لا للتغيير نعم للعقاب

[ابو حلاوه]

طالبنا بالاصلاح علي مدي عشرين عاما و اصبحت مدام اصلاح زي مدام نزيهة نكته بنضحك بها علي نفسنا و بيضحك بها العالم علينا ....... طالبنا بالتغيير بعد لما ياسنا من الاصلاح و طلع علينا النظام بحل وسط ظريف و لطيف حاجة كده زي اصلاح التغيير او تغيير الاصلاح و برضه نكته فارغة ضحكم علي نفسهم بيها قبل ما يضحكوا علي الشعب ........ الاصلاح و التغيير عدي وقتهم ... النظام يستحق العقاب بدون تسامح ونسيان من اجل الوطن و الكلام الفارغ ده ...... النظام بتاعنا نظام ذو سوابق لا يجوز معه الاصلاح

[yasser6666]

مايقدر علي القدرة الا ربنا ياعزيزي

دول ناس مابتخافش ربنا والأخرة لاتخطر لهم علي بال

النهاردة كنت بتكلم مع مجموعة أصدقاء في العمل وليس فيهم مصري واحد وكلهم من جنسيات مختلفة والظاهر سمعوا ان فيه انتخابات في مصر اليومين دول وبدأ الحديث بأنهم سمعوا ان مبارك نجح تاني بالرغم انه في السلطة منذ 24 سنة وتم التجديد له لمدة جديدة وان سنه الان 77 وكانوا مستغربين جدا ازاي الشعب يوافق علي حاجة بالمنظر المخزي ده

والا يوجد رجل أخر ليحل محله ولماذا لانقوم بثورات اذا كنا متأكدين من فساده وكيف يمكن لرجل واحد ان يحكم بلد لمدة تلاتين سنة متواصلة مهما كانت قوته أو نفوذه أو عطاؤه

بصراحة الأسئلة كانت كتيرة جدا وكنت في منتهي الاحراج وفي النهاية تظاهرت بأنني غير متابع للأحداث في مصر لتفادي مزيد من الأسئلة

وفي عقل بالي بأقول الله يخرب بيتك ياللي في بالي انت والعصابة بتاعتك فضحتنا وضرستنا في الدنيا كلها