ايه اكبر مفاجأة ممكن تحصل يوم الإنتخابات

[emadiab]

خلاص يا باشوات ويا هوانم كل المرشحين بيلملموا اوراقهم و بيحضروا نفسهم ليوم سيعة يوم التصويت فى الإنتخابات الرئاسية

و رغم ان الكل عينه على الكرسي ما عدا الصباحى لكن الأمر محسوم من البداية لكن الكلام ده لو المسائل مشيت فى مسارها الطبيعى طب لو تخيلنا كده ان فى مفاجأة حصلت فى الفترة من يوم سبعة لحد اعلان النتيجة ييا ترى ايه المفاجأة اللى ممكن تكون حصلت من وجهة نظرك ؟؟

مستنى ردودكم على الموضوع و متبخلوش عليا بخيالكم

[se_ Elsyed]

انا اليومين دول خيالي واسع قوي وممكن اضع كذا سيناريو وحوار ممكن يحصل

خد عندك يا عمده

1- إن السر الالهي يطلع وساعتها الجيش يضرب كرسي في الكلوب وكله يروح بيتك بيتك ولا تبقى في انتخابات ولا يحزنون

2- اكثر المنافسين لمبارك اللي هو ايمن نور ياخد له طلقة بخمسة ساغ والناس تركب دماغها وتروح تنتخبه ويكسب باكتساح ( وش واحد دماغه اتلحست من الافلام العربي . . الجردل والكنكه )

3- القضاة يكتشفوا ان الانتخابات مليانة سبانخ ويعلنوا قدام العالم ان جواز عتريس من فؤاده باطل ويخرج الناس جماعات جماعات ويسحلوا عتريس ورجالته ويبجيبوا بداله رئيس تاني محترم

3- الاخوان المسلمين يطلعوا بيان رسمي غير طبعاً اللي قالوا فيه انهم هايحلقوا لعتريس ومش هاينتخبوه ويعلنوا صراحة انهم مع ايمن نور او نعمان ابو جمعه ويروح انصارهم اللي بالملايين ينتخبوا اللي قالهم عليه المرشد

4- القضاة يقفلوا على الحزب الوطني وما يعرفوش يطبخوا الانتخابات والمصريين يصابوا بفيروس الايجابية الحاد ويروحوا كلهم يقولوا نعم لايمن نور

ما تفرحوش قوي ده انا في السيماريو ده بالذات هابهدلكم ، يقوم عتريس منزل الدبابات في السارع ويسحل ايمن واللي متشدد له وكله رسمي وبالقانون حيث ان ايمن نور هربان من حكم نفقه وتبديد منقولات ولازم ينفذ الحكم

س س كاتب كتابه قصدي كاتب سياسي

[emadiab]

يا خبر اسود واضح انك متفائل قوى يا استاذ سينارست

انا معجب قوى بقدرتك الخيالية المحلقة دى

بس فى رأيي ان كل السيناريوهات اللى قلتها مستحيل انها تتحقق لكن السييناريو الخاص باعلان الإخوان لموقفهم و ترشيحهم لنعمان او ايمن نور ده وارد و حيبقى مفاجأة بغض النظر عن كونها سارة او ضارة

شغلوا مخكم اكتر و ورونى النتايج

[yasser6666]

طالما الموضوع متروك للخيال والاحلام يبقي خد عندك >>>>

#

بعد فوز مبارك المؤكد والمبرمج من شهور تطالعنا جرائد المعارضه ومنتديات الانترنت بأنه كان قد تم صفقة بين الرئيس مبارك وايمن نور ونعمان جمعة وباقي المرشحين والعملية كانت هزار في هزار لعمل مسرحية هزلية فيما بينهم لأقناع الأمريكان بالأصلاح السياسي

#

فوز كاسح للرئيس حسني ميارك صاحب الطلعة الجوية وأزهي عصور الديمقراطية ولكنه غير مقتنع بالنتيجة لأنها تعدت التسعين في المئة (وسعت شوية من مستر سفوت واعوانه) فقرر سيادته عمل تحريات واسعة ولجان تقصي حقائق وبالفعل وجد ان مستر ممدوح قناوي هو الفائز الحقيقي فقرر التنازل عن السلطة لمن يستحقها ولمن اختاره الشعب بكامل حريته وهو ابنه جمال مبارك !

