سؤال عن فرصة عمل في أبو ظبي

[ahmedarab]

السلا عليكم ورحمة الله وبركاته.

اخوانى واخواتى اعضاء هذا المنتدى الرائع والذى استفدت منة شخصيا فان عضو جديــــــــــد جداً

عند شوية قلق وحيرة ..... وقلت مفيش غيركم ممكن يفيدنى،

اصلى عندى فرصة للعمل فى الامارات وتحديداً فى ابو ظبى....هى من الناحية المادية يعتبر العرض مِش مغرى قوى يعنى.

بس هو اكييييييييييييييييييد لا يقارن بالوضع فى بلدنا الجميلللللللللللللللللللل

انا حبييت اخد رايكم فى :

اولاً : البلد نفسها وظروفها والعيشة فية والتكاليف والحجات دى مع العلم انى هسافر لوحدى.

ثانياً : المعاملة اللى ممكن المصرى يتعاملها هناك بعض النظر عن المهنة

ثالثاً : رايكم فى الفكرة عموماً .. مع العلم بانى مش متجوز :) .... بس لسة خاطب جديد :D والمفروض انى اتجوز فى خلال سنتين :D ... ربنا يسهل واقدر ساعتها اخذ المدام.(لو ممكن حد يقولى على الشروط بالنسبة للحكاية دى) :D

ان حبييت اخد رايكم بعد استخارة ربنـــــــــا طبعاً..... واتمنى من كل اللى عايشين او كانوا عايشن او حتى اللى يعرفوا حاجة عن الامارت يشرفونى برايهم الحيادى بغض النظر عن اى مشاكل شخصية .

و اخيرا اسف على الاطالة

[se_ Elsyed]

تم تعديل العنوان بمعرفتي .

[عصام أبوالفتح]

باختصار يا عزيزى ... أى بلد فى العالم الآن افضل من مصر .. وخصوصا الخليج وخصوصا الامارات ..

وكمان خاطب ... متضيعش وقت .. سافر ولما بلدك تحتاجلك .. هتديلك رنة على الموبايل :D

التفاصيل .. الاخوة بالامارات يفيدوك .. تحياتى

[ahmedarab]

شكراً للا خوان se_ Elsyed و عصام أبوالفتح ..متشكر قوى على اهتمامكوا

بالنسبة se_ Elsyed

تم تعديل العنوان بمعرفتي :D

مفيش اى مشكلة :D ولو انى كنت اتمنها مشاركة برايك بعد تغيير العنوان :D

ارجو المزيد من الجميع... وشكراً

[se_ Elsyed]

الاخ الكريم ahmed-arab

كنت اتمنى ان افيدك ببعض المعلومات عن ظروف المعيشة في ابو ظبي لكن للاسف كل معلوماتي تتوقف عن زيارات قصيره لها والاقامة في الفنادق بالاضافة الى بعض المعلومات عن نظام العمل والعمال هناك لان لنا فرع للشركة بمدينة دبي

[ahmedarab]

اية يا جماهة فية ايـــــــــــــــــــــــة ؟؟؟ :)

240 زيارة للموضوع و 2 رد فقط :P

اية ؟ مفيش اى حد عندة اى حاجة عايز يقولها

يا رب يكون المانع خير ............. ويا رب حد يرد عليا :)

[az3rina]

الاخ الكريم ahmed-arab

كنت  اتمنى ان افيدك ببعض المعلومات عن ظروف المعيشة في ابو ظبي لكن للاسف كل معلوماتي تتوقف عن زيارات قصيره لها والاقامة في الفنادق  بالاضافة الى بعض المعلومات عن نظام العمل والعمال هناك لان لنا فرع للشركة بمدينة دبي

