الأخوة المنتخبين والمنتخبات .طمنونا عليكم يا ولاد

[ماركيز]

اطمئن يا سى السيد

المكرونة بتتوزع والمواصلات الحكومية فى خدمة الناخب وكله تمام فى عيد الانتخابات بس ياريت المرة الجاية يعملوا مراجيح جنب اللجان عشان العيال

[se_ Elsyed]

أيوه هاننقل الموظفين يصوتوا في الإنتخابات بأتوبيسات الحكومة واللي مش عاجبه يخبط دماغه في أقرب حيطه .. قانون مين وبتاع مين ؟ مش إحنا اللي عاملين القانون ده .. ده أحنا الوطني والأجر على الله

إضرب .. إضرب وسدد سهامك يا أخي إلى قلوب أعداء الوطن ... تحيا جمهورية مصر العربية .. ويسقط أعداء الوطن من الشعب المصري

لو سمحت يا أخ مش عايزين تصوير وكلام من ده وسيبنا نشوف شغلنا .. المصريين دول ولاد .... وإحنا بنعرف نتعامل معاهم ... وعاش مبارك والموت للشعب

هذا وقد أنتصرت قواتنا المُسلحة على أعداء الوطن وتم قتل عدد واحد مواطن ضرباً وجاري التعامل مع بقية المصريين الخونة ...... هنا ميدان التحرير

مش حرام ومش كفاية .. إديلوا كمان .. أهو ممكن نعتبر اللي بيحصل النهاردة ده هو إستعداد لقواتنا للتعامل مع العدو الصهيوني .. وأهو زي ما بيقولوا مناورات وأستعدادات عشكرية بالذخيرة الحية

زحفاً زحفاً نحو القدس .. لنحررها من الصهاينة ... الله أكبر والنصر لخير أجناد الأرض

لأ هاتوا الأسير الصهيوني ده .. إحنا عايزينوا حي يا رجاله عشان يعترف على باقي التنظيم السري الذي حاول اليوم قلب نظام حكم مبارك الأله

وعندك كمان عدد واحد أسير صهيوني .. النوع أُنثى .. هاتوها أهي تنفع لجنودنا البواسل للترفيه عنهم ... جوووووووووو أون

هذا هو مصير أعداء الوطن يا أوغاد

[se_ Elsyed]

وقالت سامية حمدي (38 عاما) انها جاءت للادلاء بصوتها بعد ان وعدها انصار الحزب الوطني بان تفوز برحلة الى السعودية لاداء العمرة خلال الشهور المقبلة.

http://www.middle-east-online.com/?id=33250

<{POST_SNAPBACK}>

لبيك اللهم لبيك ..

إوعدنا يارب ..

طب ما الريس حلو أهو .. هو حد طايل يزور الأراضي الحجازية ..

بعودة يا حاجة وما تنسيش السبح والعبايات ..

فعلاً ونعم الجائزة

[emadiab]

انا طلعت فى دماغى من امبارح انى اروح ادور على اللجنة الإنتخابية بتاعتى عشان انتخيب برغم ان معنديش بطاقة انتخابية بس ما دام مسموح انى اصوت فى لجنتى بالبطاقة الشخصية فليه لأ

المهم ان اخويا الكبير كسر مجاديفى وقاللى ان اللجنة حتبقى فى قسم الرمل ( انا اسكندرانى اصلا ) و مش حعرف اعمل حاجة و ظل الوضع القائم لحد ما اخويا اللى اكبر منى بسنتين جه من بره وقاللى انه دخل فى لجنة مقامة بمدرسة خالد بن الوليد اللإبتدائية فى شارع ونجت و صوت بالبطاقة الشخصية فى لجنة الوافدين فقلت ليه ما اروحش انا كمان و ادى صوتى للى انا اخترته اهو منها ابقى ايجابى ويمكن صوتى ده يبقى مؤثر و لا حاجة

كل ده مش مهم المهم انى رحت و انا داخل لقيت راجل بيطلع بطاقته الإنتخابية وبيوريها لموظف قاعد على ترابيزة فى مدخل المدرسة و لقيت الموظف بيقوله خبي دى خالص و انتخب ببطاقتك الشخصية و وجهه لمكن الصناديق و انا دخلت وراه و وقفت فى طابور ما يزيدش عن عشر اشخاص بعضهم من الفلاحين واللى واضح انهم اميين ومعرفش جايين يعملوا هنا ايه اصلا

