Salwa بتاريخ: 6 سبتمبر 2005 تقديم بلاغ مشاركة بتاريخ: 6 سبتمبر 2005 مش عارفة ليه فكرت انهاردة اكتب لكم شويةعن البينشو ... بصراحة دى طريقة جميلة ولذيذة جدا لتناول الطعام وهى طريقة منتشرة جدا جدا فى اقليم الباسك ومنها انتشرت فى كل اسبانيا .. البينشو عبارة عن كميات بسيطة من الطعام ...(( كميات صغيرة وعدة انواع )) ..ممكن تناولها بعيدان الخلة او فوق شرائح الخبز .. وسوف اكتب لكم اشهر الأنواع وهى طرق معروفة لأكثر من شيف مشهور .. دائما بيكون الخبز مقطع على هيئة شرائح .. نبدأ بالأنشوجة ... نشوى عدد واحد فلفل اخضر وعدد واحد فلفل احمر ثم نزيل القشر ونقطعه شرائح رفيعة ..تتساوى مع عدد الأنشوجة يعنى اربعة انشوجة يبقى اربع شرائح وهكذا .. نعمل صلصة روزا ....ودى تكون عبارة عن ملعقة مايونيز وملعقة كاتشاب وملعقة موستاسا وقليل من صلصة التاباسك الحارة ..وبعض نقاط من الليمون ..ونخلطها جيدا . بيضة مسلوقة مبشورة ...بعض الزيتون . نحمر شرائح الخبز ... نضع طبقة من الصلصة روزا ....نضع شريحة فلفل اخضر وبجانبها شريحة فلفل احمر . ثم نضع الأنشوجة ..ثم نضع بعض البيض المبشور ثم زيتونة . وبالهنا والشفا ... السبيط او الكالامار .... يقطع شرائح رفيعة بعد تنظيفه ....يحمر فى الزيت بعد وضعه فى الدقيق تكون درجة حرارة الزيت 250 ...يقدم فى اطباق صغيرة مع قطع الليمون ... بطاطس باللحم المفروم .......(( كله على طريقة الباسك )).. نقشر البطاطس ونقطعها حلقات رفيعة ..ونحمرها ....نضع بين كل طبقتين بعض اللحم المفروم ...نضع من الجهتين دقيق ثم نضعه فى البيض المضروب بملح وفلفل ثم نضعه فى بقسماط مطحون ونحمره فى الزيت .. هذه امثلة بسيطة .....تقدم بهذه الطريقة ...شرائح انشوجة ....كالامار مقلى ....بطاطس باللحم .. يارب تعجبكم .... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
bodda بتاريخ: 6 سبتمبر 2005 تقديم بلاغ مشاركة بتاريخ: 6 سبتمبر 2005 تسلم ايدك يا سلوى فعلا من احلى الطرق خصوصا فى عزومات العصارى او مقبلات قبل العزومات العادية ويمكن التنويع فيها بلا حدود بس ماتبقيش تغيبى عننا كتير كده مساء الفل :) عاشق البحر والسما رابط هذا التعليق شارك المزيد من خيارات المشاركة
Salwa بتاريخ: 6 سبتمبر 2005 كاتب الموضوع تقديم بلاغ مشاركة بتاريخ: 6 سبتمبر 2005 اقول لكم طريقة شرائح الخبز مع السمك . بينشو السمك ... زيت..ملح..دقيق...حليب...زبدة...بصلة صغيرة مقطعة ...سمك مسلوق ...صلصة طماطم ...مايونيز . نحمر البصلة فى ملعقة زيت ثم نضيف الزبدة ثم نضيف ملعقتين دقيق ثم كوب من الحليب وبهذا نعمل الباشاميل ..ثم نضيف له السمك ..نلون الطعام بصلصة الطماطم .. نتركه يبرد بعض الوقت .... نضعه فوق شرائح الخبز ونجمله بالمايونيز .... يارب يعجبكم ... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
Salwa بتاريخ: 6 سبتمبر 2005 كاتب الموضوع تقديم بلاغ مشاركة بتاريخ: 6 سبتمبر 2005 سنيور bodda .. شرفتنا ونورتنا ...صباح سعيد ان شاء الله . احنا بس حبينا نقدم شوية تسالى ..وعلى رأيك هى فعلا بيكون الاقبال عليها فى موعد ال (( ميرييندا )) merienda... وهى بين الغداء والعشاء .......او العشاء بالنسبة للناس اللى بتاخد مييريندا عبارة عن شاى فقط او كافيه او حتى مجرد زبادى .. يعنى اكمل ؟؟؟ (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
