذلل لهم عشان يفتحو الحنفية شوية

وطالما مالقوش رد فعل رادع مننا يبقى التطور الطبيعي انهم هايطمعو في مزيد من المشاريع مثلا يحولو المية الزيادة لاماكن محتاجة مية عندهم وبكده احنا نردم نهر النيل لانه هايجف تماما

الموضوع مالوش غير حل واحد الاثيوبيين هايجبرونا عليه كلنا عارفينه لكننا نتجاهله وندفن رؤوسنا في الرمال

إن عاجالا او أجلا موضوع السد ده سيؤدي لحرب

يا اخد قوتي يا ناوي على موتي

[herohero]

احنا لو اجلنا الحل لغاية ما يتبنى السد يبقى احنا بندفن راسنا في الرمل

الموضوع مش محتاج توضيح او تطمين لان فيه سد اسمه سد معمول عشان يسد مية وراه

المية دي هاتيجي منين ؟ اكيد من منحدرات اثيوبيا

المية دي كانت بتصب في مصر

يبقى لما يتعمل السد اكيد هايعوذو يملوه

هايملوه من نصيبنا

يبقى اكيد المية اللي كانت بتوصلنا هاتقل كتير يبقى احنا ممكن بل اكيد هانعطش لان ماعندناش بديل ونفضل نتذلل لهم عشان يفتحو الحنفية شوية

وطالما مالقوش رد فعل رادع مننا يبقى التطور الطبيعي انهم هايطمعو في مزيد من المشاريع مثلا يحولو المية الزيادة لاماكن محتاجة مية عندهم وبكده احنا نردم نهر النيل لانه هايجف تماما

الموضوع مالوش غير حل واحد الاثيوبيين هايجبرونا عليه كلنا عارفينه لكننا نتجاهله وندفن رؤوسنا في الرمال

إن عاجالا او أجلا موضوع السد ده سيؤدي لحرب

يا اخد قوتي يا ناوي على موتي

بس الحل عمره ماهيكون بالقوة ، انا اشتغلت في قطاع مياه النيل زمان سنة 2005 وكنت بشوف تكبر وتعنت الوفد الاثيوبي 

من وقتها وهم بيتعاملوا دائما من منطلق قوة ، صحيح الدكتور محمود ابو زيد وابنه احمد ابو زيد كانوا بيجيدوا التفاوض بس برده الاثيوبيين موقفهم قوي من زمان ومازلت مصر ان خطأ مصر في انها اتاخرت في استخدام القوى الناعمة وان مصر خدت موقف من ساعه محاولة اغتيال الرئيس مبارك سنة 95

[eslam elmasre]

اي دولة بتشعر ان مصالحها العليا والاستراتيجية هاتتأثر بفعل دولة ثانية لازم يبقى لها رد فعل على نفس الوزن 

احنا بنتكلم عن مية 

مية يعني حياة وكما قال هيردوت مصر هبة النيل Egypt gift  the Nile يعني مصر اصبحت مصر لان فيها النيل لان لو ماكنش فيه نيل ما كنش فيه مصر صاحبة التاريخ العريق 

كما انه لا توجد بدائل لنا يعني ماعندناش مطر بكثافة مثل دول كثيرة وتكلفة رفع المياه الجوفية تكلفة عالية جدا وتحلية المياة اعلى واعلى 

يبقى مافيش ادامنا الا نهر النيل 

ماذا سيحدث اذا قلت حصة مصر من مياه النيل ؟

ستحدث ان الاراضي التي كان يرويها نهر النيل ستصاب بالجفاف وبالتالي سيقل المحصول ويحدث ايضا ان مياه النيل التي نستهلكها في المنازل والمشاريع الانتاجية ستتأثر وخصوصا وانه لا توجد بدائل يمكننا الارتكان عليها 

يبقى ايه الحل غير انك تحافظ على مصالحك وبعدك الاستراتيجي بانك تمنع البلى قبل وقوعه زي ما اسرائيل ضربت المفاعل الذري العراقي لمجرد انها تخوفت من انتاج سلاح ردع من العراقيين ولم تنتظر حتى يتم التبرير 

[أبو محمد]

اي دولة بتشعر ان مصالحها العليا والاستراتيجية هاتتأثر بفعل دولة ثانية لازم يبقى لها رد فعل على نفس الوزن 

احنا بنتكلم عن مية 

مية يعني حياة وكما قال هيردوت مصر هبة النيل Egypt gift  the Nile يعني مصر اصبحت مصر لان فيها النيل لان لو ماكنش فيه نيل ما كنش فيه مصر صاحبة التاريخ العريق 

كما انه لا توجد بدائل لنا يعني ماعندناش مطر بكثافة مثل دول كثيرة وتكلفة رفع المياه الجوفية تكلفة عالية جدا وتحلية المياة اعلى واعلى 

يبقى مافيش ادامنا الا نهر النيل 

ماذا سيحدث اذا قلت حصة مصر من مياه النيل ؟

ستحدث ان الاراضي التي كان يرويها نهر النيل ستصاب بالجفاف وبالتالي سيقل المحصول ويحدث ايضا ان مياه النيل التي نستهلكها في المنازل والمشاريع الانتاجية ستتأثر وخصوصا وانه لا توجد بدائل يمكننا الارتكان عليها 

يبقى ايه الحل غير انك تحافظ على مصالحك وبعدك الاستراتيجي بانك تمنع البلى قبل وقوعه زي ما اسرائيل ضربت المفاعل الذري العراقي لمجرد انها تخوفت من انتاج سلاح ردع من العراقيين ولم تنتظر حتى يتم التبرير 

 

أنا كنت من رأيك ده يا أستاذ إسلام

أول ما الصفعة نزلت على قفا مرسى بمجرد أن استدار ليعود من أديس ابابا إلى القاهرة

حيث أنه لم يكد يصل إلى القاهرة حتى أعلنت أثيوبيا تحويل مجرى النيل الأزرق

كنت أقول غنها مسألة حياة أو موت

وكنت أتذكر قول السادات : "أى لعب فى مياه النيل دون موافقتنا فهو بمثابة إعلان الحرب علينا"

ولكن

كنت أتخذ هذا الموقف تحت تأثير ما يتداوله الإعلام وبالذات "تهديد مصر بالعطش"

وكنت أتخذ هذا الموقف تحت تأثير نقص المعلومات (وتوفير المعلومات هو من أهم واجبات الإعلام)

 

للأسف يا أستاذ إسلام .. من يسلم عقله لوسائل الإعلام - خصوصا عندنا - فإنه يعرض نفسه للتضليل

وهناك من التضليل ما هو متعمد وهناك ما هو ناتج عن جهل ونقص فى المعلومات

 

بس عاوز اطمنك .. شيل من دماغك حكاية العطش دى خالص

وسأشرح لك ملخص مناقشة مع بعض الأصدقاء فى النادى أول امس .. يوم الشتواية اللى زنقتنى وانا مروَّح

والله المساحات ما كنتش ملاحقة على خراطيم المية اللى نازلة .. بس ربنا ستر

:old:

محتاج استراحة قصيرة .. بعد مكالمة تليفونية متعبة للأعصاب

:)

أتحزم .. قصدى اشرب فنجان قهوة واجيلك