اييييييييه رايكم..دام فضلكم!؟

[بنت شعنونة]

انا عارفا انه موضوع مكرر

لكن معلش بقى استحملوووووووووووووووني :wub:

لسة مستجدة بعد غييييييييييييبة عن الكتابة..

تفتكروا انه احسن؟

ان الزوجة تشتغل والا تقعد في البيت... خاصة لما تبقى خريجة طب زي حلاتي كدا :D

في ظل الظروف الأقتصادية الراهنة و الظروف الرجالية و الأنثوية و البيتية وكللللللللللللللله يعني؟ :blink:

ولو رايك تشتغل يبقى ليه؟ ولو لا برضه ليه؟؟

ايه الميزة و العيب في كل اسلوب قصدي يعني؟؟

اصلي محتااااااااااااااارة اوي

و الموضوع مش جايب همهمن ناحية.. 200 جنيه مرتب!! :D

ومن ناحية تانية اهي "نوااااااااااااااااااااااية" تسند الزير!

ايييييييييييييييييييه رايكم؟ :huh:

[shawshank]

دكتورة شعنونة

أنا رأيي إنه إذا كانوا مستورين من غير شغل الست ، يبقى ملوش لازمة... لييييييييييه ؟

1. شغل الست بهدلة و تعب بدون حاجة.

2. هيأثر أكيد على بيتها: اهتمامها بزوجها و أولادها.

3. هيغير من شخصيتها: هتكتسب صفات كثيرة من الرجال.

4. غالبا سيكون في عملها اختلاط بالرجال.

5. "و قرن في بيوتكن".

و أعتقد إننا لو سألنا النساء في أمريكا مثلا: ايه رأيكم في نساء مصر اللي قاعدين في البيت و مابيشتغلوش و أزواجهم بيصرفوا عليهم ، هيقولوا: يا بختهممممممممممممممم

[se_ Elsyed]

قولنا قبل كده يا شعنونه .. إن ده موضوع يُحل بالتراضي بين الزوج والزوجة .. ومالوش دعوة بالمرتب إذا كان كبير أو صغير .. ولو فرضنا إن في زوجه ممكن تتعين بمرتب 2000 ج .. لكن هي مش حبه الشغل والبهدله .. وزوجها كذلك .. يبقى ما فيش مشكلة .. وفي زوجات بتفضل البيت ورعاية الأولاد على كنوز الدنيا اللي تيجي لها من ورا الشغل ..

وفي زوجات يقولوا لأ الشغل طبعاً حتى لو هاشتغل ببلاش .. دي قعدت البيت مملة وتتفق هي وزوجها على ذلك .. والمركب بتمشي ..

لكن إتفاق الطرفين بيجنبهم مشاكل كثيرة فيما بعد .. على الأقل لو أهملت شويه في بيتها بسبب العمل .. زوجها مش هايقدر يعاتبها على ذلك لإنه كان موافق على شغلها ..

[shawshank]

برضه معرفناش رأيك يا سي السيد :D :D

[se_ Elsyed]

برضه معرفناش رأيك يا سي السيد :D    :D

<{POST_SNAPBACK}>

بصراحة أنا عن نفسي لا أُفضل إن زوجتي تعمل وعيالنا يتشردوا سواء مع داده أو في حضانه أو زي ما بنشوف كده الأطفال يبقوا لوحدهم في البيت لحد ما والدتهم ترجع من الشغل وطبعاً ما إلى ذلك من الكوارث اللي ممكن تحصل لهم .. حتى الأطفال اللي أمهاتهم بتعمل بتلاقي عندهم حاجة ناقصة برضوا ..

كنوز الدنيا لا تعوض إهتمام الست ببيتها ..

لكن نرجع ونقول إن أنا مش مع عدم عمل المرأة على طول الخط .. لإن في ظروف كثيرها تضطرها للعمل ..

