إعلام "السداح مداح" .. إعلام عسل فيه سم قاتل

[herohero]

بشمهندس أبو محمد 

بعد مرور الوقت ده على هذه المداخلة فيما يخص الاعلام وانه فعلا سداح مداح

الا ترى انه آن الاوان لوجود ميثاق شرف اعلامي واضح ، انا كمواطن مصري من حقي أعرف اخبار بلدي صح 

ياترى هل مطلوب من المواطن ان يقوم بدور المحقق وان يتحرى الدقة وراء كل خبر !!!

لان بصراحه الواحد تعب وزهق اي خبر بيطلع مشكوك فيه 

 

[أبو محمد]

6 ساعات مضت, herohero said:

بشمهندس أبو محمد 

بعد مرور الوقت ده على هذه المداخلة فيما يخص الاعلام وانه فعلا سداح مداح

الا ترى انه آن الاوان لوجود ميثاق شرف اعلامي واضح ، انا كمواطن مصري من حقي أعرف اخبار بلدي صح 

ياترى هل مطلوب من المواطن ان يقوم بدور المحقق وان يتحرى الدقة وراء كل خبر !!!

لان بصراحه الواحد تعب وزهق اي خبر بيطلع مشكوك فيه 

 

مش هو ده أحد "مطالب" الثورة ؟ .. إلغاء وزارة الإعلام ؟

الإعلام السداح مداح هو الإعلام الحر .. الإعلام الخاص .. الإعلام المستقل

عندما تقرأ "الجاهلة" عن الحرية .. تخلع ملابسها

"مجرد دبوس"

[herohero]

1 hour ago, أبو محمد said:

مش هو ده أحد "مطالب" الثورة ؟ .. إلغاء وزارة الإعلام ؟

الإعلام السداح مداح هو الإعلام الحر .. الإعلام الخاص .. الإعلام المستقل

عندما تقرأ "الجاهلة" عن الحرية .. تخلع ملابسها

"مجرد دبوس"

الغاء وزارة الاعلام ليس شئ جديد ، ومش معنى ان مفيش وزارة اعلام ان نبقى شغالين من غير ميثاق شرف اعلامي محترم 

خلينا نفكر بالعكس ،هفترض ان فيه وزارة اعلام زي ماكان موجود قبل 2011 هل الناس مكنتش بتتابع برامج التوك شو ع القنوات الفضائية الخاصة ؟؟؟

انا واحد من الناس كنت بتصدم لما أنزل مصر الاقي الامور غير ما كنت بشوف ف العاشرة مساء مع منى الشاذلي 

وكلنا اكيد عارفين ده مدى التركيز ع السواد في برامج التوك شو 

طيب ليه مانحاولش نرجع الناس ثاني للقنوات المصرية اللي المفروض عليها رقابة مهنية !!!! ع فكرة حتى ده كمان بنلاقي تجاوزات واخطاء مهنية 

 

يعني القصه مش قصة وزارة اعلام ،الحكاية بجد محتاجه وقفة 

لان الاعلام المصري هو من ضمن اداوت القوى الناعمة اللي للاسف الشديد تراجعت جدا الفترة الماضية وصورة مصر تاثرت جدا بها 

وكلنا شايفين ان قناة الجزيرة مثلا قبل 2011 كانت هي المحرك الرئيسي للاحداث !!!

فياريت في مصر ندرك فعلا اهمية الاعلام  ويكون مشروع \دولة 

[أبو محمد]

3 دقائق مضت, herohero said:

مش معنى ان مفيش وزارة اعلام ان نبقى شغالين من غير ميثاق شرف اعلامي محترم

شرف ؟ .. ومحترم كمان ؟

لا تنتظرهم من إعلام الإعلانات ونسبة المشاهدة

دول مشكلةالقارئ .. اللى بيحب يعرف الحقيقة

بس هو يبطل ان كل حاجة عاوزها لازم الدولة تديها له بالمعلقة

إعلام الإعلانات ونسبة المشاهدة مقتله فى "المقاطعة"

 

 

 

[أبو محمد]

