مصراوى .... قد اية !!! ؟

[ابو صلاح]

احيانا الواحد بيشك فى وطنيتة وحبة لبلدة ، وبتبقا مشاعر غصبن عنة ، وبتبقا حسب الظروف والمواقف

بس الأخر الواحد بيقول لنفسة ( اللى مالوش خير فى أهلة مالوش خير فى حد ) ودة ينطبق على حبك للبلد برضو ومقدار وطنيتك

فانا وطنيتى بتزيد وبتقل ومش مستقرة ساعات بتوصل ل 100 % وساعات بتوصل ل 0 % ، بس لو خت متوسط حبى لبلدى ووطنيتى مش هيزيد عن 40 % او 50 %

لازم نحاسب نفسينا على تقصرنا فى حب بلدنا ، ومانبصش هى ادتنا اية ، علاشان لو فكرت بالأسلوب دة مش هتديها حاجة ، بص على بلدك هى ناقص فيها اية وحاول تعوض نقصها ، علاشان ولادك اللى جاين ، علاشان اهلك ، علاشان نفسك ، علاشان نعيش حياة كريمة ، وولادنا اللى جاين مايفتحوش عنيهم على السلبيات اللى احنا شفناها ، غيرها قبل مايجو على قد ماتقدر ، علاشان ربنا ينصرنا ويرضى عنا انشاء اللة

وانا أعاهد نفسى امام اللة وامام نفسى سوف اتخلى عن السلبية على قد ما أقدر وأن احافظ على وطنيتى وايجابيتى

* على فكرة انا ما بحبش الكلام الكبير بس دى مشاعر جوايا كانت لازم تتطلع

[se_ Elsyed]

فرق كبير جداً بين حبنا وإنتماءنا للبلد .. وبين مشاعرنا تجاه النظام الحاكم ..

أنا عن نفسي عُمر حبي لبلدي ما يتأثر ولا يقل .. بل بالعكس بيزيد مع الأيام .. تعرف ليه ؟

لإن الموضوع له علاقة بإحساس الأبوة ... فعلاً

فالواحد ما بيعرفش قيمة والده ووالدته الحقيقية إلا لما يبقى أب .. ولما كان الواحد صغير كان يتذمر ويتضايق من تحكم وأوامر أبويه .. لكن بيعرف حقيقة هذا لما يكبر ويبقى اب ..

كذلك حب الواحد لبلده ... بيزيد أكثر بعد ما يتغرب مثلاً .. وبيزيد أكثر بعد ما يرى زوجته وقد أصبحت أُماً وأصبحت تخاف على أولادها مثلما نقول من الهوا الطاير .. والبلد أم أيضاً ...

أما لو جينا للنظام الحاكم للبلد .. فلا علاقة بين مشاعرنا تجاه بلدنا ومشاعرنا تجاه النظام ...

على سبيل المثال .. أغلبنا يكره النظام الحاكم .. وأغلبنا ساخط على احوال البلد والإهمال والتسيب والفساد المستشري فيها .. لكن هل معنى ذلك إن حبنا لبلدنا تأثر ؟

أبداً والله

تعرف لو الواحد ما بيحبش بلده ..

عمره ما هايتكلم عن أحوالها ولا الإصلاحات اللي نفسه يشوفها فيها ..

لكن نقدنا وكلامنا وأحلامنا كلها علشانها ...

عارف ...

واحد من زملاءنا الأفاضل كتب تعليق ظريف في أحد الموضوعات وقال : إنت تلاقيك بتنام بتحلم بالإنتخابات والمصيبة اللي حصلت ؟

ده فعلاً بيحصل عفوياً.. لسبب بسيط جداً وهو إني عايز بلدي تبقى أحسن بلد في الدنيا ...

وما أسهل إن الواحد يريح نفسه ويقول ياكش تولع .. مانا عايش بره أحلى عيشه .. وحتى أهلي في مصر يكادوا لا يشعرون بالمشاكل الإقتصادية العديدة التي تواجهها مصر وخصوصاً مشاكل الحياة اليومية المُتعلقة بالإسعار وخلافه ..