[nolimits2000]

رأيى أن أكبر مفاجأة ممكن تحصل أن الرئيس مبارك يفوز بنسبة من 65 - 70 % بس -_-

[ahmedrefat]

ممكن ان تفلت الامور من محترفي التزوير وتبقي الفضحيه علي عينك يا تاجر وساعتها يتدخل ابونا الحاج بوش مضطر لرفض نتيجة التصويت ... ودي كانت نهاية فرقة ال مبارك المسرحيه

[bakeer22]

انا ممكن اسرح اكتر من كدة وقالكم على احلى فيلم عربى وهندى ممكن اشوفة ان مبارك ينجح وبأكتساح وبعد اعلان النتيجة يتوفاه الله وتتعاد الأنتخابات تانى وساعتها نلاقى عمرو موسى وكمال الجنزورى ومصطفى بكرى وكل الناس اللى بنحبهم او شايفين ان فيهم امل ينزلو الأنتخابات وساعتها هاتبقى انتخابات جامدة اوى ونلاقى ان كل الناس بتشارك

وانى اطلب ذلك من الله ولا يكتر على الله شئ

ويبقة دة فيلم نهاية ديكتاتور بطولة الحكومة وسيناريو الحزب الحاكم وتنفيذ (القضاء والقدر) واخراج الشعب المصرى كلة

تم تعديل 5 سبتمبر 2005 بواسطة bakeer22

[yasora73]

انا ممكن اسرح اكتر من كدة وقالكم على احلى فيلم عربى وهندى ممكن اشوفة ان مبارك ينجح وبأكتساح وبعد اعلان النتيجة يتوفاه الله وتتعاد الأنتخابات تانى وساعتها نلاقى عمرو موسى وكمال الجنزورى ومصطفى بكرى وكل الناس اللى بنحبهم او شايفين ان فيهم امل ينزلو الأنتخابات وساعتها هاتبقى انتخابات جامدة اوى ونلاقى ان كل الناس بتشارك

وانى اطلب ذلك من الله ولا يكتر على الله شئ

ويبقة دة فيلم نهاية ديكتاتور بطولة الحكومة وسيناريو الحزب الحاكم وتنفيذ (القضاء والقدر) واخراج الشعب المصرى كلة

<{POST_SNAPBACK}>

سيناريوهات خيالية بعض الشئ

انا متوقع الآتي:-

حدوث مظاهرات شديدة واشتبكات بالجملة بيم الشرطة والمتظاهرية

حدوث حالات وفاه متعدده في بعض مراكز الإقتراع

اعلان بعض القضاه انهم لم يستطيعوا ممارسة عملهم بحرية

الاعتداء علي مرشح حزب الغد من قبل رجل سيقال عليه انه مجنون ( ويعاني من مشاكل نفسية )

النتيجة كالآتي

الرئيس مبارك 69 %

أيمن نور 12%

نعمان جمعة 10%

باقي الرشحين بالكامل 11% ويدعوا لي علي كدة

===============================================

خذا لو سارت الأمور كما يجب

ولكن

سيقتل أحد مندوبين أيمن نور في أحد اللجان او يتم الإعتداء علية

=============================================

وفي النهاية سيتم إعلان الرئييس مبارك لولايه جديدة مدتها ست سنوات وليست الأخيرة

================================================

بعد ذلك تأتي مرحلة الإقتصاص من المعارضه المصرية ومن كافة األأقلام التي هاجمت مبارك

وسيتخلص مبارك من مجموعة كبيرة من أعضاء الحزب الوطني وسيكون بها مفاجآت بالطبع

==================================================

السيناريو العقلاني هو

قبل يوم الإنتخابات بالضبط يعني بكرة انشاء الله

بعد صلاة المغرب أو العشاء

يتحول الإخوان إلي بركان ثائر في المساجد وفي كل التجمعات

يخطبون في الناس بالميكروفونات والآيات القرآنية والخطب والمواعظ بأن مبارك لا يصلح لمصر

طبعا الشرطة في الوقت ده مشغولة

يعني مفيش حد هيخاف

---------------------------------------------------------------------

من الآخر يا جماعة

مصر مثل البالونه

تنتطر من لدية دبوس .