فمثلاً ، لا قدر الله لو واحده زوجها توفى وأصبحت هي المسئولة عن الإنفاق على أسرتها فبالتأكيد لما تكون بتعمل من الأساس ده هايوفر عليها كثير جداً .. أما لو كانت ست بيت فمن الصعب بل من المستحيل تنزل سوق العمل وهي مثلاً بقى عندها 40 سنة وتقول أنا عايزه أبدأ .. ناهيك إن كثير من المهن تستلزم الممارسة زي الطب والمحاماه والهندسة والمحاسبة .. ده حتى التدريس .. فصعب جداً المرأه تقتحم تلك المجالات على كبر ..

[أسد]

أنا أرى أن عمل الزوجة أمر إيجابي ..

ليس فقط من الناحية المادية ..

ولكن من ناحية بناء شخصية وفكر الزوجة ..

فالمرأة العاملة هي شخص منتج .. والشخص المنتج هو شخص إيجابي .. وتلك الإيجابية تجع لالشخص قادر على تطوير ذاته .. وفكره .. وتجعله قادر على التعامل مع الأمور بشكل منهجي ..

والمنهجية هي أسلوب حياة .. والشخص المنهجي هو الأقدر على التطوير ..

وأعتقد أن المرأة العاملة تكتسب الكثير من الخبرات والمهارات في التعامل مع أسرتها ومن حولها يصعب على المرأة التي لا تعمل على إكتساب مثل تلك الخبرات ..

وهو ما سيعود بالنفع على الأبناء بالتبعية ..

مع التأكيد على ألا يكون عمل المرأة على حساب كرامتها .. وألا يكون فيه ما يتعارض مع الأخلاق وتعاليم الدين ..

أما عن تربية الأبناء .. فيجب أن يكون هناك أسلوب يطبق في تلك الحالة بما لا يؤثر على تلك العملية الهامة ...

وفي معظم دول العالم .. المرأة تعمل .. والأبناء تتم تربيتهم بشكل جيد .. ويخرج الأطباء والمهندسون والعلماء من أبناء زوجات عاملات ..

والطب .. يادكتورة مهنة رائعة .. وأمانة حملتيها .. لا ينبغي عليك أن تتركيها ...

وهذا رأيي ..

[شاعرالرومانسية]

عمل المرأة من وجه نظرى يعتمد بالاضافة لما قاله معظم الاخوة الاتفاق بين الزوجين على شىء اخر وهو طبيعة العمل التى تقوم بها المرأة ... فهناك بعض الاعمال التى تؤثر على طبيعة المرأة .. وكذلك مدى احتكاحها بالرجال .. ومدى تأثير العمل بها على الاسرة والابناء

ولذا فانه وعلى سبيل المثال فوظيفة " مدرسة " ...اى معلمة ... (مش مدرسة بقى وفصول وطلبة)هذة الوظيفة.. من شأنها توفر للزوجة بعض الاحتحكاك المطلوب والغير مؤثر على واجباتها الاسرية ولكنه هام فى نواحى اخرى خاصة بها شخصيا وخاصة باسلوب تربيتها لابناءها

(ولكن طبعا دة من غير ما تنشغلش بدروس خصوصية بقى وتقضيها جداول وولاد خارجين وبنات داخلين وتقلب البيت مدرسة )

[Folana]

اختنا الحبوبة شعنونة ...باين عليك غاوية مشاكل:D.....

موضوع عمل المرأة ده ..بتفرد فيه صفحات فى الجرايد وتؤلف فيه كتب ...ويتعمل له برامج خاصة نقعد نسمع وجهات النظر فيها للدجى.....

وزى ماقلت وجهات النظر...يعنى كل واحد له وجهة نظر فى الموضوع ده ....وزى ماتفضل الاخوة الكرام وقالوا ان ده بيحصل باتفاق بين الطرفين المعنيين - الزوج والزوجة- ..وبدراسة كل الظروف المحيطة بالاسرة ...ممكن يوصلوا لحل مناسب ....

وبرضه ده بيرجع لطبيعة المهنة نفسها ...يعنى لو موظفة ومش محتاجة اصلا للمرتب ..يبقى وجودها فى البيت احسن وافضل واكرم ....اما لو استاذة جامعة وطالبة علم ...فالوضع هنا بيختلف ..وبرضه مااقدرش اقول تشتغل ولا لأ ده بيرجع لظروفها ...