دخلوا الناس خمسة خمسة و خمس دقايق و لقيت نفسى جوه قدام اربع موظفين و فى كشوف فاضية بيكتبوا فيها اسامينا و بيخلونا نمضى بعد ما يخدوا بطايقنا

الجميل فى الموضوع ان فى راجل كان رافض يغمس صباعة فى دواية الحبر الفسفورى بحجة ان لابس هدوم بيضا و خايف عليها لكن الموظف الموظف رفض يسلمه ورقة الترشيح و ابداء الرأى الا لما يحط صباعه فى الحبر وانتصرت الديمقراطية والنزاهة فى آخر الأمر

و ده كان نفس الموظف اللى تعاملت معاه و الشهادة لله انه كان بيجبرنى ابقى ديمقراطى لأنه كان بيأمرنى بصرامة احط صباعى فى دواية الحبر وانى انشفها عشان الورقة تبقى نضيفة و كمان امرنى انى احط علامة صح فى خانة واحدة بس

و فعلا دخلت ورا ستارة من الأربع ستاير اللى كانت موجودة فى الأوضة و علمت علامة صح على المرشح اللى انا عايزه و طويت الورقة وحطيتها فى الصندوق و طلعت من اللجنة بعدها على طول و انا فى منتهى السعادة

المهم ان الموضوع ده تم فى اقل من ربع ساعة

شفتوا التزام ونزاهة وحرية اكتر من كده

[se_ Elsyed]

اخويا اللى اكبر منى بسنتين جه من بره وقاللى انه دخل فى لجنة مقامة بمدرسة خالد بن الوليد اللإبتدائية فى شارع ونجت و صوت بالبطاقة الشخصية فى لجنة الوافدين فقلت ليه ما اروحش انا كمان و ادى صوتى للى انا اخترته اهو منها ابقى ايجابى ويمكن صوتى ده يبقى مؤثر و لا حاجة

و فعلا دخلت ورا ستارة من الأربع ستاير اللى كانت موجودة فى الأوضة و  علمت علامة صح على المرشح اللى انا عايزه و طويت الورقة وحطيتها فى الصندوق و طلعت من اللجنة بعدها على طول و انا فى منتهى السعادة

<{POST_SNAPBACK}>

ده على كده في نهاية مسرحية الإنتخابات هايكتشفوا إن مصر كلها مُهجرين ووافدين ..

بس لو رجعنا للتاريخ هانكتشف إن دي دي فعلاً حقيقة فهؤلاء هم من نزحوا من مدن القناة وبحر البقر ومذبحة المماليك .. ومن حقنا نُطلق عليهم وافدين ... بلاش لاجئين عشان بتوع كارتينا ما يزعلوش ...

قولوا كمان وإشجونا ...

بجد شيء يجيب العار ..

مجموعة من الحثالة خلوا الشعب أراجوزات مربوطة بخيوط وبيحركوها زي ما هما عايزين ... إستفتاء .. ماشي معاك يا ريس ... 99.9 % .. يا سلام على حب الشعب الجارف لقائده وولي نعمه ... طب نخليها إنتخابات .. يا سلام أهو ده الكلام .. خلينا بقى نبقى بلد ديمقراطي وكده يعني ....

عاشت مصر حره مستقرة ...

أنا متأكد إن هاييجي اليوم اللي فيه كل دول يترموا في الزبالة .. والشعب يفوق ويعرف إنهم كانوا مجرد عصابة بس منظمة ( مافيا يعني ) وحتى ما يستهالوش نذكر عنهم كلمة أو حرف واحد في التاريخ ...

أقسم بالله إن المماليك اللي ماكانوش مصريين وكانوا عبيد يُشتروا ويباعوا في الأسواق كان عندهم ولاء لمصر أكثر منهم وكانوا بيضحوا بحياتهم عشانها بس لمجرد إنهم أكلوا عيش وملح فيها وشربوا من ميتها .. أما دول فيريدون أن يمصوا دمنا حتى أخر قطرة .. وما كفاهمش 24 سنة سرقة ونهب لأ .. إزاي خليها 30 و 50 لو أمكن ... البلد بلدنا والإنتخابات لعبتنا ..

