للة يا محسنين......هدف يوحد شعب مصر

[ابو صلاح]

احنا محتاجين هدف يوحد شعب مصر ويخلى للمصرين أمل فى الحياة يبعدهم عن الأكتئاب والقعاد على القهاوى والفرجة على التلفزيون والفرجة على مسلسلات وتمثليات الأنتخابات اللى ماحدش بالعها

هدف يوحد المسلم مع المسيحى

هدف يوحد الشباب مع الشيوخ

هدف يخلينا نتغاضى عن سلبيات بعض

هدف يخلينا اقواياء

هدف يخلينا عندنا كرامة قدام الشعوب التانية

هدف يخلى الأعداء يعملونا ألف حساب قبل مايفكرو ان هما يؤذونا او يجو علينا

هدف ينهض بفكرنا

هدف يعيشنى انا وانت حياة كريمة

مصر متفوقة متفوقة فى المرض ، متفوقة فى عدد المكتأبين ، متفوقة فى عدد السكان ، متقوقة فى الجهلة والأمين ، متفوقة فى عدد المدخنين ، متفوقة فى عدد العاطلين ، عندها وفرة فى السلبية

مصر فى حالة نكسة يا جماعة ، نكسة سياسية ، نكسة اقتصادية ، نكسة فكرية ، نكسة ثقافية

لو عايزين هدف يجمعنا كلنا ما فيش غير هدف واحد هو ( النهوض بمصر )

وعلاشان الكلام مايبقاش عايم ، مش هنروح نمسك مصر ونقلها قومى يا حاجة وانهضى كدة :D

النهوض بمصر يبدا من الفرد ثم يتحول الى الأسرة ثم يتحول الى المحيطين بيك من اصحاب وأقارب ثم يتحول الى سياسة ونظام وعرف

ابدا بنفسك

- حدد السلبيات بتاعتك وعالجها فيك اولا قبل ان تنصح بيها غيرك

- اقنع بيها اهلك وخليك قدوة ليهم

- حاول مع اللى حوليك انهم يقتنعو بالأيجابيات بتاعتك واغرس جواهم فكرة ( النهوض بمصر ) حتى لو اتريقو عليك اكيد مسيرهم فى يوم هيقتنعو

مصر انا وانت عايشين فيها ومن حقنا ان احنا نعيش حياة كريمة الحياة اللى احنا نستحقها ، ويستحقها ولادنا اللى جاين أو حتى احفادنا ومش هنعيش حياة كريمة الا لما تتغرز جوانا فكرة ( النهوض بمصر ) والنهوض بمصر بيدا بالنهوض بالنفس

ومازالت مصر تبحث عن هدف وتبحث عن من يحققة

[الأفوكاتو]

لو اخذنا عبرة من النمل , لكان لنا شأن.

فالنمل لا يعرف بعضع البعض, و لم تتقابل النملة مع النملة فى ميدان التحرير, أو المدرسة, أو المنتدى, أو النادى.

و لكن كل نملة تعرف أنها نملة, و أنها تنتمى لدولة النملو و أن هناك نملة ملكة, عليهم جميعا العمل على التضحية بأنفسهم, لكى تعيش, و تبيض, و تستمر حياةة النمل.

هذا هو ما نفتقد, الإنتماء,

فلو فكر كل منا أن ما يقوم به سيساعد غيره على مواجهة الحياة.

لو فكر كل منا أن الإنسان للإنسان,

لو فكر كل منا أن الشخص لا يمكن أن يعيش بمعزل عن المجموع,

لو فكر كل شخص فى أن فى الإتحاد قوة,

لو فكر كل شخص أن مصيره مرتبط بمصير غيره.

و لو ,, و لو ,,, و لو .

هنا فقط, سنحاول أن نتصرف كفريق, مثلما يفعل النمل, و نتوقف عن الأفعال الفردية الأنانية, التى تسبب ضرر للمجموع, بما فيهم نحن.

خذوا العبرة من النمل يا ذوى الألباب.

[سقراط المصري]

الهدف:

بناء وتحديث شبكة الموصلات المصريه.

مفردات الهدف:

1- رصف كل وجميع طرق وشوارع وحارات مصر.

2- بناء خط سكه حديد جديد يمتد من اقصى شمال مصر وحتى اقصى حدود مصر الجنوبيه، بحيث تكون متانه القضبان شامله التحديثات الجديده في انواع القطارات فائقه السرعه.

3- بناء اكبر شبكة سكه حديد في سيناء ووادي او مشروع توشكى.

4- إجلاء الوافدين بغرض العمل في القاهرة، لمحافظاتهم ولنفس الكادر الوظيفي، بحيث يقل الضغط عن العاصمه.

5- بناء افضل سبل وطرق المواصلات بالمدن الجديه وربطها بمحافظات مصر.

6- تحديث هيئة النقل العام باتوبيسات جديده، بشرط ان تكون مخالفة اي شخص عقوبتها فوريه تبدأ بغرامه الف جنيه فوري- وده مستحيل-او العمل لمده اسبوع كامل في خدمة المجتمع، والعقوبه تسرى على الجميع.

6- مصادرة فوريه لكل السيارات - واكرر مصادره فوريه- والتي يسوقها اطفال اقل من 18 سنه وبدون رخصة.

7- توزيع مهام وواجبات الدوله على المحافظات، بمعني، دمياط عاصمة لصناعة الاساس، مثلا شبين الكوم للمؤتمرات، او الاسكندريه للتسوق ... وهكذا، والابتعاد تماما عن القاهرة واعتبار القاهره عاصمة مصر القديمه او العاصمة التراثيه.

شبكة المواصلات اهم هدف قومي في الفتره الحاليه، هيشغل عماله كتيره، وهيحسن عمليه التجاره والتحرك للافراد، ولو المواصلات اتصلحت الناس معنويتها هترتفع جداً.

وللتوثيق، هذه الفكره كانت سبب نجاح هتلر، وبزوغ نجمه ونجم الالمان.

تحياتي

سقراط