هل تعتقد أن إنتخابات الرئاسة مزورة ؟

[Diab]

هل تعتقد أن إنتخابات الرئاسة مزورة ؟

[se_ Elsyed]

ما ينفعش الإستفتاء ده يا أخ نوبي

فكيف نحكم على تزوير الإنتخابات من عدمه وهي لم تتم بعد ، وإن تمت حتى فما هو الدليل على تزويرها ؟

[shawshank]

يا س س قول رأيك

فلو ماكنتش لسه بدأت أو انتهت ، قول توقعاتك ، أو ما تعتقد أنه سيحدث.

و بعدين انت كده كده مش في مصر :)

تم تعديل 7 سبتمبر 2005 بواسطة shawshank

[se_ Elsyed]

يا س س قول رأيك

فلو ماكنتش لسه بدأت أو انتهت ، قول توقعاتك ، أو ما تعتقد أنه سيحدث.

و بعدين انت كده كده مش في مصر :D

<{POST_SNAPBACK}>

الدلائل كلها تُشير إلى إمكانية التزوير ( طبعاً من جانب الحزي الفاشي ) .. لكن أنا مستني أسمع رأي القضاة الذين بالتأكيد إذا قالوا ذلك فسوف يُقدمون أدلة دامغة على كلامهم .

[ابو صلاح]

من وجهة نظرى المتواضعة سسيايا

اللعب والتزوير مش عملية الأتتخابات نفسها انما اللعب هيبقا فى اصوات الناخبين انفسهم ، وماتنسوش ان معظم الشعب المصرى أمين وفقراء وجهلة ويمكن التأثير عليهم بسهولة وأخذ اصواتهم عن طريق الأغراءات المادية وعلى حد علمى ان اكتر نسب انتخابات بتبقى فى القرى مش فى المدينة طبعا مش محتاج فراسة عن السبب

[Advisor]

ما ينفعش الإستفتاء ده يا أخ نوبي

فكيف نحكم على تزوير الإنتخابات من عدمه وهي لم تتم بعد ، وإن تمت حتى فما هو الدليل على تزويرها ؟

<{POST_SNAPBACK}>

قمت اليوم بمشاهدة العملية الإنتخابية فى أكثر من دائرة من خلال التغطية التليفزيونية.

لا حظت أن إجراءات الإدلاء بالصوت تتطلب الآتى

البحث - يدويا - عن إسم الناخب فى كشوف الناخبين

تسجيل إسم الناخب - يدويا - فى كشوف أخرى لم أتأكد أن عملية التسجيل هذه تتم لجميع الناخبين

يتم توقيع الناخب على أحد الكشوف ( توقيع أو بصمة)

يتم غمس إصبع الناخب فى حبر فوسفورى

و يسبق الخطوات السابقة بحث الناخب عن إسمه فى كشوف الناخبين المعلقة أمام اللجان

أرجو تقدير التوقيت اللازم لإنجاز الخطوات السابقة و عمل تقدير للوقت اللازم لإجراء الإنتخابات بأمانة و دقة

[ثورة الوادي]

سمعت ان الصوت لحسني بمية جنية

وبعدين الانتخابات مزورة مزورة اذا كان مفيش ستاير تصوت وراها و معظم الي بيصوتوا من الشركات ومتجمعين في اتوبيسات يعني لو بان انهم صوتوا لحد تاني غير حسني حيتخرب بيتهم

[se_ Elsyed]

سمعت ان الصوت لحسني بمية جنية

100 ج

أممم أممم

يعني أنا وزوجتي 200 ج

وأروح أبوس إيد نينه الحاجة وأغوي إخواتي وأخد بطايقهم .. يعني بنتكلم في 600 تاني .. وبابا لسه متوفي من 3 سنين وتلاقي إسمه لسه موجود في الكشوفات ... يعني بنتكلم في 1000 ج ... قشطه وفضل وعدل ..

حُسننننننننننننننني .. حُسنننننننننني ... آه آوووووووووووو

حسني مبارك يا بلاش .. بس الحكومة ما تقفشناش ...

معاك يا حسني حتى الممات .. بس لايمنا على الجنيهات ...

أخترناك إخترناك ... وهانختار إبنك وراك ...

يا ماما سوزان قولي لجمال .. يفتح لنا بيت المال ...

[ثورة الوادي]

بس انا لية الحلاوة برضوا

[ابو الكباتن]

مبروك يا مصر

مبروك لمبارك

النتيجة ظهرت

مبارك 72% منافق

الشعب المصري

حسرة قلبي عليك يا شعب

اليوم كان عبارة عن صراع بين الوطنيين

وأصحاب المصالح

وللأسف

أصحاب المصالح لهم اليد الطويلة

علي العموم

انا استحلملت عمري اتسرق مني من 24 سنة

إية المشكلة لو كانوا 30

استحلملنا 24 مش مهم سته تانين

حسرة قلبي علي البلد

[se_ Elsyed]

بس انا لية الحلاوة برضوا

<{POST_SNAPBACK}>

يا باشا حلاوه وجبنه ولانشون وكل الغذاء المتكامل

ربنا يخلي لنا الريس يارب .

يارب خد الشعب المصري عشان هو يعيش مرتاح البال

[emadiab]

مقدرش اقول انها مزورة حتى بعد ما تتم لكن اقدر اقول ان فى انتهاكات ومخالفات حصلت وهى طبع ها داخلة فى باب التزوير بس يبقى تعسف لو قلت انها انتخابات مزورة