[KWA]

بسم الله الرحمن الرحيم

السلام عليكم ورحمة الله وبركاته

المواقع التاليه تعطيك فكره مباشره اول بأول عن الأنتخابات

http://www.egyvote.20at.com/

http://www.shayfeen.com/

[se_ Elsyed]

وحال قيام مواطنة تعمل بمستشفى بولاق الدكرور العام بدخول اللجنة للتصويت وجدت في المكان المخصص لصوتها علامةَ بصمة فوسفورية لمواطن آخر، وسارعت بإبلاغ المستشار أو القاضي المشرف على اللجنة، وقام من جانبه بإثبات الواقعة بالتزوير، وقد حال مؤيدو الحزب الوطني دون الوصول إليها بعدما التفوا حولها واصطحبوها خارج اللجنة.

من جانب آخر قام المندوه الحسيني- عضو نادي الزمالك- بشحن أربعة أتوبيسات زادت حمولة كل أتوبيس منها على 35 مواطنًا، معلقًا عليها لافتاتٍ تؤيد ترشيح الرئيس للرئاسة، وتعذَّر معرفة أرقام الأتوبيسات بسبب اللافتات التي غطَّتها، كما أصدر عدد من شباب بولاق الدكرور المؤيدين للحزب الوطني ومرشحه العدد الأول من مجلة أو نشرة تحمل اسم "صوت بولاق الدكرور"، وقام عدد كبير من الشباب بتوزيعها على الناخبين أثناء دخولهم اللجان الانتخابية.

[أبو عزب]

أولا : في محافظة البحيرة مدينة كفرالدوار لجنة كتيبة الحرس الوطني يسمح لغير حاملي البطاقة الانتخابية من مواليد عام 82-87 بالانتخاب بالرقم القومي فقط في حال كان ن انصارالحزب الوطني اما اذا كنت من غير ذلك او تعرف عليك احد انصار الحزب الوطني بانك تبع تيار اخر كالاخوان فممنوع .....

ثانيا : تجربة شخصية قمت بازالة الحبر (((((((((((( الفوسفوري )))))))) باستخدام سبرتو

والبقاء لله...

الواحد مش قادر يتكلم من القهر...

[se_ Elsyed]

كان نفسي حد يكون عاش لحظات الهزيمة في 67 يحكي لي بالتفصيل عن مشاعر الناس الداخلية كانت عامله إزاي .. أو على الأقل تعبيرات وجوههم ونظرات عنيهم كان شكلها إيه ؟ ..لأتصور مدى بشاعة الجريمة التي أرتكبها عبد الناصر في حق الشعب المسكين ..

لكن أعتقد إن المشكلة أتحلت عندي .. فاليوم واليوم فقط أشعر بالإنكسار والإنهزام الداخلي ... بالظبط زي ما حصل للناس أيام النكسة ..

المتفهيق والبؤ الأعظم عبد الناصر ما كانش له سيرة ليل نهار غير رمي اليهود في البحر وهزيمة إسرائيل وما وراء إسرائيل .. وفجأة صحيوا الناس على الحقيقة المُره الموجعه ..

وكذلك أنا الأن ...

بعبطي وبطيبة قلبي ( هو مش أنا مصري طيب برضوا ؟ ) بلعت الطُعم وصدقت إن فيه إنتخابات وصناديق وبطاقات ومنافسة .. وفضلت أحلم باليوم اللي حتى يكون فيه منافسة لمبارك بلاش أكون طماع واقول فوز لمرشح أخر غير مبارك ... منافسة بس يارب مجرد مناوشات ولو من بعيد ؟

حتى الحلم ده إستكتروه عليه وكسروا الأمل جوايا وحاصروني في الكورنر وفتحوا فمي بالعافية عشان يسقوني شربة الحاج مبارك اللي بتنسي الواحد إسمه ... وزرعوا جوايا اليأس من أي تغيير أو إصلاح أو تقدم خطوة للأمام ..

فبعد كل اللي بأشوفه واسمعه على الهواء مباشرة حتى من تليفزوناتهم هما .. وبعد اللي بأقرأه في مختلف مواقع الإنترنت .. لا أملك إلا أن أبكي على مصر وأحوال مصر ...

وأخيراً ما اقدرش أقول غير إن إحنا غلابه .. وغلابه جداً ونستحق العطف ...

