ورحل 'الخال'..الأبنودي

[Scorpion]

اذا جاك الموت يا وليدي ..موت على طول.
اللي اتخطفوا فضلوا أحباب صاحيين في القلب

كإن ماحدش غاب. واللي ماتوا حتة حتة
ونشفوا وهم حيين..

حتى سلامو عليكم مش بتعدي من بره الأعتاب
أول مايجيك الموت .. افتح.

أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..

ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك. الورث تراب

وحيطان الأيام طين
وعيالك بيك مش بيك عايشين..!!
يو.....ه يا زمان..

رحمك الله ..

[سهران]

جزء من تشكيل وجدان كل مصري ... النهاردة يوم حزين ... الخال ... الأبنودي ... شيء من اجمل و انبل من أنجبته مصر سيوارى التراب ... و يبقى فوق التراب كتير لا يستحقون الحياة ... رحمة الله عليه و ربنا يتقبله و يسكنه فسيح جناته .

[Scorpion]

” انا بلا رئه الان، انا واحد ضمن الملايين الذي افسدوا حياتهم بالسجائر وهي لعبه حقيره وكل من يدخن يعتقد ان كل الناس قد تمرض ماعدا هو وقد وصلت لحاله من الشراهه في التدخين ففسدت الرئه وهذا ملخص المرض انا الان مثل السمك اتنفس من الخياشيم وهي اشياء صغيره جداً ”

إقرأها جيدآ انت يا من تلتهم السيجارة الان .. اسمع كلام الخال لعلك تتعظ ..

[tarek hassan]

الله يرحمه

[باهى الطائر الحزين]

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أول ماينادي عليك .. إجلح..

إنت الكسبان..

إوعى تحسبلها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا زمان..

مشوار طولان

من قصيدة يامنه للخال

الراحل عبد الرحمن الأبنودي

جنان النعيم ...

[أبو محمد]

وترجل فارس الكلمة ...... وارتاح

عرفته أول ما عرفته باسم لوسطى حراجى القط

كانت رسايله تذاع يوميا فى الراديو

كان يراسلها من أسوان إلى زوجته فطنة احمد عبد الغفار

الساكنة فى جبلاية الفار

رحم الله عبد الرحمن الأبنودى .. لوسطى حراجى

ورميت نفسي وسط الجدعان .. وبكيت ..

وبلدنا اللي كنا بنمشيها ف نص نهار

كان القطر في لحضه .. فاتها بمشوار .

سامحيني يا فطنه على التأخير ..

ولو الورقه يا بت الخال تكفي

لأعبي لك بحر النيل والله بكفيِ

وختاماً ليس ختام ..

بابعت لك ِ

ليكي ولناس الجبلايه ولبتي عزيزه والواد عيد

ألف سلام

زوجك ... لوسطى حراجي

وترد زوجته المصونة والجوهرة المكنونة

طب والنبي كأن ورقتك دي

أول قنديل بتهز ف جوف الدار .

أول ندعة ضو.

الدار من غيرك يا أبو عزيزه .. هِو .

وعزيزه وعيد ..

من غيرك يا حراجي زي اليُتما في العيد .

الواد على صغره حاسس بالغربه والبعد .

ولا عاد حتى بيطلع يلعب في القمَارى مع الولِد .

اطلع وأخش .. أطلع وأخش القاه .. غيمان

وكأنه محروق له دكان .

ويقوللي : "فين يامه أسوان .. ؟

وأبا سابنا ليه يا مه ؟ ما يمكن زعلان .. ؟"

[Grandma]

أنا بالوطن مسكون .. وكِلمتى حُرَّة...

عارف حاموت مسجون .. فى السجن.. أوْ بَرَّه!!

رحم الله الأبنودي