se_ Elsyed بتاريخ: 6 سبتمبر 2005 تقديم بلاغ مشاركة بتاريخ: 6 سبتمبر 2005 لأ شويه شويه علينا ياخوانا وما تنسوش إن إحنا فلاحين أشرح معنى الآتي : الأنشوجة ... دي عارفها أعتقد إنها سمك زي التونة كده صح ؟ ملعقة موستاسا .... طب يعني أروح للفكهاني أقول له وحياة والدك إوزن لي ربع كيلو موستاسا بس على ذوقك ولا أعمل إيه بالظبط ؟ الصلصة روزا ... مين دي ؟ دي غير صلصة الكشري على العربية ؟ مدام سلوى أنا مش يأتتريق والله .. لكن إنا غلابه وفهمنا على قدنا ومش عيب إننا نفهم الحاجات بتاعت بره دي :) الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Salwa بتاريخ: 6 سبتمبر 2005 كاتب الموضوع تقديم بلاغ مشاركة بتاريخ: 6 سبتمبر 2005 مساء سعيد ياسى السيد .. والله بجد هى اسمها كدة كمان بالعربى .. طيب الأنشوجة ...هى ال ...نشوءة ....وهى زى شكل السردين بس ارفع ومبروم يعنى مش مبطط ..وهى تباع فى علب محفوظة ودائما توجد فى ثلاجات ...او مملح زى السردين .(( اسمها بالعربى انشوجة ))...واسأل كل الاسكندرانية اللى فى الدنيا بحالها ... الموستاسا ...هى صلصة الخردل او كمان اسمها المستردة ...وهى موجودة ومتوفرة ايضا فى محلات السوبر ماركت واعتقد انها دائما موجودة فى محلات الماكدونالدز يعنى اكيد اكيد شفتها قبل كدة بس طعمها لاذع بعض الشئ .. الصلصة روزا ...يعنى الصلصة البمبى .. وده علشان المكونات بتعطيها هذا اللون فى الآخر ..... المهم يعنى يعنى .....ايه رأيك فى طريقة الأكل دى ؟؟؟ بكرة اكتب لكم طرق تانية .... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
bodda بتاريخ: 7 سبتمبر 2005 تقديم بلاغ مشاركة بتاريخ: 7 سبتمبر 2005 العزيزه سلوى طالما انك فى اسبانيا ( ماكنتش اعرف دى ) يبقى نستغلك فى وصفات اسبانيه وياريت وصفة شوربة السمك الشهيرة بتاعتهم اللى بيدخل فيها اكتر من نوع سمك .. بس ناسى اسمها صباح الفل :) عاشق البحر والسما رابط هذا التعليق شارك المزيد من خيارات المشاركة
se_ Elsyed بتاريخ: 7 سبتمبر 2005 تقديم بلاغ مشاركة بتاريخ: 7 سبتمبر 2005 الموستاسا ...هى صلصة الخردل او كمان اسمها المستردة <{POST_SNAPBACK}> لأ طالما مسترده .. يبقى أنا كده في السليم ... نعرفوها طبعاً .. ولو إني ما بحبهاش لا هي ولا المايونيز .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Salwa بتاريخ: 12 أكتوبر 2005 كاتب الموضوع تقديم بلاغ مشاركة بتاريخ: 12 أكتوبر 2005 مساء الخير ... بالنسبة لشوربة السمك .. يوجد هنا اكثر من مائة نوع من شوربة السمك وتقريبا نقدر نقول ان مش بس كل اقليم له طريقة مختلفة عن الاقليم الآخر ...لالالا...ده حتى كل مدينة لها طريقة تختلف عن المدينة الاخرى .. ده بالنسبة للاسماك عموما ايضا ... ومش لازم ننسى ان اسبانيا تطل على بحور من الأربع جهات ..... طريقة شوربة السمك عندنا فى اسكندرية ممكن نقول انها نفس طريقة شوربة السمك هنا ....كجزء اول . يعنى ايه ؟؟ فى اسكندرية بتكون الطريقة كالآتى : - سمك وقار او قاروص . - مستكة وحبهان .واتنين كوب ماء . - بصل وليمون وملح وفلفل .وطماطم وكرفس. - زيت زيتون او ملعقة زبدة و ملعقة دقيق . - جمبرى مقشور . نغلى الماء ثم نضيف السمك المغسول ومقطع ...نحاول ان نزيل اى فقاعات فى بداية الغليان ..ثم نضع البصل والكرفس المقطع والطماطم المقشورة ومقطعة صغير والمستكة والحبهان .(( البعض يسلق الرأس فقط ثم يخرجها من الشوربة ويفصصها ثم يضعها مرة اخرى )) . نحمر ملعقة الدقيق فى الزبدة او فى زيت الزيتون ثم نضيفها على الشوربة .. ممكن اضافة جمبرى مقشور ... هنا ....... يتم عمل الشوربة بنفس الطريقة ..