[se_ Elsyed]

اعتقد ان النقطة الايجابية الوحيدة التي خرجنا بها هذا اليوم من تلك المهزلة هي الفضيحة اللي انفضحها نظام مبارك على الهوا واما العالم ووكالات الانباء العالمية

- المرة دي خرجت من ايدك يا مبارك والعالم كله اتفرج , ماكنت تمشيها استفتاءات زي كل مره وفي السكرته بدل ما تعشمنا باستنخابات ونتفضح قدام العالم فضيحة اللحمه في السوق

[عبدوس الوزير]

اعتقد ان النقطة الايجابية الوحيدة التي خرجنا بها  هذا اليوم من تلك المهزلة هي الفضيحة اللي انفضحها نظام مبارك على الهوا واما العالم ووكالات الانباء العالمية

- المرة دي خرجت من ايدك يا مبارك والعالم كله اتفرج , ماكنت تمشيها استفتاءات زي كل مره وفي السكرته بدل ما تعشمنا باستنخابات ونتفضح قدام العالم فضيحة اللحمه في السوق

<{POST_SNAPBACK}>

هل يا ترى العالم كله اتفرج؟

ما اعتقدش انه حصل. أمريكا كانت مستنية مسرحية واتفرجت عليها وخلاص، ومستحيل انها تعترض على النتائج الحالية لأنها تصب في مصلحتها، فقد أتى مبارك إلى الحكم بعملية "ديمقراطية" أهو

السبب الوحيد لتحرك أمريكا ودعمها لمظاهرات أكرانيا مثلا هو مصلحتها، ولذلك ركزت وسائل الإعلام هناك على مهازل الانتخابات. ولكنك لن ترى صور العسكر وهم يضربون النساء على CNN أبدا

والسلام.

[achnaton]

والنبى انت صعبان على يا سى سيد .. انت محموق ليه كده .. مستخسر النجاح لواحد عرق 24 سنة فى خدمة المحروسة .. ؟!!! انا افتكرت موضوع كتبته قبل مرضى وبالتحديد فى 26 فبراير .. يوم ما خرج لنا الحاوى الشريف الكتكوت الابيض من عبه .. ووقف اعلى برج مبنى الفساد اللى انت عارفه يهز دماغه رايح جاى وهو يردد بص شوف .. ثالوث الشر عمل إيه .. وياريت يا ابو السيد تقرأ الموضوع تانى وياريت عندى الصحة التى تتحمل ارتفاع الضغط عندى ولو درجة واحدة .. ولولا ان طبيبى مجتهد وربنا رايد .. لما تحملت ما سمعته اليوم فى الاخبار .. كان مراسل التلفزيون فى القاهرة بيوكد نجاح الرئيس وبنسبة كبيره .. والكام ده كان فى نشرة خمسة مساء يعنى 6 مساءا فى القاهرة ..

على العموم خش وما تخافش واقرأ الموضوع ده ..

http://www.egyptiantalks.org/invb/index.ph...topic=14437&hl=

وبعدها حتعرف ليه انا لم تؤثر فى النتيجة ..

ويا خسارة يامصر ..

[yasser6666]

أخويا أبو السيد ...بلاش تزعل نفسك والنبي احنا محتاجينك هنا في المنتدي

انتخابات ايه ياراجل وبتاع ايه...ماحنا عارفين من الاول النتيجة ..ده احنا بس كنا بندردش الكام أسبوع اللي فاتوا دول والعملية كلها زي ماقلتلك قبل كده عبارة عن بروفة للأنتخابات الجاية وربما كمان الجاية تكون بروفة للي بعدها...

زي مانتا بتقول علي الأقل حيمسك الحكم تاني بس المرة دي اللي كان عنده كلمتين عاوز يقولهم اديه قالهم علي الملأ وأصبحت الصحف والمعارضة والحركات الأهلية زي كفاية وشايفنكم وسواسية وغيرهم لها صوت وصدي في الشارع المصري ودي الحسنة الوحيدة اليتيمة في الهيصة دي كلها...

####

النهاردة كنت بتفرج علي قناة الجزيرة برنامج (ملفات مصرية) لمحمد حسنين هيكل وبصراحة الراجل كان في منتهي الروعة والتفصيل والجرأة كعادته واتفق معاه تماما عندما قال أن مصر لن تكون بعد النهاردة (دولة الراجل الواحد) ولن يستطيع مبارك اخماد الحركات السياسية المتنامية في مصر كذلك لن يستطيع وأد كل شخصية يلتف حولها الناس ويكون لها مؤيدين كعادته دائما خلال الربع قرن الماضي مثلما فعل مع عمرو موسي وأبو غزالة والجنزروي وغيرهم مما له قبول شعبي حتي يصبح وحده في الصورة الأله الأوحد الأعظم والعياذ بالله

