ضرورى يا جماعة هل حالة الصدفية دى تمنع من السفر للسعودية ولا لأ !؟

[عمر المختار]

السلام عليكم

ابن خالتى محاسب وعمل مقابلة مع شركة سعودية ومضى عقد مبدئى بدون اى التزامات لغاية دلوقتى ويعانى من الصدفية فى أماكن أعلى وباطن الرجلين على هيئة بقع أو فرش وفرشه بسيطة بكل ركبة وفرشة أى نقطة كبيرة بأحد اصابعه.وهو بياخد علاجات تهدى منها .انا علمى انا الصدفية تمنع السفر للسعودية ..والسؤال هل فيه حد عنده معلومة مؤكدة أو تجربة يفيدنى من خلالها ان كان الاصابة بالصدفية بهذه الدرجة أو بهذا الوصف تمنع مثلها مثل المصاب فى كل جسده او الحالات الأشد والمنتشرة أكثر والظاهرة ولا طالما موجود صدفية يبقى كله زى بعضه ومش هتفرق ان كانت منتشرة ولا لأ؟ ولا ممكن تعدى ؟ ولا حسب كل مستشفى ؟ولا حسب الدكتور ؟..أفيدونى بسرعة قبل ما يروح المكتب يدفع عربون لأن المكتب بيستعجله كل يوم علشان يمشى فى اجراءات السفر وهو بيأجل بأى حجج علشان يسأل الأول عن الموضوع دا ..رجاء لا تبخلوا بالنصيحة والتجربة سريعا وشكرا لكم

تم تعديل 4 مايو 2015 بواسطة علاء جادو

[خالد الشويل]

هى بتمنع ... بس على حسب الدكتور بقه .. لو لقاه بيتعالج هيعديها

انا كان عندى تنيا بنيه فى كل جسمى ... الدكتور ممضاش على الورق لانه قالى شكلك مش بتتعالج منها ... قولتله لاء بتعالج ... قالى انا دكتور وعارف اللى بياخد علاج من اللى مش بياخد .... ع العموم ادانى مهلة اسبوع قبل ميمضى على انى عديت الكشف الطبى وانى لائق طبيا وكده ... وبالفعل روحت اتعالجت ف 3 ايام ... ولما لقيت ان فيه تحسن روحت تانى المستشفى وقدمت الورق تانى لنفس الدكتور ووريته جسمى قالى ايوه كده انا عملتها لمصلحتك لانى لو كنت وافقتلك مكونتش هتتعالج ... احنا مبنوقفش حال حد ربنا يوفقك .... بجد انا بدعى للدكتور ده ... ربنا يباركله