لكن هل معنى ذلك إن الواحد ما بيفكرش في بلده ومشاكلها ويتمنى حلها .. ويبقى إيجابي عشان المشاكل دي تحل ؟

أعتقد إن اللي ما بيحبش بلده وبيعيش لنفسه فقط بيبقى عامل زي نبات ورد النيل اللي مالوش جذور .. واللي أقل تيار بيجرفه وياخذه حيث لا يدري ..

[ابو صلاح]

يعنى انت مصراوى بنسبة كام فى %

[أسد]

حب الوطن .. والإنتماء ..

قضيتان جدليتان مهمتان جداً ...

فهما إضافة إلى أنهما يجب أن يكونا من الثوابت التي تحكم مشاعر وسوكيات وأفعال وردود أفعال الإنسان ..

إلا أن التشكيك فيهما .. والجدل حولهما جعل بحثهما أمراً معقد ..

وقضية البحث عن هويتنا وإنتمائنا أصبحت بعد أن كانت قضية من المسلمات .. فأصبحت قضية جدلية ..

فهناك من يربط الأمر بالدين والعقيدة ..

وهناك من يربطه بالعروبة والقومية ..

وهناك من يربطه بالجنس والعرق ..

وهناك من يربطه بالحاكم ..

وهناك من يربطه باإنسان ...

كل حسب رؤيته ..

وفي إعتقادي .. أن مسألة الإنتماء وحب الوطن .. قد تم المساس بهما وجرحهما جروح غائرة خلال الربع قرن الأخير ...

ومن جراء العبث بهاتين القيمتين العظيمتين .. وغياب القدوة .. والهدف الواحد ..

أصبح كل من ا يسأل نفسه ..

هل أنا أحب مصر ..؟؟؟

هل أشعر بالإنتماء لها حقاً ؟؟؟؟

هل وجود هذا الحاكم أو تلك الحكومة يحجب إنتمائي وحبي لبلدي .؟؟؟؟

وبذلك أصبحت قضية جدلية ..

يختلف جوابك فيها من الصباح للمساء ..

ويختلف اليوم عن أمس ..

وهكذا ...

وأنت ياصديقي ..

معذور فيما تقول ..

فهذه هي حقيقة الأمر الآن ..

[ابو صلاح]

انا شايف ان من الحاجات اللى مش بتخلى الواحد وطنى ، ان مافيش هدف يوحد الشعب مع بعض ، فمصر بلا هدف

فيجب على أولياء امور الدولة ان ينشئو هدف وحلم يجمع افراد هذا الشعب

يعنى ايام عبد الناصر : كان فى حلم السد العالى

ايام السادات : الحرب والفوز على اسرائيل

فى ايام حسنى : بجد اعت ادور اية الهدف ( عن نفسى مالقتش حاجة ) يمكن فى هدف ما بس انا ماعرفوش وياريت اللى عارفة يقولهولى علاشان اشاركم فية !!!! ؟

[se_ Elsyed]

 

فى ايام حسنى : بجد اعت ادور اية الهدف ( عن نفسى مالقتش حاجة ) يمكن فى هدف ما بس انا ماعرفوش وياريت اللى عارفة يقولهولى علاشان اشاركم فية !!!! ؟

<{POST_SNAPBACK}>

الهدف إن الواحد يبقى عنده موبيل خط مش كارت .. ويقتني أحدث موديلات الموبايل أبو كاميره .. :D ويا سلام بقى لو دش من اللي بيجيب قنوات الأغاني ...

[ابو صلاح]

الهدف إن الواحد يبقى عنده موبيل خط مش كارت .. ويقتني أحدث موديلات الموبايل أبو كاميره ..  ويا سلام بقى لو دش من اللي بيجيب قنوات الأغاني

طاب مش تقولو كدة من الصبح .... خلاص انا نازل اجبيى حتة 6600 ومش هنساكو برنة وماحدش يفتح عليا والنبى علاشان انا لسا كارت :D

[مصرية الهوى]

أول شيء شكراً يا أستاذ محمود على طرحك لهذا الموضوع ..

صحيح ان انا مش مصرية :) .. بس مش مشكلة نتكلم عن الوطنية بشكل عام

سبحان الله حب الوطن يولد مع الإنسان ..

صحيح الوطن بمفهومه الواسع هو دولتك .. لكن الوطن الحقيقي لك هو بلدتك .. يعني البلد اللي اتولدت فيها وعشت فيها ..