<{POST_SNAPBACK}>

اخويا

انا في ابوظبي من خمس سنين وهقولك رايي

والله انا هقولك الحقيقه وانت بقى ومزاجك

انا محاسب هنا من خمس سنين يعني من ايام المرحوم الشيخ زايد

الدنيا هنا مولعه في الاسعار وخصوصا السكن واااااه من السكن هنا

المواطنين بيبكو من الغلا

اكيد هنا نسبيا احسن من مصر لكن البلد هنا بتقفل يعني كلها سنه او اتنين ومش هتلاقي غير الهنود اللي بيعيشو على الخبز وبس

كل القوانين الجديده مجحفه للوافدين والمواطنين وخصوصا الوافدين

وقاعدين يشيلوا الوافدين ويركبو مواطنين عشان البطاله

حتى مهنه المندوب اللى صاحبها بيتبهدل اخر بهدله بقيت مقصوره على الوافدين بس مع انها رخمه وكلها غلاسه ومفيهاش فلوس

وانت بقى ورايك

نصيحه من اخ

تعالى هنا وكون اي حاجه وارجع مصر اتجوز هناك

انا اتجوزت هنا من سنتين وعندي ابن (محمد) ومش عارفين نعيش وبنصوت مع ان المدام عندي بتشتغل كمان

ربنا يصلح الاحوال

واي سؤال انا ف الخدمه

[amir]

الاخ احمد

وصلتنى رسالتك

و طبعا لا يمكن مقارنة المرتبات فى الامارات مع مثيلتها فى مصر , و لهذا لازم اعرف ما هى الوظيفه المعروضه عليك و ما هى شروطها , و اذا كنت تفضل ان تكتب لى فى رساله خاصه بعض المعلومات عن الشركه و عقد العمل فانا فى الانتظار

تحياتى

[se_ Elsyed]

البلد هنا بتقفل يعني كلها سنه او اتنين ومش هتلاقي غير الهنود اللي بيعيشو على الخبز وبس

كل القوانين الجديده مجحفه للوافدين والمواطنين وخصوصا الوافدين

وقاعدين يشيلوا الوافدين ويركبو مواطنين عشان البطاله

حتى مهنه المندوب اللى صاحبها بيتبهدل اخر بهدله بقيت مقصوره على الوافدين بس مع انها رخمه وكلها غلاسه ومفيهاش فلوس

إيه ده ؟

حتى انتوا ؟

نفس الكلام بالحرف الواحد موجود في السعودية بالظبط .. والجميع بيقول كلها سنة أو إتنين بالكثير والتطوين يبقى 100 % وما يبقاش غير العمالة البسيطة اللي هما الهنود .. أما باقي الوظائف فسوف يتم توطينها بالكامل ...

يعني إحتمال نرجع والسيد الرئيس القائد في السُلطة برضوا ونقعد بقى كلنا مع بعض على قهوة المعاشات ونسترجع الأيام الخوالي ...

بس ماليش دعوة كل واحد يحاسب على المشاريب بتاعته ...

أو ممكن نلعب على مشاريب واللي يتغلب يشيل الليلة . :wub:

[Tafshan]

الاخ احمد،

شكراً لدعوتك في المشاركة ...

انا عايش في الشارقة و بأشتغل في دبي و طبعاً ده على شان تكلفة السكن ، و بقالى 4 سينين هنا ...

بالنسبه للمعامله .. زي الفل و ما فيش اي فرق بين حد و الثانى و ح تتعامل احسن ما كنت بتتعامل في مصر مليون مرة ..

بالنسبة للمعيشة ... نار !!!

البنزين : الجالون (4.25 لتر) ب 6.25 درهم

السكن في ابوظبي اغلى سكن في الامارات و ما فيش متوفر استوديوهات كثير في ابوظبي و بالتالى مولع ، بس ممكن تسكن بالمشاركه (sharing) و ده يبدأ ب 800 درهم في الشهر و معاك في نفس الغرفة شخصين ...

و ممكن المواصلات برضو تتفق مع واحد يوصلك ..

