كم عمرك ? - ما هي الشريحة السنية للمشاركين ?

[kokowawa1979]

ومين فاكر مسلسل : هارب من الأيام لعبدالله غيث ومديحة سالم وزوجته كان اسمها وطنية( إحسان القلعاوي) وعصابته كان أشهرهم سليمان النتن ( الممثل القدير المرحوم أحمد أباظة ) وكان وكيل النيابة محمود عزمي ورئيس المباحث محمد الدفراوي

وكذلك المسلسل ثلاثي الأجزاء : الساقية _ الضحية _ الرحيل

حد من المخضرمين فاكر المسلسلات الجميلة البوليسية دي :lol: :lol: :lol: :lol: :lol:

حد فاكر الأفلام الهندية الدرامية بتاعة الزمن الجميل : الأم - الصديقان - سانجام - سوراج - الفيل صديقي - طفل الخطيئة -

وأروع الأفلام الهندية على الإطلاق ماسح الأحذية

مش الأفلام الهندية بتاعة دلوقت اللي الواحد ينضرب في قلبه بالرصاص وتلاقيه زي رامبو المتخلف الأمريكي يقاتل لمدة ساعة كاملة يصرع فيها أعتى الرجال وفي النهاية يفتكر المخرج إنه المفروض مضروب برصاصة في القلب فينقلوه المستشفى :lol: :lol: :lol: :lol: أين انت أيها الزمن الجميل :shock: :shock: :shock:

[Arabisc]

بالمناسبة يا أرابيسك ... إنت عندك كام سنة....

هه .. احم .. آآ آ آ

طب و ليه التفاصيل :)

اتنين و تلاتين سنة بحالهم ..

:D :oops:

صدمة .. مش كده ? :D

[Lancelot]

صدمة .. مش كده ?

لا يا باشا ... ده إنت عم الشباب ... أنا بس قصدي إنك كنت شغال بمبدأ "خدوهم بالصوت" .... بتسأل الناس كلها السؤال اللي إنت ما جاوبتش عليه .....

32 .... يعني Jounier Member

:D :oops: :) :D :D :D :D :D :D :D :D :D :D :D :D

[أبو حميد]

موضوع جميل جدا لناس جمال جدا يستحق القراءة والعودة للزمن الجميل

[bentmasria]

موضوع جميل واحصائية تثبت نظرية صاحبها وتصورى انا الخاص عن مستخدمى النت ككل واعضاء المحاورات بشكل خاص

شكرا استاذ ارابيسك

وفعلا وحشتنا نتمنى نطمئن عليك ونشوف لك ولو مشاركة كل اسبوع مرة

ربنا يبارك فيكم يارب

[هشام الجنيدى]

:wub: انا بقى عمرى 23 سنه وكام شهر كده .....

جيل مازنجر وجرينديزر وسلاحف النينجا :wub: والكابتن ماجد :wub:

وجيل الشمعدان اللى زى ما بتحبه بيحبك كمان :blink: وكمان :wub: وكمان :wub: وبمبو من احب البسكويت الى قلبى حتى الان :wub: :wub:

وكنت من اكبر متابعين برنامج مساء الخير يوم الخميس وصباح الخير يوم الاتنين بتوع ماما نجوى وبقلظ وسينما الاطفال يوم الجمعه الصبح :wub:

وبرنامج الشيخ الشعراوى رحمه الله يوم الجمعه بعد الصلى واللى كنت بتابعه مع والدى

ومسلسل احلام الفتى الطائر وفى المشمش وبكيزه وزغلول ورأفت الهجان

ياااااااااااااااااااااااااااااااااااه ياه والله كانت ايام .....

شكرا على اشعال الذكرى من جديد :wub:

[مصرية يعني مصرية]

موضوع يستحق الرفع فعلا

[الحازم حسن]

27 سنة .. عريس لقطة :sad:

[Ahmad Farahat]

أنا على شهر 4 الجاي أتم 22 سنه

رقم فانلة أبو تريكة

[Siwa]

يا سلام يا جدعان.....فكرتونا بالذي مضى.... احنا بقه خمس خمسات.... يعني ربع قرن....يعني احنا بقى بتوع اخر دفعة ثانويه عامه نظام تحسين....

حقيقي موضوع جميل ما شاء الله