مجرد استفسار ..

[Salwa]

فى الحقيقة هذا الموضوع يصيبنى بالغثيان والثورة الداخلية ولى اكثر من شهرين اود ان اقنع نفسى انى ...(( عندى تهيؤات )) ..

فى برنامج ...اليك.....(( واعتقد انه برنامج للمرأة تقدمه مذيعة كأنها موجودة فى مصر بالصدفة وتتحدث مع مصريين بالتأكيد يعيشون فى اى مكان على ظهر الكرة الأرضية ماعدا مصر )) ..

طبعا كما ترون ......

انا اعترض على كل فقرات هذا البرنامج .......(( هو خاص للمعوقين فكريا )) ..

من اول فقرة الرياضة اللى بتقدمها واحدة اجنبية بتتكلم عربى ....ومعها بنات اوشبان يعنى حتى وهم يؤدون الحركات الرياضية لابسين كأنهم رايحين يتمشوا على البحر وبرضه البنات رابطة البلوفر على الوسط !!

وهى طبعا بتفهم الشعب المصرى اللى ميفهمش حاجة فى الرياضة ازاى بعد واحد اتنين تلاتة ممكن تثنى الوسط شوية !!!

ما علينا ...............

نيجى بقى لحتة ..........

(((((( ماهو بالتأكيد دى اعلانات مدفوعة الأجر او اصحابهامصاحبين حد او حاجة غريبةةةةةةة من اللى بتحصل )))))....

يعنى واحدة بتصمم مجوهرات والماظات .............اى والله.

فقرة ربع ساعة عن اهم التصميمات اللى بتحتاجها ((الست المصرية ))) وترارا ترابيتاتاتا .......!!!!وطبعا دى واحدة لبنانية .......!!! والا سورية والا اى حاجة ...

ثانى حاجة ........الست دى بتاعة امبارح ...

يعنى واحدة بتصمم (( الشابوهات للاباجورات )) .....

بصراحة معنديش مرارتين .......معنديش قطع غيار ....يعنى مرارتى اتفقعت من زمانننننن ربنا ينتقم منهم ..

يعنى شوفوا بقى :

الأباجورة المدلعة ....(( والله العظيم هو ده تعبير المذيعة والمصممة اللى برضه مش مصرية وبتحاول تتكلم مصرى )) ...يعنى اباجورة حجرة النوم ...الأباجورة الحمراء المطعمة بالروز ....والا الفراشات ؟؟؟ ماهى الموضة الاباجورات بالفراشات وتحطى الفراشات فى كل حتة ...

مش حتكلم على الكوافير ...........

حفوت دى .......

نقول آهى معقولة شوية ....ولو انى مش عارفة ليه الكوافير لازم يبقى مخنث شوية ؟؟؟

هل هذا معقول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل الاعلان ل .س....من الناس على مستوى العالم وعن طريق الفضائية المصرية يكون فج بهذا الشكل ؟؟؟ والمفروض ان ده اختيار المذيعة ومش اعلان ؟؟؟

اين الرقابة على كل ما يقدم ؟؟؟

وكيف يتم الاختيار ؟؟؟

مرة واحد بيبيع فازات .........

ومرة واحد بيصمم خواتم واكسسوار .....

على فكرة بالأمس ........المصممة العبقرية قالت للمذيعة ...ابقى صورى الجزء ده !!! اصل المرة اللى فاتت مطلعش ..

معرفش انتوا فاهمين انا عاوزة اقول ايه والا انا فعلا فعلا فعلا محتاجة لتغيير ذوقى ؟؟؟ ومحتاجة لتغيير عقليتى ؟؟؟

وهل نساء مصر ....(( ولنقل الطبقة المتوسطة )) ....ضرورى جدا جدا جدااااااااااااااا لهن ان يعرفن آخر تصميمات الساعات المرصعة بالالماظ ؟؟؟

او الأباجورات والنجف اللى بمئات الجنيهات علشان ...(( تدلع نفسها )) بشوية عباطة وضحك على الدقون ؟؟؟

طيب والله العظيم انا اعرف بنت فى مصر ......بنت عندها عشرين سنة ....من عائلة متوسطة وهى اللى بتعمل لنفسها الستائر والتطريز وكل شئ ...واشيك مليون مرة من هذا السفه ؟؟؟

هو المصريين ناقصين ؟؟؟

كل من يريد الوصول على اكتافنا تفرد له مساحة من اعلامنا ؟؟

مجرد سؤال برئ .....