يعني أحياناً تضطرك الظروف للإقامة في مدينة أخرى غير مدينتك لكنها موجودة في دولتك ... تحس فيها بالغربة والحنين الجارف لبلدتك :sad: ... مسقط رأسك ومكان أهلك ...

ومهما كان الواحد متضايق في بلده ولم يستطيع أن يحقق أهدافه فيه ... فإنه احيانا يشعر بالنقمة على وطنه ويحس أنه لا يكن له أي مشاعر حب .. لكن مجرد ما يغادر البلد يحس بالحنين والشوق إلى بلده ...

أنا مثلاً لم أسافر أبداً خارج السعودية .. يعني بمعنى آخر لم أذق طعم الغربة بالمفهوم الواسع للوطن...

لكني وأثناء سفري داخل السعودية كثيراً ما أشعر بالغربة والحنين إلى بلدتي ..وإلى منزلي .. وإذا تخيلت نفسي في هذه الأثناء أني خارج السعودية لا أستطيع أن أمنع دموعي من النزول :blink: ... وأشعر أني تغربت فعلاً ...

وأنا أحسست بمشاعر الغربة منقولة لي من مشاعر أقاربي الذين عاشوا برا السعودية لفترة ..

بس بيني وبينكم أتمنى أجرب طعم الغربة ... يعني مثلاً أجي اشتغل بالسفارة السعودية بالقاهرة :D ..

مع اني مفتكرش ان العيشة في مصر هتبقى غربة :D .. يعني لازم امريكا والا استراليا عشان تبقى غربة بحق وحقيق :blink:

[ابو صلاح]

شكرا على مداخلتيك يا مصرية الهوى ، واهلا بيكى فى مصر .... دى مصر تنور

سؤال : اية سر حبك لمصر واشمعنى مصر بالذات

[ابو صلاح]

سؤال لكل أعضاء المنتدى ........ كلنا بنمر بحالات من الفتور الوطنى وأيضا بنمر بالحماس الوطنى

- اية اللى بيخليك تحس بالوطنية وانك تكون عايز تعمل حاجة لبلدك

- واية اللى بيخليك تشعر بالفتور الوطنى وانك تكون عايز تهاجر فى اقرب فرصة

[مصرية الهوى]

ميرسي يا أستاذ

دي مصر منورة بوجودك يا بيه

أما سؤالك ايه سر حبي لمصر واشمعنى مصر بالذات ...

هذا السؤال سمعته مئات المرات :ph34r:

أنا هأقولك ..

أول حاجه الحب ده من ربنا .. يعني لا رأي للأنسان فيه :)

وحاجه تانية أنا لما كنت في أولى ثانوي تعرفت على شلة بنات مصريين - ومن هنا بدات علاقتي بالمصريين - وبقوا أصحابي لحد ماتخرجنا من الثانوية ... ولسا علاقتي معاهم وبأكلمهم ... وقابلت مصريين كتير هنا في السعودية كلهم عسل والله ..

وكمان حاجه تانية .. الرسول صلى الله عليه وسلم بيقول : ( استوصوا بأهل مصر خيرا فإن لنا فيها نسبا وذمة ) ... يعني عايزين ايه أكتر من أن الرسول صلى الله عليه وسلم بيوصينا خير بالمصريين ..

أتمنى أني أكون جاوبت على سؤالك ..

:D

[سقراط المصري]

وجاء دورك يا سقراط لتبدي رأيك

يابونا خنقتنا................ اتكلم وخلصنا............حاضر حاضر بلاش زق

انا مصري بطريقه وحشه ، يعني ملامحي مصريه بطريقه واضحه وقد تكون مستفزه احياناً.......عدا العينان.

اللي يخليني اطفش من مصر بجد حاجتين:

1- الروتين

2- عدم تقدير العلم والعلماء

واللي هيخليني ارجع لمصر برضه حاجتين:

1- امي ابي زوجتي اولادي

2- لو حصل ووقعت في الشارع مغمي على من الارهاق او التعب هلاقي الف واحد ابن حلال حولي ، مش ناس تبص على ، وتعدي على وهي ماشيه ولا اكنها معديه على كلب.

تحياتي

سقراط