هدهد سيدنا سليمان لم يقل صرَّح مصدر .. او نقلا عن مصادرنا .. أو "بيقولك"
بل قال جئتك "بِنَبَإٍ يَقِينٍ" [النمل:22]
أما رد سليمان "الحكيم" عليه السلام .. مع أن الخبر يقينى ومؤكد
فقد كان : ﴿ سَنَنظُرُ أَصَدَقْتَ أَمْ كُنتَ مِنَ الْكَاذِبِينَ ﴾ [النمل:27]

[أبو محمد]

ملاحظة على موضوع خطف الطائرة
فى المؤتمر الصحفى النهاردة
وزير الطيران قمة فى الرقى و الأدب و الاتزان والحسم

و الصحفيين قمة فى السفالة و الانحطاط والغوغائية

[tarek hassan]

إيه يعني لو الصحفيين عملوا إضراب واعتصام وأغلقوا الصحف أو سودوها 

دا هيبقى خير لمصر 

حرم إيه هي النقابة بقت مأوى للخارجين عن القانون والهاربين من الضبط والإحضار 

هقاطع الإعلام المصري المحرض اللي بيهددنا بحجب الصحف 

البدائل، دي لينكات لصحف تانية تعرف منها الأخبار:

1 - فرانس 24 العربية: http://www.france24.com/ar/

2 - روسيا اليوم العربية: https://arabic.rt.com/

3 - الإمارات 24: http://goo.gl/N0L4Rf

4 - إيجاز نيوز: https://goo.gl/Bbirnb

5 - العربي اليوم: http://elarabielyoum.com/

[tarek hassan]

علينا أن نتذكر مدعو السلمية إخوان الشيطان

فضحتهم ألسنتهم وأفعالهم 

[tarek hassan]

عمرو الليثي مستشار مرسي بيلعب لعبة

لعبها قبل كده وفشلت حينما ادعى أنه يتلقى تهديدات ويطالب بحماية من وزارة الداخلية وكان ذلك أيضا بالاتفاق مع سائقه الذي تم القبض عليه واعترف 

إعلام .... فيه سم قاتل

[tarek hassan]

 

مش بقول بيلعب 

كلام خالد منتصر ... صح 100 %

[أبو محمد]

السؤال : هل سائق التوك توك مأجور ؟
هو سؤال غير صحيح
السؤال الصحيح هو : هل عمرو الليثى مأجور ؟ 
وما زال السؤال مفتوحا

[herohero]

On 10/14/2016 at 11:24 AM, tarek hassan said:

عمرو الليثي مستشار مرسي بيلعب لعبة

لعبها قبل كده وفشلت حينما ادعى أنه يتلقى تهديدات ويطالب بحماية من وزارة الداخلية وكان ذلك أيضا بالاتفاق مع سائقه الذي تم القبض عليه واعترف 

إعلام .... فيه سم قاتل

يااااااااااااه سبحان الله نفس الكلام متوزع ع الجميع 

ده غلبنا الكتائب الالكترونية بتاعت الاخوان 

 

يعني كلام الراجل ده اختراع ؟؟؟ مش عارف بجد هو ايه اللي قاله غريب او يدل ع التآمر ؟؟ سبحان الله معقولة كلام الشاب ده له تأثير كدة ؟؟ هو حضراتكم مش عايشين في مصر 

انا لسه راجع من مصر وكنت بصرف ع اساس الريال = 3.5 عشان ارتاح

لو عمرو الليثي او غيره استضافني هقول اكثر من كدة

هو انتوا بتضحكوا ع نفسكم ؟؟ كل شوية ازمة ومصدقين ان فيه استثمار هيجي ياسادة اللي اعرفهم مش حاطين فلوسهم ف البنك دلوقت فمابالكم بالمستثمر 

ياجماعه كلام الشاب ده عادي جدااااااااااااااااااااااااا 

وع فكرة مش اول مرة يتقال ومن قبل كده بكثير ،ياريت حضرتك تقول ليا الفرق ايه بين فيديو الشاب ده والفيديو اللي حاطه 

يابيه بدل ماتتهم الشاب ده وغيره ،اطلب من المسئول الرقابة وتطبيق القانون 

 

 

[herohero]

On 10/14/2016 at 2:42 PM, أبو محمد said:

السؤال : هل سائق التوك توك مأجور ؟
هو سؤال غير صحيح
السؤال الصحيح هو : هل عمرو الليثى مأجور ؟ 
وما زال السؤال مفتوحا