####

احب الفت انتباهك كمان أن فيه ناس كتير قوي لسه عايشين في الجبس وراحوا النهاردة بكامل أرادتهم علشان ينتخبوا مبارك لأنهم شايفين انه أحسن المرشحين العشرة برغم كل عيوبه وفساده وعلي رأي المثل اللي نعرفه حتي لو كان خربان أحسن من اللي منعرفوش

وبصراحة لاأعيب عليهم...مين يقدر يقنع الناس ينتخبوه في شهرين أو تلاتة وكان قبلها نسيا منسيا لم نسمع عنه مطلقا

وسلم لي علي أزهي عصور الديمقراطية

[وليــد صفـــوت]

احب انوه عن حاجة عجبتنى جداً فى الحوار مع الأستاذ هيكل ,..

الأستاذ هيكل يقول انه متابع جيد لصفحات الإنترنيت ,...

و انه يشيد بهذا المجتمع ( يقصدنا ) و يقول بأن الحكومة لن تستطيع أن تسكت أصوات هذا المجتمع و انه فى غاية الشغب للمتابعة ,... أعتقد ايضاً انه أورد إسم عضو من أحد المنتديات أو عضوة لا أذكر , و قال انه يتابع كتاباتها بكل شغف و إحترام أكثر من أتخن مقال فى أكبر صحيفة ,.......

هذا وسام يضعه كل عضو على صدره لأننا بحق حققنا و نحقق كل يوم جزء من هدفنا ,...

و بدأت الناس بالفعل فى متابعتنا ثم المشاركة معنا ,....

و ها هو أكبر صحفى فى الشرق الأوسط يشيد بنا و بمنتدياتنا الثقافية ...و حتى إن لم يشير لهذا بشكل مباشر ,...

تحياتى,.....

[Wa7ed_Massry]

عايز تعرف اللي حصل

خد عندك رابط لما حدث في لجنة بالهرم

http://www.masreyat.org/modules.php?name=N...order=0&thold=0

[shawshank]

الحزب الحاكم بمصر ينتقد إجراءات القضاة الانتخابية

في خطوة استباقية تعد اعترافا ضمنيا بضعف المشاركة في الانتخابات الرئاسية المتعددة التي جرت لأول مرة في مصر, هاجم الدكتور محمد كمال المتحدث باسم الحملة الانتخابية للرئيس حسني مبارك الإجراءات القضائية خلال تلك الانتخابات. ووصف كمال تلك الإجراءات بالتعسف والبيروقراطية عبر وضع عراقيل أمام سرعة إنجاز عملية الانتخاب وذلك بإصرار القضاة على دخول شخص واحد من الناخبين إلى اللجنة للإدلاء بصوته, وعدم دخول شخص آخر حتى يخرج الأول ما أدى إلى انتظار كبير بطوابير الناخبين. وأضاف كمال أن تلك العراقيل أدت في النهاية إلى تقليل نسبة المشاركة الفعلية في هذه الانتخابات بسبب عودة الكثير من الناخبين وعدم قدرتهم على الانتظار لفترات طويلة أمام اللجان.

وفي نفس السياق وصف أمين الحزب الوطني بالجيزة الدكتور مكرم هلال موقف القضاة بأنه متعنت, منتقدا تشدد القضاة في تطبيق القانون الانتخابي من خلال إصرارهم على التصويت بالبطاقة الانتخابية وعدم الاعتداد بالبطاقة الشخصية. وقال هلال في تصريحات للجزيرة نت إنه كان الأولى بالقضاة أن يطبقوا ما وصفه بروح القانون لا نصه تيسيرا للناخبين, موضحا أن ثلث أعداد الناخبين المقيدين بمحافظة الجيزة من النساء (700 ألف امرأة) حرمن من التصويت بسبب عدم امتلاكهن بطاقات اننتخابية.

الجزيرة

[الأفوكاتو]

أخوتى الأعزاء,

لقد كان كل ذلك محسوبا مقدما,

فقد تعددت الفتاوى المضللة المربكة,

و تعقد الروتين عمدا و إصرارا,

و طبخت المادة 76, بحيث فى النهاية, لا يتبقى سوى أصوات الفسداء,

و ينقرض أمامها صوات الشرفاء, ا

ألذين أرادوا أن يقولوا...