اما عن رائى الشخصى ...فانا لا احبذ شغل المرأة ....مع احترامى لجميع الاراء المضادة ومع احترامى للجميع ....انا عن نفسى مااحبش اصحى كل يوم من الفجر والحق اجرى اوضب البيت واحضر الاكل ..وانزل اتحشر فى المواصلات...او لو حتى فى العربية اتزنق فى اشارة من بتوع اليومين دول ..واروح الشغل ايا كان الكارير بتاعى ...علشان اقابل شوية ناس معظهم بيعانوا من مشاكل نفسية ويطلعوها على دماغى ..وارجع البيت منهكة القوى ..مستنزفة الطاقة النفسية ..ماعنديش حاجة اقدمها لاهل بيتى الا النفخ والاوف والزهق ..وسيبونى فى حالى انا خلصانة ..ولا اقول لجوزى انا زيى زيك شقيانة وهلكانة ..انت مابترحمش...يقوم هو بقى يدور على واحدة بيتى ..مرتاحة وبالها رايق ..وفى الاخر اخد كام ملطوش اصرفهم على المكياج وعلى الهدوم والمواصلات او بنزين العربية .....

ده غير ولادى بقى ياحرام ..اللى مش حاعرف عنهم حاجة وحاقابلهم زى عابرى الطريق كده ....

ده رائى ومش عايزة استفيض فى الكلام واقولك ماتتفرجيش على برامج المراة اللى بيتستضيف واحدة ناكشة راسها وعمالة تدافع عن حقوق المرأة والمساواة ..,..و.... وفى النهاية بتجدى انها مطلقة وفشلت فى حياتها الزوجية ...وتفضل تعمل اسقاطات على الستات ياعينى علشان ينزلوا يتثبتوا نفسهم واللى يولع يولع .....

المرأة تقدر تثبت نفسها من خلال تواجدها فى بيتها ..وممكن يكون لها انشطة اجتماعية برضه ..وتنمى ثقافتها وتطور شخصيتها من خلال القراءة..والاطلاع ..ماهى فى المقابل مش حتقعد تحشى محشى وبس يعنى ...دى بتخرج اجيال ...وممكن تكون ثقافيا اعلى مستوى من اللى عايزة تنمى شخصيتها بالاحتكاك الوظيفى ...

فى حالتك ..انت طبعا لسه عروسة ..يعنى لسه مافيش اولاد..انت تتفقى مع جوزك حسب طبيعة عمله برضه ...وتمارسى مهنتك خصوصا ان الطب ممارسة يعنى لو سيبتيه متهيالى يكون صعب الرجوع مرة تانيةة ...ولما انشاء الله ربنا يرزقك بالذرية الصالحة ..شوفى انت ميولك ايه بقى ...ولوان تربية الاولاد محتاجة تفرغ تام واهتمام من نوع خاص ..

اما عن ال 200 جنيه اللى حيسندوا الزير ...الحقيقة انا مش عارفة ظروفك ايه ...لكن المرتب ده ..حيتصرف فى فستان ..ولا بنطلون ...ولا علبة مكياج ...حتعملى ايه باقى الشهر وحتسندى الزير منين ياترى...:D))

اقولك ..اعملى استخارة واللى فيه الخير ربنا يوفقك له انشاء الله......

[Sherief AbdelWahab]

أؤمن على أسد ..وفي عائلتنا طبيبات تزوجن وتعملن ..

لكن التوقف ضروري في السنوات الأولى من عمر الطفل أو الطفلة القادمة ..

خلص الكلام

[ELSHARIF]

السلام عليكم و رحمة الله

الف مبروك الزواج يادكتورة

و بالنسبة لرأيي الشخصي في هذا الموضوع المطروح للحوار : فأنا -و عن تجربة شخصية- أتفق قلباً و قالباً مع رأي الأخت (فلانة).... فما ذكرتة حضرتها هو التفصيل الدقيق لتجربتنا الشخصية لعمل الزوجة

و عمل الزوجة خارج البيت ينطبق عليه المثل القائل: من خرج من داره ... قل مقداره

الشريف

[الآسر]

المرأة تعمل أم لا؟

النحلة تلدع أم تعيش؟

ان هذا الموضوع تتحكم فيه عوامل عدة ولكن أهم عامل كما قلتم جميعا هو التراضي بين الزوجين

فإذا توافر هذا الشرط كان كل مطب يأتي بعده يسير وسيتجاوزه الزوجان

وان كان الزوج -واخد بالجزمة- علشان زوجته تعمل

فمن هنا سوف تأتي المشاكل والعراقيل

وأنا عن نفسي لا أحبذ أن تعمل زوجتي .. أري أن تهتم بأولادي وبيتها وبي

لأن المرأة العاملة تهمل في هذه الأشياء بدون ارادتها.. اما للإرهاق أو الملل أو القوة والثقة بالنفس .. فهي تكسب أموالا مثلها مثل زوجها وتساعد في -مصروف البيت- ولهذا ليس له الحق في اصدار الأوامر وأن يكون سي السيد .. طبعا ليست كل النساء مثل هذه النوعية ولكنه وارد

وارد جدا...

ولكن أري في زوجتي أن تهتم بالكثير من الأشياء بجانب بيتها .. حتي لا تشعر بالملل .. تنمي ثقافتها .. تنمي دراستها .. تزيد من نشاطتها وتكون لها شخصيتها المستقلة ولا تكون -ست بيت وخلاص - وتربية الأولاد في هذا الزمن أصبحت تطلب وجود الأبوين في المنزل وليست الأم فقط .. فأقل القليل أن تكون الأم متواجدة باهتمام ويكفي أن يعمل الأب

[بنت شعنونة]

عاوزة اقولكم خلفية صغيرة كدا

والدي و والدتي بيشتغلوا فترتين بينهم 3 ساعات راحة فقط

ما كنتش ب اشوفهم

كنت اشوف ال دادا اكترررررررر بكتيييييييييييييييير

وكنت حاسا اني الأب و الأم لآني الكبيرة

قبل الجواز زوجي كان عاوزني اشتغل وانا لا

بعد الجواز الموقف انعكس تماما

اكتشفت ان العيشة في البيت ممممممممممملة جدا....بس مريحة ليا و ليه

العائد المادي معدوووووووووم... بس كمان الصرف من ناحيتي معدوم!

اصاب بحالة عصبية من وقت للتاني بسبب الملل و الفراغ.... بس عموما اعصابي اهدى من اي امرأة عاملة وبقدر امتص غضبه وتعبه اسرع؟

كلمة هات كلمة سخيييييييييييييييفة اووووووووووووووي مش متعودة عليها عشان كنت على طول اصرف على نفسي

هممممممممممم

للحديث بقية.. :)

[Alshiekh]

عاوزة اقولكم خلفية صغيرة كدا

والدي و والدتي بيشتغلوا فترتين بينهم 3 ساعات راحة فقط

ما كنتش ب اشوفهم

كنت اشوف ال دادا اكترررررررر بكتيييييييييييييييير

وكنت حاسا اني الأب و الأم لآني الكبيرة

قبل الجواز زوجي كان عاوزني اشتغل وانا لا

بعد الجواز الموقف انعكس تماما

اكتشفت ان العيشة في البيت ممممممممممملة جدا....بس مريحة ليا و ليه

العائد المادي معدوووووووووم... بس كمان الصرف من ناحيتي معدوم!

اصاب بحالة عصبية من وقت للتاني بسبب الملل و الفراغ.... بس عموما اعصابي اهدى من اي امرأة عاملة وبقدر امتص غضبه وتعبه اسرع؟

كلمة هات كلمة سخيييييييييييييييفة اووووووووووووووي مش متعودة عليها  عشان كنت على طول اصرف على نفسي

هممممممممممم

للحديث بقية.. :)

<{POST_SNAPBACK}>

عاش من شافك يادكتورة

معلهش الرد يمكن متأخر لان الفترة اللى فاتت يمكن كنا مشغولين شوية فى مواضيع الانتخابات ، كنا مفكرين ان الجماعة دول ربنا كرمهم واتعدل حالهم وبطلوا الخصلة القديمة اللى اتعودوا عليها ، لكن يظهر ان الكبع غالب ، واللى فيه طبع مابيسلاهوش.

