متي تخرج التاشيرة من القنصلية السعودية استاذ خالد

[wolf]

السلام عليكم

انا جتلي فيزا مهندس شبكات والمؤهل نظم معلومات

طبعا اترفضت اول ما قدمت الورق في المركز الثقافي السعودي عاوزين شهادة هندسة

قدمت تاني مرة بجواب الاستثناء من الكفيل اترفض

جبت شهادة خبرة من الشركة اللي كنت شغال فيها + معايا دبلومة في الشبكات معتمدة من اكثر من من جهة + مختومة من وزارة الخارجية كانوا رافضين يخدها المكتب من الاول لانها بالانجلش المهم ترجمتها في مركز ترجمة معتمد

الحمد الله اتوافق علي كل الورق ده من المركز الثقافي السعودي ودخلت القنصلية السعودية من يوم الاثنين ٤ - ٥ -٢٠١٥

وكل يوم بدخل ابحث برقم الطلب والجواز من انجاز مفيش اي حاجة ظهرت لحد النهاردة

بيطلع الجملة دي

حدث خطأ يرجى التأكد من البيانات المدخلة والمحاولة مرة أخرى

انا اصلا قلقان جدا حد يطمني بعد كل الاوراق دي هطلع ولا ايه

شكرا بس طمني استاذ خالد

[wolf]

ايه ياجماعة دي اول مشاركة ليا مشاهدات بس محدش فكر حتي عن خبر يرد عياااا

[wolf]

اي رد يا اصحاب الخبرات

[wolf]

طيب علي الاقل حد حصل له نفس ظروفي

[mero osman]

كلنا هذا الرجل ,,, دي مشكلة بتقابل معظم الناس تقريبا ,,, ربنا ييسرلك الحال ,,, احنا عندنا نفس المشكلة عقد العمل "حاسب كميات والمؤهل خدمة اجتماعية" وادينا مستنين تساهيل ربنا

تم تعديل 13 مايو 2015 بواسطة mero osman

[wolf]

يارب يسهلها ان شاء الله انا اقصد لو حد حصل ده من قبل يطمننا

[خالد شحاته]

الاخ الفاضل

الجواز ممكن يتاخر شويه علشان بيدخل عرض مش مباشر بس اكتر شي يتاخر بيكون 20 يوم مش اكنر

[wolf]

شكرا استاذ خالد علي ردك ويارب خير

[wolf]

للاسف المكتب اتصلت عليه قالي جوازج خرج من القنصلية والتشيرة اترفضت بعد عناء ٣ اسابيع في القنصلية والمكتب كان واخد ١٠٠٠ جنية مقدم اهل الخبرة ايه الحل وموضع الكفيل ينزل بنفسة صعب

[wolf]

طبعا مفيش مساعده شكرا

[خالد شحاته]

المكتب واخد الف مقدم ليه معروف المكتب بخد النت فقط والباقي بعد مايخلص

[wolf]

اتنصب عليا طيب مفيش حد يعرف يحلهااا

[wolf]

انا دفعت للكفيل تمن الفيزا عشان يبعتها وكمان انا اول مرة اسافر المكتب استغل ده ودفعني الف جنية مقدم وبعد ما دخلت القنصلية رجع الجواز سالتهم ليه قالي نعتزر له السبب ايه ياااجماعة

قالي اختلاف المؤهل انت نظم معلومات والفيزا مهندس شبكات قولت للمكتب طيب انا جايب جواب استثناء من الكفيل وفي عقد وغير كده شهادة خبرة وكمان شهادة مختومة من الخارجية اني واخد دبلومة في الشبكات

الرد ان القنصلية لا تعترف غير بالمؤهل طيب جواب الاستثناء معمل حاجة قالي المكتب مش بينفع في كل المؤهلات احيانا بينفع واحيانا لاء طيب ال ١٠٠٠ جنية عاوزها وعاوز ورقي قالي خد كل ورقك بس الالف جنية مصاريف المكتب طيب انا مختش حاجة قالي واحنا عملنا اللي علينا طبعا ده الحوار اللي دار وعمال الف علي اي حد يديني امل بدل كل الخسارة دي انا عارف اني غلطان عشان دفت للمكتب الفلوس مقدم بس دي مشكلتي انا طيبة تقولوا ايه بصدق بسرعة المهم ناس نصحتني ان اسحب الورق واروح للمكتب لو مرجعش ل ١٠٠٠ اعمل محضر في اقرب قسم المكتب اسمة الفهد في الهرم قدام شارع المستشفي انا بحذر اي حد يتعامل مع المكتب ده وحسبي الله ونعمة الوكيل

ودلوقتي اما بسال استاذ خالد كل الناس بتشكر في مصدقيتة يا استاذ خالد ولو في اي حل بالفلوس اهون من الحسرة اللي انا فيها ربنا يعلم انا جبت كل الفلوس دي ازاي عشان اشتري التاشيرة دي والله ادينت

انا اسف للاطالة بس ده كل اللي حصل عشان محدش يقع في نفس مشكلتي لو مفيش حل حد يريحني واستعوض الله علي حصل ويمكن ده ابلاء من ربنا

بجد انا اسف للمرة التانية لو ازعجت اي حد