لكن ؟؟ هذا النصف الأول من العمل ولكن هم يضيفون اكثر من نوع من الاسماك الحجرية زى مثلا سمك السالمونيت اللى هو ( الباربون ) او اى سمك آخر يشبه له... ثم ... الجزء الثانى ... نكون محضرين قواقع بحرية (( بلح البحر او اى نوع متوفر..طبيعى بيكون فيه اكثر من اربع انواع )) يتم فتح القواقع عن طريق البخار بأننا نضعها فى كسرولة ثم نقلبها من آن لآخر لمدة خمس دقائق ...والقواقع التى لا تفتح لا نستخدمها لأن معنى ذلك انها غير صالحة ... ننظف القواقع من عظمها يعنى ناخد بس القلب ... نكون محضرين كالامار مقطع صغير وجمبرى وكابوريا مخلية (( البعض يفضل ان تكون الكابوريا صغيرة وموجودة داخل الشوربة بعظمها .. عند تحضير كل ذلك ... نحمر بصلة مقطعة صغير جدا ثم نحاول هرسها بملعقة خشب ثم طماطم ثم نضيف الحساء وبه قطع السمك والقواقع النظيفة (( القواقع الكبييرة ممكن نقسمها على اتنين او تلاتة )) والجمبرى والكالامار والكابوريا ....وتغلى عشر دقائق مع اضافة الزعفران ... البعض يضع بسلة مسلوقة او جزرة مقطعة صغير ...او مكرونة لسان العصفور .. البعض يضع قليل من الشطة وكثير من البقدونس ... البعض يحمر بدل من البصل حلقات الكرات ثم يضع الدقيق وحلقات فلفل اخضر ... هذه هى الشوربة .. وبالهنا والشفا... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
bodda بتاريخ: 12 أكتوبر 2005 تقديم بلاغ مشاركة بتاريخ: 12 أكتوبر 2005 الف شكر سلوى هانم طبعا الشوربة المصرية تمام مانا برضه بورسعيدى :wub: يعنى بصره بس كنت سمعت ان فيه شوربه فى اسبانيا بيستعمل فيها مجموعة اسماك يبقى كده تمام وتسلم ايدك رمضان كريم :blush: عاشق البحر والسما رابط هذا التعليق شارك المزيد من خيارات المشاركة
Fencer بتاريخ: 13 أكتوبر 2005 تقديم بلاغ مشاركة بتاريخ: 13 أكتوبر 2005 الاخت سلوى انا عجبني جدا جدا البينشو و فكرة هايلة تسلم ايديكي ،بس انتي كنتي مخبية الحاجات الحلوة دي فين اما عن شوربة السمك فانا لم اشربها الا عند قدورة في اسكندرية و عمري ما عملتها لاني اخاف تطلع زفرة ، الشوربة اللي انتي واصفاها انا كلت حاجة شبهها في مدينة لاكرونيا في شمال اسبانيا قعدت هناك اسبوع كنت باكلها يوماتي و كانت جميلة جدا حان وقت التجارب تسلم ايدك The Egyptian Fencer رابط هذا التعليق شارك المزيد من خيارات المشاركة
Salwa بتاريخ: 13 أكتوبر 2005 كاتب الموضوع تقديم بلاغ مشاركة بتاريخ: 13 أكتوبر 2005 شكرا جزيلا اخى الفاضل بودا ...وانا معك طبعا ان الأكل المصرى لا يعلى عليه ....بس بجد بجد بجد المطبخ الاسبانى هايل ...هو مش دفاع كدة بالباطل لالالالا لكنها كلمة حق ..بس انا بقى عملت لى مطبخ خاص بى يعنى اللى يعجبنى من عندهم (الا الاضافات اللى بيضعوها) ممكن اخدها واغير حسب هوايا وبيكون اكل تانى خالص مختلف والذ ...خصوصا انى غاوية اكون فى المطبخ وافتكر حتى اكل جدتى واعمله يمكن يكون اكل بطل الناس حتى ياكلوه فى مصر لأن عمايله صعبة ... حانعمل ايه بس ؟؟؟ لما تعاشر ناس تلاتين سنة غصب عنك بتحبهم ...يعنى ( حب بالاكراه والترصد مع ابتسامة سعيدة ) .. .شكرا اخى الفاضل فنسر ..وعلى فكرة لابد من المجازفة وبالتأكيد الحاجة حاتطلع جميلة .. بالنسبة للشوربة فى لاكورونيا ( وهى مدينة فى مقاطعة جاليسيا ) ..بالتأكيد اكيد جميلة لأن جاليسيا مشهورة بتنوع الاسماك وبها مدينة فيجو التى تطل على الاطلنطى ...