اخرج من كبارية ولا تخرج من جامع

[ابو صلاح]

مع كتابة تعليقك عل رائيك أن امكن

[se_ Elsyed]

طب مش قبل ما نجاوب أو نشارك في الإستفتاء لازم نفهم معناه أو بيرمي إلى إيه ؟

يعني عايز تقول إن الحكومة بتحارب التيار الديني أو التدين بشكل عام وفي نفس الوقت بتشجع على الإنحلال ؟

[nolimits2000]

س س حبيبى العنوان واضح يا عسل و أنت المعروف عنك أنك بتفهمها و هى طايرة و هاتها من الشبكة يا معلم

يعني عايز تقول إن الحكومة بتحارب التيار الديني أو التدين بشكل عام وفي نفس الوقت بتشجع على الإنحلال ؟

أكيد طبعا هو ده قصد الأستاذ صلاح من الأستفتاء و أنت شايف مين الناس اللى بيعتقلوها

أنا عمرى ما سمعت عن حد أعتقلوه عشان هو لابس خنفس و بيحب فيفى عبده و دينا و ليلى علوى و بيتكلم عنهم ( كويس ) أنما يعتقلوه لما يربى دقنه و يروح يصلى ف الجامع الوقت بوقته و يتكلم ف الدين ( كويس ) و يوعظ الناس للخير

سلام عليكم

[ENG. BEHAIRY]

ربما لوكانت العبارة : أدخــــــل ..... ولا تدخــــــل مسجدُا ... تكون أوضح وأبلغ

تم تعديل 3 سبتمبر 2005 بواسطة ENG. BEHAIRY

[nolimits2000]

ما هو محدش هيقدر يقبض عليك و انتى داخل المسجد أنما هياخدوك و أنت خارج منه :blink:

[kotoz9]

كتب العضو الفاضل أسد تحت عنوان موانئ البحر الاحمر من ضمن ما كتبه عن الفساد والاهمال والاستبداد:

ثم يبدأون في المناداة على أصحاب الجوازات لاستلامها .. وحجز جوازات من يشتبه فيهم أمنياً .. (ظاهرياً .. أي ذوي اللحى الكبيرة مثلاً) ومن قد جدد جواز سفره خارج مصر بواسطة السفارة ولم يكمل الأربعون عماماً من العمر .. أما من تجاوز عمره أربعون عاماً .. فيعتبر شخص آمن ..

من يحجزون جوازاتهم يحجزون في العبارة إلى أن يتم عرضهم على ضابط أمن الدولة الموجود في الميناء ...

يعنى انت لو عامل واد هيبز خنفس حيدخلوك .....

اما لو كنت و العياذ بالله من الذين يربوا دقونهم فاستلقى وعدك بقى يا حلو فى المينا مع ضابط امن الدولة...

ده مجرد مثل من امثلة لا تحصى....

عندك شارع الهرم مثلا ....

حتلاقى عربيات الامن المركزى امام الفنادق والكابريهات طبعا لحماية السياح واصحاب المزاج العالى..

برضه يوم الجمعة قبل الصلاة حتلاقى عربيات الامن المركزى امام المساجد بس المرة دى مش علشان يحموا المصلين ولكن علشان لو جماعة منهم قلت عقلها وعملت مظاهرة مثلا.....او لوالخطيب بقى بيلسن بكلام مش مضبوط ......اهو برضة الموضوع ما يسلمش والحذر واجب.

يعنى لو كنت خارج من الكابريه حتبقى فى حماية الحكومة اما لو دخلت الجامع حتبقى موضع شك الحكومة .

تم تعديل 3 سبتمبر 2005 بواسطة kotoz9

[zahkan]

هو طبعا ده دستور الحكومه بس مشكله الشعب انه ما عندهوس فلوس يدخل بيها كباريه

[ابو صلاح]

كل مداخلتكم جميلة وكويسة ، واظن السؤال يا سى السيد بتاعى مفهوم ومش محتاج توضيح وكان فى مدخلات زى العسل زى بتاعت

nolimits2000

ما هو محدش هيقدر يقبض عليك و انتى داخل المسجد أنما هياخدوك و أنت خارج منه

:blink: :) :)

وزى مداخلة استاذ ( زهقان )

هو طبعا ده دستور الحكومه بس مشكله الشعب انه ما عندهوس فلوس يدخل بيها كباريه

:D :D

اما عن رائى انا فا انا شايف ان فعلا دى سياسة الحكومة والدليل على كدة

استبعاد عمرو خالد عن مصر بعد التفاف الشباب حولة ( على الرغم ان فكر هذا الرجل معتدل وليس متطرف ) ويدعو الى نهضة مصر ( يعنى بيبنى ما بيهدش )

تانى حاجة : عدم التصريح للأخوان بعمل حزب سياسى (على حد علمى)

[ابو صلاح]

11 صوت منهم عشرة ( نعم) وواحد (احيانا) انا عايز اصوات اكتر والتعليق اهم من التصويت بعد أذنكم

[ابو صلاح]

النتيجة حتى الأن

12 صوت نعم

1 صوت لا

1 صوت احيانا

وستة اراء فى هذا الموضوع