وإن حدث

أقسم بالله ستري الشعب المصري مثل العراقيين بعد سقوط بغداد بس علي كبير أوي

وفي هذه الحالة لابد أن يتدخل عقلاء الناس

مثل

عمرو موسي

الجنزوري

حسب الله الكفراوي

البابا شنودة (لا ) مش هيكون له عين يتكلم

شيخ الأزهر (لا ) مش هيلاقي كلام يقولة

مصطفي بكري

ابراهيم عيسي

وائل الإبراشي

أيمن نور

مهدي عاكف

وغيرهم من شرفاء الأمة

========================================================

وعلي العموم لسة يوم

وهنشوف إية اللي هيحصل

=====================================================

أنا عن نفسي

لن أخرج من البيت في هذا اليوم سأشاهد التليفزيون

لأني لا يوجد عندي بطاقة انتخابية

للأسف

النهاية

[bakeer22]

اية ياعم ياسر انت بتناقد نفسك انت مش عامل موقع دعاية لمبارك هو فية اية فى دماغك

http://www.egyptiantalks.org/invb/index.php?showtopic=16625

[se_ Elsyed]

او يحصل مثلاً سيناريو حقيقي بس لونه اسود يؤدي الى ان الناس تصحى وتعرف حقيقة عصر مبارك

عارفين ايه هو السيناريو ؟

هو ان اتوبيس نقل عام يقع في النيل ويروح ضحيته ما لا يقل عن 55 شخص بريء بسيط من اهالينا واخواتنا

الخبر لسه سامعه حالاً دلوقت

ولا حول ولا قوة الا بالله العلي العظيم

وحسبنا الله ونعم الوكيل

[Alshiekh]

المفاجـــــــــــــــــــــــــــــــأة

الزى المصرى الموحــــــــــــد

كل واحد يلبس له طربـــــوش

[yasora73]

اية ياعم ياسر انت بتناقد نفسك انت مش عامل موقع دعاية لمبارك هو فية اية فى دماغك

http://www.egyptiantalks.org/invb/index.php?showtopic=16625

<{POST_SNAPBACK}>

أعتقد انا انتهينا من هذاالموضوع

ولكن لو استمر لهجوم علي شخصي بهذهالطريقة

فسأخرج من هذا المنتدي للأبد

أناأقول رأي انا الشخص

اما الموقع

فأنا مصمم للموقع فقط

وأعتقد ان التصميم اليومين دول مش حرام

ولا يمكن يكون حرام وانا مش عارف

يا أخي انا لو عملت موقع لشارون اليهودي ومش لمبارك المسلم

فلن يهاجمني أحد مثلما تفعلون انتم

انا بصراحه اتخنقت من الموضوع ده

أوك

انتهي الكلام

[عبدوس الوزير]

رأيى أن أكبر مفاجأة ممكن تحصل أن الرئيس مبارك يفوز بنسبة من 65 - 70 % بس  :)

<{POST_SNAPBACK}>

أيوه، بمعنى آخر السماح لأيمن نور بتعدي نسبة 20%

والسلام.

[Alshiekh]

اية ياعم ياسر انت بتناقد نفسك انت مش عامل موقع دعاية لمبارك هو فية اية فى دماغك

http://www.egyptiantalks.org/invb/index.php?showtopic=16625

<{POST_SNAPBACK}>

أعتقد انا انتهينا من هذاالموضوع

ولكن لو استمر لهجوم علي شخصي بهذهالطريقة

فسأخرج من هذا المنتدي للأبد

أناأقول رأي انا الشخص

اما الموقع

فأنا مصمم للموقع فقط

وأعتقد ان التصميم اليومين دول مش حرام

ولا يمكن يكون حرام وانا مش عارف

يا أخي انا لو عملت موقع لشارون اليهودي ومش لمبارك المسلم

فلن يهاجمني أحد مثلما تفعلون انتم

انا بصراحه اتخنقت من الموضوع ده

أوك

انتهي الكلام

<{POST_SNAPBACK}>

ومن سمعك يا ياسر

كلنا بصراحة اتخنقنا من الراجل بتاعك ده

بس ولا يهمك انت شاب زى العسل ،

والاعتراف بالحق فضيلة مادمت اعترفت بالجريمة واعترفت على شركاؤك ،

فانت حاتبقى شاهد ملك وطالع براءة انشاء الله

وممكن تبقى مرشد على الناس اللى بالشكل ده

ياراجل روق دمك ، انت يعنى شفت الناس هنا فى المنتدى بيبصوا عليك فى الرايحة والجاية ويقولوا بتاع الحزب الوطنى اهه؟

احنا هنا كلنا بنقول رأينا ، وكل واحد له مطلق الحرية يقول ويختار اللى هو عايزه ، مافيش حجر على رأى ، احنا محاورات المصريين ، مش الحزب الوطنى ، واخدلى بالك يعنى ، خد راحتك ياعم وروق كده وماتزعلش ، وكلنا مصريين.

