تحية لهذا الزميل .....

[se_ Elsyed]

أنا قولت واجب عليه أوجه تحيه لبعض الأخوة الأعضاء المميزين في المنتدى وأصحاب النشاط والهمه العالية في الفترة الأخيرة بجد والذين أثروا المنتدى بشكل ملحوظ .. ومش معنى ذلك إن الباقي مكسلين .. أبداً .. لكن الأعضاء اللي هاذكرهم دول من وجهة نظري الشخصية ما شاء الله عليهم :

1- شريف عبد الوهاب ..... عمال زي النحلة في مواضيع كثيرة وما بييأسش حتى لو ما فيش تجاوب بعض الأحيان على موضوع معين بيفتحه .

2- أعمامي الكبار ... اخناتون والمتر محمود ( الأفوكاتو ) ... إتنين شبه بعض في حاجات كثيرة ونستقي منهما الخبرة اللي المفروض الواحد بيدفع عليها فلوس عشان يحصل عليها ودول بيقدموها لنا فور فري .... ربنا يديهم الصحة ويبارك لهم في عمرهم ( من قلبي والله ) ..

3- عصام أبو الفتح ... عايز يقول حاجات كثير ونشاطه وفير . ( بس لو يبعد عن المواضيع الفرعية ... وهو فاهم كويس )

4- ENG. BEHAIRY .... ده بقى بيهتم بالكيف وليس الكم .. يعني كام مدخلة كل فترة لكن اللي هما ...

5- بـــــــودا .. ملك المطبخ وإمبراطور الحلل العمرانه .... الراجل اللي مغذينا ومقوينا ... بجد خلا للمطبخ لون وطعم وريحة .. وقام بجمال شخصيته بإستقطاب زملاء أعزاء كلهم أجمل من بعض ومنهم على سبيل المثال ( شاعر الرومانسية ، أوشا والعائلة الكريمة ، ريهام )

[الأفوكاتو]

عزيزى سى سى ,

أشكرك على مدح لا أستحقه, و لكنى سأعتبره وساما أضعه على صدرى.

و فى نفس الوقت, أتفق معك على أن كل عضو فى المحاورات يستحق التقدير و الثناء,

فإلى جميع الزميلات الزملاء,

تحياتى و شكرى لكم.

محمود الأفوكاتو.

[عصام]

فعلا تحية حب وتقدير لكل من ذكرت يا ابو السيد ..

وأزيد على ذلك تحية حب وتقدير واحترام لكل الزملاء .. وقبلهم جميعا تحية لك شخصيا على هذا الإحساس الجميل ..

أخوك فى الإحساس .. عصام شوقى

(إبعت بقى المسائل اللى قولت لى عليها

)

[Sherief AbdelWahab]

كتييييييييييييييييييييير هذا المدح على شخصي المتواضع جداً.. شاكر لك جداً يا عزيزي أبي السيد.. :unsure:

وخالص تقديري لباقي من ذكرت من الفضلاء وغيرهم..

خلص الكلام

[zamzam]

يستحقوها وانتم ايضا ياسي سيد

[عصام أبوالفتح]

يا أخى مش عارف اقولك ايه .. بجد لفتة جميلة :)

وصدقنى انتوا تستاهلوا تاخدوا جزء كبير من وقت فراغى

فى مواقع كان الواحد حاسس انه بيكلم نفسه فيها .. :)

جزاك الله خير يا س .س انت وكل الأخوة ..

[ENG. BEHAIRY]

الأخ الفاضل سى السيد

كلماتك وسام أعتز به ، وأرجو أن أكون أهلاً لبعضها

وأوافقك القول بأن كل عضو فى المحاورات يســتحق

التقــدير والشــكر والثنـاء ، فتحية لك ولهــم جميعًـــا

وتحية لفريق الإشراف والقائمين على منتدانا الرائـع

وبيتنا الجميل ، وانتهـزها مناســـبة لأتوجـه بتهنئتى

لكم جميعًا بمقدم شـهر الرحمات والخيرات والبركـات

فكـل عام وأنتم بخير ، والله نســأل المغفـرة والقبــول

تم تعديل 1 أكتوبر 2005 بواسطة ENG. BEHAIRY