اذهب إلى المحتوى
محاورات المصريين

كم عمرك ? - ما هي الشريحة السنية للمشاركين ?

Arabisc

بواسطة Arabisc
في موضوعات شخصية

 مشاركة

كم عمرك ?  

37 اصوات

  1. 1. كم عمرك ?

    • أقل من 18
      0
    • من 18 إلى 25
      13
    • من 26 إلى 32
      23
    • من 33 إلى 40
      16
    • من 41 إلى 50
      7
    • أكثر من 50
      3

Recommended Posts

itsme_1666 عضو جديد

itsme_1666

بتاريخ:
بتاريخ:

آه نسيت اجاوبك على سؤالك يا اخ سيد مرزوق عن معرفتى إذا كان  الجنس اللطيف ما إشتركش فى الموضوع والا لأ :th:   لان بالمنطق جدا ما يفهمش الجنس اللطيف إالا الجنس اللطيف  :D  و عاوزهم يزعلوا منك صحيح إسألهم عن سنهم

رابط هذا التعليق
شارك
  • الردود 69
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Arabisc عضو جديد

Arabisc

بتاريخ:
  • كاتب الموضوع
بتاريخ:

سألت إحدى سيدات المجتمع أحد الأدباء " اظن برنارد شو " : كم تظنني ابلغ من العمر ?

فأجاب : من يرى جمال قوامك يظنك  في العشرين , أما صوتك فبنت الثامنة عشر و أما روحك فالثانية و العشرين

ردت ضاحكة : كم انت لطيف , و لكنك لم تجب على السؤال إجابة محددة

فقال : عشرين زائد ثمانية عشر زائد إثنين و عشرين , عمرك ستون سنة :angry:

ولو أنا إذا متنا تركنا .... لكان الموت غاية كل حي

و لكنا إذا متنا بعثنا .... ونسأل بعدها عن كل شى

رابط هذا التعليق
شارك
Arabisc عضو جديد

Arabisc

بتاريخ:
  • كاتب الموضوع
بتاريخ:
آه نسيت اجاوبك على سؤالك يا اخ سيد مرزوق عن معرفتى إذا كان  الجنس اللطيف ما إشتركش فى الموضوع والا لأ :th:   لان بالمنطق جدا ما يفهمش الجنس اللطيف إالا الجنس اللطيف  :D  و عاوزهم يزعلوا منك صحيح إسألهم عن سنهم

على فكرة أنا اللي سألتك و ليس الاستاذ العزيز سيد

و لا زلت لم أفهم, كيف عرفتي أن ولا مشتركة أجابت ? يمكن علشان كل  المشاركين تحت 25 لم يتعدوا 3 منهم واحد عرفناه , الأخ العزيز عمرو :angry: :D :D و لأن طبعا عمر أية سيدة من الصعب جدا أن يكون أكثر من 25 .....  صح :D ?

ملاحظة على الهامش

الزميلة شعنونة شاركت بالفعل و تبرعت بإعلان عمرها .. يعني النظرية العمرية النسوية ثبت خطؤها " طبعا أنا ما شفتش بطاقة العزيزة شانا بس بنفترض حسن النية "

:colgate:  :colgate:  :colgate:  :colgate:

الاستبيان مفيد جدا في فهم متوسط العمر للمشاركين في الحوارات, بصرحة لقد كنت اتوقع عددا اكبر من الشباب اقل من 25 و لكن لننتظر اسبوعا آخر و نرى

سلام عليكم

ولو أنا إذا متنا تركنا .... لكان الموت غاية كل حي

و لكنا إذا متنا بعثنا .... ونسأل بعدها عن كل شى

رابط هذا التعليق
شارك
AbouAlhooool عضو جديد

AbouAlhooool

بتاريخ:
بتاريخ:

الله; انت بتشتغل مع المخابرات , ولا ايه ??

:sneaky2:  :sneaky2:

ياعم خلينا مستورين , اعمل معروف...

:cool:  :cool:

{حَسْبُنَا اللّهُ وَنِعْمَ الْوَكِيلُ } سورة آل عمران(173)

(يَا أَيُّهَا الَّذِينَ آمَنُوَاْ إِن تُطِيعُواْ الَّذِينَ كَفَرُواْ يَرُدُّوكُمْ عَلَى أَعْقَابِكُمْ فَتَنقَلِبُواْ خَاسِرِينَ) -سورة آل عمران (149)

رابط هذا التعليق
شارك
disappointed عضو جديد

disappointed

بتاريخ:
بتاريخ:
و لأن طبعا عمر أية سيدة من الصعب جدا أن يكون أكثر من 25 .....  صح :D ?

واحد أيرلندى اشتغل معايا فتره حكى لى ان زوجته كانت فى المحكمه كشاهده على قضيّة سرقة سوبر ماركت بالاكراه وذهب معها للمحكمه بعض صديقاتها

ولمّا وقفت على المنصّه ميّلت على الحاجب وقالت شيئ ضحك عليه جدا , فلمّا القاضى سأله قالت له ايه قال :

بتقول : ياترىممكن أقول عمرى الأوّل وبعدين أحلف اليمين؟؟؟

:angry:  :D  :D

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
Set_Amina عضو جديد

Set_Amina

بتاريخ:
بتاريخ:

بافرح جدا لما باسمع منكم حكاية ان العمر لا يٌحسب بالسنين، وحيث اني حريصة على أن أكون دائما فرحانة ومفرفشة فلن أحسب وخلينا كده حلوين، بس للأمانة انا رديت على الاستبيان بالحق والمستحق وطبعا قبل ماأحلف اليمين  :D  :blush:

إن خوفت ماتقولشي وإن قولت ما تخافشي
رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:
الله; انت بتشتغل مع المخابرات , ولا ايه ??

 

ياعم خلينا مستورين , اعمل معروف...

.

جت على دى يا اخى ابو الهوووووول؟ :blush: اين كنت وقت إستفتاء مكان

إقامتنا وأصولنا بمصر وإذا كنا سنرشح السيد جمال مبارك

إذا انتخب رئيسا...بس نعمل إيه بس فى الطبيعه الانسانيه للتقرب وديا مع من يجمعهم بيئه واحده كالمنتدى خلال هذه الاستفتاءات التى تجذبنا رغما عنا......:D ربنا يستر

الإمضاء،

EgyptianMuslima

(الأسم الحركى الجديد، نظام الغلوشه)

:D

التوقيع مغلق للتحسينات :) .
رابط هذا التعليق
شارك
Farida عضو جديد

Farida

بتاريخ:
بتاريخ:

اولا يا شعنونه انتى لم تذكرينى ضمن الجنس الناعم فى المنتدى ماشى و حا أعديها

ثانيا انا عندى 35 سنه يا اتزمى و باقولها و مش متضايقه خالص

ثالثا انا مبسوطه قوى من اللى قاله ارابيسك عن المغامرين الخمسه و الشياطين التلاتشر و استيف اوستن فعلا الحاجات دى بتجمعنا مع بعض و ازود عليها من عندى تمثيليات زى ابراهيم الطاير و ميزو وعلى بيه مظهر و التليفزيون ابو قناتين بس و يقفل الساعه 12و اليوم المفتوح يوم الخميس و برنامج بابا ماجد و مغامرات السندباد و ياسمينه ووليد وراندا فى الفضاء و فوازير نيللى ....هل فعلا الحاجات بتشكل اشياء مشتركه بيننا

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
اسكندراني عضو جديد

اسكندراني

بتاريخ:
بتاريخ:
اولا يا شعنونه انتى لم تذكرينى ضمن الجنس الناعم فى المنتدى ماشى و حا أعديها

ثانيا انا عندى 35 سنه يا اتزمى و باقولها و مش متضايقه خالص  

ثالثا انا مبسوطه قوى من اللى قاله ارابيسك عن المغامرين الخمسه و الشياطين التلاتشر و استيف اوستن فعلا الحاجات دى بتجمعنا مع بعض و ازود عليها من عندى تمثيليات زى ابراهيم الطاير و ميزو وعلى بيه مظهر و التليفزيون ابو قناتين بس و يقفل الساعه 12و اليوم المفتوح يوم الخميس و برنامج بابا ماجد و مغامرات السندباد و ياسمينه ووليد وراندا فى الفضاء و فوازير نيللى ....هل فعلا الحاجات بتشكل اشياء مشتركه بيننا

وبرنامج اخترنا لك (حلقات نجوي ابراهيم بس لأني مش بأطيق فريال صالح) .... ومسلسل سمير عبد العظيم (الله يرحمه) قبل موجز الرابعه عصرا في اذاعه الشرق الاوسط .... وقبله برنامج الاغاني الافرنجي تقديم أحمد فوزي (حاليا الناطق الرسمي لكوفي عنان في لندن) ....

رابط هذا التعليق
شارك
disappointed عضو جديد

disappointed

بتاريخ:
بتاريخ:
اولا يا شعنونه انتى لم تذكرينى ضمن الجنس الناعم فى المنتدى ماشى و حا أعديها

ثانيا انا عندى 35 سنه يا اتزمى و باقولها و مش متضايقه خالص  

ثالثا انا مبسوطه قوى من اللى قاله ارابيسك عن المغامرين الخمسه و الشياطين التلاتشر و استيف اوستن فعلا الحاجات دى بتجمعنا مع بعض و ازود عليها من عندى تمثيليات زى ابراهيم الطاير و ميزو وعلى بيه مظهر و التليفزيون ابو قناتين بس و يقفل الساعه 12و اليوم المفتوح يوم الخميس و برنامج بابا ماجد و مغامرات السندباد و ياسمينه ووليد وراندا فى الفضاء و فوازير نيللى ....هل فعلا الحاجات بتشكل اشياء مشتركه بيننا

وبرنامج اخترنا لك (حلقات نجوي ابراهيم بس لأني مش بأطيق فريال صالح) .... ومسلسل سمير عبد العظيم (الله يرحمه) قبل موجز الرابعه عصرا في اذاعه الشرق الاوسط .... وقبله برنامج الاغاني الافرنجي تقديم أحمد فوزي (حاليا الناطق الرسمي لكوفي عنان في لندن) ....

أغنية أم كلثوم الساعه خمسه

دعاء النقشبندى والناس نازله الشغل الصبح بدرى

شاديه والشمس جايه من بعيد

فايزه أحمد وبالسلامه ياحبيبى بالسلامه

أفلام الهلس أم دم خفيف بالألوان الطبيعيه بتاعة السبعينات

فيلم جيمس بوند الجديد فى سينما مترو

الشيخ الشعراوى قبل الماتش يوم الجمعه

حمديّه حمدى والعالم يغنّى (توم جونز أساسى كل حلقه)

صوت بونبون سيما مش غريب عليّا

حسن عابدين وسر شويبس

الشارع الغربى

صوت ايناس جوهر فى الشباب والرياضه

مونت كارلو وشريف الشوباشى

فويس أوف بيس

هاله حشيش والبيب شو

نيقولا بركات والنشره الفرنساوى

جائزة الكوكب الذهبى

على باب اللوق من الناحيه دى...عبد الهادى الحلوانى

أحمد عدويّه واعلان خضر العطّار

شراره......حنفى الونش......النادى الدولى......خمسه سياحه.....سينما الأطفال

اييييييه.....أيّام

ألا ليت الشباب يعود يوما

:(  :(  :(  :(

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
Byte عضو جديد

Byte

بتاريخ:
بتاريخ:

فعلا .. ايام!

وفرافيرو.. نسيتوه ولا ماوعيتوش عليه!

ده اول برنامج اطفال اتفرج عليه في حياتي،فتافيت السكر ، كانت تقدمه ماما نجوي(ولو اني دلوقتي شكلي اد باباها!) ، اما سلوي حجازي فلا اتذكر لها سوي حادثة وفاتها، لأن جارتنا كانت مضيفة الرحلة الأخيرة.

ندعوا الله ان تكون ذكرياتنا كلها سعيدة! ;)

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك
Set_Amina عضو جديد

Set_Amina

بتاريخ:
بتاريخ:

إيه ده هو انتوا ماكنشي وراكو غير الفرجة على التليفزيون؟؟ بصراحة أنا غيرانة منكم لأن والدي رحمة الله عليه كان مانع دخول التليفزيون بيتنا أصلا وكنا عايشين على سماع الراديو خلسة واللي مش عاجبه يخبط دماغه في الحيط، أمال أنا مسمية نفسي ست أمينة ليه لأنه كان معيشنا في جو سي السيد والست أمينة بكل حذافيره، يعني كل اللي انتوا قلتوا عليه هو طلاسم بالنسبة لي ما عدا أم كلثوم ومعادها معايا كل يوم الساعة 5 ;)  :D :D

إن خوفت ماتقولشي وإن قولت ما تخافشي
رابط هذا التعليق
شارك
disappointed عضو جديد

disappointed

بتاريخ:
بتاريخ:
ما عدا أم كلثوم ومعادها معايا كل يوم الساعة 5 ;)  :D :D

فكّرتينى بالــ"ست" وميعاد أغنية الساعه 5 المقدّس

كنت بأذاكر مع واحد صاحبى فى الثانوى لفتره غير قصيره فى منزلى , وكان روتين حياتنا اليومى أثناء المذاكره هو ان نفتح الراديو الساعه خمسه لسماع أم كلثوم أثناء المذاكره

وفى يوم من الأيام

المذاكره أخذتنا....والساعه بقت خمسه وعشره...ونسينا "الست"...وفجأه لقيت صديقى بيشهق شهقة فزع وبيصرخ : الست....الست

قمت جرى زى بتوع المطافى عند سماع جرس انذار الحريق , فتحت الراديو , وظل صديقى أمام الراديو لمدة دقيقتين يرفع يديه الاثنين مخاطبا "الست" وهو يردد : العذر والسماح يا ست... العذر والسماح يا ست

:D  :D  :D  :D  :D

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
إبن مصر عضو جديد

إبن مصر

بتاريخ:
بتاريخ:
فعلا .. ايام!

