تمخض الجبل فولد زندا

[herohero]

للاسف انا فاهمة وشايفة كل اللي حضرتك بتقوله

دولة العواجيز والمنتفعين متشبثة بفكرها و كراسيها و ماضيها

وعاملة ارهاب لأي شاب ينتقد أي وضع في الدولة

الاتهامات بالخيانة و العمالة على طول تنزل ترف فوق راسه لو فتح فمه

مليون اتهام جاهز... يلبس أي واحد لو اتنفس

دا غير الاستهانة بعقليتهم و امكانياتهم و طاقتهم

الاولاد اللي بيفجروا المنشئات العامة للأسف معظمهم من سن 14 الى 18 سنة

لان لا فيه تربية و لاتعليم .. المخدرات كأنها بنبوني

الشيشة كأنها بيبيرونة ... المقاهي في كل مكان

ماحدش فكر لحد دلوقتي يلم الشباب دي و يكلمهم

حد يصدق لحد دلوقتي ماحدش فكر في تصحيح منظومة التعليم ؟!!

قاعدين بيبنوا 60 ألف وحدة سكنية ؟!!

لمين ؟ و بكام ؟ هو احنا عندنا أزمة سكن ؟!!

الشقق مش لاقية اللي يشتريها علشان غالية

ما بدل ما تبنوا دول ... سكنوا أسر العشوائيات اللي بتفرخ لنا الشباب البايظ

علموا الشباب دي مهنة و لو بالعافية ...

شغلوهم و فرغوا طاقتهم في اي حاجة تنفعهم و تفيد المجتمع

مش فاهمة تنفيذ دا صعب ليه مع انه مش مكلف زي باقي المشاريع الكبيرة ؟!!

فين المحافظين بيعملو ايه ؟!!

نفس الروتين قبل الثورة زي بعدها

عارفين ليه ؟

لانها نفس الوشوش و نفس دولة العواجيز

اللي لا عندها افكار ولا ابتكار ولا نشاط تعمل حاجة

الكلام ده هيتذاع لو موافقه قولي ذيع

ربنا يكرمك ويوفقك ويجازيك كل خير ع ذكر كلمة الحق في هذه المرحلة العجيبة

[herohero]

ايه دا هو الواحد باين عليه أوي كدا انه مغترب ؟!!

مع اني اما برجع مصر باشعر بغربة أكتر ... الناس اختلفت جدااا

عارفة ان محلب كان مقاول فلل مبارك

ما حضرتك عارف الناس دي خبرة مش ممكن تلاقي زيها ولا في تعليمها و فكرها

من بين ال 90 مليون مصري

لا كلام حضرتك بيبين انك مغتربة ، وواقعيه مع نفسك فيه كثير مغتربين مش واقعيين فبحييك ع حبك للبلد بواقعية بعيدا عن الشعارات الرنانة لان كثير من المغتربين بيحب البلد جداااااااااااااااا وبيعشقها جداااااااااااا

وبيتهرب من الجمارك وبيدور ع فرق سعر الصرف بتاع العملة ف السوق السوداء واخر اليوم وع المنتديات يتغنى بحب البلد

وبيتهم من يوجه النقد واللوم انه كاره للبلد وف نظره ان من يطبل ويزمر والحياه بمبي يبقى هو عاشق للبلد

[herohero]

http://youtu.be/ztm0_m7Bqt0

الزند: أنا شغلتي أوفر مصايف ورحلات حج وعمرة للقضاة!! تم تعديل 21 مايو 2015 بواسطة herohero

[herohero]

ورينا يابطل همتك بقى ونفذ ، اهو بقيت وزير العدل
http://youtu.be/JPLi1LYtWxU

الزند- من -عرفات- يطالب بتطبيق الحدود فى قانون العقوبات

[Grandma]

الكلام ده هيتذاع لو موافقه قولي ذيع

ربنا يكرمك ويوفقك ويجازيك كل خير ع ذكر كلمة الحق في هذه المرحلة العجيبة

ههههههههههههه ذيع ولا يهمك

دي مصر بتاعتنا كلنا

أغلب المصريين جدعان اوي و بيقولوا اللي عاوزينه

[Grandma]

لا كلام حضرتك بيبين انك مغتربة ، وواقعيه مع نفسك فيه كثير مغتربين مش واقعيين فبحييك ع حبك للبلد بواقعية بعيدا عن الشعارات الرنانة لان كثير من المغتربين بيحب البلد جداااااااااااااااا وبيعشقها جداااااااااااا

وبيتهرب من الجمارك وبيدور ع فرق سعر الصرف بتاع العملة ف السوق السوداء واخر اليوم وع المنتديات يتغنى بحب البلد

وبيتهم من يوجه النقد واللوم انه كاره للبلد وف نظره ان من يطبل ويزمر والحياه بمبي يبقى هو عاشق للبلد

ما هو اللي متغرب مش بيحب حد ينطق كلمة كدا ولا كدا على مصر

و الشوق لمصر بيخليه قلبه مخلوع عليها و شايف كل حاجة حلوة وبمبي

انا علشان بانزل مصر كتير اوي ... وشايفة انه لا سبيل للاصلاح الا بالنقد

فلازم أطلع الكلمتين اللي عندي و الا أطق

[Grandma]

ورينا يابطل همتك بقى ونفذ ، اهو بقيت وزير العدل

http://youtu.be/JPLi1LYtWxU

الزند- من -عرفات- يطالب بتطبيق الحدود فى قانون العقوبات

مش مصدقة وداني يا ناس

الزند بقى اخواااااان

[Grandma]

وجه الكاتب الصحفي جمال الجمل رسالة شديدة اللهجة للرئيس عبد الفتاح السيسي بعد تعيين المستشار احمد الزند وزيراً للعدل

وانتقد "الجمل" الطريقة التي يقوم بها "السيسي" في إدارة الدولة واختياراته في المسؤولين المساعدين له في المصري اليوم بعنوان " أيها الرئيس .. الزند فراق بيني وبينك " .

وإلى نص المقال:

الزند وزيرا وزكريا عبدالعزيز متهما!!.. هكذا يمضي حال العدل والقضاء في بلد الثورتين.

إذن، فلتسقط الحكمة، ويعلن الصابرون يأسهم من انتظار ما لن يجيء، فالعدل من العنوان يبان، ومن الوزير نعرف السلطان، والحكم مهما تخفى بوعود المستقبل فهو يتشكل دائما على شاكلة الأعوان..

أعرف أن للسلطة مقتضياتها وتوازناتها، وأعرف أن هناك ضرورات تضغط على صاحب القرار، وأعرف أن القديم مازال أقوى، وأن الجديد جنين ضعيف لا يقوى وحده على الصمود والانطلاق دون قابلة للولادة وبيئة صالحة للنمو، لذلك لا أطلب الاكتمال، ولا أنتظر تحقيق الأهداف قبل تحديد الوسائل وامتلاك الأدوات، ولا أحاسب أحدا على موقفه من السباق ونحن لانزال في أول الطريق.

أنا فقط أطلب الصدق، الجدية، أحاسب على ما يظهر من النية، وأنتظر ثمار ما نزرعه بأيدينا، فنحن لن نجني من الشوك العنب.. والزند شوك يا سيادة الرئيس,,,

الظلم شوك

الفساد شوك

العنف شوك

الجهل شوك

الإهمال شوك

الغطرسة شوك

ذئاب الإعلام شوك

نعاج الإعلام شوك

بلادة البيروقراطية شوك

تفكك النسيج الاجتماعي شوك

ضعف الأحزاب شوك

تجاهل مشاعر الشعب شوك

إهانة مبادئ الثورة شوك...

لقد وعدنا السيسي بالعنب، فصبرنا وتحملنا، حتى يستأصل شوك النظام القديم ويزرع مكانه فواكه الثورة، فإذا بالشوك ينتشر ويتوغل ويستمر، والسيسي يستهين بتعهداته، فيقبل باستقالة الناطق باسم جمعية المنتفعين بالتوريث في مجال القضاء، ويعين مكانه عراب التوريث.

لا أعترض على الزند بشخصه، فالشخص لا يعنيني ولا ألتفت إليه، ما يعنيني هو تدني المستوى، ما يعنيني أن تفسح دولة السيسي مكانا لأمثال محمد فودة، ومرتضى منصور، وأحمد موسى، وسما المصري، وريهام سعيد،.... ما يعنيني أن يقبل السيسي حوله أمثال الزند، في وقت نريد فيه أن نشعر بالتغيير نحو الأفضل، والاقتراب ولو ببطء من دولة الثورة.

أيها الرئيس.. انعم بزندك، هذا فراق بيني وبينك .

[التونسى]

استاذتي الفاضلة ف نظر الكثيرين من مات في 25 يناير هم صيع وشباب تلفان

واحب ابشر حضرتك والاخوة الافاضل الشباب وهم اغلى شئ ف مصر مش طايقين العيشة فيها وابشرك بان الانتماء والولاء زاد جدا الفترة اللي فاتت

ومصر بالمنظر ده هتبقى بدل ماكانت دولة شابة هتبقى دولة مافوق ال50 سنة والنتيجه هتبان قريب قوي كمان لا بقى فيه امل ولا طموح عند الشباب

انا بتكلم ع فئة الشباب اللي بيتعب مش الشباب اللي دخل الشرطة ولا النيابة بالرشوة

انا بتكلم ع الشباب الفاشل ( أطباء -مهندسين ) اللي الدولة بتحاربهم عاوزين شباب مغيب يقتدي بالمسخ أحمد موسى وتوفيق عكاشة في مصدر اعلامهم وثقافتهم ومثلهم الاعلى ف تطبيق القانون فريد الديب ومعاه حاليا المستشار الزند

وقدوتهم ف الفن افلام السبكي ولما يسمعوا للطرب يسمعوا اغنية سيب ايدك ولا شيل ايدك

هي ده مصر المطلوبة والايام هتثبت وللاسف مصرين ومصممين ع دفن الشباب

ناس كتير من عقلاء وحكماء هذا البلد متلجمين ومش قادرين ينتقدوا الاوضاع ((اللهم الا قله قليله منهم..وبكثير من الاستحياء وعلى مضض)) يعنى ممكن ببساطه يكون لسان حالهم بيقول ((إن جالك الاخوان حط وطنك تحت رجليك))

تم تعديل 21 مايو 2015 بواسطة التونسى

[التونسى]

تم تعديل 21 مايو 2015 بواسطة التونسى

[Grandma]

ناس كتير من عقلاء وحكماء هذا البلد متلجمين ومش قادرين ينتقدوا الاوضاع ((اللهم الا قله قليله منهم..وبكثير من الاستحياء وعلى مضض)) يعنى ممكن ببساطه يكون لسان حالهم بيقول ((إن جالك الاخوان حط وطنك تحت رجليك))

واذا شوفت البلاد اللي حواليك

اتكتم وما تنطقش خالص

[tarek hassan]

هي فيها صعوبة أما الشعب يقول :

انا مش عاوز حد في الحكم بعد الثورة من رجال مبارك و يتنفذله طلبه ؟!!

بصرف النظر عن علاقة الزند بالاخوان و انه زور أو لم يزور ؟!!

الصعوبة تكمن في إن حضرتك بتقولي إن الشعب بيقول

وغيرك يقول الشعب عايز أو مش عايز

صحيح حضرتك مش عايزه الزند

وأنا بطالب من زمان إنه يكون وزير عدل

وشايف إنه هيبقى ناجح

والشعب دا مش أنا لوحدي

ولا الشعب حضرتك لوحدك

إيه رأيك بقى إننا مالناش رأي

طالما اخترنا حاكم يبقى رأيه هو رأي الشعب

مش هنختاره يحكم ونختار له

الزند لسه مقعدش على الكرسي والناس أو الإخوان تحديدا نازلين هري

وشغلونا بالزند ومحدش مشغول بما تفعله الإخوان وداعش

حيث ينسحب مثلا جيش العراق من المدن ويتركها بنسائها لهؤلاء الفجرة

فيه قضايا أهم من تعيين الزند بيشغلونا عنها الإخوان

الهم اللي إحنا فيه من الإرهاب والتخريب والفساد والتخلف

ياريت يكونوا همنا الأول والأخير

ياريت ميكونش فيه مشكلة إن أنا قلت رأيي بصراحة

تحياتي

[tarek hassan]

https://www.youtube.com/watch?v=n5hZ_xKBs6w

أول يوم عمل للزند

http://www.youm7.com/story/2015/5/21/%D8%A8%D8%A7%D9%84%D8%B5%D9%88%D8%B1-%D9%81%D9%89-%D8%A3%D9%88%D9%84-%D9%8A%D9%88%D9%85-%D8%B9%D9%85%D9%84-%D8%A8%D9%80%D8%A7%D9%84%D8%B9%D8%AF%D9%84-%D8%A7%D9%84%D8%B2%D9%86%D8%AF-%D9%8A%D8%B3%D8%AA%D9%82%D8%A8%D9%84-%D8%A7%D9%84%D8%B9%D9%82%D9%8A%D8%AF-%D8%B3%D8%A7%D8%B7%D8%B9-%D8%A7%D9%84%D9%86%D8%B9%D9%85/2191475#.VV35_rmqqkp

[eslam elmasre]

الناس اللي زعلانةمن تعيين الزند وزيرا للعدل دول ناس مالهمش حق انهم يزعلو لان الزند يمثل هذه المرحلة التي تمر بها البلاد فهو رجل الساعة ورجل الفترة مثله مثل عكاشة وموسى في الاعلام ومثل مصطفى الفقي والسيد البدوي في السياسة ومثل مصطفى بكري في الصحافة ومثل علي جمعة في الفقه ومثل مرتضى منصور في الرياضة

الزند ليس غريبا عن تلك المرحلة بل هو الرجل المناسب في المكان المناسب في الوقت المناسب فلما الزعل

[Grandma]

الصعوبة تكمن في إن حضرتك بتقولي إن الشعب بيقول

وغيرك يقول الشعب عايز أو مش عايز

صحيح حضرتك مش عايزه الزند

وأنا بطالب من زمان إنه يكون وزير عدل

وشايف إنه هيبقى ناجح

والشعب دا مش أنا لوحدي

ولا الشعب حضرتك لوحدك

إيه رأيك بقى إننا مالناش رأي

طالما اخترنا حاكم يبقى رأيه هو رأي الشعب

مش هنختاره يحكم ونختار له

الزند لسه مقعدش على الكرسي والناس أو الإخوان تحديدا نازلين هري

وشغلونا بالزند ومحدش مشغول بما تفعله الإخوان وداعش

حيث ينسحب مثلا جيش العراق من المدن ويتركها بنسائها لهؤلاء الفجرة

فيه قضايا أهم من تعيين الزند بيشغلونا عنها الإخوان

الهم اللي إحنا فيه من الإرهاب والتخريب والفساد والتخلف

ياريت يكونوا همنا الأول والأخير

ياريت ميكونش فيه مشكلة إن أنا قلت رأيي بصراحة

تحياتي

إزاي حضرتك مالكش راي و أنا ماليش رأي ؟!!

ما احنا قلنا رأينا آهو

لكن احنا مالناش سُلطة

واجبنا اننا ننبه السلطة اللي في ايدها الأمر و نقول رأينا

صحيح حضرتك عاوز الزند وزيرا للعدل

بس أقدر اؤكدلك ان 90% من المصريين مش عاوزينه

النسبة مش داخل فيها اللي مالهمش رأي

يعني كل 9 مصريين رافضينه واحد فقط اللي موافق عليه

على أي حال اللي حصل حصل بس اتمنى ان السيسي لا يقع

في نفس أخطاء مبارك

وأهلا و سهلا برأي حضرتك في أي وقت

[Grandma]

الناس اللي زعلانةمن تعيين الزند وزيرا للعدل دول ناس مالهمش حق انهم يزعلو لان الزند يمثل هذه المرحلة التي تمر بها البلاد فهو رجل الساعة ورجل الفترة مثله مثل عكاشة وموسى في الاعلام ومثل مصطفى الفقي والسيد البدوي في السياسة ومثل مصطفى بكري في الصحافة ومثل علي جمعة في الفقه ومثل مرتضى منصور في الرياضة

الزند ليس غريبا عن تلك المرحلة بل هو الرجل المناسب في المكان المناسب في الوقت المناسب فلما الزعل

قرأت لناس كتير قالوا نفس كلام حضرتك وكان دا بيؤلمني جداا

خصوصا أما كان بيصدر عن الاخوان ...له وقع تاني خالص

[أبو محمد]

مش مصدقة وداني يا ناس

الزند بقى اخواااااان

ده مراسل كريستيان ساينس مونيتور نقلا عن التليجراف

:)

أنا كده بدأت اقتنع إن اختياره صح

[Grandma]

ده مراسل كريستيان ساينس مونيتور نقلا عن التليجراف

:)

أنا كده بدأت اقتنع إن اختياره صح

باعتبار ان لا يفل الحديد الا الحديد يعني !! :hang:

[أبو محمد]

باعتبار ان لا يفل الحديد الا الحديد يعني !! :hang:

أصل امبارح كان نفس الكلام تقريبا على الـ CNN

:)

وانا لما "الجماعة" دول بيهاجموا حد .. قلبى بينشرح له

أنا مستنى اشوف النيويورك تايمز والجارديان والواشنطن بوست

[أبو محمد]

متردد أنا كثيرا فى سؤال أصحابى اللى باحبهم : "هى شغلانة وزير العدل إيه" ؟

علشان مش باحب اشوف اصحابى - اللى باحبهم - وهم مكسوفين من نفسهم

مش لأنهم مش حيعرفوا لا سمح الله .. فالبركة فى العم جوجل ممكن يسألوه

إنما الكسفة حتكون لما يكتشفوا إنهم نازلين هرى على الفاضى

معظم أصحابى - اللى باحبهم - مستعجبين

إزاى يتعين واحد له موقف من جماعة معينة لازالت خاضعة للمحاكمة وزيرا للعدل ؟

كيف يُعين وزير منحاز ضد جماعة ما زالت محاكماتها جارية ولم تصدر فيها أحكام نهائية باتة ؟

بالإضافة طبعا لشوية التحابيش والفلح والململ

وكأن وزير العدل هو رئيس كل قضاة مصر .. يقول لهم يمين يبقى يمين .. شمال يبقى شمال

مع إن وزير العدل ليس له أى سلطة على القضاة ولا دخل له بالمحاكمات

اللى انا مستعجب له أكتر .. إنهم نسيوا إن ما كانش فيه أى هرى لما كان "أحمد مكى" هو وزير العدل

وما كانش فيه أى هرى لما "احمد مكى" اعتدى على أحد العاملين "البسطاء" فى وزارته

وصفعه على وجهه علنا وعلى عينك يا تاجر

محرج أنا أن أرى أصحابى - اللى باحبهم - مكسوفين من نفسهم