أغلى هدية !!

[مصرية الهوى]

إحساس جميل ذلك الذي تحس به عندما تهدي هدية إلى احد

وإحساس أجمل عندما يهدي إليك احد

الهدايا ..

رسالة حب .. وعربون ود .. ووسيلة لتقريب القلوب .. كما قال صلى الله عليه وسلم (تهادوا تحابوا) ...

ومناسبات الهدايا كثيرة.. هدايا الفرح والنجاح والأعياد والمواليد ... الخ

لكن أحلاها هدية من غير مناسبة

لأنها لن تكون متوقعة أبداً

لنفتح معاً موضوع الهدايا وأغلى الهدايا التي أهديت لك ...

عندما كنت طفلة في العاشرة من عمري ذهب والدي إلى العمرة ... وعندما عاد كان أول سؤال سألته إياه : وش جبت لي هدية ؟ :D

فألبسني عقد من الذهب .. فرحت به كثيراً .. :D

لا زلت أرتدي هذا العقد من وقت لآخر وأشعر وأنا أرتديه بشعور جميل جداً .. أشعر بأنني أقرب إلى والدي من أي وقت مضى :wub: ..

قبل أيام سافر والدي و تأخر في العودة عن وقته فقلقنا عليه وكان جواله مقفل كلما اتصلنا به .. لا شعورياً ذهبت سريعاً لأرتدي هذا العقد حتى أحس بقرب والدي مني ..

لكنه الحمد لله رجع بالسلامة ..

لسه باقي هدايا تانية أكلمكم عنها في وقت تاني

شاركوني الحديث :)

[se_ Elsyed]

لكن أحلاها هدية من غير مناسبة

لأنها لن تكون متوقعة أبداً

المشكلة بقى في النوع ده بالذات من الهدايا إن الناس ساعات بتفهم الواحد غلط .. وتعتقد إن وراء هذه الهدية هدف أو مصلحة يريد صاحبها أن يقضيها من المُهدى له ..

ورأيي الشخصي إن الهديه بتكون في معناها وليس في قيمتها ...

لكن للأسف .. عشان النساء بقوا هما اللي متحكمين في موضوع الهدايا ده .. فتلاقي العملية إتحولت لمنافسة حميمة في القيمة المادية للهدايا المُقدمة .. واللي ساعات بتقطم الضهر ..

فتلاقي مثلاً في أقرباء أو معارف عندهم مناسبة .. وناس كثير جداً ممكن اللي المفروض عليهم إنهم يهادوا تلاقيهم بيمرور بضائقة مالية أو بظروف معينة .. ومن زن الستات على الودان تلاقيهم لا يُراعوا ذلك ويُصروا على إن ما يصحش تروح للناس إلا بهدية قيمة ومرتفعة التكلفة ...

بالمناسبة في أحد خطب الجمعة في الرياض كان الشيخ بيتكلم عن الموضوع ده .. وخصوصاً هدايا الزواج الحديث وقال جملة ظريفة قوي " فبيقول إن عشان إتنين مقبلين على الزواج وعلى أيام المفروض إنها بتكون سعادة .. تلاقي أُسر كاملة بتعيش في تعاسة بعد أيام الزواج دي ... لإن لازم ولابد ياخدوا للعروسين هدايا قيمة .. ولازم وهما رايحين الفرح يظهروا بمظهر جديد في جديد ز. ملابس .. مجوهرات .. إكسسوارات .... إلخ "

فياريت الناس تفهم إن الهدية لو كانت عبارة عن وردة جميلة مُقدمه من قلب يحب الشخص المُهدى له بدون أي مصلحة أو هدف .. بتكون أفضل مليون مرة من كنز يُقدم ووراءه هدف ...

وما تنسوش الهدايا بقى عشان عيد ميلادي فاضل عليه شهرين .. يعني من دلوقت اللي يلحق يعمل جمعية يعمل .. واللي يقدم على قرض من البنك يقدم .. وما تكتروش ... يعني ما خف وزنه وغلي ثمنه :wub:

[مصرية الهوى]

يا أهلاً يا أهلاً بالباشا .. :D

منور الموضوع ..

بس هدايا من غير مناسبة .. أنت ما راح تهديها إلا لأنسان عزيز عليك جداً .. يعني لا يمكن يفهمك غلط ..

وفعلاً صدقت الهدية في المعنى وليس القيمة ..

أما بالنسبة لعيد ميلاد حضرتك .. فعايز ايه بالضبط ؟

يعني ساعة رولكس مثلاً :wub:

على فكرة .. انا اتفاجأت بعمر حضرتك .. كنت فاكره انك 45 مثلاً :)

[se_ Elsyed]

يعني ساعة رولكس مثلاً

لأ يا أختي .. أنا عايز 100 سهم في شركة الإتصالات :D :blink:

- على فكرة يا جماعة .. متغيرات كثيرة دخلت على المجتمع السعودي والخليجي بشكل عام .. نتيجة لجنون المضاربة في البورصة .. وأصبحت الهدايا عبارة عن أسهم في البورصة ... حاجة ظريفة جداً ... وأصبحت الآن أرى شباب في المرحلة الثانوية ولديهم شغف ومتابعة غير عادية لهذا الموضوع .

متشكر يا جي جي على ذوقك

يالله بقى كملي الموضوع زي ما وعدتينا

[مصرية الهوى]

عندما تخرجت من الثانوية طلبت زميلة لوالدتي في العمل كل كتبي وكراساتي وأنا في ثاني وثالث ثانوي

حتى تستفيد منها ابنتها ..

فأعطيتها كل الكتب والكراسات والملازم التي كنت أعملها لتسهيل المذاكرة ..

وكانت والدتي كل يوم تحمل لي سلام وشكر من ابنة زميلتها ..

وبعد ما خلصت ثالث ثانوي وردت لي كتبي أرسلت معها هدية مجموعة أشياء من بينها قرآن صغير يحوي معاني كلمات القرآن ..

الآن كلما قرأت في هذا القرآن تذكرت ابنة زميلة أمي ودعوت لها ...

مع أني لم أرها ولا أعرف شكلها حتى الآن :blink:

رد على سعادة سي السيد :

طيب ايه رأيك لو الأسهم في بنك البلاد ؟؟!! :blink:

ياسيدي مش أولاد الثانوي وبس ده حتى البنات كل كلامهم في الأسهم .. والمجالس الحريمي كمان بقت كل الحكايات عن الأسهم ..

حاجه تقرف بجد :D