ملاصقة للبرتغال ....وعلى فكرة اجمل والذ سمك باكالاه اكلته كان فى البرتغال ...كل اسماك الاطلنطى لذيذة جدا .. نفس الشئ بالنسبة لأقليم الباسك ...مشهور بالاسماك ومشهور طبعا بالبينشو ...ومشهور ايضا بنوع من حلوى الفاكهة سوف اكتبه لكم حالا ...وهى ايضا تعتبر بينشو .. بالنسبة لأقليم كاتالونيا ..( اتواجد به ) ...فهم ذواقون فعلا فعلا لأكلات السمك ومدينة برشلونة هى صورة طبق الأصل لمدينة اسكندرية قديما ..(( بيتهيألى انى اردد نفس الكلام دائما )) ... مشهور هنا الجمبرى المشوى بالثوم فقط ...يعنى نفتح الجمبرى الكبير من الظهر ونشيل خيط الفضلات اللى فى الظهر ..ونشويه على شواية عادية بوضع قليل من الزيت وان احببتم نضع ليمون ايضا ... اما الثوم فيتم وضعه بطريقة غير مضره لمن لايهوى الثوم ....وذلك اننا ناخد فص ثوم كبير ونضعه فى طاسة الشوى بقشره لحد ما الزيت ياخد بس رائحة الثوم ثم نشيله من الطاسة ...لانتركه حتى لا يمرر الأكل .. برضه نفس حركة الثوم دى ممكن نعملها مع اللحم المشوى او مع السمك اللى منحبش نتبل ه بثوم مباشر ... مشهور ايضا اكلة البائييا وانا سبق لى ووضعت الطريقة هنا ... وعموما لو يعجبكم من وقت للتانى اكتب لكم حاجة ... سلام. (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
Salwa بتاريخ: 13 أكتوبر 2005 كاتب الموضوع تقديم بلاغ مشاركة بتاريخ: 13 أكتوبر 2005 نبعد شوية عن طرق الاكل فى باقى الاقاليم ونرجع لطريقة البينشو فى اقليم الباسك .. فاكهة دافئة .. اول شئ يكون مصاحب للطبق ده شوكولا سائلة او زبادى بالسكر .. وعلى فكرة طريقة الشوكولا السائلة سهلة جدا وهى عبارة عن زبدة وكريمة لبانى وشوكولا ....نضع الكل فى كسرولة على نار هادئة مع التقليب المستمر الى ان تتجانس ونضعها فى قارب للتقديم .. طريقة عمل الفاكهة : نحضر واحد كمثرى وواحد خوخ كبير وموزة واناناس ان وجد او اى نوع فاكهة آخر تحبونه .. نقطعه صغير كمكعبات ... يكون عندنا دقيق فاخر مخصوص لصنع الحلوى حسب كمية الفاكهة وملح قليل ( الملح مهم جدا للدقيق ) .. ماء بارد جدا .. نضيف الملح للدقيق ثم نضيف الماء شوية شوية مع التقليب المستمر بمضرب البيض الى ان يتجانس المزيج ويصبح شبيه بالباشميل ... مش مهم اضافة خميرة بيرة لكن ان احببتم ممكن .... نصب المزيج فى طبق كبير ... نسخن حوالى نصف لتر زيت ... نضع كل ثلاث قطع فاكهة فى عود خلة .....ثم نضعها فى مزيج الدقيق ...ثم نقليها ونقلبها يعنى زى ما بنعمل لقمة القاضى او ( الزلابيا ) ... نضعها على ورق مطبخ ....( عموما الفاكهة لا تتشرب كثيرا الزيت وسوف تلاحظون ذلك ) ... نأخذها بحرص من على الورق نضعها فى طبق التقديم ونجملها بخيوط الشوكولا السائلة .. يعنى ناخد ملعقة شوكولا ونمشى بيها فوق الفاكهة على هيئة خطوط بسيطة جدا ... نقدمها بجانب زبادى او قارب الشوكولا لكى ياخذ كل فرد حسب ما يحب ... وبالهنا والشفا... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
bodda بتاريخ: 13 أكتوبر 2005 تقديم بلاغ مشاركة بتاريخ: 13 أكتوبر 2005 تسلم ايدك يا سلوى طريقة الفاكهة الدافية تجنن وممكن نستعملها مع التفاح والموز زى ما قلتى ومتهيالى تنفع برضه نجربها بالبلح الرطب هايكون حلو اوى لان زمان كنا نحمر البلح الرطب بالسمن مع البيض فمتهيالى ممكن ينجح بطريقة العجينة والشوكولا هايل يا سلوى رمضان كريم :wub: عاشق البحر والسما رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان