لله يا محسنين لله

[الحوت]

السلام عليكم ورحمة الله وبركاته

اخوانى الكرام

الحلم الكبير لدولة مصر الرائدة الكبيرة

هو بناء مستشفى السرطان للاطفال

ولهذا اقدمت مصر على فتح باب التبرعات لبناء هذة المستشفى الضخمة ولكن للاسف الميزانية لا تسمح

المـــــــــــــــــــــــــــزانيه لا تسمح

فيا فاعلين الخير ساعدو الحكومة لبناء هذا المكان الخيرى لان ميزانيتها ضعيفة

الا على الحفلات والمؤتمرات والقصور والمنتجعات السياحية ........الخ

ولكن مستشفى السرطان

لا ان الميزانية ضعيفة

فيا شعب مصر ساهمو ولو بجنية واحد لتساعد الاطفال

رأى الدين

في اعتبار التبرع لصالح بناء المستشفى كجزء من زكاة المال … وكصدقة جارية.

رأى فضيلة المفتى د / فريد واصل :

"إن الإنسان عندما يعطى في عمل الخير يجب أن يفكر في افضل الطرق التي يستطيع بها أن يجعل هباته باسم الله تعود بالصالح للمنفعة العامة ."

وقد سألت سيدة فاضلة سيادة المفتى سؤالا جاء فيه :

هل يجوز أن تدفع زكاة المال لصالح بناء مستشفى علاج سرطان الأطفال الجديد ؟

أجاب فضيلته :

نعم يجوز ذلك حيث إن هذا المستشفى سيعود بالخير على الجميع ويعتبر صدقة جارية طالما انه لم يكن في مقدور الدولة إقامته وان هناك ضرورة ملحة لذلك .

يا ناس دة كلام معقول مصر لا تستطيع ان تبنى مستشفى لمساعدة الاطفال

وتظل سنوات تجمع التبرعات من داخل مصر ومن خارجها

والله حرام

[se_ Elsyed]

خد بقى المفاجأة يا عزيزي وهو إن بعد سلسلة من الفشل ومسيرة معبئة بالإخفاقات للسيد الدكتور وزير التعليم السابق حسين كامل بهاء الدين الذين تم فلسعته في التعديل الوزاري الذي حدث من حوالي عام .. تم تعيين المذكور أعلاه مسئولاً عن هذا المشروع ..

بس خلاص ...

[wagdi]

أنا موضوع مستشفى السرطان حاسس إن فيه كمين...

بيالله عليكم بصوا لتصميم المبنى... يعني إيه لازمته كل الفزلكة والتعقيد ده...يعني مش لاقيين فلوس وبنجمع من بعضينا..طب ما يبقى تصميم بسيط وسهل ومايكلفش...والفلوس بدل ما تروح في الكلام ده تروح على الأجهزة...

وبعدين ليه ماتبقاش برة البلد شوية...في أي حي من الأحياء الجديدة مثلاً...الأرض أرخص والهواء أنقى...وممكن يبقى مبنى أكبر ويستوعب مرضى أكتر...وبدل مانصرف الفلوس- اللي إحنا أصلاً مس لاقينها- في مبنى أشيك من أشيك فندق في مصر و اللي مش حايفرق مع المريض الغلبان في شئ نصرفها في التجهيزات والمعدات...

ولا هيا منظرة شحاتين...ولا سبوبة علشان شركات بعينها تسترزق....

[الحوت]

se elsyed

ردك على الموضوع بسيط جدا

ولكنه يحمل معنى كبير جدا جدا

وهو فعلا مفاجاة

[الحوت]

وجدى

الموضوع مفهوش كمين ولا حاجة

بس دة مش زى ما انت قولت فشخرة من غير لزوم

دة ليه لزوم انهم يسحبو تبرعات كتير جدا علشان المبنى يا عينى هيتكلف والحكومة حرام معهاش فلوس بس لازم يعملو مبنى جميل للاطفالعلشان الاطفال الغلابة يتبسطو من منظر المكان

والله اعلم المبنى دة هيكون لمين لما يخلص

هيكون فعلا للغلابة ومجانا

ولا هيصعبو الامور كالعادة

ربنا يستر

[الأفوكاتو]

كالعادة :wub: :) :D

[ابو حلاوه]

حد فاكر مستشفي القصر العيني الجديد اللي عبد الخالق المحجوب الللللله يرررررررحمه لهف فيه شئ و شويات و اتكلف حوالي عشرة مليار جنيه بفلوس اليومين دول . مستشفي جامعة الازهر الجديد بدا العمل فيه من 15 سنه و لم يتم الانتهاء منه حتي الان ... مستشفيات تعليميه كبيرة في القاهرة المجاري ضاربه فيها ولا تصلح لزريبه مواشي لا لاجراء عمليات جراحية . بالرغم من انها بتخدم احياء بها ملايين و بيتدرب بها مئات الاطباء ........... بدل ما الناس دي تلم تبرعات علشان تبني مستشفي خمس نجوم علشان تفتتحه ماما سوزان في عيد الطفوله اللي جاي اصلاح مجاري المستشفيات القائمة حاليا و تجهيزها افيد و ارخص الف مرة

[se_ Elsyed]

مستشفيات تعليميه كبيرة في القاهرة المجاري ضاربه فيها ولا تصلح لزريبه مواشي لا لاجراء عمليات جراحية .  بالرغم من انها بتخدم احياء بها ملايين و بيتدرب بها مئات الاطباء ...........

<{POST_SNAPBACK}>

في دي بقى عندك حق تماماً .

وده شوفته بعيني وماحدش قالي ..

والله العظيم الناس في مصر بيصعبوا عليه .. دي المستشفيات اللي زي دي .. الواحد لو داخلها وعنده مرض واحد ممكن يطلع منها وهو مقطورة أمراض ..