فعلا مأجور انا راي ان الشعب كله مأجور 
ياسيدي هو كلام الشاب ده وغيره مش موجود ف الحقيقة ؟؟؟

مش عارف يابشمهندس هل بجد عندنا قدرة اننا نغمي عنينا عن الواقع ،والله يابختكم انا اتصدمت من ارتفاع الاسعار والانفلات مفيش رقابة ياسيدي 

وازمة الدولار النظام سعيد بيها جداااااااااااااااااا ومش عاوز يحل 

[tarek hassan]

3 دقائق مضت, herohero said:

يااااااااااااه سبحان الله نفس الكلام متوزع على الجميع 

ده غلبنا الكتائب الالكترونية بتاعت الاخوان 

يا ريس متوزع إيه .... أنا لا اتوزع عليه ولا نقلت من حد .... عيب 

وهات المصدر اللي أنا نقلت منه لتدلل بيه على صحة كلامك

بلاش كلام مرسل مسيء واتهامات باطلة 

ملعون ابو الإخوان على ابو المرددين لبهتانهم وكذبهم وتضليلهم 

[herohero]

1 minute ago, tarek hassan said:

يا ريس متوزع إيه .... أنا لا اتوزع عليه ولا نقلت من حد .... عيب 

وهات المصدر اللي أنا نقلت منه لتدلل بيه على صحة كلامك

بلاش كلام مرسل مسيء واتهامات باطلة 

ملعون ابو الإخوان على ابو المرددين لبهتانهم وكذبهم وتضليلهم 

استاذ طارق لك كل احترام لكن اتفرج ع الفيس بوك هتتصدم نفس المحتوى اللي حضرتك بتقوله مذكور ونفس فكرة المقارنة البلهاء بين شهداء الوطن امس وبين الللي كل همهم السكر والارز

استاذ طارق الاصرار ع ان البلد تبقى مقسومة وماتبقاش موحده كارثة كبيرة

شوف كده ازاي كبرنا موضوع سائق التوك توك مع ان كلامه عادي جداااااااااااااااا وبيقول ان مصر قيمتها كبيرة اووووووووي  ماتستحقش ده 

الكلام لا يضر الرئيس السيسي ولا مؤيديه 

الكلام محتاج وقفة بس لازم يبقى فيه رقابة مش مصر يا استاذ طارق اللي تشوف ع شاشات التليفزيون الناس بتتخانق ع السكر 

مش مصر يا استاذ طارق اللي يبقى مصيرها مربوط بقرض انت عارف ان لو توحدنا في ايام هنجيب اده مرتين 

مش مصر يا استاذ طارق  اللي تبقى كده رز وسكر ايه اللي التجار الجشعين محتكرينه ،طبق القانون يا استاذ طارق اعدم اي محتكر 

استاذ طارق صدقني كلام سائق التوك التوك هتسمعه من كل حد ف الشارع 

انا نفسي صعقت من انفلات الاسعار في مصر ، وفرق بين ارتفاع اسعار وانفلاتها بدون رقابة 

 

ومازلت بقول لحضرتك كلامك هتلاقيه مكرر ع كل صفحات الفيس بوك ، وده شئ غريب اننا الكل مسك ف سائق التوك التوك اصله اخوان اصله امريكي اصل عمرو الليثي كان مستشار مرسي !!!! هههههههههههه طب ما الرئيس السيسي كان وزير دفاعه !!!

ياسيدي كفانا دفن للرؤوس ف الرمال ، الرئيس السيسي هو رئيس مصر وهو المسئول عن السلطة التنفيذية واجب عليه التصرف 

[أبو محمد]

5 ساعات مضت, herohero said:

استاذ طارق لك كل احترام لكن اتفرج ع الفيس بوك هتتصدم نفس المحتوى اللي حضرتك بتقوله مذكور ونفس فكرة المقارنة البلهاء بين شهداء الوطن امس وبين الللي كل همهم السكر والارز

 