لماذا لا تكون هذه الفقرة لأى صناعة محلية او منتج قومى تحتاجه المرأة المصرية ومن الممكن تصديره للخارج ؟؟

اترك لكم التعليق ..........

[Sherief AbdelWahab]

المفترض أن البرنامج يقدم على قناة فضائية وليس أرضية ، وبالتالي فإن أصحاب البرنامج يفترضون أنه مقدم لطبقة تتمتع بثراء مالي بالمقارنة بالطبقات التي تشاهد القنوات الأرضية وجلهم من الطبقة المتوسطة والفقراء..

إذا ما قدم برنامج بهذا الشكل على قناة أرضية حيبقى حاجة فقع طحن موت وحرق دم للركب ..

ولكن..

ولكن في المقابل ، ألم تصبح مشاهدة الفضائية المصرية في يد الطبقات المتوسطة وتحت المتوسطة بفضل الوصلة السحرية وما إلى ذلك؟

برامج المرأة حتى في القنوات الأرضية تصب في اتجاهين لا ثالث لهما : الأول الدعاية للمجلس القومي للمرأة ، والثاني تقديم السلع والأفكار الاستفزازية ..

مفيش حل وسط .. ومش عارف ليه؟ :blush:

خلص الكلام

[سقراط المصري]

اهلاً مدام سلوى

في جمله ظريفه إتقالت في فيلم " عوكل" - ما علينا من مضمون الفيلم- ، وقالتها جدة "عوكل" وهي الست "اطاطا".

المهم قالت إيه:

ايوه ابوك كان كده برضه، قعد يستغبى يستغبى ، لعند لما بقى حمار وركبوا له ديل.

........

زماااااااااااااااااااااااان كنت لما بحاضر في سكشن للطلبه عن التدريبات الإكلينيكيه النفسيه، كنت دايماً ابدأ بجمله:

لاتدعوا الجنان والمرض العقلي او النفسي، لأن ده ممكن مع الوقت يكون سمه في شخصيتكم ومع مرور الزمن تصيبوا بالضطراب النفسي او العقلي.

......

نفس القصه هنا، الاعلام قعد يستغبى ويستغبى ويستغبى ، لعند لما اصبح الجو العام كتله من الغباء ، وهما بمرور الوقت اصبحوا غير قادرين على معرفه التغير الحادث.

واصبحوا مقتنعين ان مايقدمه هو الابداع.

والحاله دي ممكن ان اطلق عليها حالة تخلف لاواعي.

وللاسف وانا مسئول عن كلامي.....................لايوجد علاج لهذه الحاله.

العلاج الوحيد فقط من وجهة نظري هو البتر.

اي استئصال كل وكافه المجموعه واحلال طقم جديد.

تحياتي للجميع

سقراط

تم تعديل 3 سبتمبر 2005 بواسطة سقراط المصري

[ENG. BEHAIRY]

أختنا الفاضلة / سلوى

من شــدة ما ُنعانى .. يظن الواحد منا أنه قد اكتســـب مناعة أو تبلدًا

لما نصطــدم به من غثاء فى كافة المجـالات وشتى الميادين اللـــهم

إلا رفقــة طيبــــة من ذوى الفطـــر الســـليمة تُهـون على الإنســان

همومه وأحزانـه ...وحقيقة الأمر أن الجرعــات تتوالى ..وتتعـــدد ،

وكل جرعة أشـد من سابقتها وأقسى ..

وبلغة الأخ الفاضل بودا فى عندنا الأصناف التالية :

- إفلاس علمى وثقافى .

- ذوق مفقــود ، وكما يقولون : الذوق شئ ولكن ليس فى الكـتب.

- تبلد إحساس وعدم مبالاة أوجده الفراغ والإفلاس الداخلى.

- اختيار أجوف للأشخاص وفق المصالح والأهواء الشخصية ولا

يمت للمؤهـــلات الفنية والعلمية بصلة .

- كبر وغطرسة تفقــد هذه النوعية حتى مجرد الإستعداد لاكتساب

أبسط المهارات وأساسيات العمل مع مرور الوقت.

نضع كميات متساوية من الأصناف آنفة الذكر فى الخلاط ..

وتُضرب جيدًا حتى يكون لها قوام لزج ورغوة ..

نفرغ المزيج فى الوعاء المعد للتقديم باحتراس ..

نقوم بتزيين المزيج بـ ( إذا لم تستح فاصنع ما شئت ).. :blink:

يُقدم بهدوء فى المناسبات كحلى ، وفى غيرها كوجبة أساسية :)

تم تعديل 3 سبتمبر 2005 بواسطة ENG. BEHAIRY