شوفى يادكتورة موضوع الشغل ده طبعا بيعتمد على كذا حاجة ، انتى لسه طبعا ماشتغلتيش ،

اول حاجة ناويين تخلفوا على طول والا حاتنتظروا ؟

لو ناويين تخلفوا على طول يبقى مش حاينوبك من الشغل الا كم شهر ، تسألينى ليه ؟ اقولك

مجرد ربنا مايرزقك بالطفل الاول فأول احتياجاته هى ماما ، مش دادة ، ولا حضانة ، ولا داى كير.

حرام ان يكون عندك بيبى وتاخديه الصبح الساعة 6 او 7 توديه مش عارف فين .

البيبى فى الوقت ده بيكون فى عز نومه وحرام نعمل فيه كده ، ولو عملنا فيه كده ، صدقينى حاتصرفى مرتبك على علاجه من نزلات البرد والنزلات المعوية اللى حاتجيله بسبب قلة الرعاية ، أو اهمال القائم على الرعاية.

أما لو كان هناك مدة من الانتظار قبل ماتخلفوا ، فاعتقد ان العمل سيكون افضل للمرأة ، لان ساعات الفراغ حاتكون طويلة جدا مما يشعرك بالملل ويمكن يخليكى تعاملى زوجك بطريقة مختلفة.

باختصار ، ان لم يكن هناك اطفال ، فالعمل افضل

اما ان كان هناك ولو طفل واحد فمملكتك هى منزلك وعملك هو طفلك.

تحياتى وبالتوفيق انشاء الله

[shawshank]

من فتوى قديمة للدكتور/ علي جمعة

السؤال: ما هي الضوابط الشرعية لعمل المرأة؟

الإجابة: بسم الله والصلاة والسلام على رسول الله وآله وصحبه ومن والاه وبعد:

فتح الله عليك، ومنحك التوفيق والرضا.

والضوابط الشرعية لعمل المرأة أن تكون محتاجة إلى العمل ، وأن تعمل في مكان محترم لا خلوة فيه مع أجنبي ، وأن تخرج إليه وتبقى فيه على حال ارتدائها الحجاب الشرعي الذي لا يصف جسدها ولا يشف عن لون بشرتها ولا يكشف عن عورتها ، وعورتها جسدها كله إلا الوجه والكفين. والله أعلم.

إسلام أون لاين

[khedr]

حضرات الساده والسيدات...التحيات للجميع

اولا ...الموضوع ده من التواريخ له فتره تكلمتم فيه (لكنه من المواضيع التي لا ولن تقفل طوال الحياه)

ثانيا ...لم الاحظ اراء اساتذتنا الكبار في المنتدي اللي خبره الحياه اصقلتهم بالتجارب والخبرات واعتقد ان ارائهم في مثل هذه الامور هام جدا جدا

ثالثا... من وجهه نظري الموقف يعتمد علي ما يلي ... وكل يرتب حسب اهميته بالنسبه له:

1 موافقه الطرفين

2 الدراسه الحاصله عليها الزوجه

3 نوعيه ومكان العمل

4 الاطفال.....موجودون ام لا..... واعمارهم

5 الحاله الاقتصاديه للطرفين

6 ما يستجد (تقلبات الايام)...ولا اعرف كيف يحسب حسابها

7 قدرات الزوجه العلميه اي استعدادها للمزيد والارتفاع

8 مهن لا يمكن الا للمرأه الا ان تمارسها(مدارس البنات...

9المناخ الاجتماعي والمكان الذي تعيش فيه

10 الاضرار المعنويه ..الاجتماعيه...الاقتصاديه التي قد تعود عليها وعلي اسرتها من العمل