بأختصار على شان توافق على العرض في ابوظبي مع ارتفاع الاسعار ان تكلفة المعيشة ح تكلفك من 4000 درهم (قحط) الى 6000 درهم (معقول) في الشهر

و ما تحطش في دماغك خالص انك ممكن تلاقى وظيفة بمرتب احسن لما تيجي لأن قانون العمل بيدى حرمان 6 شهور عند الغاء عقد العمل و صعب جداً تفادية ..

هى دى الصراحة ... و ربنا يرحمنا !

[yasovinas]

الاخ العزيز احمد طبعاً الامارات هتنور بيك يا صديقي

خليني اشرح الوضع العام في ابو ظبي

بالنسبه للمعيشه لو انت فرداني بطولك يبقى السكن هيكون مع عزاب وهو يبدأ من 1000درهم للغرفه منفرده مع حمام حتى 500درهم مع مجموعه في غرفه داخل شقه مليئة بالعزاب ودي ايجار مع ماء وكهرباء

بالنسبة للمواصلات يستحسن انك تحاول تطلب توفير وسيلة انتقال للعمل او ممكن تسكن بجوار العمل وده حل كويس اما لو كانم العمل خارج ابو ظبي يبقى المواصلات ممكن ترصد لها حوالي 500درهم او كما قال لك طفشان ترتب مع حد معاك في العمل

بالنسبة للمعيشة الاكل والشرب فهناك من يشترك مع زملاء السكن في الاكل ودي ممكن تكون في حدود 500درهم ولو هتاكل لوحدك متوسط الوجبه 20درهم

بحسبة بسيطه يبقى نقول ان الحد الادنى للمصروف في الشهر هيكون 500سكن 300مواصلات وهواتف لمصر 700 اكل وشرب يعني عايزلك كحد ادنى 1500درهم مصروف شهري

النصيحه اللي هقولها لك انك تيجي بس ترتب حياتك انك تقعد فترة محدده وترجع مصر تاني اعتبرها فترة جيش فترة ربط حزام اي شيء بس لا تفكر ولا ترتب حياتك على الاستقرار هنا وعلى تكوين اسره هنا لان السياسه العمه في الخليج كله وفي الامارات بعد وفاة الشيخ زايد الله يرحمه هي تطفيش العائلات عايزين افراد يعملون وبس

اي استفسار واي معلومات اخرى انا حاضر وعلى فكرة انا مقيم في ابو ظبي وتحت امرك في اي خدمه

[pharaoh]

الوضع في أبو ظبي من سيئ لأسواء ..

أنا عندي سكن حكومي ، ومع ذلك مش قادر أوفر شيئ

وإليك بعض الملاحظات الايجابية والسلبية ... / وانت حر

الاسعار... نار

المعاملة ... كويسة

القوانين ....مجحفة

الجو.....رطوبة

المواصلات ...... جيدة

انك تعيش مع عائلتك.... ماتحلمش تعمل حاجة

الراحة النفسية ..... دايما معيشينك في قلق التفنيش والتوطين

الحياة الاجتماعية .....مافيش روح بتاتاً

عايز تيجي ....تعال.... بس لوحدك ، وجرب ،

تحياتي

[عصام أبوالفتح]

الغلطة اللى ممكن اى ناوى على الاغتراب يقع فيها انه يسأل مغترب عن --- رأيه --- فى الغربة :D

مستحييييييييييييييييييييييييييييل حد يقول انه مبسوط .. وبالذات المصريين

يا جماعة الارزاق بيد الله .. اعطوه معلومات فقط وليس اراء ..

الـأخ ياسو أكثر واحد عجبتنى مشاركته .. انا متابع الموضوع بس علشان نفس الكلام اتقال لى على السعودية زمان قبل ما اسافر

انا بانصح اى واحد ناوى على السفر .. متخدش رأى حد أبدا .. فقط استخير ربك .. واجمع معلومات عن اسعار المعيشة والعقود والقوانين .. وتوكل على الله

اللى نار بالنسبة لغيرك ممكن يكون رخيص جدا لك .. والمعاملة الكويسة بالنسبة لك ممكن تكون مهينة لغيرك ..