بس على فكرة ، ست ساعات كتير على صاحبك ، :) ;) :D

تحياتى

تم تعديل 6 سبتمبر 2005 بواسطة Mohammad

[ابو صلاح]

انا شايف اكبر مفاجأة ممكن تحصل هو ان ريس جديد يمسك الحكم ، لان الكل عارف ان حسنى هيخدها ويبقا كداب اللى يقول انة مش حاسس بكدة ،

وانا بقولها من دلوقتى وبدون اى تكهن ان الريس هوا اللى هيكسب بفارق كبير جدا ما بينة وما بين المرشحين الأخرين والموضوع مش محتاج فراسة يعنى

وأوعو تفتكرو من كلامى انى مؤيد لمبارك او هاروح انتخبو او هو يستحق الفوز

لأ

لان الكل حاسس من جواة ان الأنتخابات دى مسلسل كبير ومعروف نهايتة كمان

وسلملى على المفاجأت

[احمد رضوان]

يوم الإنتخابات شعاره ... بلطجى لكل صندوق ... نسبة الحضور الحقيقية لن تتعدى 10% ... يفوز مبارك ب 80 فى المائة

بعد كده:

نادى القضاة يعلن تزوير الإنتخابات وحصوله على ادلة

كفاية تحصل على حكم باعادة الإنتخابات

الحكومة ولجنة الإنتخابات ترفض الحكم ...

حالة خواء دستورى ... ينهار النظام القانونى المصرى ...

يستمر مبارك فى الحكم يدعمة الجيش والشرطة .... ولكن سيكتب له انه هدم الجزء المتبقى من الدولة

الأخ ياسر :

سوف احذف ردى على موضوعك بعد الإعتذار ... وتكفيك شجاعة الإعتذار

[عصام أبوالفتح]

أكبر مفاجأة مسخرة ممكن تحصل فى وجهة نظرى ..

انه بعد فوز مرشح الحزب الوطنى تكتشف اللجنة الانتخابية ان فى كلمة مكنتش باينة قبل اسم مرشح الحزب الوطنى الفائز بالانتخابات ..

ولما يطلبوا رأى الخبراء .. يكتشفوا الكلمة ..

جمال

جمال محمد حسنى مبارك هو الرئيس يا جماعة .. mfb:

معلش كان حبر القلم بيشحت :) ;) :D

[Sherief AbdelWahab]

إن الأمور "تتظبط" بطريقة تجعل الأقصري أو العجرودي يكسب له كام ألف صوت ويرتب الثاني أو الثالث بعد مبارك بعشرين تلاتين كيلو..منها تفتيت أصوات وإنجاح تجربة.. ياعييييني!

وبعد كدة يقول الأقصري أو العجرودي كلمتين حلوين في مبارك ، وياخدولهم إعانات من الحزب ويتوسع لهم في انتخابات مجلس الشعب .. عشان الصورة تبقى أحلى..

ألو يا انتخابات ألوووو..

خلص الكلام

[ماركيز]

خروج الشعب المصرى رافضا لنتيجة فوز احمد الصباحى ) بوحة ) ومطالبته بالالتزام بوعدة الذى قطعة باعلان تنازله لمبارك فى حالة فوزه بالرئاسة

[emadiab]

يا خبر 18 رد على موضوع ليا فى اقل من يوم واحد

متهيألى ده اللى بيسموه حظ المبتدئين او بتيجى مع الهبل دوبل

ما علينا

كل واحد فيكم حط اكتر من سيناريو وانا لو قعدت لبكرة مش حقدر اخلص التعليقات عليهاو بصراحة مكنتش متوقع ان دماغكم و خيالكم يوصل للهنتريش المحلق ذو الأجنحة على رأى عمرو اديب

لكن انا اكتر تعليق عجبنى هو سيناريو الأخ ماركيز لأنه خرم سقف الخيال و نفد للفضاء السرمدى

انا بحاول اتخيل اى سيناريو واقعى ممكن يحصل

فقلت فى عقل بالى ليه ميعديش ايمن تور نسبة 25% هو اقل منها ولا ايه

طب خدوا عندك السيناريو التانى

ان القضاة يكتشفوا التزوير اللى ممكن يحصل فى الإنتخابات و تتعاد تانى الإنتخابات او يدخلوا فى قضايا تستمر لحد ما القضاء بالصدفة البحتة يحكم فى قضية كفايا و نعيد الإستفتاء على تعديل المادة 76 من الدستور او تفضل القضايا تتأجل لمدة ست سنين و بكدة يفضل مبارك حاكمنا لفترة خامسة من غير ما ناخد بالنا

ملحوظة صغنونة

لا اعتقد ان مصر سيكون لها رئيس من خارج الحزب الوطنى قبل انتخابات 2017 و عليكم خير