وكلامك هو نفس كلام الفرقة بتاعة البرادعى على الفيس بوك
وكلام سواق التوك توك هو نفس كلامهم وكلامك
بس متكثف فى مقابلة واحدة مع المستشار الإعلامى لبتاع
حافظوا على الخاطفين والمخطوفين
الأوانى المستطرقة واضحة يا باشمهندس 
برادعى مرسى 6 ابريل اشتراكيين ثوريين 
كله منفد على بعضه 
بس المرة دى مفيش "خليهم يتسلوا"
المرة دى فيه "خليهم ينزلوا"
ولا تلومن براقش إلا نفسها

[herohero]

10 hours ago, أبو محمد said:

وكلامك هو نفس كلام الفرقة بتاعة البرادعى على الفيس بوك
وكلام سواق التوك توك هو نفس كلامهم وكلامك
بس متكثف فى مقابلة واحدة مع المستشار الإعلامى لبتاع
حافظوا على الخاطفين والمخطوفين
الأوانى المستطرقة واضحة يا باشمهندس 
برادعى مرسى 6 ابريل اشتراكيين ثوريين 
كله منفد على بعضه 
بس المرة دى مفيش "خليهم يتسلوا"
المرة دى فيه "خليهم ينزلوا"
ولا تلومن براقش إلا نفسها

تمام يعني حضرتك مقتنع ان عمرو الليثي وسائق التوك التوك ماجورين وعملاء !!!!
وكل اللي بيجوا ف تقارير عن الشارع المصري وارتفاع الاسعار مأجورين وعملاء 
وأكيد حضرتك مقتنع ان مفيش ارتفاع في الاسعار بل اصلا مفيش انفلات وان في رقابة وان مايتم التعامل به مع أزمة الدولار هو أفضل اسلوب وان أكيد الاستثمارات هتيجي دلوقت بعد ما رانيا بدوي اتوقفت وان الاسعار هتقل بعد ايقاف برنامج عمرو الليثي وان سائق التوك التوك العميل الخائن المأجور  بعد اختفائه او القبض عليه الامور والاسعار هتقل 

 

عموما الحمد لله ان  الامور بقت تمام 

[herohero]

يلا ياجماعة واحدة متآمرة ياريت نروح نقبض عليها عميلة جديدة 

 

 

[أبو محمد]

يا خسارتك يا ابراهيم يا عيسى 
كنت باتوسم فيك خيرا إلى أن خرجت عن "مهنيتك"
إمكانياتك تؤهلك لأكثر كثيرا من المستنقع الذى وضعت "مهنيتك" فيه
كان منظرك مش كويس فى هذه الجلسة من حلسات اليوم  من مؤتمر الشباب
وأخدت ما تستحقه (أخدته من نفسك ومن زملائك ومن أستاذك)
كنت تقاطع الجميع .. وكأنك فى برنامجك الملاكى الذى تجلس على منصته
ويجلس أمامك المبهورين من توافه الشباب فاغرين أفواههم
وفى الآخر يطلعوا من مشاهدة برنامجك يا مولاى كما خلقتنى 
لا يلفت نظرهم فى جميع حلسات مؤتمر الشباب إلا تلاجة السيسى
هو ده مستواهم اللى شاركت - وأمثالك - بالنصيب الأكبر فى صنعه
فهنيئا لهم هذا المستوى التافه الذى شاركت وتشارك فى صنعه
وهنيئا لك صورتك الذهنية عندهم كزعيم ومفكر سياسى
(وليس كإعلامى أو صحفى مهنى)
وهنيئا لك الملايين التى "تلهفها" من رجال الأعمال أصحاب القنوات 
بينما تتكلم عن الفقراء والغلابة وإحباط الشباب اللى مش لاقى شغل
مقاطعة لزملائك وكأنك الواحد الأوحد الذى يفهم

مقاطعة أخرى وضيق بالرأى الآخر .. ثم درس لك فى المهنية
ضحكة الرئيس تكفى .. بدون كلام
https://www.youtube.com/shared?ci=kt0KE3EszUg

[أبو محمد]

وهذا درس آخر من أحد شيوخ مهنتك .. من مقاعد المتفرجين
يعلمك فيه ما يجب عليك - كمهنى - ان تفعل .. ويقارنه بما تفعل 
يا ترى لسه بتتكلم عن تكميم الأفواه وأنت على المنصة تقاطع كل من يتكلم ؟