المعايير بتختلف من شخص لآخر ..

فنصيحة للأخوة .. واكرر نصيحة .. بلاش أراء .. وأعطوا اذا اعطيتم المعلومات باخلاص

تحياتى

[وليــد صفـــوت]

انا معنديش معلومات ,.......

بس أنا موافق على رأى الأخ عصام أبو الفتح ,...

الإستخارة , ثم تجميع المعلومات التى لا تعتمد على الآراء الشخصية ,..

و بعدين نقطة قالها الزملاء مشكورين ,...

و هى أنك ترتب ظروفك ( على الأقل فى فترة البداية ) أنك وافد لفترة محددة لكى تبنى جزء من مستقبلك لتعود الى بلدك ,...

و لو تحسنت الظروف - الله أعلم مننا جميعاً - ربما تستطيع أن تجلب زوجتك - بإذن الله - و تعيش معها هناك ,...

بالتوفيق و النجاح بإذن الله ,......

تحياتى ,......

[ahmedarab]

احب ان اتوجة بالشكر الى كل من اهتم وفكر يرد على الموضوع .... شكرا جزيلاً يا جماعة

الغلطة اللى ممكن اى ناوى على الاغتراب يقع فيها انه يسأل مغترب عن ---  رأيه ---  فى الغربة :D

مستحييييييييييييييييييييييييييييل حد يقول انه مبسوط .. وبالذات المصريين

يا جماعة الارزاق بيد الله .. اعطوه معلومات فقط وليس اراء ..

الـأخ ياسو أكثر واحد عجبتنى مشاركته .. انا متابع الموضوع بس علشان نفس الكلام اتقال لى على السعودية زمان قبل ما اسافر

انا بانصح اى واحد ناوى على السفر .. متخدش رأى حد أبدا .. فقط استخير ربك .. واجمع معلومات عن اسعار المعيشة والعقود والقوانين .. وتوكل على الله

اللى نار بالنسبة لغيرك ممكن يكون رخيص جدا لك .. والمعاملة الكويسة بالنسبة لك ممكن تكون مهينة لغيرك ..

المعايير بتختلف من شخص لآخر ..

فنصيحة للأخوة .. واكرر نصيحة .. بلاش أراء .. وأعطوا اذا اعطيتم المعلومات باخلاص

تحياتى

<{POST_SNAPBACK}>

الاخ عصام ابو الفتح ، انا متشكر جداً وانت شكلك كدة فعلاً معاك حق

وفعلاً رد الاخ ياســو هو اكتر الردود تفصيل وحيادية واكتر فيدة كمان

وعلى العموم انا مش ممكن انسى انك اول واحد رد وشجعنى على الخطوة دى

شكراً جزيلاً وجزاك الله خير :D

انا معنديش معلومات ,.......

بس أنا موافق على رأى الأخ عصام أبو الفتح ,...

الإستخارة , ثم تجميع المعلومات التى لا تعتمد على الآراء الشخصية ,..

و بعدين نقطة قالها الزملاء مشكورين ,...

و هى أنك ترتب ظروفك ( على الأقل فى فترة البداية ) أنك وافد لفترة محددة لكى تبنى جزء من مستقبلك لتعود الى بلدك ,...

و لو تحسنت الظروف - الله أعلم مننا جميعاً - ربما تستطيع أن تجلب زوجتك - بإذن الله - و تعيش معها هناك ,...

بالتوفيق و النجاح بإذن الله ,......

تحياتى ,......

<{POST_SNAPBACK}>

الاخ وليــد صفـوت ، شكراً على رايك وعلى اهتمامك وكلامك مضبوط 100% :)