لية بتكرة النظام الحاكم

[ابو صلاح]

ساعات بسئل نفسى انت لية بتكرة حسنى هوا عملك اية ، ولية دايما تسعى الى شراء اى جريدة معارضة للحكومة وبتتريق عليها ، لية مابتبلعش مسلسلات الحكومة والتمثليات بتعتها ، ولية مابصدقش اى حاجة بتقولها الحكومة ، لية بتتلذذ بالتشكيك فى حسنى ونذاهة حكمة مع انك مالكش فى السياسة ، اسئلة كتيرة بسئلها لنفسى

وانا بسئل نفسى الاسئلة دى بتيجى حبة ايجابات احيانا تكون منطقية واحيانا تكون ساذجة وعبيطة ، يعنى مثلا الايجابات والتفسيرات اللى ساعات بجاوب بيها على نفسى

- حسنى ما ضرنيش بحاجة بشكل مباشر وبرضو مش حاسس انة فادنى بحاجة ، فابالتالى مافيش فى قلبى اى ولاء لية ، .......

- انا من مواليد 84 يعنى ماشفتش غير حسنى وماعرفش غير حسنى ( طاب هيجرا اية لما يتغير ) على الأقل اشوف حاجة جديدة

- حسنى رجل غامض ....) ماحدش يعرف عنة حاجة ، والطبيعى ان الأنسان بيخاف من المجهول

- ثراء اولادة اللى كل الشعب عارف مدى غناهم وأموالاهم ، والكل عارف برضو ان حسنى من عيلة مش كبيرة ولاغنية ولا عندهم ورث مثلا ، طاب الفلوس جات منين !!!! ؟

- الحالة الأجتماعية العامة للشعب المصرى ما تسرش حد من جهل وأمية وتخلف حضارى واقتصادى واجتماعى ، فأول شئ الواحد بيقولو فين الحكومة ، ومين اكبر واحد فى الحكومة !!! ؟

- حسنى بيهتم بالسياسة الخارجية اكتر مابيهتم بولاد بلدة ، والدليل على كدة بص على اى حدثة أرهابية يكون ضحيتها مصرين وأجانب ، شوف الأجانب هيتعلجو أزاى وهيروحو انهى مستشفيات ، والمصرين هيتعلجو أزاى وفى انهى مستشفيات ، دة اذا ودوهم مستشفيات اصلا

- معاملة الشعب المصرى على انه ساذج ومابيفهمش حاجة وان احنا نلعب بيهم فى أى وقت ، يعنى مثلا الموقف دة حصل مع ابوية اللى عاندة (51 ) سنة وبيشتغل فى شركة بترول فى مدينة نصر وموظف كبير فيها ، وهو رايح الشغل الصبح فى يوم من الأيام وقفهم رئيس مجلس الأدارة وقالهم ماحدش هيخش ، روحو على الأستاد علاشان فى مظاهرة ، والمظاهرة دى كانت فى حاجة حصلت فى فلسطين والعالم كلة عمل مظاهرات عليها ، وعلاشان الحكومة مابيقاش شكلها وحش قدام العالم قررت انها تعمل مظاهرة بالموظفين بتوعها غصبن عنهم واللى مش هيروح طبعا هيتخصم منة فلوس ، والموقف دة طبعا بيفسر أزاى حسنى بيكسب فى الأنتخابات

دة غير حاجات كتير انا مش مدركها ولسا ما أعرفهاش ( وماخفى كان أعظم )

تم تعديل 10 سبتمبر 2005 بواسطة se_ Elsyed

[ماركيز]

عشان هو بيكرهنا ..............عرفت ليه

[ثورة الوادي]

اااااااااااااااااااااااااااااااااه

مش عارف اتكلم بالذات دلوئتي بعد مسخرة الالتهابات

الي انا عايز اعرفه الراجل ده بيحتقرنا للدرجاتي وبيعمل فينا كدة ليه

طب بلاش حكاية اننا حنثور ونولع فالدنيا

طب يحط احتمال 1 في المية اننا حنثور

يعتبرنا لينا ارواح ويعطف علينا

ياكلنا مم حتي

انا لية نظريتني وهي ان في

1- نظم حرة

مؤسسات قادرة علي الانتاج والادارة وتدرك وتحقق ما يجب ان تكون عليه الصلة بينها وبين الشعب بالتالي الشعب بيديرها

2- نظم قمعية

مؤسسات قادرة علي الانتاج والادارة ولا تدرك ولاتحقق ما يجب ان تكون عليه الصلة بينها وبين الشعب وبالتالي بتقمع الناس وما بتعترفش بحقوقهم كبشر

ودولة نئدر نوصفهم بانهم حكومات لانهم قادرات علي الحكم

اما النموذج التالت فهو الي موجود عندنا دلوئتي

3- السيطرة

من الصعب وصف السيطرة بالحكومة لانها مش مؤسسة ولا تحكم ... السيطرة بمنتهي البساطة مابتحكمش دي بتسيطر علي موارد البلد وهي مصابة بمتلازمة العته المغولي

يعني بتبئي كده زي الفانتازيا عمالين يبوزوا كل حاجة من غير منطق

ده بتبئ مجموعة افراد كل هدفهم السيطرة علي موارد البلد واستنزافها من غير لاخطة ولا حاجة

دول زي الزموبي

اتصور زومبي لابس بدلة وبيحكم بلد

اهي دي بئة السيطرة

عشان كده كلنا بنكره حسني

ده مش رئيس دولة ولا نظام قمعي ولا عصابة منظمة بتسرء بخطة

لا ده رئيس سيطرة كل واحد من داخل الحكومة والنظام عمال يسرء ودي بالتالي مش مؤسسة فلاتئدر تعلم ولا تشغل ولا حاجة

لا .... تئدر تسرء بس

ولانها معتوهه لاتري الشعب كبشر

حتي البشر بيبئوا مورد طبيعي

ممكن يبيعونا فالسوء السودة او لو متنا مايحترموناش ويئولوا الحمد لله ان مفيش اجانب ماتوا فاطر الصعيد

ديه هي العلاقة دلوئتي انتة بتكره مبارك لانه مابيعترفش بيك

حتي لما يجي يسرئك لا يعرف يكذب عليك ولا يخدعك بياخدك كده كانك فلافلاية سخنة ....... بجد صدئني

انا ادركت الحئيئة دي لما خبطت دماغي في الحيطة بعد الالتهابات

يعني همه ليه ماحولوش يكذبوا علينا فالانتخابات وطلعوا الراجل اخد 88 في المية

لانهم مش شايفنا

هل احنا عندنا مؤسسات

طبعا لاء يعني كل منصب بالواسطة ومفيش نظام داخل السيطرة

طب حينتجوا ازاي

مايعرفوش

فكل واحد فاضي بئة وعمال يسرء

لانه حرامي

والعصابة دي حكمتنا

وفضلت حكمانا

وباعت الغاز لاسرائيل ا 15 سنة

اتصور انك وئعت فشبكة عنكوب عملاق وبعدين العنكبوت اعد يعضك ويمصك

هي دي السيطرة الي مسيطرة علي مصر دلوئتي