لا... لمبارك

تم تعديل 8 سبتمبر 2005 بواسطة الأفوكاتو

[se_ Elsyed]

الناجح يرفع إيده

ويتعلم كمان من أساليب الحواه

السادة أعضاء الحزب الوطني .. ممكن نتلقى رداً منكم على الآتي :

واصل مراقبو مركز (سواسية) لحقوق الإنسان رصد العملية التصويتية لانتخابات الرئاسة، وتبيَّن من خلال ذلك استمرار الانتهاكات والتي شملت بعض المخالفات من القضاة المشرِفين على اللجان، وهي على النحو التالي:

- في تمام الساعة السادسة وخمس وأربعين دقيقة مساء اليوم الأربعاء 7/9/2005م رصد مركز (سواسية) أول عملية تزوير لبطاقات الناخبين في لجنة (سملا) الانتخابية بمركز قطور بمحافظة الغربية وتحديدًا في اللجنة الفرعية رقم (1)؛

حيث تم تسويد أكثر من ثمانمائة صوت من أصل 1200- ألف ومائتين- صوت انتخابي تحت سمع وبصر المشرفين على اللجنة.

ولا زلنا في محافظة الغربية وفي دائرة (قطور- العتوة القبلية) الانتخابية بلجنة المعهد الديني رصد مندوبو (سواسية) ترْك القاضي المكلَّف بمراقبة اللجنة الإشرافَ على العملية الانتخابية لمندوبي الحزب الوطني الحاكم.

وفي قرية سنجرة في اللجنة 26 بمدرسة سملا لوحظ وجود دعاية لمرشح الحزب الوطني الرئيس مبارك داخل اللجنة في ظل صمتٍ وتواطؤ واضحَين من جانب القاضي المُشرِف على اللجنة،

وفي ذات اللجنة جرى استبعاد بطاقات التصويت التي تم فيها التأشير على مرشحين بخلاف الرئيس مبارك من صناديق الاقتراع، أما في لجنة العتوة البحرية (لجنة 36- الخفر) فيتم حاليًا تسويد بطاقات الانتخابات لصالح مرشح الحزب الوطني.

ولا زلنا في الوجه البحري ولكننا في محافظة البحيرة هذه المرة؛ حيث مركز الرحمانية بقرية سمخراط (اللجنة 20) يقول مراقبو سواسية إنه يتم الإدلاء بالأصوات دون كتابة أسماء الناخبين أو البصم أمام الاسم.

وفي محافظة الإسكندرية وفي دائرة الرمل لوحظ تخصيص أربعة أوتوبيسات لنقابة المعلمين؛ حيث أرسلوا إلى مقر العاشر والمحروسة وأيضًا التدريب المهني لنقل العديد من عمال التراحيل؛ باعتبارهم وافدين، وكذلك يتم نقل الناخبين الذين يبلغ عددهم ألف ناخب للتصويت بشكل جماعي في دائرة الجمرك، ولا يزال المركز يتابع رصد العملية الانتخابية من خلال مراقبيه.

[pure]

ولله يا جماعة حتي الحبر الفسفوري منفعش انا اعرف واحد حط 7 ؟ـصوات و صوابعه كلها حبر

[عبدوس الوزير]

اعتقد ان النقطة الايجابية الوحيدة التي خرجنا بها  هذا اليوم من تلك المهزلة هي الفضيحة اللي انفضحها نظام مبارك على الهوا واما العالم ووكالات الانباء العالمية

- المرة دي خرجت من ايدك يا مبارك والعالم كله اتفرج , ماكنت تمشيها استفتاءات زي كل مره وفي السكرته بدل ما تعشمنا باستنخابات ونتفضح قدام العالم فضيحة اللحمه في السوق

<{POST_SNAPBACK}>

هل يا ترى العالم كله اتفرج؟

ما اعتقدش انه حصل. أمريكا كانت مستنية مسرحية واتفرجت عليها وخلاص، ومستحيل انها تعترض على النتائج الحالية لأنها تصب في مصلحتها، فقد أتى مبارك إلى الحكم بعملية "ديمقراطية" أهو

السبب الوحيد لتحرك أمريكا ودعمها لمظاهرات أكرانيا مثلا هو مصلحتها، ولذلك ركزت وسائل الإعلام هناك على مهازل الانتخابات. ولكنك لن ترى صور العسكر وهم يضربون النساء على CNN أبدا

والسلام.

<{POST_SNAPBACK}>

ها هو رد فعل أمريكا، الدليل على أنها لن تحرك ساكنا وأنها أعجبتها المسرحية خلاص رغم رداءة التمثيل:

In Washington, U.S. State Department spokesman Sean McCormack said the U.S. government was following the election closely and called the vote "a beginning."