وفرافيرو.. نسيتوه ولا ماوعيتوش عليه!

ده اول برنامج اطفال اتفرج عليه في حياتي

أأأأأه انتم عارفين ان فرافيرو كان السبب انى ممكن ماكونش معاكم هنا دلوقتى ..

فاكر انى مره بعد ما اتفرجت عليه اخدت الفوطه الكبيرة نتاعتى وطلعت فوق السطوح ووقفت على ترابزين سور السطوح الخارجى وربطت الفوطه على رقابتى وبصيت لوالدتى فى جنينج الفيلا تحت وقلت ..... فرافيرو انا جاأأأأأأى .......

وما لحقنيش الا ان امى اغمى عليها فى ساعيتها ووقعت على الارض قخوفت تقوم تضربنى فنزلت بسرعه من على السور وجريت استخبيت تحت السرير لحسن تضربنى ..

أأأأأأ÷ فعلا كانت أيام ..

ملحوظه .. عندى الى الان مجموعه كامله الشياطين ال13 والمغامرين الخمسه وارسين لوبين وبات مان وتان تان

 :inlove:  :inlove:  :inlove:  :inlove:  :inlove:

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك
disappointed عضو جديد

disappointed

بتاريخ:
بتاريخ:
وتان تان

 

يااااااااه

فكّرتنى بالذى مضى

الكابتن هادوك (ألف ألف ألف مليون لعنه)

تيك وتاك

ميلو

آرابيل

ميشيل فايان

لوبو

تاكا تاكاتا

طيب....حد فاكر أستريكس وأوبليكس؟؟؟؟

أو لاكى لووك؟؟؟؟؟

:dozingoff:  :dozingoff:  :notify:

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
disappointed عضو جديد

disappointed

بتاريخ:
بتاريخ:
وما لحقنيش الا ان امى اغمى عليها فى ساعيتها ووقعت على الارض قخوفت تقوم تضربنى

;)  :D  :D  :D  :D  :D  :D

:D  :D  :D  :D  :D  :D  :D

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
Farida عضو جديد

Farida

بتاريخ:
بتاريخ:

فاكرين مشروب سباتس و سيكو كولا كنت فى المدرسه انا و اختى نشرب زجاجتين بخمسه قروش ....و شيكولاته كورونا كان مرسوم عليها غزاله بقرشين

و تمثيليه فؤاد المهندس و شويكار فى رمضان و على فكره برنامج ماما نجوى اسمه عصافير الجنه اما فتافيت السكر بتاع معالى حسين ...

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Farida عضو جديد

Farida

بتاريخ:
بتاريخ:

فاكرين مشروب سباتس و سيكو كولا كنت فى المدرسه انا و اختى نشرب زجاجتين بخمسه قروش ....و شيكولاته كورونا كان مرسوم عليها غزاله بقرشين

و تمثيليه فؤاد المهندس و شويكار فى رمضان و على فكره برنامج ماما نجوى اسمه عصافير الجنه اما فتافيت السكر بتاع معالى حسين ...

و اول فريق غنائى كان اسمه الجيتس و كان مكسر الدنيا و حفله عبد الحليم ليله شم النسيم ....و مدرسه المشاغبين يوم شم النسيم ...و تقليد زمايلى فى ابتدائى لهم

مش معقول الذكريات دى حسستنى ان عندى 80 سنه

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
اسكندراني عضو جديد

اسكندراني

بتاريخ:
بتاريخ:

وبسكويت بيمبو

ومجلة ميكي بثلاثه صاغ .... ولما يكون معاها هديه تبقي بشلن

فريق البوني ام .... وفريق ابا .....الشريط باثنين جنيه ونص

فيلم كينج كونج والفك المفترس والفزع الرهيب في سينما أمير ... صاله بثمانين قرش

ترام الرمل .... التذكره الصفراء لحد سيدي جابر بنص فرنك .... وابونيه المدرسه 3 شهور بجنيه وربع

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...